السودان قصة اخرها لسه !!!

بكتب كلامي ده وانا لست بالضليعة في السياسة ومصطلحات السياسة وكلام الساسة الدراشة
لا افقه فيها الا بالقدر الذي اتاحته لي كوني مواطنة سودانية والذي يعني بالضرورة من ضمن اشياء عدة انه اكون بعرف يعني انقلاب .ز يعني شنو بيان رقم واحد .. يعني شنو ديكتاتورية .. ديمقراطية .. بيروقراطية .. وغيرها من مسميات لم ابحث عنها في صفحات الكتب ولا من خلال اي انتماء حزبي ...
انما اشياء تعلمتها كما تعلمها غيري من بنو شعب السوداني الفضل زي شراب الموية .. والملاريا ..اشياء مفروض علينا تعلمها ومعرفتها وحفظها .. يعني باختصار مقرر وطني !!!

بتابع الحاصل في البلد بحكم اني قعدة ومستقرة في خرطوم العزة .. ومن خلال مواقع النت .. ومن خلال عناوين الاخبار البتخلع ...

عرفت حاجات جديدة .. جلابة .. عنصرية .. اهل الشمال ... قصص كتيرة وكلام اكتر ..ممل ومستهلك
يمكن ما بعرف حنكة النقاش في السياسة .. والتحليل الذي يجيده الكثيرين .. ولا اجيد الجدل السياسي ..
لكن بكتب بحكم اني مواطنة بسيطة ..عايشة هنا في البلد دي .. وبتابع تفاصيلها اليومية بمنظور مواطنة سودانية عايشة كل شيء حلو ومر في هذه البلد كغيري من اهل الداخل .. بكتاحتها .. وبسخانتها .. وبجمال نيلها وغيري الالاف كتيرين بيكون عندهم نفس الاحساس والفهم
وحقيقي وصلت لقناعة .. انه ما فيش فايدة كما قال سعد زغلول على ما اعتقد ..
ده يا هو الحال ؟؟؟ الصراع الاصبح بين جهات السودان الاربعة ...وتعدى المشكلة بين الشعب والساسة ...

يبقا السودان ده قصة اخرها لسه !!!! او بالاصح لن تنتهي

maia
تحياتي..

كلامك حقيقي..وملخصو (إحباط ) ووصف لحالة وطن مريض ..

لكن برضو يمكن النظر بمنظار تفاؤل ..كوننا كنا وين.. وهسع نحنا وين؟
وقاصد هنا إنو كل البيحصل لابد إنو كان يحصل..نتيجة غياب الوعي ..أو تغييبه بالأصح ..
ولسع في أجزاء كتيرة ما حصلت ..حتحصل..ولابد إنها تحصل!

وفي توقعاتي هي الأسوأ ..لكن الأنجع لعلاج المرض ..
الحالة أشبه يا maia بمريض الكانسر..في مرحلة من مراحل المرض..
حيث لا يبقي أمل في شفاءه إلا بالعلاج بالكيماويات
والتي هي شديدة القسوة علي المريض, بل ربما أقسي من المرض نفسه!
ويصعب تقبلها بسهولة لكن ليس هناك من حل سواها.!

يا maia لا أدعي معرفة بكيفية تطور المجتمعات من النواحي الفكرية والسياسية
فأنا مثلي مثلك ..لكن من خلال معرفتي البسيطة بقول إنو نحنا إتقدمنا كتير
جدا في هذه النواحي -وهي الأهم- مقارنة بالأمس القريب..

والليلة (المواطن البسيط ) بيعرف حاجات كتيرة -غير قفة الملاح -
وما له وما عليه من حقوق كمواطن وواجبات تجاه الدولة والمجتمع الذي يعيش فيه..
والسبب طبعا هو المعاناة ..التهميش ..الظلم والموت الذي إستمر عقودا طويلة..
وتشكيل وعي جديد يقودنا حتما إلي دولة حديثة عصرية يحلم بها كل سوداني

حيث أن الوعي لا يتشكل بين يوم وليلة ..خصوصا حينما يكون المقياس أمة ووطن كوطننا السودان..

و كلمة الوعي هنا فضفاضة وتتحمل أي شكل من اشكاله..إبتداء بفهم نظري وعملي لحقوق الإنسان
ومرورا بكل أشكاله الأخري..


والأمثلة كثيرة ..

Quote: يبقا السودان ده قصة اخرها لسه !!!! او بالاصح لن تنتهي

ولا نريدها أن تنتهي ..لأن نهايتها تعني اليأس .!

لكن كل جيل عليه المساهمة بكل قواه بما يستطيع تقديمه ..
حتي تنعم الأجيال القادمة بـ (سودان جديد) وحتما أخطاء هذه الفترة بالذات ..
لن تتكرر ثانية ولو علي أجسادنا !!!


تحياتي

سلامات يا مايا..

نهاية القصة قرَّبت شديد..

Re: ما هي احتمالات انقلاب عسكري في السودان علي الطريقة الموريتانية ؟؟ ..

أرجو قراءة مداخلتي هناك..

ياسر

اهلييييييييييييييييين بمايا بعد غيبة طويلة

Quote: عرفت حاجات جديدة .. جلابة .. عنصرية .. اهل الشمال ... قصص كتيرة وكلام اكتر ..ممل ومستهلك

صدقينى الكلام ده فى سودانيز أون لاين بس

ولك ودى