اسمع غناي

تحياتي للجميع
الاخوة في سودانييز اينما كنتم
هذه دعوتي للاستماع وللتقييم
اسمعوني
وراجعوني برأي





لي الليلة
الكلمات لسامي عبد الرحمن
اللحن لجعفر عبد القادر

لي الليلة من يوم نجمتك طلت علي
زرعت خيوط حبك جواي
واتباعد الخوف عن سماي
نفسي بتفيض
تدفق سنا
تدفق هناك تملا البعيد
تدفق هنا
اسمع غناي
في كل صفحة يوم جديد
بكتب نشيد انك معاي
وانك كفاي وانك انا
لليلة

عجبين سلام وكلام
كده الواحد يبدأ يسمع
يمكن نتعلم شي جديد
غايتو نحنا راينا بنقولو
راي مستمعيين ساااااي
تحياتي

زوله مستمعه مامتخصصه زي أهل التخصص..ارتحت لسماع الأغنيه لأنها هاديه لحنا
وكلمات والصوت جميل..

تحياتي لك..

الأستاذ عثمان عجبين

أسمح لى أن أوضح كامل دهشتى وإعجابى بأدائك الرائع وموسيقاك الساحرة ، فقد أحسست والله يا عثمان أن مسيرة الفن باقية طالما فيها شباب مثلكم يتمتعون بهذا الحس المرهف ويسمعوننا مثل هذه الألحان

نحن عجايز يا عثمان ، عشان كده صعب نلقى حاجة تعجبنا خصوصا من الشباب الجدد ، أما أنت يا عثمان فحاجة تانية خالص ، وهذه الدهشة التى أصابتنى لم أستغرب لها فهى تشبه العدوى التى أصابتنى عبر الحبيب (المعجب الآخر) أخونا أبوذر النضيف ، ذاك الإنسان الجميل فمثل أبوذر لا يجامل فى سماعه ولا يجامل (فى أى شىء) ولكنه معجب حتى الثمالة ، وقد أصابنى مثل ما أصابه تماما يا عثمان

أرجو لك التوفيق ولا تحرمنا من كل جديد

عمك هشام