Post: #1 Title: تحبيش الاغنية السودانية Author: ابوبكر على Date: 04-26-2007, 11:12 AM
ماحصل حضرت حفلة فى السودان الا وكان فى اغنية حبشية او فاصل موسيقى . المهم انو الموسيقى الحبشية اتغلغلت لمن بى هناك. المصيبة انو فى حبش بيغنو غنانا و دى العوجةو الغريبة انو الاشرطة كتيرة و مصرح بيها احتمال يكون نوع من التبادل الثقافى و كدا. لكن غايتو البعرفو انو الحبش ديل بدو يغنو العجب حبيبى و الليلة مسافر لكن بعد بكرة بيقدرو على من جناين الشاطى و انا انا فى التمنى ديمة هديلى ساجع و الا احتمال يكونو قدرو ربنا يستر.
المهم انا حابقى عشرة على الاغانى العندى يمكن يجى زمن كل الاغانى تبوظ, اقوم اقعد من غير عدة ؟ اقصد اغانى؟
Post: #2 Title: Re: تحبيش الاغنية السودانية Author: ابوبكر على Date: 04-26-2007, 11:25 AM Parent: #1
طبعا فى مطرب كبير مسئول عن التحبيش دا الغريبة لحدت قريب كان الناس بتغالطو فى انو حبشو و لا فيهو عرق المهم هو السبب الرئيسى فى هذا التحبيش الحاصل. اها راى الموسيقيين و كل المهتمين شنو؟
Post: #3 Title: Re: تحبيش الاغنية السودانية Author: محمد المختار الزيادى Date: 04-26-2007, 11:52 AM Parent: #2
سلام وتحايا,السودان له مؤهلات تمكنه من سودنة كل جيراننا وجيران جيراننا وابعد من هذا لدرجة جعل اسياس افورقي وزناوي يترنمو بي انا من صفاك مسحور عند رؤية احدي حوريات الحبشه,ولكن للاسف وزارة الثقافة عندنا وزارة جربانه,يا اخي الناس ديل اصبحوا بحلحلوا في مشاكلنا السياسة خلي الغني,عشان كده قلنا الكيزان ديل الدخلوه في السودان كتييير وما بطلع بالهين,
اخى محمد تحية طيبة انا افضل دوما ان لايؤثر اى احد على الاخر فلكل شعب مكنوناته الثقافية الخاصة التى يهتم جدا فى الحفاظ عليها فلذلك لاارغب فى ان يؤثر السودان على احدى دول الجوار و العكس. ودونك اخى شمال افريقيا و مافيها من تشوه ثقافى فالجزائر و تونس و المغرب تعرضن لظلم شديد من فرنسا.
اخونا ابوبكر حقيقي انا عندي راي في موضوع اقحام اللونية الحبشية في اغنياتنا مع العلم باننا نعتبر كسودانين الرواد في الغناء في كل الدول المجاورة للسودان ومطربينا العظام وضعوا بصمة قوية في اكثر الدول الافريقية . يعني بعد التعب المقدر من فنانينا الكبار (بالمناسبة الاستاذ/ محمد وردي حفلاتو في اديس بتكون في الاستاد لانو مافي مكان بيسع الجمهور غير الاستادات والشباب المفروض يحافظو علي مجهود من سبقوهم ولاكن للاسف اصبحنا نحن المقلدون
الاخ الكريم ابوبكر الحبش شعب بحب الســــــــــــودان والسـودانين الا يكفيك فخرا ان يغنى اثيوبى او اثيوبية اغنية سودانية اكيد اذا تغنى احد المطربين الخليجين ان يكون لك راى اخر محمد مونير تغنى بى وسط الديرة واجمل نايرة اكيد بتعرف من غنى هذة الاغنية لاكن اكيد لن تعرف شـاعر هذة الغنيةاين كنت لمن الفنان وردى اوقف ســــارق الفن السـودانى محمد مونير
Post: #7 Title: Re: تحبيش الاغنية السودانية Author: Ahmed Mohammed Osman Date: 04-26-2007, 02:43 PM Parent: #1
ياخوي ديل قدروا علي عيونا بس اما الغني فهو: البهدلة البهدلة البهدلة
Post: #10 Title: Re: تحبيش الاغنية السودانية Author: Osman Musa Date: 04-26-2007, 05:52 PM Parent: #8
( توزيع السلطة والثروة والاغانى كمان _ ودى دول الجوار شالت حقها) عارف يا اخى فى محل عالمى ومشهور لبيع السى دى فى اشهر شوارع مدينة نيويورك من ضمن ما يبيع . اغانى سودانيه لفنانين حبش اسماء جديده لفنانين حبش. يصل سعر السى دى الى 36 دولار يعنى قريب لى سعر برميل البترول ( النيل). ياحليل شعراء بلادى. اين هم من ( كبسيبة التوزيع ودولارات الربح الربح السريع تحياتى يا اجمل شعب فى الدنيا
Post: #11 Title: Re: تحبيش الاغنية السودانية Author: ابوبكر على Date: 04-27-2007, 08:47 AM Parent: #10
اخوتى الاعزاء تحية طيبة يسرى صلاح ايمن جبارة احمدمحمد ابوالقاسم ابراهيم عثمان موسى ادم عمر - لقد تابعت قضية وردى مع محمد منير و ايضا قضية شرحبيل احمد مع محمدفؤاد
انا لست ضد ان يغنو غنانا و لكن يجب الحفاظ عليه بدون تغيير. حتى على مستوى السودان يستاء الناس كثيرا حينما يغنى بعض الشباب درر الحقيبة و لا يجيدونها.حفظ الحقوق مهم جدا و لا جدال فيه و اذكر اننى استمعت لقصة اعجبتنى مفادها ان الشاعر جورج جرداق صاحب (هذه ليلتى) رفض لكوكب الشرق اجراء اى تعديلات على القصيدة مبررا ذلك بان القصيدة ستبقى و ان امكلثوم ستذهب.
اجى العزيز ابو بكر مـســـــــــــاءك ســـــــــــــــعــيد انا ذكرت محمد مونير لانو ادعى ان الاغنية مصرية شعرا وادا 100%100 الحبش بغنو الاغانى السودانية داخل واصحاب هذة الاغانى موجودين حمد الريح صلاح موصطفى
Post: #13 Title: Re: تحبيش الاغنية السودانية Author: ابوبكر على Date: 04-28-2007, 10:25 AM Parent: #12
اخى ادم انا فهمتك اكيد و تابعت القضية برضو مابيديهم الحق فى التعديل و لا شنو؟
Post: #14 Title: Re: تحبيش الاغنية السودانية Author: محمد فرح Date: 04-28-2007, 11:41 AM Parent: #13
أخ أبوبكر الإثيوبيين مابقرقوا مننا كثير وأعتقد انك تقصد الفنان الجميل نادر خضر والذي لمحت له في بداية البوست ...
لاأعتقد أنه توجد مشكله في التبادل الثقافي بين شعبين يحب كل منهم الاخر كحبه لأبناء وطنه ...
والتبادل هذا كان من فتره طويله جداً تغنى فيها فنانون أثيوبيون بأغاني وردي والمرحوم سيد خليفه وليس أمراً مستحدثاً ....
كماأن موسيقاهم أثرت فينا أيضاً
الحمد لله السودان وأثيوبيا تجمعها علاقات دبلوماسيه جيده جداً جداً وقبلها علاقات شعبيه أكثر من رائعه ...
التحيه للشعب الأثيوبي الطيب
ولك من الود مايرضيك
Post: #15 Title: Re: تحبيش الاغنية السودانية Author: ابوبكر على Date: 04-30-2007, 08:38 AM Parent: #14
اخى محمد فرح .. تحياتى فقط انا اخشى على موسيقانا من التشويه فقط
