مقترح شعار لدورة اتحاد جامعة الخرطوم ..

.




سيف اليزل
.

سيف

تحية طيبة

ظريف والله

.

عزيزي أبوخالد

سلامات .. وشكراً على حضورك
هذه بعض تحية للمرأة السودانية في إختيار ولاء صلاح لرئاسة إتحاد طلاب الجامعة العريقة
وهو تجسيد مبدع لإسهام أجيال من نساء الوطن.


مع مودتي

سيف اليزل

.

.





.

العزيز المبدع:
سيف اليزل
شعار جميل جدا،لكن طريقة كتابة العدد 2،
تساهم في ارباك المشاهد ،
بحيث يعتقد أنها العدد 3.
محبتي
المشاء

حلو يا سيف ..
بحب في شغلك البساطة والتجريد ..


...

ما قلت لي ، ده إسم ولاء ولا أنا غلطان ؟؟

.
عزيزي أسامة الخواض

تحياتي،
وشكرا لحضورك هنا

أتفق مع ملاحظتك وسيتم التعديل، ولأن الأمر كله كان من باب الإحتفال
بهذا النصر الطلابي فهذا مجرد "إسكتش" أولي وفي ذهني عمل تصميم خط
لعبارة " إتحاد طلاب جامعة الخرطوم " لتتوافق مع تخطيط الشعار
وأنت تعرف أن الأمر في نهايته متروك لإتحاد الطلاب المنتخب، ولكن هي
دعوة للجميع للمساهمة الفنية في هذا الجانب ونخص التشكيليين في هذا المنبر.


خالص تحياتي

سيف اليزل

.

.


عزيزي طلال

سلامات

ده إسم ولاء، وإنت ما غلطان
إخترته إحتفاءا بهذا الإختيار المشرف والعميق والمستحق،
هو بعض تكريم لنساء الوطن على إمتداد التاريخ
وتحضرني هنا صورة التايه شهيدة الحركة الطلابية بجامعة الخرطوم.

مودتي يا طلال


سيف اليزل

.

عزيزي سيف
اشكرك لتقبل ملاحظتي المتواضعة.
محبتي
المشاء

سلامات يا اخونا ..
كيفك وكيف المعاك بي هناك ..

--------------------
سيف سؤال ..
الشعار القاصدو إنتا دا ..وقلتا يخص الدورة الحالية ..
يعني كل اوراق الإتحاد الرسمية حتمل الشعار دا ..مش كدة؟؟
اها في حالة زي دي
طيب ..
شعار إتحاد جامعة الخرطوم القديم ..KUSU "كوسو" إختصاراً -على ما أظن-
حيمشي وين؟؟
مع انو انا شايف شعار الإتحاد القديم ..بيحمل تاريخ الحركة الطلابية..
وناس ولاء هم جزء من هذا التاريخ ..
فمن باب اولى للدورة الجديدة ان تستخدم الشعار القديم بكل تاريخه ..
وفي ذلك إشارات كثيرة ..

شعار جديد انا شايف ممكن يكون "عبارة" تخص الدورة الجديدة ..توضع تحت الشعار القديم..
كما جرت العادة ..

والله شنو؟؟؟


اما الشعار العاملو انتا دا ..جميل ..
"ولاء" كونها اول رئيسة.... واضح ..
وحرف الـ U ..الإتحاد ؟..

لاكين الشعلة دي ..مالا كتيرة كدة "شكلهم الشباب مسخنين سخانة شديدة..او مولعين عديل "..
انا راجي فيها باقي الإسكتشات ..زي ما قلتاإنتا ..


- جيب باقي الشعارت خلينا نشوف ..عاارفك بكون في حاجات اسمح والجهاز مليان ..- أحب "الالستريتر" زاتو .. ..






مع خالص التحايا
يا جميل ..

.




.

قيسان لكم التحايا
الاسكتشات راقدة بس تحميل الصور مشكلة،
بعدين الفكرة كلها أحتفاءا بهذا النصر،
وممكن نبتدع لينا ورشة تشكيلية لدعم الإتحاد وانت سيد العارفين.
كلو قابل للمفاكرة والنقاش .. بس خلينا نشوفك
وتحياتنا للشباب.

سيف اليزل

.

.





.

"كوسو منار ولن ينهار"
والله أيام يا زمان
تحياتي سيف اليزل ... وشعار جميل ومعبر يا فنان جد.

سيف اليذل

سلام و مبروك كسب الثقة

شعارك حلف مايظهر لى

عموما نحن ذاتنا حنعما نشيد الدورة

وإذا دعى الامر نشيد العلم الجديد

سلام لكل الشيشان

الجميل سيف اليزل
سلاماتى
اولا التحيه للحركه الطلابيه والوطنيه والديمقراطيه
ومزيدا من الانتصارات ومزيدا من المحافظه على مكتسبات
الحركه الطلابيه
ومزيدا من الهزائم المتلاحقه لصبية النظام الاسلاموى
الشعار رائع وفى انتظار عدد من المقترحات من الاخوه
التشكليين السودانيين فى كل مكان

مودتى

ولــــــــــنا عـــــــــــــوده

.


عزيزي نادر
سلام
وشكرا على حضورك الطيب وعاش نضال الحركة الطلابية.


الصديق عاصم الطيب
محبتي لك ولتلك الأيام المبدعات
ياخ ياريت لو تطلع لينا بلحن سميهو ولاء للحق والخير والجمال
عارفك ما بتتحير في صنعتك، لهف نفسي لدندناتك وهمهماتك في " على مشارف المدينة "
كثيرا ما أجمل بها صباحباتي هنا ... ليك وحشة بحق.

فعلا مرات بتختفي الصورة .. ومرات تظهر، إنت وحظك ... خلينا نشوفك


عزيزي عابد
شكر وسلام
الحركة الطلابية ستبقى دوما الرائد الذي لا يكذب أهله.


سيف اليزل
.

.

عزيزي قيسان

التحيات
حاأرسل ليك اسكتشات الإليستريتور على الميل ومسموح ليك تحرك فيها،
عندي مشكلة في ظهور الصورة على صفحات المنبر .. نعمل شنو؟


سيف اليزل

.

فوووووووووووووق

.

أرجو أن يساهم معنا الأستاذ الباقر عثمان في فكرة الورشة التشكيلية المستمرة لدعم
إتحاد طلاب جامعة الخرطوم ( شعارات، بوسترات، ملصقات، معارض .. الخ ) والدعوة كذلك لكل
التشكيليين هنا.


سيف اليزل

.

.





.

الأخ سيف

محاولات جميلة

لكن ..

النار من الشعار

كأنها هعلان شركة استخراج بترول ..

أما أن ينسب كل الاتحاد ل ( ولاء) ؟؟؟؟

أرجة أن تضيف شيئ يعنى المرحلة ..

التحالف مثلا ..

.

الأستاذ معتصم الطاهر

تحياتي .. وشكرا لحضورك

كتبت :

النار من الشعار

كأنها هعلان شركة استخراج بترول ..

أما أن ينسب كل الاتحاد ل ( ولاء) ؟؟؟؟

أرجة أن تضيف شيئ يعنى المرحلة ..

التحالف مثلا ..

أتفق إلى حد كبير مع ملاحظاتك .. لكن أيضا
فالفكرة في إستخدامي لإسم ( ولاء ) يأتي من باب الإحتفاء بهذه التجربة، أن تتقلد
فتاة رئاسة إتحاد طلاب جامعة الخرطوم لأول مرة في تاريخ الجامعات، وهنالك شبه التقليد
في جامعة الخرطوم بتسمية الدورة بإسم رئيسها دون تغيير لشعار الإتحاد الرسمي.

- ولذلك أنا أطرح هنا مبادرة لدعم هذا الإتحاد وأناشد التشكيليين والمهتمين بهذا
المجال المشاركة وإبداء الرأي في غير ذلك من الأعمال، وقطعاً أن الأمر في النهاية
متروك لأهل الشأن في إتحاد طلاب جامعة الخرطوم في قبول مثل هذه المبادرات.

- الحديث عن وجه الشبه بين الشعلة " النار" في الرسم هنا، مع إعلان شركات البترول
فوجه الشبه لامحالة وارد، لكن إستخدام المشعل أو الشعلة كرمز عند الحركة الطلابية
قديم له مدلولاته قبل إنتشار هذه الشركات، لكن من ناحية التصميم يمكن أن نميز بينهما

- التعبير عن التحالف بشكل فني رأي سديد ولدي عدة أفكار للتعبير عن هذا التحالف
أرجو أن أتمكن من تنفيذها إذا قبلت فكرة هذه المبادرة وشاركنا جميعا في تطويرها

أنا شاكر لملاحظاتك الطيبة

سيف اليزل[

./B]