Post: #1
Title: مبروك : الزعيم ضمن أفضل 160 نادي في العالم
Author: الواثق الصادق
Date: 05-02-2007, 01:48 PM
صدر التصنيف للشهر الجديد و أصبح الهلال في المرتبة 156 عالمياً..
طبعاً هذا التقدم بعد تأهله ضمن الثمانية الكبار في إفريقيا ...
كسرة : الجماعة مافي زول جاب سيرتهم يا راكوبة
|
Post: #2
Title: Re: مبروك : الزعيم ضمن أفضل 160 نادي في العالم
Author: خالد الطيب أحمد
Date: 05-02-2007, 02:13 PM
Parent: #1
الواثق ألف مبروووك للزعيم..
|
Post: #3
Title: Re: مبروك : الزعيم ضمن أفضل 160 نادي في العالم
Author: gamal
Date: 05-02-2007, 03:32 PM
Parent: #1
انجاز كبير الف مبروك للهلال
|
Post: #4
Title: Re: مبروك : الزعيم ضمن أفضل 160 نادي في العالم
Author: حسين يوسف احمد
Date: 05-02-2007, 03:58 PM
Parent: #3
الواثـق ..
قلنـا ليكم تصنيف غيب وتعال
دا ما بأكلك عيش ..
ولا بدخلك القصر الجمهوري ..
شـوف التصنيـف المـاخمـج ..
التصنيف الما بمحاهو كلام النهار ..
تصنيف ثابت وراسخ كما المريخ والجبال ..
وأتحداك وأتحدى هلالك وكل أنـدية العـالم ..
أكـرر كل أندية العـالم ..
شـوف وما تجيك صدمـة :
شـايف ولا أقـرأ ليك ؟؟؟
وشـوف دي كمـان :
|
Post: #5
Title: Re: مبروك : الزعيم ضمن أفضل 160 نادي في العالم
Author: حسين يوسف احمد
Date: 05-02-2007, 04:12 PM
Parent: #4
لـو فقـت مـن الصـدمـة ..
قـول بسـم الله ، وتـابـع :
الأنـديـة الأكـثر تحقيقـا للانجـازات المتمـيزة
والأرقـام القيـاسـية
( شـوف اللـون الأحمـر بشـير لي منـو ؟؟؟ )
وهنـا >>>
المـريـخ السـودانـي
أول نـادي في العالـم يحقـق بطـولة
الـدوري دون خسـارة أو تعـادل وذلـك
فـي مـوسـم 71/ 1972
دي الانجازات الما خمـج ..
مش دفن الليل أبكاساتـو صفـررررررررر
|
Post: #6
Title: Re: مبروك : الزعيم ضمن أفضل 160 نادي في العالم
Author: EMU إيمو
Date: 05-02-2007, 04:30 PM
Parent: #5
يفنتوس العجوز خارج التصنيف
والزمالك خلف الهلال
ولو خرج الهلال من البطولة الإفريقية الحالية
والسنة الجاية ما شارك في أي بطولة خارجية
الرقم 156 يجب إضافة 4 أصفار يمينه
يعيش الهلال
|
Post: #7
Title: Re: مبروك : الزعيم ضمن أفضل 160 نادي في العالم
Author: حسين يوسف احمد
Date: 05-02-2007, 04:36 PM
Parent: #6
Quote: ولو خرج الهلال من البطولة الإفريقية الحالية
والسنة الجاية ما شارك في أي بطولة خارجية
الرقم 156 يجب إضافة 4 أصفار يمينه |
عشـان كـدا يـا إيمـو
نحـن ورينـاه الانجـازات اللا بتتبـدل
ولا بتتغـير ..
انجـاز عـلامتـو الكـأس والبطـولـة ..
الضـربـة القـاضيـة ..
لأنهـا تقضـي علـى الكـل ..
وليس نقـاط الـزيـر ..
|
Post: #8
Title: Re: مبروك : الزعيم ضمن أفضل 160 نادي في العالم
Author: الواثق الصادق
Date: 05-02-2007, 04:50 PM
Parent: #7
يا حسين يا أخوي قول لينا مبروك و شيل جريدتك دي و كسح
نقول ليك تصنيف الاتحاد الدولي لإحصاء و تأريخ كرة القدم و الذي اعتمده الفيفا تجيب لي جريدة؟؟
ممكن ترجع تشوف تصنيف الكاف برضو لو عايز...
كسرة : فارق الـ18 نقطة دا مافي في جريدتك (الصفراء) دي ليه؟؟
|
Post: #9
Title: Re: مبروك : الزعيم ضمن أفضل 160 نادي في العالم
Author: حسين يوسف احمد
Date: 05-02-2007, 09:40 PM
Parent: #8
الواثق ..
سلامي وتقديري ..
| Quote: فارق الـ18 نقطة دا مافي في جريدتك (الصفراء) دي ليه؟؟ |
بالنسبة لفارق ال18 نقطة ..
وع تنسى الظرف المحزن اللي كان
مرة على المريخ واللي تسبب في هذا
الفارق ..
دي أقذر 18 نقطة ..
ومافي أقذر منها إلا حكاية 2 و12
وحكاية هيثم السعودي مع المنشطات ..
وتعالوا حققوهو هسع ..
الآن الظرف طبيعي لا حوادث لا أحزان .
أما بالنسبة للجريدة :
دي جريدة سعودية ..
مش سودانية ..
فاهم إيه يعني سعودية ؟؟
يعني رئيس التحرير مو مزمل ؟؟
|
Post: #10
Title: Re: مبروك : الزعيم ضمن أفضل 160 نادي في العالم
Author: yasir Abdelgadir
Date: 05-02-2007, 10:30 PM
Parent: #9
الواثق : شكرا جزيلا
ياخوي مالك داير تجيب للناس ديل الضغط والسكري
كدي نشوف موقع الهلال من الخارطة بي رواقة....
متصدر بقارق تلاتة نقاط وعدد كبير من الاهداف ..ورقم قياسي في الفوز المتتالي...ورقم قياسي في التصنيف الدولي الجديد...ورقم قباسي في الاهداف المحرزة في مرمانا { هدف واحد احرزه ريتشلرد في مرمانا يعني مننا وفينا..مافي راجل قدر يوصل لي شباكنا سواء كان حارسنا وفارسناالمعز
أو عملاق ضربات الجزاء أو الامير القادم روي قلواك...
والكلام دي هسي يعني قبل دقايق يعني ما سنة واحد وسبعين
|
Post: #11
Title: Re: مبروك : الزعيم ضمن أفضل 160 نادي في العالم
Author: yasir Abdelgadir
Date: 05-02-2007, 10:32 PM
Parent: #10
يعني نحن هسي نخلف رجل فوق رجل ونستني وصايف الكونفدرالية ديل لحدي ما يحوموا افريقيا دي ويجونا نقعد كدا ساكت لا شغلة ولا مشغلة...وبعد ما يجونا حتي لو غلبونا برضو نحن متصدرين وهم وصايف...دي مشاكل شنو دي...
وبعد داك نلف نحن نفتش لي ابطال افريقيا الحقيقيين بلد بلد ونلعب معاهم...وحتي لو غلبونا كلهم ..نكون نحن تامن فريق في القارة...وجماعة الكونفدرالية ديل كان فازوا علي وصايف افريقيا كلهم...برضو يكونوا تحتنا...والله دي عوجة دي...,الله دا حال مايل ميلان عجيب..الا المشكلة انو الجمل دا ماشايف عوجة رقبتو...ويادنيا مافيك الا انا....اها دي يحلوها كييييف
|
Post: #12
Title: Re: مبروك : الزعيم ضمن أفضل 160 نادي في العالم
Author: abdulhalim altilib
Date: 05-03-2007, 07:35 AM
Parent: #11
الأخ الواثق ،
تحياتي ،
ألف مبروك على دخول هلالنا في التصنيف الجديد (156) ، ورغم إنه رقم بعيد نوعاً ما،
لكننا ننظر إليه فقط كبداية ، حيث نتمني أن نرى قريباً أحد الرقمين من اليمين ( كان
الستة وكان الخمسة) يختفيان ، ثم يعقبه الرقم الآخر بعد مدة وجيزة (عدة سنوات ؟ ربما)
ثم يتبقى الرقم الأوحد على أقصى اليسار واللي هو رقم واحد .. أتمنى أن يحدث هذا في
غضون سنوات قليلة قادمة ، وهذا ليس ببعيد على الله ، وطالما (الكورة مدورة ) ، فلا مستحيل
إذن تحت الشمس . واللا مش كده ؟
خليني أحلم مرة يوم .. يوم مرة ، أو كما قال عزيزنا بلبل الغرب الفنان (عبدالرحمن عبدالله ) .
كسرة : أخي حسين يوسف : ( حواجب الدهشة فتحت قوس ، وكنَّت لينا غير ما تقول) ؟!؟!؟!؟!
أخي حسين يوسف :
تحياتي ،
توثيقك جد جميل ورائع ، ويحق لنا أيضاً كهلالاب أن نفتخر بإنجازات المريخ ، لأنه أحد عناوين
الكرة السودانية البارزة ، ومؤكد هذا التوثيق الصحفي لم يأت من فراغ ، بل استند على
إحصاءات ومراجع ووثائق الفيفا نفسها .. وإلا يبقى (كلام جرايد ساكت) .
ونتمنى أن نجد الهلال والمريخ وغيرهما من فرقنا الأخرى داخلين دوماً في تصنيفات وإحصاءات
الفيفا (إيجاباً طبعاً ) ، وكذا نراهم متصدرين صحف العالم في هكذا توثيقات وتصنيفات (اللي
ماهي خمج ، على قولك) .
تحياتي ومودتي ،
( ليمو )
|
Post: #13
Title: Re: مبروك : الزعيم ضمن أفضل 160 نادي في العالم
Author: الواثق الصادق
Date: 05-03-2007, 10:19 AM
Parent: #12
واحتل الهلال المركز العاشر عربياً والحادي عشر افريقيا تبعاً لنفس التصنيف
|
|