|
|
 تأسيس أكبر بنك بتاريخ السودان رأسماله مليار دولار
|
Quote: توقيع مذكرة تأسيس أكبر بنك بالسودان
الأربعاء 2 مايو 2007
الخرطوم-(smc)- السوداني
تم أمس بالعاصمة القطرية الدوحة التوقيع على مذكرة التفاهم لدراسة تأسيس أكبر بنك في تاريخ السودان برأسمال مليار دولار بين بنك السودان المركزي ومصرف قطر الإسلامي.
ووقع عن حكومة السودان صابر محمد الحسن محافظ البنك المركزي وعن مصرف قطر صلاح الجيدة الرئيس التنفيذي لمصرف قطر الاسلامي.
واوضح د.صابر محمد الحسن ان البنك يختلف عن البنوك الاخرى بأنه بنك لتمويل المشاريع والاستثمارات مما ينعكس ايجاباً على الحركة الاقتصادية في السودان.
من جهته قال الرئيس التنفيذي لمصرف قطر الإسلامي صلاح الجيدة ان المصرف يدرس تأسيس البنك على ضوء التحولات الكبيرة التي سيشهدها الاقتصاد السوداني بصفة عامة والقطاع المالي والمصرفي بصفة خاصة
|
|
|
 
|
|
|
|
|
|
|
 Re: تأسيس أكبر بنك بتاريخ السودان رأسماله مليار دولار (Re: ghariba)
|
وليمة جديدة سيتعشى فيها (الذئب) السودانى ب(الحمل) القطرى...يا احبابنا اهل قطر توخوا الحذر والقوا نظرة على مصير البنوك التى نهبت فى السودان وأخرها ام المصارف السودانية .. ملياركم عليهو العوض يا دكتور الجيدة لو دخلتوا فى شراكة مع حرامية الإنقاذ..
نورالدين منان
| |
|
|
|
|
|
|
|
|
|
Re: تأسيس أكبر بنك بتاريخ السودان رأسماله مليار دولار (Re: Mannan)
|
الصحفي غريبة
أخبارك عجيبة
من وين بتجيبة
لدينا صديق في بنك قطر الإسلامي لم نسمع عنه من سنوات وهو المخضرم محمد بشير محمد عباس، لو صدقت الخطة أكيد يكون هو وراها ومعاه قريبه عبد المنعم علي الأمين، أولاد بربر الناضجين..
بس حايفتحو رئاستو وين .. إنشاء الله في بربر الدكة .. خلت عقلي لكة.. هذه المرة من المليارات وليس من الدلكة
تحياتي للصحفي الذائع الصيت غريبة
ياربي غريبة ده بيعرف صاحبي المهندس محمد دفع الله الفضل؟؟
| |
|
|
|
|
|
|
|
|
|
Re: تأسيس أكبر بنك بتاريخ السودان رأسماله مليار دولار (Re: ghariba)
|
عن صحيفة الشرق القطريه ، الجيده يقول شركاء استراتيجيون من قطر ودل المنطقة يساهمون فى البنك .
ووزير البلديةالشيخ عبدالرحمن بن خليفة ال ثانى (قطر حريصة على بناء شراكات اقتصادية واستثمارية مع السودان) .
ليست هذه المرة الاولى لمصرف قطر الاسلامى للدخول الى السودان فقد سبق وان ان مول العديد من العمليات الناجحة ، بل وصفقات كبيرة.
| |
|
|
|
|
|
|
|
|
|
Re: تأسيس أكبر بنك بتاريخ السودان رأسماله مليار دولار (Re: أيمن الطيب)
|
في بريدي بالامس راسلني فاعل خير موجوع من داخل الوطن طالبا مني نشر هذه الرسالة للملا حول مسلسل النهب والفساد وسرقة المال العام في بلادنا التعيسة وهي حول ملابسات افلاس ما يسمي ببنك ام درمان الوطني اخيرافي اكبر الفضائح المالية في بلادنا في الايام الاخيرة
Quote: التقيت أول امس باصدقاء اثق بهم و حكوا لي عن تفاصيل تهريب اموال من بنك امدرمان الوطني ليلا حوالي الساعة الثانية صباحا..
تنقل الاموال في عبوات معينة و ترحل لمنزل حكومي بجانب القيادة العامة هذه المنازل كانت تستخدم قديما كبيوت اشباح.. توضع الاموال في غرفة معينة و ينصرف القائمون على تأمينها لحال سبيلهم.. شاهد هذه العملية اكد حدوث ذلك قبل عامين، و بالطبع تكون مستمرة بشكل ما الى اليوم
بالطبع هي اموال الجبهجية لكن حتى التصرف فيها يتم يهذا الشكل العشوائي.. بالطبع ادى ذلك بعد فترة الى عجز في ميزانية بنك امدرمان الوطني (بنك المؤتمر الوطني) وصل الى 995 مليون دولار يعني مليار الا خمسة، و قد قام بنك السودان بتغطية هذا العجز لاحقا
from hisham habbani
و من غير المعروف من يستخدم هذه الاموال و في اية اغراض.. نقلت الجرائد مؤخرا ايضا اخبارا عن تقليل كمية العملة الصعبة المسموح بها الى الصرافات يوميا من 300 الف دولار يوميا الى 150 الف دولار يوميا بحجة ان الاموال تهرب الى الخارج.. فمن يهرب هذه الاموال يا ترى؟؟
| |
|
|
|
|
|
|
|
|
|
Re: تأسيس أكبر بنك بتاريخ السودان رأسماله مليار دولار (Re: محمد فرح)
|
| Quote: وليمة جديدة سيتعشى فيها (الذئب) السودانى ب(الحمل) القطرى...يا احبابنا اهل قطر توخوا الحذر والقوا نظرة على مصير البنوك التى نهبت فى السودان وأخرها ام المصارف السودانية .. ملياركم عليهو العوض يا دكتور الجيدة لو دخلتوا فى شراكة مع حرامية الإنقاذ.. |
.
ياسيد المستثمرين مامحتاجين لنصيحتك الغاليه أيها المستشار الإستثماري
الناس دي بتعرف بتخت قروشها وين وبتعرف تستثمر كيف يعني مابجدعوا قروشهم في البحر ساكت ...
وعجبي لمن يطرد المستثمرين الذين يوفرون الاف الفرص للشباب للعمل ولخلق مستقبل أفضل للجميع ..
ملعون أبو المعارضه وأبوالفهم البرجعنا لي وره ده ياخي
| |
|
|
|
|
|
|
|
|
|
Re: تأسيس أكبر بنك بتاريخ السودان رأسماله مليار دولار (Re: ghariba)
|
الأخ الفاضل محمد فرح سلامات,
Quote: هذا أكبر دليل على صحة ومعافاة الإقتصاد السوداني وسيره في الطريق الصحيح
وحسب التقرير الجديد عن الإستثمار فإن السودان في الموقع الثالث عربياً من حيث الدول الجالبه للإستثمار فكثير من المجالات مازالت خصبه |
ردّك هذا هو الحقيقة و المنى بتوفر كل أسباب الرفاهية لوطننا و أبنائه لا خلاف على ذلك و السودان كله أرض بكر فى علم الأستثمار
أذا إستقرت أوضاعه السياسية و الأمنية فقطعا سينعكس الحال على كل أوجه الحياة الأخرى بإذن الله و هو ما نتمناه و نأمله فى وطن
عانى الكثير و مازال يعانى و حقا نأمل أن يتعافى سريعا حتى نخرج من هذه الدوامات و الدوائر المفرغة !! لكن السؤال يا أخى هو
هل سيكون مصير هذا البنك مثل كثير من مؤسسات الدولة باب جديد لنهب أموال الشعب السودانى وإساءة التصرف فيها أم هنالك رؤية
جديدة بهذا الخصوص ؟
تحياتى.
| |
|
|
|
|
|
|
|
|
|
Re: تأسيس أكبر بنك بتاريخ السودان رأسماله مليار دولار (Re: ghariba)
|
أخي محمد فرح
أنا معارضة بس على طريقتي الخاصة - لكوني لا ولن أثق في أحد أحزاب أو ساسة هذا البلد الكبير العريض الحاليين مسلم أو علماني أو غير مسلم - بس لا تلعن المعارضة لكونك تكرها أو موالي للحزب الحاكم أو لشئ في نفس يعقوب ، ملعون ابو المعارضة ليه ؟؟ سرقت أفسدت خدعت ؟ بس قولي - لعنة الله ليوم الدين على الحكومة عاوز تعرف ليه ؟؟ حكومة دمرت أكبر المشاريع الاستثمارية الزراعية في العالم وأفريفيا مفخرة السودان مشروع الجزيرة الذي صمد وحيدا في تمويل اقتصاد كل السودان لحوالي 50 عاما ؟ هل كانت هناك مصادر دخل غيره ؟ خلاف الصمغ والأغنام ؟ حكومة دمرت السكة الحديد ، ومشروع الرهد ومشاريع زراعية أخرى يعجز الإنسان عن حصرها منتشرة في النيل الأزرق والبطانة مثل عسلاية غزل حاج عبد الله نسيج النيل الأزرق وووو العديد ؟ عاوز تعرف لعنة الله على الحكومة ليه كمان ؟ شوف الحروب والموت والنزوح والمرض الذي جاء في عهد هذه الخلافة الراشدة ؟ والطامة الكبرى مصير السودان الواحد الموحد الذي أصبح بين الإلغاء والإبقاء؟ خلينا من الفساد والمحسوبية والرشاوى والسرقات ،
محمد فرح ارجع لبوست الطيب ودشيقوق عن وزير الزراعة الاتحادي في برنامج (الخط الساخن)، وشوف واسمع كلام وزير الزراعة الاتحادي والله كلام يندي له الجبين ، وليتك تكون سمعت الحلقة ومداخلة الاستاذ( ممثل شركة استثمار) الذي تحدث عن مشاكل الاستثمار في الزراعة في السودان من غلاء اسمدة ومبيدات وفسادها واحتكارها؟ وكذلك من جبايات واتاوات ونقاط تحصيل منتشرة بين شندي وبورتسودان بلغت حوالي 35 نقطة تحصيل ؟ ارتفارع اسعار الاليات الزراعية (35) ألف دولار للحراثة ؟ الشركة الأم في بريطانيا لا تربح مثل ما يحصل عليه سمسارة وتجار حكومتنا الرشيدة ؟ ارتفاع سعر كيلو الكهرباء بمبالغ خيالية؟ أين الآن شركة هذا المدير او المسئول ؟ تعرف وين راحوا؟ تركوا السودان والآن في دولة عربية مجاورة ، والمؤلم كما ذكر هذا الضيف أن عشرات الشركات الزراعية العربية تركت السودان بغير عودة ؟ ليه ما تلعن الحكومة - خليك من لعنتها ممكن تكون صعبة عليك بس قل كلمة حق واحدة في أخطاء هذه الحكومة الرشيدة؟ وكمان عاوزين تقنعونا بأن البلد بخير تسود فيها قيم السماء عدلا ومساواة وسلطة القانون وشفافية التعامل في الإدارة والمحاسبة ووو ؟ وكمان عاوزين نتفق معكم ونضلل غيرنا بأن البلد كذلك ؟ حكومة هدمت ودمرت وسرقت وباعت المشاريع القومية القائمة منذ نصف قرن تقريبا هل ستكون حريصة على رعاية وحفظ حقوق الأجانب المستثمرين؟ لا بالتأكيد
خلوهاتتأكل مما تزرع وحدها ، وأن لاتأكل حقوق الغير بغير حق تحت دعوات الاستثمار
الشفيع
| |
|
|
|
|
|
|
|
|
|
Re: تأسيس أكبر بنك بتاريخ السودان رأسماله مليار دولار (Re: Alshafea Ibrahim)
|
| Quote: محمد فرح ارجع لبوست الطيب ودشيقوق عن وزير الزراعة الاتحادي في برنامج (الخط الساخن)، وشوف واسمع كلام وزير الزراعة الاتحادي والله كلام يندي له الجبين |
والله كلامك صاح يا ود عمي الشفيع بس عليك الرسول خلينا بي سجمنا ده يجونا ناس من برة يضخوا مال في البلد قطعا الطارفة بتصل اهلنا اكان عمالة او غيرو. الناس ما تطفروهم مننا يا الشفيع اخوى وراس المال الاجنبي جبان حرم هسع يكونوا متابعين بوستينا ده ولو لقوا كلامكم ده بلملموا مخاليهم وبدونا عرض اكتافهم .
| |
|
|
|
|
|
|
| |
ghariba
Mannan
المسافر
هجو الأقرع
أيمن الطيب
Mustafa Mahmoud
محمد فرح
الطيب شيقوق
فيس بوك
تويتر
انستقرام
يوتيوب
بنتيريست