Post: #1
Title: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 11:00 AM
Parent: #0
اعتذار مني لكل رواد المنبر الكرام
بداية
انا زولة جديدة وزي مابقول البعض برلومة..........
ليس منا من ولد كبيرا ...كل يبدا من الصغر ...
بداياتي صغيرة وبسيطة ...وبالجد ...
وبكل صدق بفرح باي مداخلة في اي من مواضيعي الصغيرة .....
بفرح برضو لما يقرا لي زول حتى لو ماعمل مداخلة
فتحت بوست بعنوان
حملة لايقاف العضو فلان لانه عمل على طرد علان الذي صوت لايقاف فرتكان
.........وبداخلي يقين اني ابعد ماكون من الخلافات الشخصية وغيرها...
فتحتو لاناقش ظاهرة الخلافات الشخصية التي تطغى على المواضيع الهامة والمثمرة
الحصيلة كانت ماكبيرة
لكن بالنسبة لي مرضية ومقنعة
وانا زولة لسه في سنة اولى منبر
تاريخ انضامي للمنبر لم يتعد الشهرين
وذا بي وعلى حين غرة
ادرج في قائمة الخلافات الشخصية من شخصية لاتجمعني بها صفة
فتحت بوست
فقط للتوضيح
واذا بي ادخل في دوامة قلنا وقالو
وكلما ابتعد عن الموجة
القى التيار برجعني
اذا
اعتذر وبشدة اذا خرج البوست عن مساره الصحيح
ولكم مني كل الشكر والاحترام
|
Post: #2
Title: Re: اعتــــــــــذار لكل رواد المنبر الكـــــرام
Author: عوض محمد احمد
Date: 04-28-2007, 11:13 AM
Parent: #1
الم يراودك الندم مطلفا على التسجيل فى هذا المنبر الذى صار فى الفترة الاخيرة من اسوا المنابر؟
|
Post: #3
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 11:19 AM
Parent: #2
الاخ عوض محمد احمد
لك الف تحية
| Quote: الم يراودك الندم مطلفا على التسجيل فى هذا المنبر الذى صار فى الفترة الاخيرة من اسوا المنابر؟ |
ابدا والله ..........دي الحاجة الوحيدة المستحيل حتى افكر فيها
المنبر ده اصدق واجه اعلامية للسودان في تاريخه الحديث والقديم
وفيهو بتلاقي جميع القطاعات والجهات بتقول رأيها بحرية
بدون حجر او تعتيم
لك الشكر والاحترام
|
Post: #51
Title: Re: اعتــــــــــذار لكل رواد المنبر الكـــــرام
Author: عباس حسن احمد
Date: 04-28-2007, 04:48 PM
Parent: #3
ذن كونى على العهد دائما
|
Post: #4
Title: Re: اعتــــــــــذار لكل رواد المنبر الكـــــرام
Author: أبو ساندرا
Date: 04-28-2007, 11:19 AM
Parent: #1
Quote: عموما........
انا ضد فكرة أي محاولة للنيل من عضو في البورد... نتيجة لموقف معين
البورد اساسو الكلمة الحرة .... واي محاولة لاخراس طرف توحي فقط بعجز الطرف الثاني عن المواجهة
الكلمة لاتحيا الا حين تلامسها انفاس الناس .... ولا تصرخ الا حين تغادر رحم الظلام السرية ..وتتعذب حين يسجنها صاحبها |
هنا مربط الفرس وبيت القصيد
إستمسكي بماخطه يراعك
وحينها ماحاتحتاجي لأي إعتذار
ثم
أنت قايمة بنمرة 4 مالك
142 مشاركة في أقل من شهرين ؟
عفيت منك
وعيني باردة
|
Post: #6
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 11:26 AM
Parent: #4
العزيز ابو ساندرا
اسمح لي اقول ليك العزيز من غير سابق معرفة
اذا اسثنينا طبعا بوستاتك ومداخلاتك
Quote: هنا مربط الفرس وبيت القصيد
إستمسكي بماخطه يراعك
وحينها ماحاتحتاجي لأي إعتذار |
اكيد انا متمسكة بي كل كلمة قلتها
بس قراية سريعة للبوست (المختفي حاليا)....بتخليني
اعتذر عن طغيان الخلاف الشخصي على موضوع البوست الاساسي
لك مني الف تحية
|
Post: #5
Title: Re: اعتــــــــــذار لكل رواد المنبر الكـــــرام
Author: عاصم ابوبكر حامد
Date: 04-28-2007, 11:21 AM
Parent: #1
الاخت امل
لكى التحية
ارجو ان تاخذى اجازة من المنبر وتعودى
لان وقتها تعودى بقوة وتكون كل الخلافات انطوت ...
اما نحن اصبح المنبر جزء من حياتنا واصبحنا ندمن المنابر ...
ولكن اريد ان اقول لكى شئء مهم
اجعلى علاقتك تبدا بالمنبر بمجرد تسجيل دخول وتنتهى بمجرد تسجيل خروج منها
وعندما تعودى الى البيت لا تفكرى ماذا قال لكى ذلك ؟؟
وماذا ارد غدا لذاك ؟؟؟
وماذا اقول غدا فى بوست فلان ؟؟؟
وماذا يقصد هذا ؟؟؟
كل ذلك اجعليه خلفك عندما تضغطى على ايقونه الخروج ...
تسلمى
|
Post: #7
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 11:31 AM
Parent: #5
الاخ عاصم ابوبكر احمد
الف تحية
اخد اجازه عديل كده؟؟
عارف المشكلة وين؟
Quote: اجعلى علاقتك تبدا بالمنبر بمجرد تسجيل دخول وتنتهى بمجرد تسجيل خروج منها
وعندما تعودى الى البيت لا تفكرى ماذا قال لكى ذلك ؟؟ |
المشكلة ببساطة اني بعمل تسجيل الدخول بعد ماارجع البيت يعين غصبا عني الكمبيوتر قدامي وبناديني.....
بالنسبة لي الخلافات انطوت مع اخر تكة في الكي بورد ........بس الاعتذار كان لازم ...لازم
تسلم ولك مني عاطر التحايا
|
Post: #10
Title: Re: اعتــــــــــذار لكل رواد المنبر الكـــــرام
Author: عاصم ابوبكر حامد
Date: 04-28-2007, 11:38 AM
Parent: #7
الاخت امل
لكى التحية مجددا
Quote: المشكلة ببساطة اني بعمل تسجيل الدخول بعد ماارجع البيت يعين غصبا عني الكمبيوتر قدامي وبناديني.....
بالنسبة لي الخلافات انطوت مع اخر تكة في الكي بورد ........بس الاعتذار كان لازم ...لازم
تسلم ولك مني عاطر التحايا |
انا كانت عندى المشكلة دى
لكن الحمدلله كثرة المشغوليات قللة من دخولى للمنبر
والاطلاع على كل البوستات...
يعنى المهم تكونى فى البيت مشغولة لايام حتى تتعودى ان المنبر مكان لتلقى الاخبار العالمية
والمنبر ممكن ساعة تكفى بالكثير ساعتين ...
والمشاكل فى المنبر ما بتنتهى اطلاقا ..
واى واحد عاوز رايه بث اليمشئ ...
تسلمى
|
Post: #8
Title: Re: اعتــــــــــذار لكل رواد المنبر الكـــــرام
Author: عبدالكريم الامين احمد
Date: 04-28-2007, 11:32 AM
Parent: #5
الاخت امل
اعتذارك يرسل نقطة مضيئة جدا هي ايمانك العالي بدور هذا المنبر وتقديرك لمسئوليتك كعضوة فيه..
ولكن هذه البقعة اظن واردد دوما نحتاج الي روح قدس ومقدرة علي امتصاص الصدمات لازم (تقع وتقوم)
تضارب ويضاربوك وايضا حتي ان تصل لدرجة غضب يتيح لك تحطيم الكمبيوتر بتاعك احيانا,,وممكن ايضا
تمارس كل الاحاسيس الاخري من فرح وغيره..والقصة ماشة تماما..
لكن في النهاية تبقي المحصلة هي ايمان الشخص بالقضايا التي يومن بها وكيفية ادارة الحوارات فيها...
يبقي دوما الامل ياامل في التجربة والتجارب تعلمنا الكثير والبرلمة (ياحليلها) دائما يتعرف
الناس علي بعض واكيد حيبقوا اصحاب في اطار هذا المنبر الذي صار مثل الجامعة..
|
Post: #20
Title: Re: اعتــــــــــذار لكل رواد المنبر الكـــــرام
Author: فاروق حامد محمد
Date: 04-28-2007, 12:24 PM
Parent: #5
السيدة/الآنسة أمل
هذا المنتدى يحفل بكثير من الناس الفضلاء ذوي العلم والحلم
والموهبة نساءً ورجالاً ... يعرفون الأصول ويقدرون الفضول
ـ بفتح الفاء ـ ... كما أن به عكس ذلك تماما من ذوي
الأدب القليل والعلم الضئيل ... ولحسن الحظ فإن هؤلاء
قليلو العدد ... ناقصو الفطنة والمدد .. عاطلون عن كل
موهبة .. بائسو المعرفة والمرتبة .....
وقد رزأنا الله بهم في هذا المنبر وفي غيره من مجالات الحياة
المختلفة .. وليس علينا أيها الأخت العزيزة غير الصبر عليهم
والرضاء بقدر الله وابتلاءاته... فاصبري وصابري وابتعدي عنهم
قدر ما تستطيعين .. ولا تشغلي نفسك بالرد عليهم أو متابعتهم
في بوستاتهم أو مداخلاتهم ...
ودون ذكر أسماء فإنك تستطيعين معرفتهم بكتاباتهم وفي لحن القول ..
وربنا يصبرنا ويصبرك ...
والله المستعان ...
|
Post: #9
Title: Re: اعتــــــــــذار لكل رواد المنبر الكـــــرام
Author: أبو ساندرا
Date: 04-28-2007, 11:32 AM
Parent: #1
العزيزة أمل
بعد الإذن يعني
الصباح شفت البوست ال| Quote: للبوست (المختفي حاليا) |
ده بوست واللا زميل ، البيختفي ده ؟
شكلو كده ودهو الخور
ولو سمحتي لي بنصيحة ، خليها دي أول وأخر مرة يذهب فيها موضوع ليك للخور
أوعك تمشي الخور تاني
مع عامر المودة
|
Post: #11
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 11:43 AM
Parent: #9
الاخ عاصم
Quote: يعنى المهم تكونى فى البيت مشغولة لايام حتى تتعودى ان المنبر مكان لتلقى الاخبار العالمية
والمنبر ممكن ساعة تكفى بالكثير ساعتين ... |
تعرف مهما كانت المشغوليات عندي .... المنبر عندو الاولوية........
لانو في الغربة هو اقصر طريق بيوصلنا للوطن
لك كل الشكر
|
Post: #12
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 11:50 AM
Parent: #11
الاخ عبد الكريم الامين احمد
سلامات
Quote: لكن في النهاية تبقي المحصلة هي ايمان الشخص بالقضايا التي يومن بها وكيفية ادارة الحوارات فيها...
يبقي دوما الامل ياامل في التجربة والتجارب تعلمنا الكثير والبرلمة (ياحليلها) دائما يتعرف
الناس علي بعض واكيد حيبقوا اصحاب في اطار هذا المنبر الذي صار مثل الجامعة.. |
اكيد
يعني مفترض انو المنبر يقرب الناس لي بعض
بي طرح القضايا
وابداء وجهات النظر المختلفة والناس في النهاية تشوف الوجهة الصحيحة ....وليس فرض الاراء الشخصية
تسلم
|
Post: #14
Title: Re: اعتــــــــــذار لكل رواد المنبر الكـــــرام
Author: Hisham Amin
Date: 04-28-2007, 12:00 PM
Parent: #12
تحياتى اخت امل
(جعمصى) معانا شوية لحد ما يروق الحال
وتبقى جزء من الشلال المندفع ولا تكرى الاعتذار
فان فعلت ستجدى نفسك ومع كل بوست مضطرة لفتح بوست اخر للاعتذار
تداخلت واياك فى بوست الاخت بيان داعما لموقفها نسبة لما عانتة
هنا من تعد واضح وانا هنا اكررة وبنفس الدعم لها ايضا تجدينى
هنا ناصحا لك اذا قبلت فانا لا اعادى احدا ولم ادخل الى هذا المنبر
لاكتسب اعداء لا بل اصدقاء اعزاء وافكار وحلول لمشكلة تدور الان فى سوداننا
اتمنى لك اقامة طيبة بيننا حتى وان كان الاختلاف يدق اعتاب القمر
هشام امين
|
Post: #13
Title: Re: اعتــــــــــذار لكل رواد المنبر الكـــــرام
Author: عاصم ابوبكر حامد
Date: 04-28-2007, 11:53 AM
Parent: #11
الاخت امل
لك التحية مجددا
Quote: تعرف مهما كانت المشغوليات عندي .... المنبر عندو الاولوية........
لانو في الغربة هو اقصر طريق بيوصلنا للوطن |
على العموم كانت تلك سياستى مع الاون لاين والاوف لا ين
الابتعاد اذا كانت لدى مشاكل ....
ولا تنسئ بانك جندرية وحاولى التاقلم مع المنبر بطريقتك ...
تسلمى
|
Post: #15
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 12:02 PM
Parent: #13
Quote: على العموم كانت تلك سياستى مع الاون لاين والاوف لا ين
الابتعاد اذا كانت لدى مشاكل .... |
عموما لك الشكر على النصيحة الغالية
وزيي مابقولو اسال مجرب ماتسال طبيب
وانشاء الله ربنا يبعد عنك المشاكل واسباب المشاكل
|
Post: #17
Title: Re: اعتــــــــــذار لكل رواد المنبر الكـــــرام
Author: tmbis
Date: 04-28-2007, 12:17 PM
Parent: #11
Quote: الاخت امل
لكى التحية
ارجو ان تاخذى اجازة من المنبر وتعودى لان وقتها تعودى بقوة وتكون كل الخلافات انطوت ... |
يا عاصم:
ياخ الزولة دي ليهــا يادوبك شهــرين ودا أول ملف ضيق تدخل فيهو .. تقول ليها اخدي ليك إجازة من المنبر وتعودي ..؟
ياخ إنت شخص عجيب وغريب زي ملاسي ..
..
.
يا أخت أمــل:
والله مسالة الاعتذار في سودانيز اونلاين دي .. صدقيني بقت ما بتأكل عيش ..هم اصلو حاجتين: ما تخوضي ليك معركة تحسي إنك ح ترجعي علشان تعتذري فيها .. والحاجة المهمة جدا .. ما تلمي البيض كلو في سلة واحدة .. في قضايا في البورد ده .. ومشاكل ما بتتحل إلا بسقوط سور الصين العظيم ولذلك ما تدخلي نفسك في الحتات الضيقة بتاعته ..
الحاجة التانية:
لو نفسك ما طويل .. ما تفتحي ليك بوست لي عضــو بي اسمــو .. لانو البورد فيهو فنيات ومقصات وضرب تحت الحزام. فيا اختي شان ما تحسي بي نفسك اذيتي نفسك وغيرك .. أعلمي حسابك من بدري .. فللبورد ذاكرة  ...
..
.
|
Post: #19
Title: Re: اعتــــــــــذار لكل رواد المنبر الكـــــرام
Author: عاصم ابوبكر حامد
Date: 04-28-2007, 12:22 PM
Parent: #17
تمبس
كيفك
Quote: يا عاصم:
ياخ الزولة دي ليهــا يادوبك شهــرين ودا أول ملف ضيق تدخل فيهو .. تقول ليها اخدي ليك إجازة من المنبر وتعودي ..؟
ياخ إنت شخص عجيب وغريب زي ملاسي .. |
اجمل شئ ان تتعود تاخذ اجازة من الشهر الاول مش الشهرين ...
والله انا ما عجيب لكن يا تمبس انت قربت تقع فى مستنقع الرجل العجيب والغريب
على العموم راى فى العجيب قائم ...
وانا شايف يا تمبس انت كمان مفروض تاخذ اجازة 6 شهور اذا امكن ...
تسلم
|
Post: #22
Title: Re: اعتــــــــــذار لكل رواد المنبر الكـــــرام
Author: tmbis
Date: 04-28-2007, 12:30 PM
Parent: #19
| Quote: وانا شايف يا تمبس انت كمان مفروض تاخذ اجازة 6 شهور اذا امكن ... |
يا عــاصم:
والله أنت فعلا شخص عجيب وغريب ده إذا أمكن برضو.
|
Post: #24
Title: Re: اعتــــــــــذار لكل رواد المنبر الكـــــرام
Author: عاصم ابوبكر حامد
Date: 04-28-2007, 12:39 PM
Parent: #22
والله أنت فعلا شخص عجيب وغريب ده إذا أمكن برضو. تمبس:::::
انت الاعجب والاغرب ...
بث فكر فى الاجازة 6 شهور دى اذا امكن
وخلى الباقى على اذا امكن
رايك شنو اذا امكن
تسلم
|
Post: #32
Title: Re: اعتــــــــــذار لكل رواد المنبر الكـــــرام
Author: خالد الطيب أحمد
Date: 04-28-2007, 01:07 PM
Parent: #17
العزيزة أمل
إنتي جيتي زي أنا ما جيت هنا..وقلتي الحقيقة المرة..وطبعا ما كل الناس بتقبل الحقيقة دي..
فحتتصنفي وووو...
وزي ما قال تمبس
| Quote: لانو البورد فيهو فنيات ومقصات وضرب تحت الحزام. |
و كلامو صاح..
وهو خبير..
وعندي معاهو تجارب..
|
Post: #16
Title: Re: اعتــــــــــذار لكل رواد المنبر الكـــــرام
Author: هشام مدنى
Date: 04-28-2007, 12:04 PM
Parent: #1
البوست ده
Quote: حملة لايقاف العضو فلان لانه عمل على طرد علان الذي صوت لايقاف فرتكان
|
كنت من المتابعين له ومقصده كان واضح
الأعتذار على شنو ماذا حدث؟
تحياتى
|
Post: #18
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 12:20 PM
Parent: #16
الاخ هشام امين
تحياتي
Quote: ولا تكرى الاعتذار
فان فعلت ستجدى نفسك ومع كل بوست مضطرة لفتح بوست اخر للاعتذار |
اعتذاري فقط لاني مشيت مع التيار وطلعت بالبوست عن مساره الصحيح
وليس اعتذار عن موقف وا كلمة كتبتها
اخي
لك مطلق الحرية في التعبير عن رأيك والدفاع عن اي كان
ده رايك وانا بحترمو بشدة .........ومامعناهو كسب عداوة معي ...
او مبرر لخلاف شخصي معك
ومعا لحل مشاكل سوداننا الحبيب
|
Post: #21
Title: Re: اعتــــــــــذار لكل رواد المنبر الكـــــرام
Author: عاصم ابوبكر حامد
Date: 04-28-2007, 12:28 PM
Parent: #18
امل
سلام
كيفك
| Quote: ومعا لحل مشاكل سوداننا الحبيب |
الكلام دا ما ممكن اطلاقا فى المنبر هنا ...
انتى عارفة حتى لو عملوا اجتماع لكل سودانى خارج الوطن وداخلة مامكن نتفق اصلا ...
نحن السودانيين اتفقنا على الا نتفق اطلاقا ....
تسلمى
|
Post: #27
Title: Re: اعتــــــــــذار لكل رواد المنبر الكـــــرام
Author: شهاب الفاتح عثمان
Date: 04-28-2007, 12:50 PM
Parent: #18
Quote: المنبر ده اصدق واجه اعلامية للسودان في تاريخه الحديث والقديم
|
هوكذلك و انت اصيله .
|
Post: #25
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 12:40 PM
Parent: #16
الاخ هشام مدني
اعتذاري مش عشان البوست ده
| Quote: حملة لايقاف العضو فلان لانه عمل على طرد علان الذي صوت لايقاف فرتكان |
الحكاية ياسيدي
انو على حين غفلة كده .....لقيت اني مدرجة داخل نقاش بين شخصين
ماعايزة اجيب الاسماء ولا عايزة ابدا اتهامات جديدة
المهم فتحت بوست
للشخصية ة الاتكلمت عني بدون سابق معرفة
يعين زي ماتقول كده تنوية
وبعد كده عينك ماتشوف الا النور
يعني البوست تحول من تنويه لي نقاشات شخصية
ده غير المداخلات
وانحرف البوست عن مساره
وادخل اولى الاختصاص
ورفعو البوست
اعتذاري اذن اني سمحت للخلافات الشخصية بان تطغى
|
Post: #23
Title: Re: اعتــــــــــذار لكل رواد المنبر الكـــــرام
Author: Zoal Wahid
Date: 04-28-2007, 12:32 PM
Parent: #1
انا عجبني كلام فاروق
Quote: السيدة/الآنسة أمل
هذا المنتدى يحفل بكثير من الناس الفضلاء ذوي العلم والحلم
والموهبة نساءً ورجالاً ... يعرفون الأصول ويقدرون الفضول
ـ بفتح الفاء ـ ... كما أن به عكس ذلك تماما من ذوي
الأدب القليل والعلم الضئيل ... ولحسن الحظ فإن هؤلاء
قليلو العدد ... ناقصو الفطنة والمدد .. عاطلون عن كل
موهبة .. بائسو المعرفة والمرتبة .....
وقد رزأنا الله بهم في هذا المنبر وفي غيره من مجالات الحياة
المختلفة .. وليس علينا أيها الأخت العزيزة غير الصبر عليهم
والرضاء بقدر الله وابتلاءاته... فاصبري وصابري وابتعدي عنهم
قدر ما تستطيعين .. ولا تشغلي نفسك بالرد عليهم أو متابعتهم
في بوستاتهم أو مداخلاتهم ...
ودون ذكر أسماء فإنك تستطيعين معرفتهم بكتاباتهم وفي لحن القول ..
وربنا يصبرنا ويصبرك ...
والله المستعان ... |
|
Post: #26
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 12:46 PM
Parent: #23
اخي الفاضل فاروق حامد محمد
لك التحية
Quote: السيدة/الآنسة أمل
هذا المنتدى يحفل بكثير من الناس الفضلاء ذوي العلم والحلم
والموهبة نساءً ورجالاً ... يعرفون الأصول ويقدرون الفضول
ـ بفتح الفاء ـ ... كما أن به عكس ذلك تماما من ذوي
الأدب القليل والعلم الضئيل ... ولحسن الحظ فإن هؤلاء
قليلو العدد ... ناقصو الفطنة والمدد .. عاطلون عن كل
موهبة .. بائسو المعرفة والمرتبة .....
وقد رزأنا الله بهم في هذا المنبر وفي غيره من مجالات الحياة
المختلفة .. وليس علينا أيها الأخت العزيزة غير الصبر عليهم
والرضاء بقدر الله وابتلاءاته... فاصبري وصابري وابتعدي عنهم
قدر ما تستطيعين .. ولا تشغلي نفسك بالرد عليهم أو متابعتهم
في بوستاتهم أو مداخلاتهم ...
ودون ذكر أسماء فإنك تستطيعين معرفتهم بكتاباتهم وفي لحن القول ..
وربنا يصبرنا ويصبرك ...
والله المستعان ... |
اشكرك على كل كلمة وكتبتها
وكلامك كلو على عيني وراسي
ودي المحرية في من سبقونا في درب سودانيز او لاين
سلام
|
Post: #28
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 12:54 PM
الاخ تمبس
Quote: يا أخت أمــل:
والله مسالة الاعتذار في سودانيز اونلاين دي .. صدقيني بقت ما بتأكل عيش ..هم اصلو حاجتين: ما تخوضي ليك معركة تحسي إنك ح ترجعي علشان تعتذري فيها .. والحاجة المهمة جدا .. ما تلمي البيض كلو في سلة واحدة .. في قضايا في البورد ده .. ومشاكل ما بتتحل إلا بسقوط سور الصين العظيم ولذلك ما تدخلي نفسك في الحتات الضيقة بتاعته ..
الحاجة التانية:
لو نفسك ما طويل .. ما تفتحي ليك بوست لي عضــو بي اسمــو .. لانو البورد فيهو فنيات ومقصات وضرب تحت الحزام. فيا اختي شان ما تحسي بي نفسك اذيتي نفسك وغيرك .. أعلمي حسابك من بدري .. فللبورد ذاكرة ... |
اعتذاري ليس لشخص معين ولا لكلمة خطيتها ......
فتحت بوست
فقط للتوضيح
Quote: واذا بي ادخل في دوامة قلنا وقالو
وكلما ابتعد عن الموجة
القى التيار برجعني
اذا
اعتذر وبشدة اذا خرج البوست عن مساره الصحيح |
اي ان لكل مقام مقال ...........اعتذاري على طغيان الخلافات الشخصية
ولكن بعتز باي كلمة كتبتها ........بس ده ماكان مكانها
ماعارفة العيب شنو في انو الواحد يعتذر
هل الاعتذار في نظرك ينم عن الضعف ؟؟؟
ام ان الاعتذار اصبح في هذا الزمن العجيب جريمة
ولك التحية
|
Post: #29
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 01:01 PM
Parent: #28
اخي عاصم
اهلين تاني
Quote: انتى عارفة حتى لو عملوا اجتماع لكل سودانى خارج الوطن وداخلة مامكن نتفق اصلا ...
نحن السودانيين اتفقنا على الا نتفق اطلاقا .... |
معليش خلينا نحلم ونحلم .....ممكن بكرة الحلم يبقى حقيقة ....
ويبقى سوداننا زي ماعايزنو
واحسن
|
Post: #30
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 01:04 PM
Parent: #29
الاخ شهاب الفاتح
مليون سلام
المنبر ده اصدق واجه اعلامية للسودان في تاريخه الحديث والقديم
لك الشكر
|
Post: #36
Title: Re: اعتــــــــــذار لكل رواد المنبر الكـــــرام
Author: Waly Eldin Elfakey
Date: 04-28-2007, 01:19 PM
Parent: #28
بالرغم من انني لم ادخل في
ذلك البوست الذي تحدثت عنه الا انني
احييك و.......
| Quote: هوكذلك و انت اصيله . |
|
Post: #31
Title: اعتــــــــــذار لكل رواد المنبر الكـــــرام
Author: الفاتح خليل الفكي
Date: 04-28-2007, 01:06 PM
Parent: #1
الأخت / أمل
سلام واحترام ،،،،
مرحب بيك حبابك
اصبري انتي في بداية الطريق و خلي نفسك طويل
تقبلي تحياتي ،،،،
أبو كريم
|
Post: #34
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 01:09 PM
Parent: #31
الاخ الفاتح
سلامات حبابك
تشكر على الترحاب
وسلم لي علي ولدك العسل الفي صورة
وربنا يخلي ليك كريم ياابو كريم
|
Post: #33
Title: Re: اعتــــــــــذار لكل رواد المنبر الكـــــرام
Author: عاصم ابوبكر حامد
Date: 04-28-2007, 01:08 PM
Parent: #1
امل
كيفك تانى وثالث
معليش خلينا نحلم ونحلم .....ممكن بكرة الحلم يبقى حقيقة ....
ويبقى سوداننا زي ماعايزنو
واحسن
خلاص احلمى
لكن انا كنت بحلم زيك والان تلاشئ الحلم تماما
اتمنى ذلك ...
وارجو ان تقول اتمنى بدل الحلم ...
ولا رايك شنو ؟؟؟؟
تسلمى
|
Post: #35
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 01:13 PM
Parent: #33
اخي عاصم
كيفك انت
مالو
نحلم
ونتمنى
ونقول
ونعمل
المهم في النهاية يتحقق الهدف
|
Post: #37
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 01:20 PM
Parent: #35
اخي خالد الطيب احمد
مرحبتين حبابك
تسلم وتشكر
وزي ماقال احمد مطر
وضعوا فوق فمي كلب حراسة ،
وبنوا للكبرياء في دمي سوق نخاسة ،
وعلى صحوة عقلي أمروا التخدير أن يسكب كأسة ،
ثم لما صحت: "قد أغرقني فيض النجاسة " ،
قيل لي : " لا تتدخل في السياسة " ؛
تدرج الدبابة الكسلى على رأسي إلى باب الرئاسة ،
وبتوقيعي بأوطان الجواري ،
يعقد البائع والشاري مواثيق النخاسة ،
وعلى أوتار جوعي ، يعزف الشبعان ألحان الحماسة ،
بدمي ترسم لوحات شقائي ،
فأنا الفن وأهل الفن ساسة ،
فلماذا أنا عبد، والسياسيون أصحاب قداسة ؟
قيل لي : " لا تتدخل في السياسة " ؛
شيدوا المبنى وقالوا أبعدوا عنه أساسة ،
أيها السادة عفوا، كيف لا يهتز جسم عندما يفقد رأسه
|
Post: #38
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 01:34 PM
Parent: #37
العزيز ابو ساندرا
كتبت ليك قبيييييييييل رد على المداخلة دي
Quote: ده بوست واللا زميل ، البيختفي ده ؟
شكلو كده ودهو الخور |
بصدق مالقيتها
شكلي ماعملت ارسال
المهم
كتبت ليك فيها
بما معناهو
الزول ده ......اقصد البوست ده اختفى في ظروف غامضة
وحتى في الخور مالاقياها
ح اعمل بي نصيحتك الغاليةواوعدك لا ح امشي الخور تاني ولا ح اجي بي جنبو
وتسلم
تحياتي
|
Post: #39
Title: Re: اعتــــــــــذار لكل رواد المنبر الكـــــرام
Author: كمال علي الزين
Date: 04-28-2007, 01:35 PM
Parent: #37
لاشئ بهذا المنبر يخفى
الصالح , الطالح , السارق , القاتل , الكاذب , الدعي , العالم
جميعهم على رؤوسهم (بطحة)
فتجنبي أن تقود كلماتك ولو محض صدفة إلى إشارات لهذه (البطحة)
ترياقهم , فقط
التجاهل
التجاهل
التجاهل
فأحفظي هذه النعمة ..
إعتذارك ينم عن كرم أصلك
ونقاء قلبك
فحافظي على إسمك
ونصاعة قلبك
ورددي معي
التجاهل
التجاهل
التجاهل
|
Post: #40
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 01:42 PM
Parent: #39
الاخ كمال علي الزين
Quote: التجاهل
التجاهل
التجاهل |
ح استعمل الترياق ده
واخد منو جرعة مضاعفة كلما صادفتني المحن
تشكر
مليون سلام
والف تحية ليك
|
Post: #41
Title: Re: اعتــــــــــذار لكل رواد المنبر الكـــــرام
Author: tmbis
Date: 04-28-2007, 02:05 PM
Parent: #40
Quote: ام ان الاعتذار اصبح في هذا الزمن العجيب جريمة
ولك التحية |
... اها دي بالذات بحوله لي مجموعة محددة وفئة تعودت أنها تغلط غلطات شنيعه جدا .. في حق البعض .. وبتفتكر أنو الاعتذار ضعف . وجريمة يعاقب عليها الضرب بالرصاص ..
علشان كدا قلت ليك .. حاولي ما تغلطي .. علي زول ولا تدخلي نفسك في الحتة البتجيب ليك الاعتذار .. وكان غلط حد عليك ما تفتشي عندو الاعتذار ...
بعدين الحاجة الغريبة جدا .. انا ما عارف دخلت هنا كيف ورديت لي كم رد ..
والله انا دخلت علشان اقول لي عاصم إنت يا عاصم عجيب وغريب ..
فجاة لقيت نسي اخوض مع الخائضين .. وأهو الكلام جاب الكلام ..
والله أقول ليك بي صراحة..؟
من فترة بقيت بوستات الاعتذارات ما بدخله .. ولو دخلتها بدخل .. علشان اشوف لغة الاعتذار عامله كيف ..
لغة الاعتذار اقصد بها شخصية الشخص المعتذر ( ومدى تصالحو مع نفسو ) ودرجة احترامو وتقديرو للمعتذر ليهم ..
|
Post: #42
Title: Re: اعتــــــــــذار لكل رواد المنبر الكـــــرام
Author: اساسي
Date: 04-28-2007, 02:20 PM
Parent: #41
الاستاذة امل قدورة
شكرا لاعتذارك دا جدا وحقيقة كنت بحاجة لهذا الاعتذار لاني كنت داخل في حتة ضيقة شديد ومحرج
بصراحة لاني ما كنت عارف الغلطان منو والشكلة وين لكن الان كدا الموضوع بقي لي واضح ولم يكن
باقيا سوى هذا الاعتذار لتتضح المعالم الخافية ...
هو لكن بوست الشكلة وين وكانت مع منو الشكلة ؟؟
ومرة تانية شكرا للاعتذار الفي محله
|
Post: #43
Title: Re: اعتــــــــــذار لكل رواد المنبر الكـــــرام
Author: د.محمد حسن
Date: 04-28-2007, 02:31 PM
Parent: #1
الاخت امل
الاعتذرا سلوك شخص عرف قيمة نفسه
ثم
لماذا نكتب
كيف نكتب
ولمن نكتب
الاجابة على هذه الاسئلة بصدق مع النفس
تحدد هوية المقال
يمنياتي لك بارتقاء مزيد من الصعاب
لانها تنتج لنا قلما صادقا
|
Post: #44
Title: شكــــــــــــــــــــــــــرا
Author: ASAAD IBRAHIM
Date: 04-28-2007, 02:54 PM
Parent: #43
شكرا أمل
|
Post: #45
Title: Re: اعتــــــــــذار لكل رواد المنبر الكـــــرام
Author: Raja
Date: 04-28-2007, 03:44 PM
Parent: #1
العزيزة أمل..
أولا سلام ومرحب بيك في المنبر..
مافي شئ إسمه عضو برلوم وعضو سينير..
برلمتك وسنيرتك بيحددها الكلام البتكتبيه.. يعني الكلام المسئول والمحترم بيفرض نفسه حتى ولو جاء من زول هسسسسسع دخل.. وممكن تتأكدي من كلامي ده لو قريتي لناس دخلو بعدك..
أكتبي الشايفاهو ومقتنعة بيه. ولو ما لقيتي تجاوب ما يصيبك الإحباط.. كلنا كنا هناك وما زلنا..
من أكتر من أسبوع كتبت البوست ده.. أهديه ليك
حــال الـمـنـبـر يـا هـبـة..
ومرحبا تاني..
|
Post: #46
Title: Re: اعتــــــــــذار لكل رواد المنبر الكـــــرام
Author: غادة عبدالعزيز خالد
Date: 04-28-2007, 03:46 PM
Parent: #45
الأخت الكريمة
أمل
لك الشكر على الإعتذار
.
.
و أتركية و كثير من مناوشات خلفك
و إنتبهى لما ينفع
كل الود و التقدير
غادة
|
Post: #47
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 04:26 PM
Parent: #46
الاخ والي الدين الفكي
لك الشكر
وتسلم
|
Post: #48
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 04:30 PM
Parent: #47
تمبس
| Quote: وكان غلط حد عليك ما تفتشي عندو الاعتذار ... |
هنا مربط الفرس
زي ماقلت نادرا مايغلط حد ويعترف بي غلطو .....خليك من انو يعتذر
اضاءاة
| Quote: لغة الاعتذار اقصد بها شخصية الشخص المعتذر ( ومدى تصالحو مع نفسو ) ودرجة احترامو وتقديرو للمعتذر ليهم .. |
|
Post: #49
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 04:37 PM
Parent: #48
الاخ الاستاذ اساسي
| Quote: ما كنت عارف الغلطان منو والشكلة وين |
البوست المعني..زاو الشكلة حسب تعبيرك ياسيدي كانت يومي الخميس والجمعة ......وصباح السبت
..........مامهم الشخصيات
البوست المعني ....كان قريب بيكون في الخور
اما عن
| Quote: وحقيقة كنت بحاجة لهذا الاعتذار لاني كنت داخل في حتة ضيقة شديد ومحرج |
لالزوم لاحراجك الموضوع انتهي بيني وبين الشخصية المعنية
واعتذاري هو لرواد المنبر الكرام
لا ....لموقف او كلمة قلتها ....او الشخصية المعنية
وانما لاقحامهم في البوست البقى شكلة على قولتك
اما منو الغلطان ومنو الغلط .........فدي قصة طويلة يطول شرحها
|
Post: #50
Title: Re: اعتــــــــــذار لكل رواد المنبر الكـــــرام
Author: Elawad Eltayeb
Date: 04-28-2007, 04:44 PM
Parent: #46
| Quote: اعتذار مني لكل رواد المنبر الكرام |
إعتذارك مقبول من طرفنا، وتشكري عليه، وهو دليل على قوة شخصيتك وقيمة الحق العليا في نفسك.
أرجو أن نراها "صافية لبن" بينك وبين الأخت العزيزة د. بيان الغائبة هنا.
ليس هناك فرق بين البرالمة والسناير في هذا البورد، الفرق فقط فيما يفيد القاريء ويخدم السودان.
وكلنا جئنا هنا نحمل خطايانا، وقد قال الرسول صلى الله عليه وسلم:
(كل ابن آدم خطاء وخير الخطاءين التوابين)
وأنت خيرنا هنا.
ولعلك تعرفين قول الإمام الشافعي:
تعمدني بنصحك في إنفرادي وجنبني النصيحة في الجماعة
فإن النصح بين الناس نوع من التوبيخ لا أرضى استماعه
إذا خالفتني وعصيت قولي فلا تجزع إذا لم تلق طاعة
وأدعو معك:
يا ليتنا نستطيع دائماً أن نخالف هوى النفس
ونقاوم إغراء أن نوجه للناس كلاما شخصياًً لا نرضاه إذا وجه لنا.
وأن نركز حول الأفكار ونتجنب ما يمس الأشخاص.
لعلنا بذلك نضرب عصفورين بحجر، كسب إحترام الطرف الآخر وتثبيت فكرة أو التوصل لقناعة جديدة. دعونا نضع أنفسنا في الظل ونضع الأفكار تحت الضوء.
فستستنير دواخلنا وعالمنا وتضح لنا الرؤى فنمشي واثقي الخطى نحو المستقبل.
لعلها التجربة الأولى لك وكانت بحسن نية وصفاء طوية ونبل مقصد.
لكننا منك نتعلم.
وشكراً لك مرة أخرى،،،
أخوك،
عوض أحمد الطيب
|
Post: #52
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 04:51 PM
Parent: #50
الاخ اسعد
الشكر انت اجزله .......
ولك كل التحايا
|
Post: #53
Title: Re: اعتــــــــــذار لكل رواد المنبر الكـــــرام
Author: aml gadora
Date: 04-28-2007, 05:13 PM
Parent: #52
الاخ عوض احمد الطيب
الاخت رجاء
شكرا على المرور والملاحظات
|
|