الزاوية .. خُلعة الإبصار .. حقيقة الروح - (وصول أول) ...!!!

يتساوى الجميع في عشق الزاوية .. لكن يكون الاختلاف في طريقة تبوء المكان .. !!


قف حيث شئت
وافرض عليك الوجد
و(الشوف) القليل



الزاوية هي أنسب مكان يتيح لك تركيز الرؤيا .. ويقودك حيث تشاء عينيك .. لكن هل هذا يجدي حينما تتربص بك الظلمة ؟؟؟


هو ذا سؤال ...
لك ألا تجيب
أسكت إذا شاء القدر
وامكث بقلبك كيف شئت
وأخرج إلى الدنيا نظيف الروح .. !!



كذا قال لي ملاذي الجميل
صديقي الودود الذي لا أمل مجالسته
صديقي العجوز ..
قال هذا حين خاصمني الصبر
وبدا ذلك ظاهرا على أطراف أناملي حينما تقطر حزنا ..

رجل أبيض الشعر ..
كل الشعر (حاجبيه - شاربه - لحيته) وكذا بصيرته وأيضا لونه
ملائكي ..
تنزل من سماء الصفاء ..



حينما تقتات ذكراك القديمة .. أنظر بواطن الأشياء .. تتجلى لك روحك .. !!

حينما تعبد طرق الوصول إليك .. ضع فيها الحواجز كم تشاء .. تصعيبا لـ.... (أظنك تعلم ما سأقول)

.
.

(إذن سأسكت حينما تستدرك .. علك تصل يوما ...)


قالها وغادر
لكنه وعد بالعودة
وهو لم يخلف موعدا قط ..



مرفق :
محبتي للجميع
بـــــادي

قِف حيث تهوى ..
وأفرض عليك الوعد..
ولاتتعدّى حدود الوفاء بالعهد القديم.

واقف ..
وما قعدت قصاد أسى
دايما بمش
بفرد خطاي
أملا وريف


تعرفي يا تماضر ،،


رغم دا كلو
الزاوية مكان جميل



مرفق :
محتي وتقديري
بــــادي

توازي في قعدة خواطرك..
خواطري كان تعرف تمش!
تفرد خطاك؟؟
تقصر مسافات البعاد..
تلبس مساحاتك عشم!

الزاوية والاحساس نضيف

وخفيف تحلق ..

بين مجرات الحنين

Quote: الزاوية والاحساس نضيف وخفيف تحلق .. بين مجرات الحنين

حلّقتا بيك
وفردت ليك
غنوات يبردن الحشا
ورسمت ليك
زاويات ولف
ياريت تختي رحلك عندهن
وتقيلي



مرفق :
شوقي الشديد
بــــادي

Quote: توازي في قعدة خواطرك.. خواطري كان تعرف تمش! تفرد خطاك؟؟ تقصر مسافات البعاد.. تلبس مساحاتك عشم!

سمح ..
هل توازي القعدة
بشفع لي جلوس الزاوية ؟؟

سؤال بسيط ... !!

يمكن قعادنا قصاد بعض
يفتح صباح نديان بوعد الموية
لي الأرض الجفاف

تعالي يا بنية خريف
نوازن بين جلوسنا
وزاوية الشوق إنفراج
نقعد عليها وننتكي
نفرد صباحاتاً جُداد
نرسم زوايا الإلفة زي ما نشتهي



مرفق :
شوقي الشديد
بــــادي

بتعادل خطوة منك
وواحدة مني..
جوابي أبسط!


لو قلتا ليك الشوق دفق..
قبال مواعيد اللقا..
قبال مروقك للتعب
أو تخطيك الوجع!
ح تقول :

Quote: جواك بير إحساس بدفق ما نضب وما أظن يوم ح يغشاهو الجفاف

ح قول:مافيهو ريدك هو الدفق
كيفن بينضب ياحلو؟؟
لو إنتا شوقك في إزدياد.

وبيك برجع للزوايا
تعالي نختار الوقوف
جمبك
وجمبي
مع الخواطر
ودفق حرف
نصبر علي الوجع الكبير
نتأوه الكلمات غنا
ح نصبح بخير

رايك شنو ؟؟


مرفق :
حبي الكبير
بـــــادي

Quote: وبيك برجع للزوايا تعالي نختار الوقوف جمبك وجمبي مع الخواطر ودفق حرف نصبر علي الوجع الكبير نتأوه الكلمات غنا ح نصبح بخير رايك شنو ؟؟

رايي إنّك سكتي
بختارا في كل الزاويا
رايي إنّك حرفتي
وفيك بعيش كل القضايا..
السياسة..
والتأخّر..
والحضارة..
تطلعاتي العالمية..
والهموم ( الجندرية!)
وشوقي لو تعرف قضية!

Quote: رايي إنّك سكتي بختارا في كل الزاويا رايي إنّك حرفتي وفيك بعيش كل القضايا.. السياسة.. والتأخّر.. والحضارة.. تطلعاتي العالمية.. والهموم ( الجندرية!) وشوقي لو تعرف قضية!

ههههههههههههههه

دي ضحكة إعجاب بي فنونك !!
وبي جنونك !!
وبي حنينك !!
عايزاني أعمل إيش قصاد هذا الولف .. ؟؟

ابتسمت
وما نفع
حجم الفرح كان لسة أكبر
من حدود الابتسام
قهقهت إنفريت شوي
لكنو أكبر من ضحك
غايتو ..
عادلت روحي
وكتبت ليك

وبيني بين روحي وهواك
نبض القوافي
وحرفة الكلمة الشجن
والإلفة زاد
والشوق طريق
ح تمشي
ولا بتفتري ؟؟


مرفق :
حبي الكبير
بــــادي

أضحك..همومك تنتهي
ومن فوق سمايّ تنزل قوانينك عليّ
أضحك ..همومي بتنكفي
وتفرد مواعيدك فرح معروش بـ ضي!

Quote: والشوق طريق ح تمشي ولا بتفتري ؟؟

بمشيهو بي لهفة خُطاك
ببداهو من ساعة توجّس
لي حين بيتيقّن لُقاك

Quote: أضحك..همومك تنتهي ومن فوق سمايّ تنزل قوانينك عليّ أضحك ..همومي بتنكفي وتفرد مواعيدك فرح معروش بـ ضي!

ضحكت
راجي همك ينكفي
وينتهي
كل الأسى الجواي
بيك ..

Quote: بمشيهو بي لهفة خُطاك ببداهو من ساعة توجّس لي حين بيتيقّن لُقاك

طمنتي شوقي
رقد قفا
وقفت راجي الخطوة منك
تبدا وتوازي خطاي
شدي حيلك وحيلي جنبك
وزريني


مرفق :
حبي الكبير
بــــادي

الخطوة جد وازت خُطاك!
والكلمة طلعت في سفر
شدَّت رحالا عليك مشت
وفي سكتا..
رسمت خطاويها المعاك
هانت مشاويري..إنتشت
قرَّبت منّك كتير..
خلاس..
حدودك..لامست.

جيت عشان أمتع نفسي بالدهشة
مهند بتسوق الكلام زي غيم الأمل يرش يملى الدنيا خير وبشرى وحلم

نهال ،،


الوقفة في لجة الروح .. مسرح لرؤية الأحداث كما هي
وتتجلي في ذلك البصيرة للتمييز

شكرا جميلا على كل هذا


مرفق :
محبتي وتقديري
بـــادي

Quote: الخطوة جد وازت خُطاك! والكلمة طلعت في سفر شدَّت رحالا عليك مشت وفي سكتا.. رسمت خطاويها المعاك هانت مشاويري..إنتشت قرَّبت منّك كتير.. خلاس.. حدودك..لامست.

شعرت بيك
وانتي تقدلي في الرويحة
فرشت ليك
السكة السكة باللون البشابه
لون دواخلك
أقدلي


مرفق :
معزتي ومودتي
بــــــادي

وقدلتا في سكة دواخلك..
ماشة في كل الممرات
كم شاقني في دربك هواك
عمري لو تعرف مشيت
وياني لامليت مشيك
لاعند الوصول ..قلَّ إشتياقي..ولا إكتفيت
أنا بيكا بتحدّى المواعيد الضباب
بنزل مطر
عِزالعذاب
بوفي إقترابك ليّ خريف
وتطلع مواعيدك شجر
وتمسك النيل بين إيديك
إنكسر جوّاك رهاب

تماضر الحميمة ،،


شفتك صباح الشوق
وكت نادى المطر
قفر القلوب
جا وشايل القدلة زيييييييييييين
شحتف رويحة الانتظار

وأنا بين هذا وذلك ..

ك نت بنسج من ضفايرك
لي حنيني وسادة
شان يرتاح
من الساساق



مرفق :
كل المودة
بـــــادي

حد الزوايا ..... وشوف مساحات الولف

جوانا.. متّر موطىء القدم البشيلك

يوزنك قبال يعتر ليك قفاك

واسند وجع قلب البريدك بملى بيك

الدنيا بيتين من حنين ..موكب فرح

جواهو يتقطّر وفاك

يا وافي زي روحك براك..جوانا بتعتق غناك

زي كل ملاك

بتعلم الناس العشق

والطيبة في الزمن الهلاك

وصول أجمل


محرض علي الهديل!!



شكرن كتيرن!

وكان الوصول
ما بين تراتيك صُبح
وما بين وحيح الكلمة
وأنة خاطر

لكنني ...
ما زلت أراهن أن رنين الكلمة
سيسمع جبل الحزن الضحك
ما معاي انت .. ؟؟


مرفق :
شوقي الشديد
بــــادي

ذات حنين .. قرأتك ...

وكان هذا (غصبا) عن عيوني
فما تركت لي
غبر المحبة من سبيل


تاتيت
وكانت في السكة
حُفر حنية
وقعت ..
وانا لسة بعلم سنة قلم الشوق
تنجر علي أشواق الورق الساكت ساي
مكتول بفراق أقلام الإلفة ..
وما شاورت الحضن الضمَّ أساي
الحضن الهدهد
كل أحزان المشي
وعترات تاتاي
برجاك وانا جاي
جاي عليك
أو منك وليك
ما الإلفة محطة
وانت الواصل
بيني وبين أشواقي مسافات


مرفق :
حبي الكبير
بـــادي

حبايبي الحلوين
وداعة
وحبيبا هِي
وتماضر


سلامات كبار وكتار بالحليل
وواحشني موت
والليد تقالع في الكليمات التسالم
لي عويناتكم
هسع
وبعدين
وقبل مسااااااااافة


جاييكم برواقة
وهداوة بال


مرفق:
بحبكم كلكم
بـــــادي

حقيقة الروح
والزواياالخُلعه
ينحـسر البصر

بادى

( وصول متأخر )
كمدخل للتحايا

دمت

أخوي مهـند

شـوق متقـد بفعل الإقصاء (للشـوفه) في أبعـد الأركان

Quote: يتساوى الجميع في عشق الزاوية .. لكن يكون الاختلاف في طريقة تبوء المكان .. !!

تعرف يا حبيب
الجملة الفوق دي ذكرتني المسطول لما سألوه عن الفرق بين
الحيرة والدهشة
فقال:
الحيرة: أن يطلب منك الجلوس في ركن الغرفة وهي دائرية الشكل!!
الدهشة: أن تجد الركن

Quote: الزاوية هي أنسب مكان يتيح لك تركيز الرؤيا .. ويقودك حيث تشاء عينيك .. لكن هل هذا يجدي حينما تتربص بك الظلمة ؟؟؟

أما هنا :
فأنا أردد دوماً "حتى تري المشـهد كاملاً لابد الخروج عن الإطار
فما تحت قدميك جزء من المشـهد"

والتحليق فوق الصورة لرؤية كامل المشـهد يتطلب الكثير من
التوازن.


التحية لي ست البوست التانية .. تماضر

لكما مودتي


إسماعيل حميم




.

ســلام

يا أخوانا معقول

رفاعة دي بعـيدة قـدر دا




إسماعيل حميم


.

صديقي الحبيب الجميل
حميــــــم ،،


دائما تعجزني بردودك

أعجبتني جدا ردود المسطول
وتنم عن عقلانية مفرطة
أو هكذا يفعل هذا الشيء ؟؟

Quote: والتحليق فوق الصورة لرؤية كامل المشـهد يتطلب الكثير من التوازن.

فهل يكون التوازن صعبا ..
أم أن مجرد فكرة التوازن فوق الصور
تفرد مساحة (الشطحة)


مرفق :
محبتي الجمَّة
بــــادي

Quote: أعجبتني جدا ردود المسطول وتنم عن عقلانية مفرطة أو هكذا يفعل هذا الشيء ؟؟

تعرف يا حبيب
في كثير من الاحيان تجد ممن يفقدون عقولهم
بأسباب لا إرادية (الأمراض)
أو إرادية (مغيبات العقل)
تجد ما يدهشك من عقلانية في وزن الإمور

" طارت صواميل عجل من عربة قرب مستشفي التجاني الماحي،
وقف صاحب العربة محتار كيف يعاجل المشكلة، قرب سور
المستشفي وقف أحد المرضى متابع الموقف، ثم سأل صاحب
العربة: عاوز تحل المشكلة
فأجابه: أكيد
فأجاب المريض: تأخد صامولة من كل عجل ويبقى في كل عجل
ثلاثة صواميل
فشكره صاحب العربة متسالاً "طيب ما إنت كويس لي قاعد هنا"

فأجابه: أنا مجنون لكن ما بليد"

Quote: فهل يكون التوازن صعبا .. أم أن مجرد فكرة التوازن فوق الصور تفرد مساحة (الشطحة)

التوازن يدور في فلك السهل الممتنع
فهو يحتاج قدر كبير من
الإرادة الشخصية
والحكمة
والامانة
والعدل


مرفق: أنت
فأنت أخي الذي احب


مودتي

إسماعيل حميم

.

Quote: شفتك صباح الشوق وكت نادى المطر قفر القلوب جا وشايل القدلة زيييييييييييين شحتف رويحة الانتظار وأنا بين هذا وذلك .. ك نت بنسج من ضفايرك لي حنيني وسادة شان يرتاح من الساساق

وفي ذات الصباح شفتك..
تعاين ..والعيون تشتاق..
قدر ماتلاقي حِبانا
تملا الرعشة أركانا
وإصبح شوفا ليّ حرّاق
ولو قلتا المحبة مكان
ليهو بتقطع المشوار
أنا الكمّلتو من بدري
وأنا..الفي هواك ساساق.