عـفـوآ أخـى إسـماعــيل وراق العـنـوان لايـليـق بـحـضـرتـكـم

ليس دفاعآ عن زميلة فى المنبر ولكنها لعلو مكانكم عندى
أقبض.. الزميلة فدوى الشريف تسرق في وضح النهار!!!
أحكـى لك حادثة فى أسرتنا ونحن صغار ... والدى الكريم حكم كرة دولى سابق
ويعمل فى وزارة المالية فى موقع حساس آنذاك كتبت أحدالصحف الرياضية
وهى تعلن عن عدد الغد فى صحيفة سياسية وبالخط العريض:

يـاخـبر..... ضـبـط مائة ألف جنيه بحوزة حـكم كسلا الدولى غدآ تفاصيل أوفى عن الحادثة


قرأ أبناء عمتى لجدتى الخبر المحزن... أصيبت جدتى رحمها الله بصدمة ضغط الدم وكانت سبب فى وفاتها..........
تصدق المأئة كانت مرتبات أحد المؤسسات التعليمية فقدها مندوبهم من المبلغ الكامل فكرم الوالد على مستوى الولاية فى مهرجان كبير لآمانته.
تخيل أخى إسماعيل شعور إسرة وأصدقاء الزميلة فدوى الشريف عند قراءة البوست.
لك تقديرى ومعزتى ودمتم

Quote: تخيل أخى إسماعيل شعور إسرة وأصدقاء الزميلة فدوى الشريف عند قراءة البوست

.


كلمة حق في زمن بائس.. تخيل شعورها هي
وتعرف كم حساسة البنت السودانية...
اما كان الارفق توجيهها بدل التشهير بها لخطا السهو..
خاصة انها لم تحور او تغير او تكتب اسمها في المقال,,
ولكن لا عزاء للاسلاميات هنا..

نحن فى زمن التسرع....التسرع القاتل

كان يرسل ليها على الاقل مسنجر صغير
يستفهم عن الموضوع وعن صاحب الموضوع
يعلم اسماعيل وتعلم فدوى بان للسودانى
اصحاب اعمده فى سودانيز اونلاين وحاجه
متل دى ما بتمر عليهم مرور الكرام

اها حسى بعد ما عرف اسماعيل رد الاستاذة فدوى
((اقبض)) دى الا يقوم يكتب عليها اقبض انا غلطان

تعريف "السرقة الأدبية" و لا عذر لمن أنذر .. و فدوى الشريف براءة !

عـفـوآ أخـى إسـماعــيل وراق العـنـوان لايـليـق بـحـضـرتـكـم

نعم يا صديقي
لا يليق بك ذلك

الأحباب الكرام
تحياتي
رغم قفلي للموضوع بعد إعتذار الأخت فدوى، لكن يبدو أن الجرجرة حاصلة..
الأخ يسرى.. أنا لم أقل فدوى سرقت من جيب شخص وبعدين يا أخي أنت فاكر الناس بجيها ضغط وتموت ساكت غير ما تقرأ الموضوع.. ما أظنش.
على كل أحترم وجهة نظركم.. وتبقى حقيقة واحدة هي أن الأخت فدوى أخطأت وأعتذرت وأحسب أن هذه الحادثة تصب في الخانة الإيجابية لها.. أي أنها سوف تنتبه لكل حرف تكتبه في مستقبل الأيام..

الاخ اسماعيل وراق

ارى بكل وضوح وصراحة الآتي:-

اولاً هناك خطأ من الاخت فدوى في عدم الاشارة للمصدر وهذا لا خلاف عليه اطلاقاً..

ثانياً:- اعتزرت الاخت فدوى لأعضاء البورد وطلبت منك رقم كاتبة المقال للاعتزار لها عن هذا الخطا واعتقد بأن اسلوبها وشجاعتها واعتزارها مقبول من الجميع وسوف تستفيد من عدم تكرار هذا الخطأ مستقبلاً.

هذا فيما يخص الاخت فدوى..

اما فيما يخصك استاذ اسماعيل وأرجو ان يتسع صدرك لتقبل ما ساقوله:-

فقد اخترت العنوان والمكان الخطأ للتصويب والتصحيح والتنبيه حيث لم يكن العنوان مناسبا ولم يكن ايضاً المكان مناسبا وكان مكانه المناسب في نفس البوست الذي وقع فيه الخطأ.
وعليه وبنفس شجاعة الاخت فدوي في الاعتزار ارجو منك الاعتزار في عدم توفيقك في العنوان والمكان حتى تزال ما علق في النفوس وحتى نرفع الجلسة لهذه القضية ولكما الود والتقدير والاحترام،،،،،

الاخ يسري معتصم
اشكر فيك هذا الجهد ليس لانه يخص مالحق بي
ولكن فقط اريد ان اقول شيئا
اولا ربنا سبحانه وتعالي مابيبتلي العبد الا ليمتحنه والحمد لله ثبتت براءة والدك وهي ان الكل يشهد له بالشرف
اكيد كمان ربنا بيمتحني علي العموم انا ماعايزه افتح الموضوع هنا ولكن جميعا لما نتعلم اكيد مابنتعلم من الوحي ؟ ولافي زول هنا بيجيه وحي عشان يديه العلم لوحده كدا
بنتعلم من الاطلاع علي الكتب علي المراجع علي النت علي ورقه ملصوقه في الحائط قد تصادفك وانت في الطريق
وجميعنا ننتقي الافاظ الجميله من الحاجات دي كلها حتي لو الاذاعه الاغاني دي كلها ممكن نتعلم منها
طيب انا لما اخد تعبير صادفني في احد المراجع وجات مناسبه اتفقت مع هذا التعبير اكيد بقوم بنزله حسب قناعتي بيهو ومن الطبيعي جدا مافي زول بينزل تعبير وبيجيب الكاتبو منو هل هذا يعني سرقه ؟ طيب انا ماشلت التعبير دا من كتاب ونزلتو بي لساني وجميعكم تعلمتوا هذا معناتو انكم سرقتوا افكار ومفهموم ناس تانين ؟ علي العموم انا الكلام دا ماقلتو عشان انا نزلت المقال بتاع رشا من غير ذكر اسمها لا ولا عشان بوست ود وراق . قلتو عشان عايزه اقولو .
وبعدين مهما كنت غبيه لي درجة شنو دالك ماممكن اسرق حاجه الناس كلهم شافوها. وعارفه جدا لو مارشا هنا في ناس زملاها كتير يعني مستحيل افكر تفكير زي دا يااسماعيل عموما معليش وحصل خير ( واهو كلنا نتعلم معني السرقه عشان لما انا اسرق حاجه تانيه اكون قشيت دربي وراي )
والله سبحانه وتعالي فعال لما يريد وربنا عايز كده ولا مبدل لكلماته

عفوا جميعا عفوا رشا

Quote: وجميعنا ننتقي الافاظ الجميله من الحاجات دي كلها حتي لو الاذاعه الاغاني دي كلها ممكن نتعلم منها طيب انا لما اخد تعبير صادفني في احد المراجع وجات مناسبه اتفقت مع هذا التعبير اكيد بقوم بنزله حسب قناعتي بيهو ومن الطبيعي جدا مافي زول بينزل تعبير وبيجيب الكاتبو منو هل هذا يعني سرقه ؟ طيب انا ماشلت التعبير دا من كتاب ونزلتو بي لساني وجميعكم تعلمتوا هذا معناتو انكم سرقتوا افكار ومفهموم ناس تانين ؟ علي العموم انا الكلام دا ماقلتو عشان انا نزلت المقال بتاع رشا من غير ذكر اسمها لا ولا عشان بوست ود وراق . قلتو عشان عايزه اقولو

هذا جزء من ما كتبته الاخت فدوي هنا... مما يدلل علي انها
لم تسنوعب الدرس بعد.... وذلك كله بسبب ان الكثيرون هنا
لا يرون في ما فعلته خطا... فنقلها لمقال الاستاذة رشا عوض
في حد تعبيرها هو مثل نقل تعبير صادفها في احد المراجع و غير ملزمة بالشارة الي
ذلك المرجع......

Quote: ومن الطبيعي جدا مافي زول بينزل تعبير وبيجيب الكاتبو منو هل هذا يعني سرقه ؟

والي الدين سلامي
انا قلت كلامي قبيل عارفه اني غلطت في نقل مقال رشا دون ان انزل اسمها معاه
اما كلامي هنا وضحت انو ماقلتو عشان الحصل فاهمني يابطل

Quote: انا قلت كلامي قبيل عارفه اني غلطت في نقل مقال رشا دون ان انزل اسمها معاه اما كلامي هنا وضحت انو ماقلتو عشان الحصل فاهمني يابطل

لا انا ما فاهمك يا بطلة....
وكت انت ما قلتيه عشان الحصل .... طيب ممكن توريني قلتيه ليه