Post: #1
Title: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: ناصر جبريل
Date: 04-25-2007, 10:38 AM
Parent: #0
الليلة انشاء الله منتظرين المولود التاني .... وطبعا اخوكم محتار في الاسم
...قلت كان طلع ولد اسميهو بكري (صاحب الحوش) عشان اول شئ نضمن ليهو العضوية
وبدل ما ندخل في تحانيس ونفتح بوست وكدا قلنا نسميهو على اسم صاحب الحوش
... يا بكري عليك الله بعدين ما (تنط) وانا عافيك من الخروف بس اضمن لينا العضوية من اسع...( سمح)
... المشكلة كان طلعت بت اسميها مني ولا غادة ..... ومن غير ما اقول ليكم عشان وعشان وعشان
يكفي حب واحترام الناس ليهم .......
دعواتكم معانا
لكم محبتي
|
Post: #2
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: معتصم دفع الله
Date: 04-25-2007, 10:42 AM
Parent: #1
يا ناصر كان جاء ولد ( معتصم ) مالــو 
ربنا يكتب السلامة ..
دعواتنا معكم ..
|
Post: #3
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: ناصر جبريل
Date: 04-25-2007, 10:48 AM
Parent: #1
الحبيب معتصم
رايك شنو يكون الاسم في شهادة الميلاد بكري ( عشان ممكن بكري يطالبنا بشهادة الميلاد)
وبعدين نحنا تحت تحت كدا نقول ليهو يا معتصم
معتصم تعال معتصم نوم .....
لك محبتي
|
Post: #5
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: Muna Khugali
Date: 04-25-2007, 11:01 AM
شكرا يا ناصر..
يسعدني أنك علي ابواب استقبال المولود الثاني..ربنا يوصله بالسلامه ويسعدكم بيه..
وأسعدني أكثر انك تحمل لنا كل هذا الحب والأحترام..
وأخفف عنك مشقة الأختيار وأساعدك..
سمه بكري ان كان ولدزز وناديه عصوم لمعتصم..
أما ان جاءت بنت..
فسمها علي حبيبتي جميله الملامح والروح غاده..
وباذن الله تطلع زيها و أحلي..
مودتي واعزازي
|
Post: #4
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: طارق جبريل
Date: 04-25-2007, 10:59 AM
Parent: #1
مالو طارق على الأقل عمو رسمي
|
Post: #7
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: يازولyazoalيازول
Date: 04-25-2007, 11:05 AM
Parent: #4
مش كان أحسن ليك (هشام)
بكرى إسم عجايز
|
Post: #8
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: هاشم أحمد خلف الله
Date: 04-25-2007, 11:08 AM
Parent: #4
يا ناصر طيب لو طلعو تيمان ؟؟؟
غايتو أنا صاحب فكرة التيمان دي وعشان كده بقول ليك لو ولدين لازم تسمي
التاني هاشم وبكده اضمن ليك زيارة للسعودية مجانية , أها خلي بكري ينفعك .
ولو بنتين تكون ضربت عصفورين بحجر . والله الأثنين يستاهلوا .
|
Post: #6
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: ناصر جبريل
Date: 04-25-2007, 11:05 AM
Parent: #1
| Quote: مالو طارق على الأقل عمو رسم |
والله لو كنت ( لسع) متواجد معاك في المغرب كان سميتو طارق .... وانت عارف ليه...!!!!
دعواتك معانا...
تحياتي للاسرة
|
Post: #9
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: ناصر جبريل
Date: 04-25-2007, 11:10 AM
Parent: #1
Quote: شكرا يا ناصر..
يسعدني أنك علي ابواب استقبال المولود الثاني..ربنا يوصله بالسلامه ويسعدكم بيه..
وأسعدني أكثر انك تحمل لنا كل هذا الحب والأحترام..
وأخفف عنك مشقة الأختيار وأساعدك..
سمه بكري ان كان ولدزز وناديه عصوم لمعتصم..
أما ان جاءت بنت..
فسمها علي حبيبتي جميله الملامح والروح غاده..
وباذن الله تطلع زيها و أحلي..
مودتي واعزازي |
عشان كلامك الجميل دا انا محتار
لك كل الود والاحترام
|
Post: #12
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: مجدي عبدالرحيم فضل
Date: 04-25-2007, 11:27 AM
Parent: #9
العزيز : ناصر رفيق الدرب،،
الأسماء كلها جميلة وتتضمن معاني حلوه،،،
بس الواحد بيشوف حالة هاشم دي بتحل الجكس ولكن المشكلة في الأولاد
كان طارق وبكري ومعتصم وهاشم ولسه في الدرب الكثير جاي وراء نحن
لمايكون في صعوبة أختيار يابنعبد ولا بنحمد والسلام في الحالتين للمدام
وربنا يسهل كل صعب والولاده دي بالنسبة لأم موت عشان كده بحمدوا ليها سلامة
العودة للحياة من جديد شوف الأم دي غالية كيفن مع كل ولاده ربنا يسلمن لينا
وهن سبب كل السعادة النحن بنعيشه وبنقول مبرووووك مقدمأ ياصديق ولوطلعت جكسوية
حلوة ذيك كده ياناصر المان بتاعي ده دايره وما داييرين أي خرخره ياطارق ما تقول
أولاد عمه أولي وكده أقيف في الصف وهي بتختار بالأقدمية في الطلبات وأنا أقدم واحد
عارف أنو ناصر راجي مولود وده موثق لي في بوست الأمتداد من شهور قبل ما آخذ الباص
بتاعي في سودانيزأونلاين وياصديقي تشرف كل أسم مولودتك الأمورة أن كانت بنت وأن ولد
هو ليك سند أية رايك في الأسم بالمعني ده بس بكري مايذعل ولا طارق ولا معتصم ولا هاشم
كلهم أحباب وخيار من خيار ولك حبي ناصر ،،رفيق الدرب ،،أبوقصي،،
|
Post: #10
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: ناصر جبريل
Date: 04-25-2007, 11:17 AM
Parent: #1
Quote:
مش كان أحسن ليك (هشام)
بكرى إسم عجايز
|
تعرف يا هشام .... ممكن اضمن ليك اسميه هشام بس انت
اضمن لي انو يطلع زيك...!!!
|
Post: #11
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: ناصر جبريل
Date: 04-25-2007, 11:20 AM
Parent: #1
Quote: يا ناصر طيب لو طلعو تيمان ؟؟؟
غايتو أنا صاحب فكرة التيمان دي وعشان كده بقول ليك لو ولدين لازم تسمي
التاني هاشم وبكده اضمن ليك زيارة للسعودية مجانية , أها خلي بكري ينفعك .
ولو بنتين تكون ضربت عصفورين بحجر . والله الأثنين يستاهلوا . |
الاخ هاشم
عندي خالي اسمه هاشم... يعني برضو اسم هاشم مرشح
بس اضمن لي ليهو العضوية
لك حبي
|
Post: #13
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: بدرالدين شنا
Date: 04-25-2007, 11:27 AM
Parent: #1
البحل أمو كلو سمح
ربنا يحلها بالسلامة
عليك الله مع (منى خوجلي وغادة عبدالعزيز) خت لي إنعام عبدالحفيظ
|
Post: #35
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: انعام عبد الحفيظ
Date: 04-26-2007, 11:24 AM
Parent: #13
| Quote: عليك الله مع (منى خوجلي وغادة عبدالعزيز) خت لي إنعام عبدالحفيظ |
شكرا يا بدر البدور
وانا مع رأي طارق منى او غادة
ويا ريت يا طارق المدام تجيب بنات تؤام
عشان تسمي عليهن الاتنين لانهن حلوات
وعشان نمرقك من الاسماء الكتيرة الهلت عليك دي
|
Post: #14
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: عاطف عمر
Date: 04-25-2007, 11:31 AM
Parent: #1
تحياتي يا ناصر
صادق أمنياتي أن تضع السيدة حرمكم مولودها بالسلامة
وتبلغ ومولودها تمام الصحة والعافية.
لكين يا أخوي بقول ليك
اسم بكري ما عندنا فيهو قول تب . ( أهو نحن قاعدين وفارشين في حوشو )
لكين ناس منى وغادة ديل سيبك منهم ( مع غزير محبتي لهن )
أحسن تشوف ليك إسم بوردابية مغتربة في الخليج
وليك على الدهب عيار 24 يجيك يتطاقش هدية للمولودة ولأمها
وخرفان السماية تجيك بالـ E- MAIL
|
Post: #15
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: غادة عبدالعزيز خالد
Date: 04-25-2007, 11:42 AM
Parent: #14
الأخ العزيز
ناصر
ربنا يفرحكم و تقوم الأم و الأبن (الإبنة) بالسلامة بإذن الله
الأولاد بكرى و عندى هاشم و شهاب...
لكن شايفاك إسم هاشم زى الطلعتو..
لو بت و سميتها منى, على منى خوجلى الرقيقة
فالخروف و السماية علىّ انا..
اها, و كمان الفنان..
رأيك شنو؟ 
و لو سميتها غادة..
فمع الخرفان حنجيب الشيلة
و نخطبها رسمى لشهاب الصغير
عشان أكون نسيبتكم انت و طارق
تخريمة
اليومين ديل عندى قراية
و تحضير لجلوس إمتحانات
و عاوزة لى نسابه اشاكلم
كل الود
غادة
|
Post: #18
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: هاشم أحمد خلف الله
Date: 04-25-2007, 11:56 AM
Parent: #15
يا ناصر عن إذنك شوية الليلة لميت في غادة عندك هنا
Quote: تخريمة
اليومين ديل عندى قراية
و تحضير لجلوس إمتحانات
و عاوزة لى نسابه اشاكلم |
إزيك يا غادة الليلة قدرت اصطادك ( في تسلط الزوجات قلتي لي إنك مسكينة
لكن شايفك عايزة ليك نسابه تشاكليهم أها دي يحلوها كيف ؟؟؟؟
|
Post: #16
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: ناصر جبريل
Date: 04-25-2007, 11:47 AM
Parent: #1
احبتي
ح ارجع ليكم لانو المدام ..خلاص شكلها ح تعملها في البيت.. خلوني احصل المستشفي
واجيكم راجع
لكم كل الحب
وداعواتكم معانا
|
Post: #17
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: غادة عبدالعزيز خالد
Date: 04-25-2007, 11:50 AM
Parent: #16
يا رب يا ناصر
دعواتنا معاك...
طمنا على المدام و الطفل
تخريمة
إستنيت لحدى ما المدام
قربت تعملها فى البيت..
سودانييز اونلاين طايرة
خالص الامنيات
غادة
|
Post: #19
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: عماد محمود علي
Date: 04-25-2007, 12:18 PM
Parent: #17
صديقي الوفي ناصر
تحية جميلة مثلك وجمال خوتك الحلوه ، ، ،،
غايتو يا ناصر بتعمل ليك في عمايل الله يسامحك ، شنو خلاص نطيت من اسم ( عماد ) ( العمده ) ، والله أقوم هسه أكلم ليك ( معتصم ) غايتو كان ولد ( عماد ) يعني ( عماد ) بس كان بنت الاثنين ديل ما تسمي إسم واحدة فيهم :
|
Post: #20
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: غادة عبدالعزيز خالد
Date: 04-25-2007, 12:23 PM
Parent: #19
Quote: إزيك يا غادة الليلة قدرت اصطادك ( في تسلط الزوجات قلتي لي إنك مسكينة
لكن شايفك عايزة ليك نسابه تشاكليهم أها دي يحلوها كيف ؟؟؟؟ |
الأخ العزيز
هاشم
حكاية نسابتى و شكلتى مع ال ناصر
طويلة جدا..
راجع بعض من مناكفاتنا هنا
فصول مسرحية لم تكتمل
كل الود لك
و للمدام "الما" متسلطة
غادة
|
Post: #21
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: طارق جبريل
Date: 04-25-2007, 02:11 PM
Parent: #1
ربنا يحلها بالسلامة
ويا ابو قصي حركات اولاد الدفعة ما بتنفع
ويا ناصر اسمع كلام بدر الدين شنا وزيد للجميلات غادة ومنى انعام عبد الحفيظ
|
Post: #22
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: محمد سنى دفع الله
Date: 04-25-2007, 02:32 PM
Parent: #21
كان بت منى ليه ؟؟
ولا غادة ليه ؟؟
وكان ولد ليه بكري ؟؟
حاجة غريبة !!!
|
Post: #28
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: عماد محمود علي
Date: 04-26-2007, 06:51 AM
Parent: #22
الرجل الشفيف محمد السني
جارته في الحي ( أمتداد الدرجة الثالثة ) .
لأنها النسيبة .
| Quote: وكان ولد ليه بكري ؟؟ |
من أجل الباص وورد .
ولا تزعل يا محمد ح نسميه ( محمد ) بس حضر الخروف وأوعك تعمل فيها ميت حركات التمثيل دي ما بتنفع معانا هنا . 
إشتياقي ومودتي لك يا أمير .
|
Post: #23
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: معتصم دفع الله
Date: 04-25-2007, 02:52 PM
Parent: #1
| Quote: سمه بكري ان كان ولدزز وناديه عصوم لمعتصم.. |
نقول شنو غايتو ..
رضينا بي إقتراحك وإقتراح منى خوجلي ..
وبالنسبة للبنت عرفت تختار ولا أقول ليك سميها (غادة منى) اسم واحد ..
وأها نزيد في كلام بدرالدين شنا وخت معاهن انعام عبدالحفيظ ..
ربنا يكتب السلامة يا حبيب ..
|
Post: #24
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: غادة عبدالعزيز خالد
Date: 04-25-2007, 02:54 PM
Parent: #23
طمنا يا ناصر
.
.
فى الإنتظار
غادة
|
Post: #25
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: محمد عبدالرحمن
Date: 04-25-2007, 10:07 PM
Parent: #24
ياناصر
سلام ..
اوعك ..تدقس و تسميهو زرياب ..يقوم يجيك زيو ..
(حرم ) تشرب ماتروى ..و(يكتلك) غتاته ودغالة ..بالله دا
جبتو من وين دا ؟؟!
دعواتنا للمدام ..بالسلامه ان شاء الله ..
ودى
|
Post: #26
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: غادة عبدالعزيز خالد
Date: 04-26-2007, 02:32 AM
Parent: #25
و الله يا ناصر
ما حأزعل لو ما سميتها غادة
.
.
مقلقنا معاك من الصباح
.
.
الحصل شنو؟؟
إن شاء الله الأم و المولود أو المولودة
بكل خير
غادة
|
Post: #27
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: عماد محمود علي
Date: 04-26-2007, 06:45 AM
Parent: #26
أحبتي المتداخلين بالبوست
صباحكم جميل ، ، ،
قرر الأطباء بمنح الأخت سلافة ( أم رغد ) مهلة يومين آخرين لتكون الولادة طبيعية بعد أن كان قد قرروا بمنحها طلق صناعي . دعواتكم لها بولادة طبيعية خاصة وأنها كانت قد ولدت ( رغد ) قيصري . أمنياتنا ودعواتنا لك أم رغد تتحلي بالسلامة وترجعي وتنوري بيتك وأنت تحملين ( عمده ) معك .
أمنياتي عزيزي وصديقي ناصر . نتواصل .....
|
Post: #29
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: عماد محمود علي
Date: 04-26-2007, 07:05 AM
Parent: #26
غــادة
إشتياقي ومودتي ، ،،،،،
| Quote: مقلقنا معاك من الصباح |
ما ياها عادته يا غادة الراجل ده منجضني نجاض من زماااااان ، بس خليها على ربك اصله ما تقولي ليهو حاجة كده يجيك بأخوي واخوك لازم يعذبك فيها بعدين يديك الزبدة ( ده كان أداك ليها ) . يعني كده زي واحدة أختنا نجضتني ليك نجاض في بوست على ما أعتقد أسمه ( فصول مسرحية لم تكتمل ) كل يوم قاعد عامل مداخلات ومتابع ومخلي القراية والكتابة والتمارين وجاي قاعد أشاهد في المسلسل ( طبعاً كان أسمه مسلسل غادة والحفلة ) وفي النهاية خلتني ليك عائم لا عارف إتخارج ولا عارف أواصل . غايتو ياناصر يا دوبي عرفت إنت جبت القتتاته دي من وين .
ولا حاجة يا غادة ( أم رغد ) بخير ورجعت البيت والولادة لسه كمان يوم يومين كده . بس دعواتك في منتصف الليل وعند صلاة الفجر لها تتحلى بالسلامة وتجيب ولد المره دي .
Quote: إن شاء الله الأم و المولود أو المولودة
بكل خير |
.
كل خير إن شاء الله .
مودتي ، ، ،
عماد
|
Post: #30
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: عبد اللطيف بكري أحمد
Date: 04-26-2007, 07:46 AM
Parent: #1
ود الخالة تحيات ،،
بكري ماعندنا عليه إعتراض : عشان بكري أحمد
وعشان خاطر بكري أبو بكر وعشان لما يكبر
يسمي عبد اللطيف،، (شفت كيف بعد النظر)
--
غادة أو منى : أرجوك ولا واحدة :
السبب : حتى لا لا نعرف أي منهما أقرب إلى
القلب ،،
منى : بت الجيران رائعة وأخت الجميع ،،
غادة : ياسلام حاولت أهديها تقديري الكبير
في أكثر من مناسبة لكنها سحابة صيف،،
==
محمد أخوي جاتو بنت سماها (رندا)
الوالدة لسة مصرة تناديها برندا ،،
==
ربنا يحل المدام بالسلامة ،،
((ملحوظة : لا أستبعد معتصم : إسم راقي لأرقى
زول في حينا))
|
Post: #31
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: waleed500
Date: 04-26-2007, 07:57 AM
Parent: #30
اها يا زول نقول مبروك
مبروك الولد
اى مبروك بكرى ابوبكر
|
Post: #32
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: ناصر جبريل
Date: 04-26-2007, 08:10 AM
Parent: #1
الاحبة سلامات...
اخوكم من امبارح مساهر في المستشفي ومعاي رغد ... وفي لحظات الانتظار المملة
اتخيلت رغد شايلة الختم بتاع المقاطعة وكل ما ام رغد تقول ( اي وووووووووووب علي) تقوم رغد ( طاخ) بختم المقاطعة تديها ليك في ( كرشها)
يعني يا بكري عديل كدا رغد دي ما تديها اي عضوية ح جوط ليك البورد ( ساي)
معليش يا الحبان شغلتكم معاي لكن نعمل شنو الولد ولا البت دي ( مكنكش) ما عايز يطلع ... وانا الليل كله قاعد ( احنس) فيهو...
Quote: البحل أمو كلو سمح
ربنا يحلها بالسلامة
عليك الله مع (منى خوجلي وغادة عبدالعزيز) خت لي إنعام عبدالحفيظ |
العزيز بدر الدين....
إنعام عبد الحفيظ... لا تقل روعة عنهم يا سيدي..
Quote: حياتي يا ناصر
صادق أمنياتي أن تضع السيدة حرمكم مولودها بالسلامة
وتبلغ ومولودها تمام الصحة والعافية.
لكين يا أخوي بقول ليك
اسم بكري ما عندنا فيهو قول تب . ( أهو نحن قاعدين وفارشين في حوشو )
لكين ناس منى وغادة ديل سيبك منهم ( مع غزير محبتي لهن )
أحسن تشوف ليك إسم بوردابية مغتربة في الخليج
وليك على الدهب عيار 24 يجيك يتطاقش هدية للمولودة ولأمها
وخرفان السماية تجيك بالـ E- MAIL |
الحبيب عاطف
يا زول اسم بكري دا ح يضمن لينا حاجات كتيرة جدا
مني وغادة ربنا يقدرنا نرد ليهم الفرح المنشور على البورد
.... الخليج ... اتخيل انا جاي من المغرب للخليج الله يدينا الصبر
لك احترامي
Quote: الأخ العزيز
ناصر
ربنا يفرحكم و تقوم الأم و الأبن (الإبنة) بالسلامة بإذن الله
الأولاد بكرى و عندى هاشم و شهاب...
لكن شايفاك إسم هاشم زى الطلعتو..
لو بت و سميتها منى, على منى خوجلى الرقيقة
فالخروف و السماية علىّ انا..
اها, و كمان الفنان..
رأيك شنو؟
و لو سميتها غادة..
فمع الخرفان حنجيب الشيلة
و نخطبها رسمى لشهاب الصغير
عشان أكون نسيبتكم انت و طارق
تخريمة
اليومين ديل عندى قراية
و تحضير لجلوس إمتحانات
و عاوزة لى نسابه اشاكلم
كل الود
غادة |
.... يعني الواحد اسع يعمل شنو
مني .... غادة .... ( ح اجن)
العروس عندي رغد رغم انها ( شايلة ختم المقاطعة)
.... يعني نسايب من الجهتين ( طارق) و ( ناصر) Double check
ربنا يخليك يا ستي
Quote: سميها ( ميـادة ) ( الميم والياء ) من ( منــى ) و ( الألف والدال والتاء المربوطة ) من غادة أها ويش رايك مش حليتها ليك .
أها طمئنا المدام إتحلت ولا لسه ، ربنا يحلها بالسلامة ودعواتي متواصلة لها وللقادم ولك تتحلى بالسلامة كمان ( بقولوا المرأة ما بتلد بيولد الراجل ) .
[Profile] [Edit] [اضف رد] |
الحبيب عماد
اولا اشكرك على اتصالك المتواصل يا راجل يا جميل...
لو بت المشلكة اتحلت .. طيب بكري وعماد دي ح نحلها كيف يعني ح يطلع اسم كدا
ممكن يخليهو يزعل مني عديل كدا
Quote: العزيز : ناصر رفيق الدرب،،
الأسماء كلها جميلة وتتضمن معاني حلوه،،،
بس الواحد بيشوف حالة هاشم دي بتحل الجكس ولكن المشكلة في الأولاد
كان طارق وبكري ومعتصم وهاشم ولسه في الدرب الكثير جاي وراء نحن
لمايكون في صعوبة أختيار يابنعبد ولا بنحمد والسلام في الحالتين للمدام
وربنا يسهل كل صعب والولاده دي بالنسبة لأم موت عشان كده بحمدوا ليها سلامة
العودة للحياة من جديد شوف الأم دي غالية كيفن مع كل ولاده ربنا يسلمن لينا
وهن سبب كل السعادة النحن بنعيشه وبنقول مبرووووك مقدمأ ياصديق ولوطلعت جكسوية
حلوة ذيك كده ياناصر المان بتاعي ده دايره وما داييرين أي خرخره ياطارق ما تقول
أولاد عمه أولي وكده أقيف في الصف وهي بتختار بالأقدمية في الطلبات وأنا أقدم واحد
عارف أنو ناصر راجي مولود وده موثق لي في بوست الأمتداد من شهور قبل ما آخذ الباص
بتاعي في سودانيزأونلاين وياصديقي تشرف كل أسم مولودتك الأمورة أن كانت بنت وأن ولد
هو ليك سند أية رايك في الأسم بالمعني ده بس بكري مايذعل ولا طارق ولا معتصم ولا هاشم
كلهم أحباب وخيار من خيار ولك حبي ناصر ،،رفيق الدرب ،،أبوقصي،، |
رفيق الدرب مجدي
لو طلعت بت يا مجدي اخوي اتفاهم مع غادة
كون بخير يا صديقي
Quote: كان بت منى ليه ؟؟
ولا غادة ليه ؟؟
وكان ولد ليه بكري ؟؟
حاجة غريبة !!! |
الاستاذ محمد السني
عندي شقيقي الاكبر مني اسمه السني
( وكيتا كدي) مني او غادة او بكري
لك محبتي
Quote: ياناصر
سلام ..
اوعك ..تدقس و تسميهو زرياب ..يقوم يجيك زيو ..
(حرم ) تشرب ماتروى ..و(يكتلك) غتاته ودغالة ..بالله دا
جبتو من وين دا ؟؟!
دعواتنا للمدام ..بالسلامه ان شاء الله ..
ودى |
العزيز محمد
.. وحاتك ما ح ادقس!!!!!!
احتراماتي
|
Post: #33
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: زرياب كنيش
Date: 04-26-2007, 10:23 AM
Parent: #32
ناصر
تحياتنا لي سلافة لغاية ماأتصل عليك بعدين او ربنا يحلها بالسلامة
الانصاري
Quote: اوعك ..تدقس و تسميهو زرياب ..يقوم يجيك زيو ..
(حرم ) تشرب ماتروى ..و(يكتلك) غتاته ودغالة ..بالله دا
جبتو من وين دا ؟؟! |
غتاتة شوايقه
النسيبة
Quote: و لو سميتها غادة..
فمع الخرفان حنجيب الشيلة
و نخطبها رسمى لشهاب الصغير
عشان أكون نسيبتكم انت و طارق |
مقـــدرة
Quote: اليومين ديل عندى قراية
و تحضير لجلوس إمتحانات
و عاوزة لى نسابه اشاكلم |
غايتو اللة يقدرنا علي نسيبتكم يا طارق او ناصر
|
Post: #34
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: انعام عبد الحفيظ
Date: 04-26-2007, 10:28 AM
Parent: #1
Quote: البحل أمو كلو سمح
ربنا يحلها بالسلامة
|
ناصر
اولاً اتمنى لأم رغد الوضوع بالسلامة
ولو جات بت بختك لو سميتها منى او غادة
ديل بنات حلوات الطبع وحلوات الملامح
وتحمد ربنا كتير لو شالت من طباعهن الجميلة
|
Post: #36
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: ناصر جبريل
Date: 04-26-2007, 11:54 AM
Parent: #1
ود الخالة
Quote: ود الخالة تحيات ،،
بكري ماعندنا عليه إعتراض : عشان بكري أحمد
وعشان خاطر بكري أبو بكر وعشان لما يكبر
يسمي عبد اللطيف،، (شفت كيف بعد النظر)
--
غادة أو منى : أرجوك ولا واحدة :
السبب : حتى لا لا نعرف أي منهما أقرب إلى
القلب ،،
منى : بت الجيران رائعة وأخت الجميع ،،
غادة : ياسلام حاولت أهديها تقديري الكبير
في أكثر من مناسبة لكنها سحابة صيف،،
==
محمد أخوي جاتو بنت سماها (رندا)
الوالدة لسة مصرة تناديها برندا ،،
==
ربنا يحل المدام بالسلامة ،،
((ملحوظة : لا أستبعد معتصم : إسم راقي لأرقى
زول في حينا)) |
...والله اسع المشكلة بقت الفي الما داير يطلع دا...
معتصم شكله كدا المرشح الثالث بعد عماد وبكري
لك كل الود
Quote: اها يا زول نقول مبروك
مبروك الولد
اى مبروك بكرى ابوبكر |
تتصور لسع يا وليد
دعواتك معانا
Quote: ناصر
تحياتنا لي سلافة لغاية ماأتصل عليك بعدين او ربنا يحلها بالسلا |
زرياب ... مالك مجنن محمد عبد الرحمن
على فكرة خالتك سهام بتسأل منك!!!!!!!!!!!!!!
Quote: ناصر
اولاً اتمنى لأم رغد الوضوع بالسلامة
ولو جات بت بختك لو سميتها منى او غادة
ديل بنات حلوات الطبع وحلوات الملامح
وتحمد ربنا كتير لو شالت من طباعهن الجميلة |
يعني انا اسع اعمل شنو عليك الله...
خلاص نسميها مني غادة انعام
احتراماتي
|
Post: #37
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: ناصر جبريل
Date: 04-26-2007, 04:51 PM
Parent: #1
العزيزة غادة
دي صورة رغد صاحبة ( ختم المقاطعة) رايك شنو هي ولا الجديد
" target="_blank">[URL=http://www.alsowr.com][/URL]
|
Post: #38
Title: Re: كان ولد بكري وكان بت مني (خوجلي) او غادة ( عبد العزيز) رايكم شنو!!!
Author: عامر تيتاوى
Date: 04-26-2007, 07:38 PM
Parent: #37
الله يواليكم بالعافية
وتفرح بالجديد انتا والمدام
دعواتنا
ياناصر
حنا كيف !!
|
|
