Post: #1
Title: شـفاء امـى ___ رشـيده
Author: يوسف سعد
Date: 05-03-2007, 07:52 PM
Parent: #0
تمت بحمد الله ورعايتة اجراء عملية استئصال غدة للام العزيزه جدا جدا*** رشيدة ***
والحمد لله تمت العملية بنجاح فى مشفى حمد بالدوحة (قطر)
الحمد لله اولا واخرا والله لايحرمنا منها يارب
|
Post: #2
Title: Re: شـفاء امـى ___ رشـيده
Author: Muna Khugali
Date: 05-03-2007, 08:03 PM
Parent: #1
الحمدلله علي سلامتها...
وربنا يسعدكم بيها دايما..
|
Post: #9
Title: Re: شـفاء امـى ___ رشـيده
Author: يوسف سعد
Date: 05-06-2007, 11:16 AM
Parent: #2
العزيزه جدا Muna Khugali
كم نحن نسعد بوجودك معنا
هنا ونحن نحتفى بسيدتنا الغالية الام رشيدة
التى لا اتخيل كيف يصبح هذا الكون
من دون وجودها حفظها الله من كل سوء
|
Post: #3
Title: Re: شـفاء امـى ___ رشـيده
Author: سارة حمزة
Date: 05-03-2007, 08:54 PM
Parent: #1
حمد الله علي سلامتها
ربي يخليها ليكم
|
Post: #10
Title: Re: شـفاء امـى ___ رشـيده
Author: يوسف سعد
Date: 05-06-2007, 11:43 AM
Parent: #3
سارة حمزة صاحبة الطيب
شكرا لتذوقكى حلوة فرحتنا
دومى سالمة
|
Post: #4
Title: Re: شـفاء امـى ___ رشـيده
Author: هشام مدنى
Date: 05-03-2007, 08:58 PM
Parent: #1
الف حمدلله على سلامتها
وربنا يكرمها الصحة والعافية
|
Post: #11
Title: Re: شـفاء امـى ___ رشـيده
Author: يوسف سعد
Date: 05-06-2007, 11:46 AM
Parent: #4
شكرا لمشاعرك الصادقة
وتمنياتك الانيقة
لها بالشفاء
شكرا هشام مدنى
|
Post: #5
Title: Re: شـفاء امـى ___ رشـيده
Author: أبو ساندرا
Date: 05-03-2007, 10:20 PM
Parent: #1
القلق الذي أعتراني ثم إنتقل إلى يوسف سعد
والجندرية أماني عبدالجليل و أمها وزوجها الحبيب عثمان تراث
وللمناضلة أم ولاء المناضلة
ولأخرين كثر
هو الذي صاغ هذا البوست ، حيث أبى يوسف سعد إلا أن يعبر عن فرحته هنا
ويشرككم فيها ، رغم محاولاتي أثناؤه عن الفكرة
فأخيرآ تخلصت رشيدة من رفقة سنين عددا بعمر ساندرا عندما أصيبت
مثلها مثل ملايين السودانيين بالغدة الدرقية الخاملة ، ولا أعرف سبب
إنتشار المرض بنوعيه النشطة والخاملة في البلد.
الشاهد أن رشيدة تخلصت من الغدة اليوم بعد أن رافقتها نيف وعشرون عامآ
وعز عليها قبل عشر {10} سنوات أن تفض الشراكة بينها وبين الغدة وحافظت الوفية
على عشرة السنين
وكنت مقدر لها ذلك الوفاء ، وبه أطمئن قلبي
اليوم أنا أضرب أخماس في أسداس خشية ان تعم الحالة وتطولنا
الآن أنا متعب
48 ساعة من التعب والقلق
يادوب رجعت من المستشفى
تركت معها ماهيتاب وخالتها زينب محمد عباس
وتركت رشيدة تهدرب وبتقول في كلام كتر
وأنا خايف
برتاح وبرجع ليكم
|
Post: #6
Title: Re: شـفاء امـى ___ رشـيده
Author: القلب النابض
Date: 05-03-2007, 10:22 PM
Parent: #5
الحمد لله
حمدا لله على السلامة
ابو ساندرا ..
وشكرا يوسف سعد
|
Post: #7
Title: Re: شـفاء امـى ___ رشـيده
Author: احمد معتصم الطيب
Date: 05-03-2007, 10:40 PM
Parent: #6
العزيز ابو ساندرا
الف حمد لله على سلامة العملية اجر وعافية
مع خالص الامنيات بالشفاء الكامل
وموفور الصحة والعافية
|
Post: #13
Title: Re: شـفاء امـى ___ رشـيده
Author: يوسف سعد
Date: 05-06-2007, 11:50 AM
Parent: #6
شكرا ايها القلب النابض
فمشاعرك غمرتنا بفيضها الدافىء
|
Post: #8
Title: Re: شـفاء امـى ___ رشـيده
Author: أبو ساندرا
Date: 05-04-2007, 04:36 PM
Parent: #1
هل أشرقت عليكم اليوم الشمس مرتين ؟
رأيتها فجرآ تشرق علينا زي مابتفعل كل صباح
ورأيتها الساعة الثالثة هذه الجمعة
عندما لاح إبتسامها البراق
الحمد لله
|
Post: #12
Title: Re: شـفاء امـى ___ رشـيده
Author: Adil Osman
Date: 05-06-2007, 11:50 AM
Parent: #8
الف سلامة للاخت رشيدة بركات، أم ساندرا. وعاجل وكامل الشفاء.
هل تذكر هذه الصورة يا ابو ساندرا؟ الخرطوم 2005.
|
Post: #14
Title: Re: شـفاء امـى ___ رشـيده
Author: محمد سنى دفع الله
Date: 05-06-2007, 11:52 AM
Parent: #8
الف حمدالله على السلامة
يابوساندرا
ولكل العائلة التحايا
نحن هنا ولم نسمع
ولكن تصلكم التهاني
وجميل المنى
ولا اراكم الرحمن مكروها في عزيز لديكم وطابت ايامكم
ودام صفاكم
مودتي
|
Post: #15
Title: Re: شـفاء امـى ___ رشـيده
Author: ماجدة عوض خوجلى
Date: 05-06-2007, 11:56 AM
Parent: #1
تمت بحمد الله ورعايتة اجراء عملية استئصال غدة للام العزيزه جدا جدا*** رشيدة ***
والحمد لله تمت العملية بنجاح فى مشفى حمد بالدوحة (قطر)
الحمد لله اولا واخرا والله لايحرمنا منها يارب
ربنا يخليها ليكم ست الحبايب وماتشوف شر ابدا حمدلله على سلامتا ابوساندرا
|
Post: #16
Title: Re: شـفاء امـى ___ رشـيده
Author: أبو ساندرا
Date: 05-06-2007, 11:58 AM
Parent: #1
| Quote: هل تذكر هذه الصورة يا ابو ساندرا؟ الخرطوم 2005. |
الله كييييف !
يا عادل عثمان ياملك الصورة وأمير التوثيق
شايف الغدة كانت عاملة فيها شنو يا عادل
واللا ده لزوم الخجل ؟
صلاة النبي فوقها
|
Post: #17
Title: Re: شـفاء امـى ___ رشـيده
Author: سلمى الشيخ سلامة
Date: 05-06-2007, 12:02 PM
Parent: #1
الابن العزيز يوسف سعد
والاخ العزيز ابوساندرا
كل المنى ان تكون الاخت رشيدة فى كامل الصحةوالعافية
|
Post: #18
Title: Re: شـفاء امـى ___ رشـيده
Author: يوسف سعد
Date: 05-06-2007, 01:31 PM
Parent: #17
الاستاذة والاديبة الكبيرة / سلمى الشيخ سلامة
شكرا لك ولاحرفك الانيقة
ومتعك الله بالصحة ووافر الخير والسلامة
|
Post: #19
Title: Re: شـفاء امـى ___ رشـيده
Author: doma
Date: 05-06-2007, 02:49 PM
Parent: #18
حمد لله علي سلامه المدام يا ابا ساندرا وماهيتاب امنياتنا لها بدوام الصحه
مع خالص التحايا
|
Post: #20
Title: Re: شـفاء امـى ___ رشـيده
Author: Atif Makkawi
Date: 05-06-2007, 03:38 PM
Parent: #1
الأبن يوسف
الحمد لله علي السلامة
كما نرجو أن تصل عبرك تحايانا
للأخت رشيدة وبناتها وبعلها
وقول ليهم أجر وعافية وماتشوفوا شر.
انعام\ عاطف
|
Post: #21
Title: Re: شـفاء امـى ___ رشـيده
Author: بدر الدين الأمير
Date: 05-06-2007, 08:48 PM
Parent: #20
سرير عافية لرشيدة الرشيدة
|
Post: #22
Title: Re: شـفاء امـى ___ رشـيده
Author: ودرملية
Date: 05-06-2007, 10:42 PM
Parent: #21
سلامات
وعوافي
رشيدة "الطف الامهات في هذا العالم" ..
رشيدة "نسمة هذا الكون" .. "تحس وكانها نبية بعثت في الناس محبة وحنانا" ..
لها الدعاء بتمام الشفاء ..
لها الدعاء بالصحة والعافية ..
واسال الله ان يسبغ عليها شفاءا لا يغادر سقما..
والف حمدا لله علي السلامة يا"ماما رشيدة الطيبة" ..
|
Post: #23
Title: Re: شـفاء امـى ___ رشـيده
Author: محمد عبدالرحمن
Date: 05-06-2007, 10:51 PM
Parent: #22
الف سلامه لرشيده ام الكل ..
وسرير عافيه بأذن الله ..
بس لايمنكم ياابوساندار ..رشيده دى دينا
علينا كتير كان تخلينا نكون حاضرين ..
على العموم غدا معكم بأذن الله ..
|
Post: #24
Title: Re: شـفاء امـى ___ رشـيده
Author: Ahmed Hamza
Date: 05-06-2007, 11:36 PM
Parent: #1
حمدا لله علي سلامتها
|
Post: #25
Title: Re: شـفاء امـى ___ رشـيده
Author: Randa Hatim
Date: 05-07-2007, 05:34 AM
Parent: #24
يا الله .. والله ويشهد الله انى لم اعلم سوى امس مساءا ..
الف الف سلامه يا رشيده وماتشوفى شر يارب
سلامة ام ساندرا لبناتها وبيتها وزوجها واهلها وكل البيحبوها ....
سامحينى على التقصير والله ما كان عندى علم ....
الف سلامه وما تشوفى شر تانى يارب...
|
Post: #26
Title: Re: شـفاء امـى ___ رشـيده
Author: أبو ساندرا
Date: 05-07-2007, 05:57 AM
Parent: #1
شكرآ جزيلآ للاعزاء :
- يوسف سعد : عملتها يالحبيب ؟ إن شاء الله يوم شكرك مايجي
وشكرآ على المتابعة ، تلفون كل نص ساعة ، كتر خيرك
- منى عوض خوجلي : دائمآ الأولى ، شكرآ يا وسيمة
- سارة حمزة : ويخليك ربي ، وكل سنة وأنت في أتم صحة وتفاؤل
وحانجي بنارك ليك هناك
- هشام مدني: بوجودك يا راقي الاحساس
- القلب النابض : دعواتك يا مولانا
- أحمد معتصم الطيب: شكرآ يا ود الديم يا ظريف
- عادل عثمان : مشكور ، قالت ليك : مافضل إلا تكتب تحت الصورة
{ الرسول يا دي تفتحي تشوفي }
- محمد السني دفع الله : حقك علينا يا فنان يا فخم ياضخم
ومافاتت حاجة جيب { الباع } والبتاع وتعال
- ماجدة عوض خوجلي : تسلمي يا راقية يا بت الأصول
- سلمى الشيخ سلامة : نضم أمنياتنا مع { كل المنى } بتاعتك ، شكرآ ياعزيزة يا غالية
- doma : تسلمي يا رزينة ويارب نواجبك في الأفراح والليالي الملاح
- عاطف مكاوي : لقد { بلعها } بعلها شكرآ لك وللصابرة المحتسبة إنعام
- بدر الدين الأمير : شكرآ يالقرعي ، كعادتك تلك ، إستغليت إنشغالي في المستشفى وعملت ليك هللولة
ماتنفعك يا السنيح
- ودرملية : ياسلام عليك يافنان ياشامل { مسرح + كتابة + أوبرا } تسلم يالحبيب
- محمد عبدالرحمن : حقك علينا ، حانفرش السكة ورود بس أنت كيف تتكبد المشاق وتجيي
طبعآ بالتلفون ماحانقبلها منك إلا لو كنت خارج الحدود ، تشرف يا الحبيب
- أحمد حمزة :الله يسلمك ويحفظك ويرضيك
|
Post: #27
Title: Re: شـفاء امـى ___ رشـيده
Author: bayan
Date: 05-07-2007, 06:02 AM
Parent: #26
لا حولة
لكن عشرتكم عشرة اليابا....
سلامتها رشيدة وما تشوف شر ربي يحفظها ليكم ولينا
ست النساء لي حدهن...
بتصل بيكم بعدين..
|
Post: #28
Title: Re: شـفاء امـى ___ رشـيده
Author: أبو ساندرا
Date: 05-07-2007, 08:00 AM
Parent: #1
كتبت رندا حاتم :
Quote: يا الله .. والله ويشهد الله انى لم اعلم سوى امس مساءا ..
الف الف سلامه يا رشيده وماتشوفى شر يارب
سلامة ام ساندرا لبناتها وبيتها وزوجها واهلها وكل البيحبوها ....
سامحينى على التقصير والله ما كان عندى علم ....
الف سلامه وما تشوفى شر تانى يارب... |
ماقدر دا يا راندوك
وأصلآ رشيدة كانت مصرة إنو مانكلم الناس
قالت تعمل العملية وترجع البيت من سكات { كتموتو يعني }
وبعد داك البيسمع وبيجي كتر خيرو
والمابيسمع كتر خيرو
والبيسمع ومابيجي برضو كتر خيرو
يعني ما كنا عايزين نتعب الناس
بس ود أختك يوسف سعد كان متابع معانا بعد ماعرف من سارا وسولارا
وعشان كان قلق كعادتو - الهميم- عبر عن فرحتو بهذا البوست
هو كان عارف رشيدة ملاوزة من العملية دي
فمافي مشكلة يا رندا
ونجيك في الأفراح
والليالي الملاح
إن شاء الله في طهورة حاتم
|
Post: #29
Title: Re: شـفاء امـى ___ رشـيده
Author: رشا سالم
Date: 05-07-2007, 08:12 AM
Parent: #1
ابوساندرا المكسر..
الف الف حمدلله علي سلامة رشيدة...
والله العملية كبيرة وربنا الحمدلله ستر وقدر الخير..
تحياتي ليها وبتصل عليكم واعرف التفاصيل...
سلامي للبنات وقول ليهم حمدلله علي السلامه..
|
Post: #30
Title: Re: شـفاء امـى ___ رشـيده
Author: مجدي عبدالرحيم فضل
Date: 05-07-2007, 08:41 AM
دائما لابسة ثوب العافية والدتنا ،،رشيدة،،
|
Post: #31
Title: Re: شـفاء امـى ___ رشـيده
Author: عبدالله شمس الدين مصطفى
Date: 05-07-2007, 09:19 AM
Parent: #30
حمدا لله على سلامة الأم رشيدة ،
وربى يتم شفاءها ويمنحها مزيد
الصحة والعافية ، وربنا يطمنكم
عليها دوماً أخى يوسف ، والأخ أبوساندرا .
دمتم جميعاً معافون .
|
Post: #33
Title: Re: شـفاء امـى ___ رشـيده
Author: أبو ساندرا
Date: 05-07-2007, 10:13 AM
Parent: #1
كتبت الشقيقة بيان:
Quote: لا حولة
لكن عشرتكم عشرة اليابا.... |
اليابا جيمس سرور ؟
وكتبت :
Quote: سلامتها رشيدة وما تشوف شر ربي يحفظها ليكم ولينا
ست النساء لي حدهن...
|
هذا إعتراف لذيذ ، أها عرفنا ليكم ست
لكن طبعآ ملكة الخرخرة حاتقول أنا مانساء
مانسيناك
كتر خيرك يا أختاه وربنا يحفظك أنت كمان
حتى تجهجهي شيوعيو البورد
ووعدت :
قروشك كترت يا أخت واللا شنو الحكاية
ممكن نقبل منك رسالة / مسج على الجوال
ولو عايزة تبذري ممكن ترسلي كرافتة زي ديك
شكرآ جزيلآ
|
Post: #34
Title: Re: شـفاء امـى ___ رشـيده
Author: essam&amal
Date: 05-07-2007, 10:53 AM
Parent: #1
الحبايب ام ساندرا وابو ساندرا
ساندرا واخواتها
امكن الغالية
ان شاء الله ما تشوف شر
لها الدعاء بتمام الشفاء ..
لها الدعاء بالصحة والعافية ..
واسال الله ان يسبغ عليها شفاءا لا يغادر سقما..
ويلفها بثوب الصحة والعافية
كالسوار فى المعصم
ولكم الحب
ام وضاح
ووضاح
وشيماء
|
Post: #35
Title: Re: شـفاء امـى ___ رشـيده
Author: أبو ساندرا
Date: 05-07-2007, 08:05 PM
Parent: #1
العزيزة دكتورة رشا سالم كتبت :
Quote: ابوساندرا المكسر..الف الف حمدلله علي سلامة رشيدة...
والله العملية كبيرة وربنا الحمدلله ستر وقدر الخير..تحياتي ليها وبتصل عليكم واعرف التفاصيل...
سلامي للبنات وقول ليهم حمدلله علي السلامه.. |
أهلآ يا دكتورة
والله فعلآ العملية كانت كبيرة والغدة متشعبة وضاغطة على الحبال الصوتية
وملتفة من الخلف على العنق
تذكرتك ، عندما قصر طبيب التخدير في تهيئتها ، وقلت ياريت لو كنت هنا
شكرآ على التحايا والتمنيات
أما عن الكسير فحدثي ولاحرج
|
Post: #36
Title: Re: شـفاء امـى ___ رشـيده
Author: Marouf Sanad
Date: 05-07-2007, 08:25 PM
Parent: #35
الف سلامة للاستاذة رشيدة بركات
ربنا يديم عليها نعمة العافية ويحفظها "كان ما يقوم فينا حسن موسى".
|
Post: #37
Title: Re: شـفاء امـى ___ رشـيده
Author: غادة عبدالعزيز خالد
Date: 05-07-2007, 08:53 PM
Parent: #36
الف سلامة للوالدة رشيدة
شفاها الله و عافاها
و أصبغ عليه رضاها
و لا أراكم الله كرها فيها
و دمتم و إياها
شكرا أخي العزيز يوسف سعد
كل الود
غادة
|
|