Post: #1
Title: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: hanouf56
Date: 04-30-2007, 04:57 PM
بداية مايو 2006 استلامت الاوراق
30 مايو كنت رديت عليهم
تم تحديد المقابلة يوم 4 / 4/ 2007 بالرياض
يوم 8 /4/2007 استلمو الجواز وقالو لي خلال اسبوعين بالكتير
اتصلت بهم بعد اسبوعين قالو لي خلال 3 اسابيع او شهر بالكتير
اتصلت بعد نهاية الاسبوع الثالث يعنى اول امبارح قالو لي تاني محتاج ذي شهر تاني تقريبا ؟؟؟
يا جماعة الناس ديل ما متخلفين اكثر من ناس سفارتنا بالرياض ؟؟؟؟
والفكرة شنو يعنى كل يوم يقدمو اسبوع وراء اسبوع ؟؟
يا جماعة الجاهم لوتري قبل كدة بفهمونا خلال كم يوم بالتقريب بيستلمو الجواز مؤشر ؟؟؟
كل الود
محمد ادريس
|
Post: #2
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: Biraima M Adam
Date: 04-30-2007, 05:15 PM
Parent: #1
الأخ محمد
أولا ألف مبروك على اللوترى .. بخصوص الأنتظار خلى أخلاقك سلبه ورياضية لأبعد الحدود .. إياك أن تذهب لهم وأنت غاضب أو منفعل بسبب التأخير .. يا صحبى أول تهمة موجهه ليك أظنك أنت عارفها .. سوف يتم مقارنة إسمك بأى لستة موجود فى كمبيوترات العالم .. الأمر الذى يأخر أوراقك إنك من دولة ضمن الدول التى فى القائمة وهذا يجعل أى سودانى أنه ما يعرف ب Selectee .. ما تسأل حتى من هذه ..
وعليك بسورة يس والحسبنه وأمسك الحشب بأن لا يتطابق أسمك مع أى لعنة فى الدنيا
تحياتى
بريمة
|
Post: #3
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: hanouf56
Date: 04-30-2007, 05:28 PM
Parent: #2
العزيز بريمة
شكرا جزيلا يا بحر
Quote: وأمسك الحشب بأن لا يتطابق أسمك مع أى لعنة فى الدنيا
|
والله ضحكتي شديد
شكرا ليك تاني
محمد ادريس
|
Post: #4
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: Biraima M Adam
Date: 04-30-2007, 05:44 PM
Parent: #3
محمد
وصيتى من الأن أبدأ فى اللغة الأنجليزية على طريقة نطق أمريكا الشمالية والصحيح لهجة شمال أمريكا الشمالية فهى الأكثر تداولا .. وتعلم السواقة .. العربة هنا زي حمار جدى لو ماشي يفزع للحطب لازم يركب فيه غيرها الواحد مثل الكسيح ..
تعلم ثلاث أشياء تخص النساء وثلاث تخص الرجال لا تقولها أبدا أو تسأل منها أحد
بالنسبة للنساء إياك أن تسأل عن عمرها او وزنها أو تعلق بأن لديها صفة غير جميلة .. المرأة جميلة حتى لو كانت كدروك وهى شابة حتى لو قدر والدة جدى.
بالنسبة للرجال: إبتعد من عندك كم سنة من السودان -- متزوج أو عاذب -- وشغال شنو ..
أمسك الوصايا دى أمورك بتمشى إنشاء الله
بريمة
|
Post: #5
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: hanouf56
Date: 04-30-2007, 06:08 PM
Parent: #4
شكرا تاني علي المرور
بالنسبة للغة الانجليزية للاسف علاقتي بيها ذي علاقة اي سوداني باللغة الصينية .. حسع ببذيل مجهود للتعلم والتعلم فى الكبر كالنحت علي البحر
السواقة اوكي ... ممتاز
باقي وصيتك لو جيت امريكا حلتزم بيها تماما مع اني ما عارف بالضبط انت كلام مخصص للسودانيين واله كافة خلق الله .
بس يدوني تاشيرة ما حسال ليك اي زول انت عمرك كم ؟
وليك كل الود والتقدير والشكر علي التنبيهات الهامة دى ..
محمد ادريس
|
Post: #6
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: شهاب الفاتح عثمان
Date: 04-30-2007, 06:46 PM
Parent: #5
الامنيات بالتوفيق 
|
Post: #7
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: hanouf56
Date: 04-30-2007, 07:30 PM
Parent: #6
شكرا د . شهاب
محمد
|
Post: #8
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: بركات بشير نجار بشير
Date: 04-30-2007, 07:54 PM
Parent: #7
ميمد ادريس،،،
انت مستعجل مالك يازول للسفرخليهم يتأكدوا من اسمك وعدم ارتباطو بالجماعات الارهابية رغم انني اشك في ان النتيجة ستكون في غير صالحك.
فقد كنت شاهدك على ممارستك للارهاب في شوارع جدة وضرب المواكنين السعوديين من غير ذنب اقترفوه.
وكذلك شاهدتك تضرب السودانيين وتمنعم من حضور حفل محمود عبد العزيز في نادي المكتبة القبطية والكثير من الشواهد الاخرى التى تدل على انك ارهابي ومتطرف.
امسك الخشب زي ماقالوا ليك
وخليك تقيل
تحياتي
|
Post: #9
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: hanouf56
Date: 04-30-2007, 08:10 PM
Parent: #8
صديقى العريس الجميل بركات
شكرا للمرور
مزكر حفلة المكتبة القبطية .. يا سلام .. كلو مرة اتذكر الحفلة دة اذكر البنية الذي الورد الاختها في عيني الشمال وتاني عينك ما تشوف الا النور .. انسحبت وخليت ليكم الباب واستمتعت بالرائع محمود عبد العزيز (بعين واحدة) ... مع اختلاف الازواق وعدم حبك لمحمود ..
استعدو انا جاي الرياض .. وفرو اكبر كمية ممكنة من التركين والدقيق فى بيتكم ...
كل الود يا عريسنا وتحياتي للعروسة الجميلة نازك
محمد ادريس
|
Post: #10
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: معتصم ود الجمام
Date: 04-30-2007, 08:32 PM
Parent: #9
محمد ادريس
جاك لوتري
نعل ما عوقك
لك الود
|
Post: #11
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: ود الباوقة
Date: 04-30-2007, 09:19 PM
Parent: #10
اخي محمد ادريس ..
اعتقد ان التوفيق لم يحالفك للمقارنة بين السفارتين ...
في سفارتنا تقعد معزز مكرم وتنهي اجراءاتك بكل سهولة ويسر ومافي حد بضطهد حد عكس السفارة المعنية
غايتو انا كان في محلك كان ( حردت ) اللوتري
عسى ان تكرهوا شيئا فهو خير لكم وعسى ان تحبو ا شيئا فهو شر لكم ....
ود الباوقة
|
Post: #12
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: ALI KHAIR
Date: 04-30-2007, 09:36 PM
Parent: #11
معليش يا ود الباوقة لكن لو انتا قاعد فى السودان كلامك غلط لانو الواحد هنا لو ماشى اى جهة حكومية انشالله داير يخنم ورقة بيتحصن بكل ما يحفظ من القران عشان الموضوع يمر بى سلام وما يضطهد
|
Post: #13
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: hanouf56
Date: 05-01-2007, 00:29 AM
Parent: #12
معتصم ادروب
شكرا للمرور
ود الباوقة
شكرا للمرور واتمني انك تمشي سفارتنا وتشوف جنس التأخير والمرمطة فى التجديد وغيرو - علي الاقل الامريكان لامن تصل عندهم بيستقبلوك مبتسمين -
دكين
شكرا للمشاركة والمرور
ولكم الود
محمد ادريس
|
Post: #14
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: Deng
Date: 05-01-2007, 00:39 AM
Parent: #1
هنوف.
مبروك اللوتري.
أول زل في أمريكا تعمل حسابك منو, بريمة شيخ الانداية ده.
لأنو شبهة وبجيب لك الهوا.
| Quote: عسى ان تكرهوا شيئا فهو خير لكم وعسى ان تحبو ا شيئا فهو شر لكم .... |
بعدين يا هنوف.
شفته زي كلام ود الباوقة ده, تضليل عدييل كده.
زي ناس ود الباوقة دييل بحبوا أمريكا دي زي جوع بطنهم, ولقد كانت أمريكا من أكبر معاقل الاخوان المسلمين.
ود الباوقة, ياخي أنت ما داير لزولك ده خير ولا شنوا؟
يا ود الباوقة.
أنا سمعته أنو عمر الجزلي في طريقوا للسعودية, وبالتحديد كاسي لك أنت وفردتك صلاح غريبة.
ويا ناس صديق الموج. جهزو السكر والشاي.
دينق.
|
Post: #19
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: Biraima M Adam
Date: 05-01-2007, 05:51 PM
Parent: #14
الأخ محمد
لاحظ دينق كتب شنو
Quote: أول زل في أمريكا تعمل حسابك منو, بريمة شيخ الانداية ده.
لأنو شبهة وبجيب لك الهوا. |
الناس بتقول الفيك بدر بيهو قبل ما يعيروك بيهو .. مش!
دينق معطون فى الأنديات 7x24 .. خلى بالك من مصطلح 7x24.. الزول الشغال بكون شغال 7x24 والكاجن برضه كاجن 7x24 .. يعنى إما تكون صاحى أو مغيب ذى دينق .. حماك الله وإيانا ..
لاحظ دينق بفول شنو ..
Quote: جهزو السكر والشاي.
دينق. |
سكر قال!
بريمة
|
Post: #15
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: kamalabas
Date: 05-01-2007, 01:00 AM
Parent: #1
الاخ محمد أدريس
تحياتي
وعودا حميدا....مبروك اللوتري....وأنشاء ربنا يوفقك.في الحصول علي التأشيرة......عموما ما عندك.مشكلة قدامك وقت طويل حتي نهاية سبتمبر
لفيزة اللوتري
ولك ودي
كمال
|
Post: #16
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: أبوبكر طه
Date: 05-01-2007, 07:33 AM
Parent: #1
عندي ليك وصيه برضو قدر ماتلقي وقت نوم وكمل النوم قبل ان تصل هنا
|
Post: #17
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: يازولyazoalيازول
Date: 05-01-2007, 09:40 AM
Parent: #16
كلام أبوبكر صاح يا هنوف عشان بعدين حا تشتهى تنوم
مبروك مبروك يا حبيب ، وكده خلاص تقدر تعرف كوعك من بوعك حسب حسابات الدنيا الدنية
لو محتاج أى مساعدات أرجو الإتصال عندى أربعة أشقاء أمريكان
يعنى نظام (كفيل) وكده ، لوووووووووووووووووووول
طبعا أنا عارف أن حكاية الكفيل دى غايظاك غيظة شديدة ، يلا بختك يا فردة هناك كميات من الحرية والإنطلاقة بس أوعى تنطلق
وطول بالك قدر ما تقدر لحدى ما تأشر يعنى نظام (تمسكن حتى تمكن)
|
Post: #18
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: hanouf56
Date: 05-01-2007, 05:11 PM
Parent: #17
دينق المصادم
شكرا يا عزيز وكنت اتمني بعد انقطاعي من المنبر اجي الاقي الرائعة رودا عادت وتعود معاها دروس الانسانية المجانية .. وشكرا تاني ليك
الرائع كمال عباس
اتابع مداخلاتك وانا من اشد المعجبين برصانة وقوة منطقك فى النقاش وفهمك التقدمي للاشياء .. واصل ويوم بكرة جميل وضواي ..
ابو بكر حاضر وشكرا ليك ..
زولي السمح ود الشيخ
شكرا ليك يا حبيب واتمني اقابلك قريب فى جدة
الكفيل وما ادراك ما الكفيل ... يمكن نتفكك منو قريب .. اتمني ذلك .
محمد ادريس
|
Post: #20
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: othman mohmmadien
Date: 05-02-2007, 08:26 AM
Parent: #18
مبروك وربنا يوفقك
بس
أنا خايف
عنوانك ده هو البجيب ليك الهواء
وسفارة واشنطون بالرياض اكثر تخلفا من سفارة الخرطوم بالرياض ...
انت ما عارف الجماعة ديل أي رسالة عبر الايميل او في الانترنت فيها مثلاً كلمة "بن" بيسحبوها عشان يشوفوا هل تتبعها كلمة لادن واي جملة محشور فيها أمريكا أو مدينة لها أيضاً تسحب للنظر فيها
المهم ربنا يوفقك ويانا بنقدم من سنة 1994 - لـ 13 عاماً وما جانا إنت ما قادر تصبرك لشهيرات حتى تنيل الفيزا والتي ستنيلها بإذن الله - بس أصبر - وانسى الموضوع على كده
|
Post: #21
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: Tabaldina
Date: 05-02-2007, 08:35 AM
Parent: #1
..
.
وبنصحك بحاجة
تحاول - قدر الإمكان - تتحاشى فى اجراءاتك
المغربية المحجبة الزى البقرة ديك
والسودانى الاخضر الوجية التقول بوش دا خالو
والله لو اجراتك صحيحة لازم يرجعوك..
وممكن يكنسلوك كمان..
________________________
غايتو اسواء شئ ان تمنح سودانى سلطة ..
وربنا يسهل عليك .. وما ينادوك ويقول ليك تعال
لانترفيو جديد
|
Post: #22
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: GamarBoBa
Date: 05-02-2007, 08:48 AM
Parent: #21
محمد إدريس الوغد انت لسة منتظر سفارة الامريكان
صدقني نمشي نزرع في كيمتو فول احسن من رفع الضغط ده
لكن في دي عندك حق
Quote: بالنسبة للغة الانجليزية للاسف علاقتي بيها ذي علاقة اي سوداني باللغة الصينية .. حسع ببذيل مجهود للتعلم والتعلم فى الكبر كالنحت علي البحر
السواقة اوكي ... ممتاز |
لكن البعرفه انت سواقتك بتعتمد علي تأمين العربية والقتل المدفوع
وصيتي ليك:
امشي دق جرس قدام السفارة وامشي ليهم عصبي جدا...اقول ليك حاجة هدد بالانتحار
وبالتوفيق ...عامل رأسك الكبير ده...القدرك اتعلمو الانجليزي وجو راجعين وانت لسة واقف في الصف
واوعك تقول لي ياخال (الخال دي لعبدالهادي جعفر او اسامة معاوية...وبالعدم يوسف محمد صالح...أنا قدر خضر حسين وخليه ينكر كان راجل)
موسي
|
Post: #23
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: خضر حسين خليل
Date: 05-02-2007, 10:50 AM
Parent: #22
أيوووووووووووووووووووووووووووي
أسمعني يا محمد إدريس
أنا إسمي مكتوب
بعدين تعال سمو دة ما قدم لينا الاتنين في وكت واحد
إنت ياولد إمبريالي ولا شنو ؟
ياموسي : هسي عليك صلعتك دي إنت قدري بي وين ؟
عامل شنو مع فول الصين العظيم
.........
خضر
|
Post: #24
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: GamarBoBa
Date: 05-02-2007, 10:59 AM
Parent: #23
والله يا خضر الصين بجي بوريك فوله...لكن انت معناه اكبر مني لانو انا الشعر زرعته...انت نسيت بستلة الفطور وله شنو
و محيرني اخونا محمد ادريس
تاااااااااااني غربة ياخوانا
والله كدة ما كويس
اجمل حاجة في الدنيا النيل وحنان النيل
لو سخنت معانا في الخرطوم بنمشي الشمال...علي الاقل بنسند هناك ....
لكن غربة تاني ؟؟؟؟ الدكتورة(حبيبتي)طلقانة بالتلاتة مافي
|
Post: #25
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: خضر حسين خليل
Date: 05-02-2007, 11:16 AM
Parent: #24
| Quote: الدكتورة(حبيبتي)طلقانة بالتلاتة مافي |
مبروك دي جديدة كرت كرتونة
بعدين بستلة شنو الداير تحدد بيها الاعمار الاعمار بيد الله ياموسي
لانو أنا بتزكر فكري سليمان دودة برضو كان بياكل معانا في البستلة
وأبو شوك أبو النسب
.......................
بعدين فاقدنك في أبوراقة في قصص كتيرة حتدهشك
....................
خضر
|
Post: #26
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: GamarBoBa
Date: 05-02-2007, 11:21 AM
Parent: #25
ياخوي ابراقة موقعها ما عالمي...ما بيخش من اي حتة
الدكتورة كناية للزول القعد في الهوا....انت الواحد فيكم لازم يحكها
وريني الجديد المدهش في موقعنا شنو....رسلهم لي ايميل هسة بس رؤوس مواضيع
عندك نص ساعة
محمد ادريس ده بيكون شغال جرد هسة او سرحان في عباية
|
Post: #28
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: hanouf56
Date: 05-04-2007, 01:42 AM
Parent: #22
عمو العسل
شوق بحر
كيف عامل مع شعب الصين الصديق
والله للاسف منتظر - فكرة العودة لسع ما عشعشت في الرأس اتمني يكون هناك دافع يقنعنا بالعودة
والله مشتهيك
الانا عارفو انو خضر قرأ معاي الثانوي وخشينا الجامعة سوي نحن لما فى سنة اولي جامعة انت رئيس تجمع الروابط النوبية ورئيس رابطة النوبة السودان وكان سنة التخرج - والعاقل يميز
نبو كيفك ؟ منو فيكم قدر التاني
كل الحب لاهل ابراقة الرائعين وخاصة المهندس صابر (انت عارف السبب)
لو مشيت امريكا برسليك قروش التركتر عشان تمشي تزرع فى ابراقة
احبك
محمد
|
Post: #29
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: hanouf56
Date: 05-04-2007, 01:44 AM
Parent: #21
تبلدينا
عثمان
شكرا للمرور والتعليق
كل الحب
محمد
|
Post: #27
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: خضر حسين خليل
Date: 05-02-2007, 11:28 AM
Parent: #1
يا سديق
زمني الخائن إنتهي ومارق
الايميل حلف بي طلاق الدكتورة إنو مايفتح معاي
أوعدك إنو أرسل ليك الحاجات دي كلها
..............
ضحكتني لكن
قلت لي هنوف سرحان في عباية
قال ثم من قال عباية قال
خضر
|
Post: #30
Title: Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
Author: hanouf56
Date: 05-04-2007, 01:49 AM
Parent: #27
اللزيز خضوري
شوق بحر اكبر من بحر موسي
قال ثم من قال قزازة ثم من قزازة ثم من ...........
احتمال تسمع صوتي قريب لو انت محظوظ
انا بجانبك ضد كبار السن
محمد
|
|