Post: #1
Title: ألف ألف مبروك لمواطني أمدرمان
Author: محمد فرح
Date: 05-06-2007, 09:53 AM
Parent: #0
بدء تنفيذ شبكة الصرف الصحي بأمدرمان القديمه
|
Post: #2
Title: Re: ألف ألف مبروك لمواطني أمدرمان
Author: محمد فرح
Date: 05-06-2007, 10:04 AM
Parent: #1
|
Post: #3
Title: Re: ألف ألف مبروك لمواطني أمدرمان
Author: محمد فرح
Date: 05-06-2007, 10:18 AM
Parent: #2
يعتبر الصرف الصحي أهم مقومات الإصحاح البيئي والصحه العامه فتشييد شبكات الصرف الصحي وفق المواصفات العالميه يعني ضمان سلامة محطات المياه من التلوث كما أن سلامة الشبكه يساهم في الحد من الأمراض المستوطنه مثل الملاريا .
مدينة أمدرمان لم تعرف شبكات الصرف الصحي إليها سبيلاً رغم أن عمر المدينه يتجاوز المائة عام ورغم أن المواطنين ظلوا ينشدون الدخول في شبكه عامه لأن ذلك يوفر لهم الكثير من الموارد التي يقتطعونها لتشييد السيفونات ودورات المياه وساهم في تعميق الأزمه طبيعة أراضي أمدرمان الصلبه ، وأمس الأول بدأت المحليه في إستلام مواسير المشروع بحضور معتمد المحليه والمدير العام للصرف الصحي بالخرطوم ومندوبي الشركات المموله والمنفذه للمشروع .. ___________________ الصحافه 6 مايو 2007
|
Post: #4
Title: Re: ألف ألف مبروك لمواطني أمدرمان
Author: محمد فرح
Date: 05-06-2007, 10:38 AM
Parent: #3
المهندس حسن كسكوس مدير الصرف الصحي بالولايه تحدث للـ(صحافه) قائلاً إن المرحله الأولى للصرف الصحي بأمدرمان تستهدف المدينه القديمه التي يحدها جسر الإنقاذ من الجنوب حتى نهاية ودنوباوي شمالاً وتمتد من النيل شرقاً حتى شارع الواجهه الذي يفصل المهندسين عن مدينة أمبده .
ومضى كسكوس للقول أنه قد تم توفير إجمالي التمويل بقيمه إجماليه بلغت (48) مليون دولار وفرتها جهات التمويل وهي بنك الإستيراد والتصدير الماليزي ووزارة التخطيط العمراني وشركة (بي جي بومي) الماليزيه ، وسيبدأ التنفيذ بنهاية الشهر الجاري على أن يكتمل في يوليو 2009 وستكون البدايه بمنطقة أبوعنجه والمهندسين والمورده وبانت والعباسيه والعرضه . ــــــــــــــــــــ نفس المصدر السابق
|
Post: #5
Title: Re: ألف ألف مبروك لمواطني أمدرمان
Author: محمد فرح
Date: 05-06-2007, 11:15 AM
وعن بقية أحياء المدينه كشف مدير الصرف الصحي بولاية الخرطوم أن الإجراءات جاريه لإختيار شركه لدراسة وتصميم الصرف الصحي بالثورات ومدينة النيل في المرحله الثانيه وتعقبها مدينة أمبده ثم أبوسعد والفتيحاب وعن الخرطوم وبحري قال كسكوس بالنسبه لبحري وضاحية كافوري فقد تم تصميم الشبكات ويجري حالياً التفاوض مع الشركات المموله ويتوقع تكملة الإجراءات قريباً ، أما الخرطوم الكبرى فقد تم تقسيمها لأربعة محاور منها يحد شمالاً بشارع المعرض ويمتد جنوباً حتى المعموره وغرباً يحد بشارع عبيد ختم ووصل العمل لمرحلة التفاوض للتمويل أما منطقة الخرطوم جنوب الممتده من شارع 61 وتشمل الإمتداد والنزهه والصحافات وجبره وأركويت ومربع 35 المنطقه الصناعيه فيجري التفاوض بشأن التمويل . ــــــــــــــــــــ الصحافه 6 مايو 2007
|
Post: #8
Title: Re: ألف ألف مبروك لمواطني أمدرمان
Author: محمد فرح
Date: 05-06-2007, 11:40 AM
Parent: #5
أما المنطقه الثالثه وهي وسط الخرطوم تستهدف إبدال الشبكات القديمه ويتطلب الوجود الكثيف بالمنطقه العمل بتقنيه خاصه تتمثل في تمديد المواسير تحت الأرض دون الحفر المكشوف وقد تم الإتصال بعدة شركات للعمل بالمنطقه أما منطقة جنوب الخرطوم التي تضم الكلاكلات والقوز والرميله والحله الجديده فقد إكتملت إجراءات التصميم ومما ساعد في تنفيذ إستراتيجية ولاية الخرطوم الخاصه بتشييد شبكات الصرف الصحي أن الصناعه الوطنيه في مجال مواسير الصرف الصحي قد غدت قادره على تلبية كافة المتطلبات . ـــــــــــــــــــ الصحافه 6 مايو 2007
|
Post: #17
Title: Re: ألف ألف مبروك لمواطني أمدرمان
Author: JOK BIONG
Date: 05-09-2007, 06:20 PM
Parent: #2
الاخ محمد فرح الكيزان يحتفلون حتى بمجاري بتاع بخانات وحمامات!! مبروك لكم بمجاري بخانات وستجري فيها خراكم انشاء الله قريبا وكمان جهزوا قسريات لانفسكم.
|
Post: #6
Title: Re: ألف ألف مبروك لمواطني أمدرمان
Author: ismeil abbas
Date: 05-06-2007, 11:35 AM
Parent: #1
ألأخ/محمد فرح
يا رجل يا مفرح
لك ودى والف مبروك للسودان الذى بدأ ينظر للبنية التحتية
غسماعيل محمد أحمد عباس................أم درمان
|
Post: #7
Title: Re: ألف ألف مبروك لمواطني أمدرمان
Author: SAMIR IBRAHIM
Date: 05-06-2007, 11:38 AM
Parent: #6
الشكر الجزيل لهذه الاخبار المفرحة ... واللهم وفق كل من يعمل لمصلحة البلد وناس البلد ... وكل يوم اخبار جميلة ومفرحة من بلادنا ...
|
Post: #9
Title: Re: ألف ألف مبروك لمواطني أمدرمان
Author: فدوى الشريف
Date: 05-06-2007, 12:35 PM
Parent: #1
لاخ محمد فرح حقيقي دا خبر مبشر جدا وطالما بدأ الاهمتما بالبنية التحتيه يبقي نحنا نحلم بمستقبل مبشر وواعد باذن الله وخصوصا موسم الامطار بيكون في معاناه ماعاديه في الشوارع الداخليه نعم للتنميه الفعليه الحقيقة
|
Post: #10
Title: Re: ألف ألف مبروك لمواطني أمدرمان
Author: حاتم هاشم
Date: 05-06-2007, 01:13 PM
Parent: #9
العزيز ود فرح سلامات... دائما يا المبروك يتجيب الاخبار السمحه معا لاجل سودان متقدم ولا ثم لا للخلافات والحروب والدمار. تحياتي... حاتم هاشم.
|
Post: #11
Title: Re: ألف ألف مبروك لمواطني أمدرمان
Author: محمد فرح
Date: 05-08-2007, 07:55 AM
Parent: #10
Quote: ألأخ/محمد فرح
يا رجل يا مفرح
لك ودى والف مبروك للسودان الذى بدأ ينظر للبنية التحتية
غسماعيل محمد أحمد عباس................أم درمان |
الحبيب إسماعيل عباس أحييك في بعدي فعلاً الخطوه تستحق كل الإشاده والتقدير وخطوه في الإتجاه الصحيح لتحسين البنى التحتيه ....
مؤونة عام من الود
|
Post: #12
Title: Re: ألف ألف مبروك لمواطني أمدرمان
Author: محمد فرح
Date: 05-08-2007, 08:15 AM
Parent: #11
Quote: الشكر الجزيل لهذه الاخبار المفرحة ... واللهم وفق كل من يعمل لمصلحة البلد وناس البلد ... وكل يوم اخبار جميلة ومفرحة من بلادنا ... |
الحبيب سمير إنشاءالله ماتتوقف الأخبار المفرحه نهائياً ... وأسأل الله أن يعين من يبنون هذا الوطن ويدحر كيد من يهدمون ويزرعون الفتن أو من يسرقون من قوت هذا الشعب الطيب الكريم ...
مؤونة عامين من الود
|
Post: #13
Title: Re: ألف ألف مبروك لمواطني أمدرمان
Author: محمد فرح
Date: 05-08-2007, 08:47 AM
Parent: #12
Quote: حقيقي دا خبر مبشر جدا وطالما بدأ الاهمتما بالبنية التحتيه يبقي نحنا نحلم بمستقبل مبشر وواعد باذن الله وخصوصا موسم الامطار بيكون في معاناه ماعاديه في الشوارع الداخليه |
الأنيقه فدوى الشريف المره دي حأقفل نخريني لأنو في ناس شاكلوني المره الفاتت بخصوص إستنشاق عطر المرأه ![](http://www.sudaneseonline.com/db/smilies/smile.gif) ![](http://www.sudaneseonline.com/db/smilies/smile.gif) فالبعض يخلطون المجاز بالحقيقه ...
الصرف الصحي هو الأساس لأي مدينه سليمه وصحيه وبإذن الله في خلال سنوات معدوده سيكتمل هذا المشروع وسنعم جميع مواطني الخرطوم بالصرف الصحي ....
مؤونة عام من الود
|
Post: #14
Title: Re: ألف ألف مبروك لمواطني أمدرمان
Author: محمد فرح
Date: 05-08-2007, 09:40 AM
Parent: #13
Quote: العزيز ود فرح سلامات... دائما يا المبروك يتجيب الاخبار السمحه معا لاجل سودان متقدم ولا ثم لا للخلافات والحروب والدمار. |
الراجل السمح حاتم هاشم ربنا يقدم سودانا ده كمان وكمان ويوفق الجميع للبناء والتعمير ... ومعا لأجل سودان متقدم
مؤونة عام من الود
|
Post: #15
Title: Re: ألف ألف مبروك لمواطني أمدرمان
Author: Mamoun Ahmed
Date: 05-08-2007, 05:32 PM
Parent: #1
العزيز م فرح انحنابدينا نحفر بير السايفون في الثوره لغلية 19 متر وباقي لينا 14 متر عشان نخلص سلت روحنا اها حنوقف ونشتتغل بي السابتك تانك شقط بس ولا رايكم ايه؟
|
Post: #16
Title: Re: ألف ألف مبروك لمواطني أمدرمان
Author: willeim andrea
Date: 05-09-2007, 04:21 PM
Parent: #1
دار الرياضه امدرمان سور حجر من زمن المهديه.... اها.... والعوم عوم بحر يمكن من قبل المهديه كمان ... السؤال ياربي برضو ممكن نحلم بكم حوض سباحه للبراعم والبرعمات ونلحق ناس الخرتوم ايام الزمن السمح ... واهوممكن نعتبره تكملت ونظام تسليك للمجاري الجايه.... وسؤال اهم..... ياربي المشروع حيكون متكامل وما يترك اثار جانبيه مضره بالبئيه وطفتح ويزيد الطين بله.وبرضو نعمل نظام تنقيه لمياه المجاري ونقوم بعملية التدوير المطلومه زينا وزي الناس والا مجاري ترمي في البحر والا الخور ....ياربي ياتو خور...... سؤال مهم ...... قال مجاري قال... قبل سنتين تقريبا... زول دق الباب .. وقال بياخد في بيانات علشان مشروع المجاري ورسم كروكي لموضع السابتك تانك الخ.... اها وطوالي اخوكم قام قلب الموضوع .. وقال ياربي ممكن الواحد يدخل من الناس ديل في مصلحه او حاجه. انشاء الله حفار مجاري ... فعلا اخونابتاع البيانات لما كترت عليهو الاسئله اشار لزول واقف بعيد... اها الزول ده طلع ما سوداني .. يمكن ماليزي... اها شيل خت شيل خت ما طلعته بي حاجه قال شنو الحفريات لي مقاول من الباطن .... اها جاري بتاع الشمارات جه ناطي ... وقال حرم ما بتتعمل مجاري في الحي ليه...... لانها.............. ولانها....... انا ما فهمته حاجه ودخلته وقفلته الباب وراي ... والظاهر الموضوع بقه جد جد كدي النمشي نكابس من المقاول بتاع الباطن ده يمكن يشتري من كوريك والا ازمه ......... يحليل جدي اللحق الطيبين
|
Post: #18
Title: Re: ألف ألف مبروك لمواطني أمدرمان
Author: محمد فرح
Date: 05-10-2007, 08:43 AM
Parent: #16
مامون أحمد سلامات طبعاً بعد قطعتو المسافه دي كلها أنصحك إنك تتمو وأهو يبقى ذكرى من الزمن الـ(جميل) والأحفاد بعدين يشوفو البير وتحكي ليهم قصة البير والصرف الصحي .... أحياء أمدرمان القديمه سيكتمل إنشاء الصرف الصحي بها بعد عدة سنوات وبعدها سينتقل العمل للثورات حتى ذلكم الحين مشوها بالبير والسابتنتانك...
مؤونة عام من الود
|
Post: #19
Title: Re: ألف ألف مبروك لمواطني أمدرمان
Author: محمد فرح
Date: 05-10-2007, 09:53 AM
Parent: #18
أخ أندريا الموضوع فوائده عظيمه وكبيره جداً ومعروف أن الصرف الصحي يعتبر بنيه أساسيه مهمه جداً للمدن العصريه ولتوفير البيئه الصحيه للحياه ..
|
Post: #20
Title: Re: ألف ألف مبروك لمواطني أمدرمان
Author: willeim andrea
Date: 05-10-2007, 11:22 AM
Parent: #1
up
|
|