أطوار الرجل المتزوج

يقولون أن الرجل المتزوج يمر خلال مرحلة زواجه بأربعة مراحل
المرحلة الأولي: (أسداً على وفي الحروب نعامة)
[/url][/IMG]

المرحلة الثانية:
[/url][/IMG]

المرحلة الثالثة:
[/url][/IMG]

المرحلة الرابعةوالأخيرة:
[/url][/IMG]

أخي المتزوج خلي عندك شجاعة أدبية وورينا بصراحة إنت في ياتو مرحلة الآن وأوعك تعمل لينا فيها إنك في المرحلة الأولى مدي الدهر
ونصيحة لكل من عامل شفت وعاوز يعرس أقول نهايتك حا تكون فروه للصلاة في بعض الأمصار وللزينة في بعضها الآخر خاصة وأن الرأس يمكن تصبيره ، وأنا يا دوب عرفت ليه بخلو الضبيحه كلها ويقولو الجلد والرأس.

سلامات يا ملا ..
قبلاً ارجو ان تكشف أنت عن مرحلتك لان حديثك يدل على انك في أحدى المراحل الآن .. ولشاعرنا الكبير الراحل الاستاذ الهادي آدم قصيدة تدور حول هذه المراحل ولكنها واقعية سأبحث عنها وتتلخص في أن الزوج - حسبما اذكر - يمر بمراحل اربع .. احداها يكون حماراً يحمل احتياجات البيت يومياًدون كلل أو ملل - أظنها المرحلة الثانية - وقبل الاخيرة يصير كلباً ( ياولد ماشي وين - يابت ماقلت ليك جيبي الموية- انت يا ولية الاكل ده مالو مافيهو ملح و هو هو هو ) ..

أخي Nesta
شكراً على مرورك الكريم
أنا وبصراحة في المرحلة التانية يعني لمن أكون أنا وأم أحمد برانا ممكن أهرش وأحاكي صورة الأسد المحشور في زاوية الحلبة لكين ولله الحمد بيني وبين أم العيال ميثاق وعهد غليظ أنها ما تهرشي لا قدام عيالها لا قدام ضيوف ولا قدام المرايا حتى. وأنه مصرح لها فقط بهرشتي لمن نكون مان تو مان برضو

نسأل الله السلامة ..

Quote: نسأل الله السلامة ..

أخي إبراهيم بقال
أحصيت قهقهاتك في المداخلة أعلاه ووجدتها قد وصلت للرقم ثلاثة عشر ، ووجدت أن ذات العدد له الكثير من الأسرار والقدسية ، فقد يتشأم منه البعض كما في الغرب بالقدر الذي وصل معه هذا التشاؤم أن كتب على بناية كان من المفترض أن تحمل الرقم ثلاثة عشر ِ(12A ) غير أن ذات الرقم هو رقم الحظ لدى الموسيقار الألماني ريتشارد فاغنر ، فيتألف اسمه من 13 حرفا ، واسم والدته من 13 حرفا ، وقد ولد في العام 1913 ، وترك المدرسة وهو في الثالثة عشر من العمر ، وأحبّ 13 امرأة ، وألف 13 أوبرا ، وتوفي في الثالث عشر من شباط 1883
برضو لاعب الشطرنج الشهير غاري كاسباروف ولد في الثالث عشر من نيسان ، وأصبح بطل العالم للرقم 13 بعدما حصل على 13 نقطة .
هناك وصفة سحرية للفكي ذائع الصيت الذي رفض الإفصاح عن شخصيته أو إسمه بالرغم من شهرته وهو مقيم بأمبده السبيل وقد وصف ذات مرة في لقاء مع محطة فوكس نيوز الأمريكية طريقة عمله وقال للمذيع شوف لو عاوز تفرتق الراجل من مرتو أو المرا من راجلها لازم تجيب ليك تلتاشر قطعة قماش – طلب تعجيزي بإعتبار أن الملابس في البيت لا تتعدي هذا الرقم إلا إذا أدخلنا الملايات والستائر والبشاكير في الموضوع – أها بعد داك تكتب على كل واحدة من القماشات دي أجهزط كلمنت
بعدين تجيب ليك بخور عففففن يكون فيهو قرن وصوف غنماية جربانه وريش حمام ثم تبخر البيت بي البخور ده وهو بخور الشر ، وبعد داك تقرأ : توكلوا يا خدام بفراق فلان وفلان حييييي، وتأخذ تلاتاشر حصاصه وتختها قريب من عتبه بيتهم بس أعمل حسابك ما يكون عندهم كلب أو عند جيرانهم وخليك تفتيحه ما يشوفك زول أها أول ما ترمي الحصاص ده الشكله في البيت بتقوم والناس بتفرتقو والمرا بتتطلق وبالتلاته كمان.

أخي إبراهيم بقال
نسيت أقول ليك : Please don't try this at home

ناذر محمد الخليفة
الله بدي الجنة وأكثر ، بس شايف إبراهيم ضحك من القصة دي لغاية ما فرفر أو قل بحت والبحت كما تعلم عادة يكون في التراب وهو يشبه فرفرة المذبوح مع إختلاف السبب فالأول يفرفر من الألم والتاني يفرفر من الضحك ويمكن المسألة تصل مرحلة شرط الجلد كما في سلخ الخروف وهو ما يطلق عليه الضحك شرطك

يا ناذر ..
انت اقعد نطط بره .. عارف دي ياتو مرحلة ؟؟ ( غايتو في صور الملا مافي ) ..
بقال ..
ما عارفك ات في اي مرحلة الان ؟؟

غايتو ماعارف
لكن بصراحة اللبوة دي في الصورة الرابعة دي كضابة عديل
لأني سمعت بي أضاني دي انو الأسد ماقاعد يصطاد
والله بتمشي الغبيانة دي وبتجيبو ليهو مشوي !!!
سأعود للتعقيب ان شاء الله

الملاعمر
سلام يا عزيزي

دي مرحلة خارج التغطية
و هي تخص المغتربين الذين يأتون كمرافقين فقط لزوجاتهم أو أخواتهم أو بناتهم بالخليج ( مُحْرِم )

أبو حراز يا منقا
التحية للمرأة العاملة ، والراجل والله وبخاصة في غابات إفريقيا بينوم أكثر من ستة عشر ساعة في يوم واللبوة الغبيانة هي التي تحرث وتزرع وتطبخ ونفخ وتلد العيال وتسهر علي تربيتهم وبرضو صاحبنا عامل فيها ملك الغابة.
في إنتظار عودتك وتعقيبك من واقع حياتك مع ست النفر إنت وصت مرحلة الفروة ولا لسه