Post: #1
Title: البـوســت بـتـاع الـنـعـى بـتـاعـى لازم يـكـون شــكـلـو كــده
Author: يسرى معتصم
Date: 05-03-2007, 03:05 AM
عليكم الله ماتحولوا مسارو شايف الأيام دى دعـوة لشفاء أخ مريض بقت حاجة تانية
تفتح بوست تعزية يتحول بقدرة قادر لحاجات تانية
النعى بتاعى أبعدو من الحاجات دى ... يعنى نعى وبس وإلا حسابى معاكم حيكون عســير.
أخوى بكرى مابقصر اللون الأسود تلاتة أيام وتانى مافى تنزيل أغانى و لا حاجات زى دى   مافى لمدة 40 يوم بس ممكن تستخدمو زى دى  .
وتانى بوستات تهنئة برضو مافى
مفهــوم
|
Post: #2
Title: Re: البـوســت بـتـاع الـنـعـى بـتـاعـى لازم يـكـون شــكـلـو كــده
Author: bayan
Date: 05-03-2007, 03:46 AM
Parent: #1
بعد عمر طويل يا يسري
غايتو انا ما عايزة بكري يسود المنبر
عشان المنبر ببقى بطئ والناس تقوم تقول بيان دي حية
مكرهانا وميتة مكرهانا
عشان كدا ما عايزة لون اسود..عافية لبكري...
بس عايزاه يدي كودي واصدقاء اجازة
ما يجو يعملوا حفلة على حسابي
وانا ميتة ما بقدر ارد.. طبعا لعدم وجود كوم
الناس حتمرر الكلام ساكت..
|
|