Post: #1
Title: يا الرحـتو طولــتو ..
Author: معتصم دفع الله
Date: 04-23-2007, 02:15 PM
Parent: #0
كدي يا جماعة نهدي اللعب شوية ونخت الكورة في الواطـة دي ونلعب الكورة السهلة والباص المريح ..
كنت عايز أفتح بوست وأقول لي بكري ياخي أقفل المنبر دا عشان ترتاح ونرتاح معاك ..
لقيت نفسي شطحت شوية وقلت يا مان المنبر دا ياهو بيتنا ووطنا الإحتضننا طيلة الفترة الماضية نتنفس من خلاله ونلتقي فيه رغم اختلافنا ..
ورغم الكتاحة القائمة والبتقوم كل فترة وأخرى لكن ياهو دا حالنا نحن السودانيين دائماً نفسنا حار وقائم طوالي أخلاقنا في راس (نخرتنا) زي ما بنقول والزهج حالة طبيعية تنتابنا طوالي ..
لكن كدي برواقة كده كل واحد يقعد مع نفسه ويحاسبه دا كله بيحصل ليه وعشان شنو ؟
هل هو الخلاف من أجل الخلاف ولا إختلاف في وجهات النظر ..
كدي تعالو نشوف نحن مختلفين لينا كم مدة ؟
من قبل الإستقلال مختلفين حكومة عسكرية تعقبها ديمقراطية ولا تكاد تستلم مقاعده وإلا يجي ناطي عليها عسكري تاني قالبه وهكذا دوماً نحن مختلفين ..
والسودان بلد بهذا الحجم وهذا الخير يتمزق ويئن من الحروب ويعيش أهله الفقر وضيق العيش ..
كدي شوفوا نحن متغربين لينا كم أو نقول مشردين وكل يوم الوطن بيبعد عنا قدر شنو ..
شوفوا من بداخله متغرب فيهو كيف ولا يعرف إن كان هناك وطن يعيش فيه أم لا ..
تعالوا بي رواقة نؤسس لأدب الحوار والكلمة الصادقة التي تخدم الفكرة وتحمل الموضوع إلى حيث يجب أن يكون لفائدة الجميع ..
تعالوا ننظر لقضايا وطننا ونناقشها في هدوء حتى نصل لحل ينقذ شعبه ..
تعالوا ننقب عن تراثنا وفنوننا ونعرضها لغيرنا ..
وما نبقى زي أماتنا ما بقولن ( قلبي على جناي وقلب جناي عليّ حجر ) ما نظلم بكري كثيراً ونحاول أن نحافظ على المنبر ونبقى ضباطه وألفاته ونحافظ على الدار الإحتضننا بحوار أكثر جدية والبعد عن التهاتر وشخصنة الأمور ..
ونقول للرحتو طولتو ..
تعالو راجعين بيكم المنبر بيزداد جمال ووجودكم ليهو نكهة مميزة ..
وعلينا أسالوا ..
تعالوا نغني مع أونسة ونستمع في هدوء ..
|
Post: #2
Title: Re: يا الرحـتو طولــتو ..
Author: ادريس خليفة علم الهدي
Date: 04-23-2007, 02:34 PM
Parent: #1
يا شفيف كلامك سمح بالحيييل ... وغناك ابداع
ودي
|
Post: #4
Title: Re: يا الرحـتو طولــتو ..
Author: معتصم دفع الله
Date: 04-23-2007, 03:12 PM
Parent: #2
سلام درش ..
تعرف من أمس الكلام دا مدور معاي ..
ومن العلينا (طار) كلو ما عارف مشى وين والحالة ألف طبعاً ..
أها جاني مزاج أقول الكلام دا ..
وأنزل الأغنية الحلوة دي عشان الواحد يتنفس ويفرق شوية ..
كل الود ..
|
Post: #3
Title: Re: يا الرحـتو طولــتو ..
Author: انعام عبد الحفيظ
Date: 04-23-2007, 02:37 PM
Parent: #1
Quote: لكن كدي برواقة كده كل واحد يقعد مع نفسه ويحاسبه دا كله بيحصل ليه وعشان شنو ؟
|
ممكن نتحاسب بس بعد نسمع ونستمتع 
شكراً يا معتصم على كل الجمال دا
ويا رب يطوّل عمرك
|
Post: #5
Title: Re: يا الرحـتو طولــتو ..
Author: معتصم دفع الله
Date: 04-23-2007, 03:32 PM
Parent: #3
سلام انعام ..
الحساب يوم الحساب ..
هسي عليك الله كان نحن قاعدين نتحاسب كان حالنا ببقى كده ..
لو قاعدين نحاسب أنفسنا كان وصلنا للحتة دي ..
نحن ماشين بالبركة ساي زي ما بقولوا ولمن تجينا الحالة أقرب واحد بنتفشى فيهو ..
طبعاً كونوا نحلم بوطن جميل دا شي كويس ..
لكن برضو ما نبالغ كتير لأنو لازم نمر بعقبات ولازم نزيل النار التحت الرماد دي ونصفي النفوس والعمل من أجل الوطن ومن أجل أهلنا ..
أها بعد الكلام الفوق دا أستمتعي وأدعي لينا معاك ..
سلمت يا صديقة ..
|
Post: #6
Title: Re: يا الرحـتو طولــتو ..
Author: أبو الحسين
Date: 04-23-2007, 03:34 PM
Parent: #1
تسلم يا صديقي معتصم يا جميل...
على هذه الإستراحة التهدي الأعصاب من الكتاحة والغبار القائم برة دا...
وعبرك الدعوة للجميع لوضع الكرة أرِضْ... ودعوة للمحبة والصفاء والوئام...
مع كميات مودتي... ودعواتنا ربنا يهدينا والجميع...
أبو الحســـــــــين...
|
Post: #7
Title: Re: يا الرحـتو طولــتو ..
Author: معتصم دفع الله
Date: 04-23-2007, 03:55 PM
Parent: #6
سلام صديقي أبا الحسين ..
وشكراً لكلامك الطاعم وجميل ..
تعرف يا حبيب بلغة الكورة بيقول ليك الما عنده لياقة بتمها شلالايت ..
وهنا اللياقة خليها ساي واقعة في الواطـة وتامنها (خبط) ما شايف ركلات الترجيح كتيرة كيف 
يديك العافية يا صديق ..
كل الود ..
|
Post: #9
Title: Re: يا الرحـتو طولــتو ..
Author: احمد العمار
Date: 04-23-2007, 04:11 PM
Parent: #7
تعرف يا معتصم بكلامك حق الباص المريح ولياقة وشلاليت دى
ذكرتنى لمن كنا فى زمن فرق الروابط فى برى كنا بنلعب فى فريق اسمه الاهلى
اها نحن مشهورين باللعب العنيف لمن يجى واحد يقول فريق الاهلى ما بيقول الاهلى
بيقول ليك ( ناس شلوت وخانة ) على وزن ( باص وخانة ) المشهورة فى الكورة
اتمنى ان يكون الحوار والنقاش باسلوب باص وخانة وليس شلوت وخانة
والله يهدى سر الجميع
كلامك دائما كلام عقل
أحمد العمار
|
Post: #10
Title: Re: يا الرحـتو طولــتو ..
Author: معتصم دفع الله
Date: 04-23-2007, 05:18 PM
Parent: #9
سلام أبوحميد ..
زكرتنا الزمن السمح ياخ وكورة الحلة ..
بعدين أنا لعبت في بري ورابطة امتداد ناصر الكلام دا كان بدري شوية ..
وملعبنا في بري كان في أبي حشيش ولعبت مع شباب ناصر لكن لم يكتمل تسجيلي بسبب السفر ..
| Quote: اتمنى ان يكون الحوار والنقاش باسلوب باص وخانة وليس شلوت وخانة |
نتمنى ذلك يا حبيب ..
دم بخير ..
|
Post: #8
Title: Re: يا الرحـتو طولــتو ..
Author: عبدالعظيم عثمان
Date: 04-23-2007, 04:04 PM
Parent: #1
معتصم مالك علينا
تعرف لي هسي ما قريت الكلام المكتوب
لكن عجبني الاختيار يا لذيذ
في ناس مطوليين بالحيل
|
Post: #12
Title: Re: يا الرحـتو طولــتو ..
Author: معتصم دفع الله
Date: 04-23-2007, 05:43 PM
Parent: #8
خليك في الأغنية بس يا عبدالعظيم ..
دي أغنية وجع عدييييل كده ..
والكلام الفوق دا بتعبك عشان الكتاحة الكل شوية دي قايمة ..
تسلم يا حبيب ..
|
Post: #11
Title: Re: يا الرحـتو طولــتو ..
Author: النصرى أمين
Date: 04-23-2007, 05:28 PM
Parent: #1
يا سلام يا معتصم ييييياخ
غنيه تطلــــــــــــع الزيت عديل ...
زكرتنا زمن جميل ...
اصلو الزمن غلاب ***غلبنى يا انتو
|
Post: #13
Title: Re: يا الرحـتو طولــتو ..
Author: معتصم دفع الله
Date: 04-23-2007, 05:55 PM
Parent: #11
| Quote: غنيه تطلــــــــــــع الزيت عديل ... |
أخاف الزيت يبقى بترول يا النصري أخوي 
سلام وتحايا شديدة ..
كويس إنو زي الحاجات الحلوة دي بتجيب الناس الحلوين ..
دم بخير يا صديق ..
|
Post: #14
Title: Re: يا الرحـتو طولــتو ..
Author: نهال الطيب
Date: 04-23-2007, 06:10 PM
Parent: #13
معتصم يا رائع
شوف المنبر أجمل كيف من زمان
بالله كل يوم
أدينا حاجة حلوة خلي المنبر ده يفرهد والكتاحة تقيف
ونبقى ذكرى
ريد وفكرة
حب قضية
|
Post: #15
Title: Re: يا الرحـتو طولــتو ..
Author: عامر تيتاوى
Date: 04-23-2007, 10:10 PM
Parent: #14
معتصم دفع الله
محب للخير والجمال
مثل هذاالبوست يجب ان لايكون (حبة عند اللزوم )
بل بفترض ان يكون مثل الادوية ( المنقذة للحياة )
يعنى ضد السكرى والضغط عافاكم الله
معليش عملتها ليك (صحة وعافية )
شكرا على هذا اللحن الاثير
لعب ارضى وشوت فى الزوى
|
Post: #16
Title: Re: يا الرحـتو طولــتو ..
Author: صلاح الأحمر
Date: 04-24-2007, 00:30 AM
Parent: #15
الحبيب /دفعه
كلام معقول وغنا صاح يازول يافنان
الله يديك العافيه.ماخليت لينا حاجه
نقولها..مع صادق المودة..ود اللحمر
|
Post: #25
Title: Re: يا الرحـتو طولــتو ..
Author: معتصم دفع الله
Date: 04-25-2007, 08:56 AM
Parent: #16
سلاااام يا دفعة ..
إن شاء الله دائماً طيب ومبسوط ..
وحاجاتنا دي تعجبك وتسر بالك ..
ويا ريت الناس تلتزم بالنقاش الجاد والبعد عن المهاترات وخلق جوء مناسب للحوار ..
والمحافظة على هذا الوطن سوادنيز أون لاين بمزيد من التكاتف حوله ..
محبتي صديقي صلاح ..
|
Post: #24
Title: Re: يا الرحـتو طولــتو ..
Author: معتصم دفع الله
Date: 04-25-2007, 08:44 AM
Parent: #15
سلام عامر ..
ومحبة وشووووق ..
تعرف زي الحاجة دي بنسميها أدوية بلدية من صيدلية غنانا السمح البدخل جوة الوجدان ويفعل فيها فعل السحر ..
شكراً ليك إنت يا جميل ولطلتك الحلوة علينا ..
كن بألف خير ..
|
Post: #17
Title: Re: يا الرحـتو طولــتو ..
Author: معتصم دفع الله
Date: 04-24-2007, 06:59 AM
Parent: #14
سلام نهال ..
المنبر جميل بيكم ..
يا ريت الواحد يكون عند حسن الظن ..
وكل يوم الواحد يجيب ليكم ما يعجبكم ويسعدكم ..
كوني بخير ..
|
Post: #18
Title: Re: يا الرحـتو طولــتو ..
Author: salma subhi
Date: 04-25-2007, 05:45 AM
Parent: #17
معتصم دفع الله
تأتي دائماً بما هو جميل
|
Post: #19
Title: Re: يا الرحـتو طولــتو ..
Author: Dr. Abdalla Siddig
Date: 04-25-2007, 06:04 AM
Parent: #18
مش لي حق ادمن بوستاتك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الله يحفظك ويخليك
مستعجل عندي سفره ليومين وراجع اسمع واقرأ برواقه
|
Post: #28
Title: Re: يا الرحـتو طولــتو ..
Author: معتصم دفع الله
Date: 04-25-2007, 09:17 AM
Parent: #19
دكتور عبدالله إزيك يا حبيب ..
والله سعيدين بي شوفتك وطلتك علينا ..
ربنا يديك العافية وشكراً للثقة دي يا جميل ..
تروح وترجع بالسلامة تلقانا نحن في إنتظارك ..
محبتي بلا حدود ..
|
Post: #20
Title: Re: يا الرحـتو طولــتو ..
Author: مجدي عبدالرحيم فضل
Date: 04-25-2007, 06:11 AM
Parent: #18
،، معتصم ،،أبو الدفاع شفت الباص ده كيف؟
(ركابوا كل أحبت المنبر الحر )
دأئمين السعال والله بس ذي ماقلت الجو فيهو غبار عالق !
عشان كده السعال مسكني وياريت الجو يصفي ويعم الريد !
وتكون الألفه والمحبة ديدنا علي ظهر هذة المساحة للجميع!
وكريم القول من صدقات جارية نجري بها المداد علي صفاء !
هذا المتكأ الجميل بقينا مدمنين ومابنرضي فيهو الشين !
تسلم ياغالي ودي نفحه طيبة من عطر الطرب والكورة مدوره!
واللعب بالباصات الطويلة مطلوب والبينية أصعب ودي للحرفه!
ياحريف كم ذيك أنت بتخلق لينا مساحات الطرب الجميل لك ولأنسي!
الأنس العالق في سماء سودانيزأونلاين سلام وأمان وقدح كمان للحبان،
ياريت السياسة تقتدي بالكورة عشان جمال اللعب تكون جماعية وجمالية
والأخلاق الرياضية وسفارة اللعب تلم كل الأطياف في الفه ووئام تاااام.
،،،،أبوقصي،،،،
|
Post: #21
Title: Re: يا الرحـتو طولــتو ..
Author: sudania2000
Date: 04-25-2007, 06:22 AM
Parent: #20
|
Post: #32
Title: Re: يا الرحـتو طولــتو ..
Author: معتصم دفع الله
Date: 04-25-2007, 09:48 AM
Parent: #21
تسلمي يا دكتورة ..
إنت الذووووق والله ..
محبتي ..
|
Post: #31
Title: Re: يا الرحـتو طولــتو ..
Author: معتصم دفع الله
Date: 04-25-2007, 09:31 AM
Parent: #20
الحبيب أبوقصي سلاااام ..
باص من هيثم مصطفى بس ما تقول لي العجب حبيبي
والله الواحد سعيد إنو كل الأحباب موجودين هنا ومبسوطين إن شاء الله دائماً ..
Quote: دأئمين السعال والله بس ذي ماقلت الجو فيهو غبار عالق !
عشان كده السعال مسكني وياريت الجو يصفي ويعم الريد !
وتكون الألفه والمحبة ديدنا علي ظهر هذة المساحة للجميع!
وكريم القول من صدقات جارية نجري بها المداد علي صفاء !
هذا المتكأ الجميل بقينا مدمنين ومابنرضي فيهو الشين ! |
يا ريت كلامك دا يتحقق ويعود الصفاء للجميع ويكون المنبر أجمل ووالله ياهو الواحة البنستظل بها من هجير أي حاجة ياخ وبالبجد ما بنرضو فيهو ..
مرات التكتيك بيكون عايز كده بس ما يكون الهجوم خير وسيلة للدفاع بتاعت كورتنا كده الحكاية بتجوط
عايزين الكورة الشاملة باص الخانة والباص البيني البجيب القون ما شاء الله عندنا لعيبة حريفين في الشعر حريفين في الكتابة حريفين في الحوار حريفين نتمنى إنو نستفيد من الباصات المقشرة دي ..
تسلم يا صديق وربنا يسعدك ويجمل أيامك ..
كن بألف خير ..
|
Post: #27
Title: Re: يا الرحـتو طولــتو ..
Author: معتصم دفع الله
Date: 04-25-2007, 09:14 AM
Parent: #18
الأجمل هو حضورك يا سلمى ..
بكتاباتكم ومواضيعكم الشيقة تجعلون المنبر دائماً جميل ..
يا ريت دائماً نفوسنا تكون طيبة ونطرح مواضيعنا بنفس هادئ ونصل لحلول لها ..
كوني بألف خير ..
|
Post: #22
Title: Re: يا الرحـتو طولــتو ..
Author: Yasir Elsharif
Date: 04-25-2007, 07:32 AM
Parent: #1
سلامات يا معتصم
أصلو المحبة عذاب
أصلو الزمن غلاب
وشكرا..
|
Post: #23
Title: Re: يا الرحـتو طولــتو ..
Author: عماد محمود علي
Date: 04-25-2007, 07:48 AM
Parent: #22
صديقي العذب موو
صباحك رائع كروعة تسطيرك ، ، ،،
| Quote: كدي تعالو نشوف نحن مختلفين لينا كم مدة ؟ |
عيييييك ، غايتو أنا الكمبيوتر بتاعي ما قدر يعدها . يا أخي دي شغلانة طويلة خلااااااااص . هو الناس غير الاخلاتفات والخلافات دي قاعدة لي شنو ؟!!! ذي جامعة الدول العربية ماحصل إجتموا إلا وإختلفوا ماشين بنظام ( خالف تعرف ) . ســـلام يا صحبي .
|
Post: #26
Title: Re: يا الرحـتو طولــتو ..
Author: مجاهد عبد الرحمن
Date: 04-25-2007, 09:09 AM
Parent: #23
يا ريت بريدكم جاب
كلمات تواسي الغاب
اصلو المحبة عذاب
وأصلو الزمن غلاب
غلبني يا انتو
لكن ما بيغلبنا
يا معتصم
يا زول يا زين
لك الود كله
والتقدير
دمت رمزاً للجمال
والصفاء والمحبة
لا تغيب
مودتي
|
Post: #39
Title: Re: يا الرحـتو طولــتو ..
Author: معتصم دفع الله
Date: 04-25-2007, 03:18 PM
Parent: #26
مجاهد كيفك يا صديق ..
بالله شوف الكلمات دي بسيطة وحلوة كيف ..
أصلو المحبة عذاب ..
وأصلو الزمن غلاب ..
ربنا يرد غربة الجميع ويبعد عنكم الهموم ..
دم بألف خير ..
|
Post: #29
Title: Re: يا الرحـتو طولــتو ..
Author: mahmed alhassan
Date: 04-25-2007, 09:24 AM
Parent: #23
الشفيف معتصم
دائما ما تطـــل كزخات المــطر لتزيل كتاحة المنبر وغباره 0
|
Post: #40
Title: Re: يا الرحـتو طولــتو ..
Author: معتصم دفع الله
Date: 04-25-2007, 03:33 PM
Parent: #29
محمد الحسن سلاااام ..
ياخي إنتو الدعاش والمطر البروح الكتاحة دي ..
تسلم يا صاحب ..
|
Post: #33
Title: Re: يا الرحـتو طولــتو ..
Author: سمية الحسن طلحة
Date: 04-25-2007, 09:50 AM
Parent: #23
Quote: والسودان بلد بهذا الحجم وهذا الخير يتمزق ويئن من الحروب ويعيش أهله الفقر وضيق العيش ..
كدي شوفوا نحن متغربين لينا كم أو نقول مشردين وكل يوم الوطن بيبعد عنا قدر شنو ..
شوفوا من بداخله متغرب فيهو كيف ولا يعرف إن كان هناك وطن يعيش فيه أم لا ..
تعالوا بي رواقة نؤسس لأدب الحوار والكلمة الصادقة التي تخدم الفكرة وتحمل الموضوع إلى حيث يجب أن يكون لفائدة الجميع ..
تعالوا ننظر لقضايا وطننا ونناقشها في هدوء حتى نصل لحل ينقذ شعبه ..
تعالوا ننقب عن تراثنا وفنوننا ونعرضها لغيرنا ..
|
معتصم دفع الله .. تحية الجمال
عندما نراك تفتح دارا نهرع إليها ليقيننا إنها واحة نرتاح فيها
كسفن ظلت تمخر عباب بحر بلا ساحل ، وكعير ظلت تقطع الوهاد بلا طائل
هذه أجمل بطاقة دعوة أتلقاها فى حياتى وقد سطر حديثك هذا الفنان
الشاعر الوطنى الغيور / العوض مصطفى.. فى قصيدة اقتطف منها أبيات
تليق بهذه الدار الجميلة وأتمنى على الجميع بل وأرجوهم أن يلبوا دعوتك .
صعبت علي في الغربة أيام الضنى
سهرن عيوني محصحصات سهر البعيد ، غربة وعنا
لا انحل قيده ولا دنا
ولا عمره كان
جواي أمان
طول الزمان
جواي سلام لي كل زول
شقَّ العتامير في الضُّـلمَّـة الليها هول
في سارية الليل البترشع وكرَّة الرعد البجول
راحل سحابه علي البلاد يدِّي وهطول
سمحين عيالك ، ما على الطامح حرج
واقفين قبالك يعقب الضيق الفرج
سدّوه مالك هانت الروح والمهج
أنا في حجاك من زرة الغم والزهج
أنا في رجاك تنجيني من هذي اللجج
قلبي المعلـَّق يوت هناك
في مقرن النيلين بشوف نيلين بعد ما اتصارعن
هدأن بعد طول العراك
واتوحَّدن نيل يسقي أرضك يا بلد .....
ما ضرَّ لو من نيلنا اتعلمنا إنُّه نعيش سوا
ما ضاقت الأرض أم سماح ، ضايقين بشوفنا إلى الأبد
يا أيُّها الصُّلاح مدد
تخلق بلاد في شحَّها وتعيش نعيم
وسودان يعيش رغم النعيم في ذا الكبد
راجيك يا من تدعى في الليل البهيم
يا كاشف الضر الذي يغشى السقيم
يا سابل الستر الذي ماحدُّه حد
ما نشوف بعد ها الحالة ضيم
نحيا ونعيش شوقنا القديم
يبقى السلام نفـَس الخلق والخير عميم
وبين الخلوق ما فيش فرق
وقلب المخاليق يوت سليم
ويبقى الفرح حظ الجنوب وحظ الغرب
وحظ الشمال وحظ الشرق
ونتلم في سوداننا قط ما نتفرق
العوض مصطفى / شاعر وفنان تشكيلى
مسقط / سلطنة عمان
|
Post: #41
Title: Re: يا الرحـتو طولــتو ..
Author: معتصم دفع الله
Date: 04-25-2007, 05:52 PM
Parent: #33
الغالية سمية بنت الخال ..
كلامك جميل ويسر القلب زي أشعارك الحلوة ..
شكراً ليك يا غالية ونتمنى دائماً أن نكون عند حسن الظن ..
وتحية عبرك للشاعر العوض مصطفى ..
وزي ما قال شاعر الشعب محجوب شريف ..
حنبنيهو..
البنحلم بيهو يوماتى
وطن حدّادى مدّادى
ما بنبنيهو فرّادى
ولا بالضجه فى الرادى
ولا الخطب الحماسيّه
وطن بالفيهو نتساوى
نحلم..
نقرا
نتداوى
مساكن
كهربا ومويه..
تحتنا الظلمه تتهاوى
نختّ الفجرِ طاقيّه
وتطلع شمس مقهوره
بخط الشعب ممهوره
تخلي الدنيا مبهوره
إراده
وحده شعبيّه
ما أجمل أن نغني للوطن ..
وليتنا نسخر كل هذا الحب لأجله ولأجل إنسانه ..
شكراً ليك يا غالية ..
كل الحب والتقدير ..
|
Post: #36
Title: Re: يا الرحـتو طولــتو ..
Author: معتصم دفع الله
Date: 04-25-2007, 10:40 AM
Parent: #23
عمدة كيفك يا صاحب ..
وينك مختفي اليومين الفاتو ..
ضحكتني بحكاية الجامعة العربية دي اها نحن حالنا بقى اصعب منها ..
الواحد يقوم من الصباح والزهجة ألف عايز يدور ليهو شكلة بأي طريقة والمنبر بقى احسن مكان للشكل ربنا يكفينا شر الكتاحة ..
ألعب الكورة الساهلة ومريحة ومتع نفسك ..
محبتي ..
|
Post: #35
Title: Re: يا الرحـتو طولــتو ..
Author: معتصم دفع الله
Date: 04-25-2007, 09:56 AM
Parent: #22
الله يسلمك دكتور ياسر الشريف ..
Quote: أصلو المحبة عذاب
أصلو الزمن غلاب |
غلبني يا إنتو
الله يديك العافية يا حبيب وإن شاء الله الزمن يجبر بالخواطر ونعود للوطن وهو بألف خير ..
محبتي ..
|
Post: #30
Title: Re: يا الرحـتو طولــتو ..
Author: mohamed kabbar
Date: 04-25-2007, 09:31 AM
Parent: #1
رائع مصطفى
ذكرتنا الزمن الحلو والطرب الجميل
|
Post: #42
Title: Re: يا الرحـتو طولــتو ..
Author: معتصم دفع الله
Date: 04-25-2007, 06:16 PM
Parent: #30
الحبيب محمد كبر ..
شكراً لوجودك معنا ..
إن شاء الله دائماً سعيد ومبسوط ..
تقديري ..
|
Post: #34
Title: Re: يا الرحـتو طولــتو ..
Author: حمزاوي
Date: 04-25-2007, 09:52 AM
Parent: #1
يا شفيف كلامك سمح بالحيييل ... وغناك ابداع
مسكاقمي
|
Post: #43
Title: Re: يا الرحـتو طولــتو ..
Author: معتصم دفع الله
Date: 04-25-2007, 06:19 PM
Parent: #34
الخال حمزاوي ..
مسكاقمي ..
إن شاء الله إنت تسلم يا الحبيب ..
محبتي ..
|
Post: #37
Title: Re: يا الرحـتو طولــتو ..
Author: خالدة البدوي
Date: 04-25-2007, 02:31 PM
Parent: #1
يا جمالك يا معتصم
وانت تدعـو إلى نفض الغبار
العالق والكاتح ,,,
دعوة إلى كل جميل ،،،
والأهم:
مناقشة قضايا الوطن ..
وأن شاء الله الناس العلى زمام القضايا دي
ما يعملوا فيها رايحيين ويسوقوا فيها بنفس
المستوى ..
دمت ،،،
|
Post: #38
Title: Re: يا الرحـتو طولــتو ..
Author: غادة عبدالعزيز خالد
Date: 04-25-2007, 02:39 PM
Parent: #37
و نحو مزيد من الجمال..
كل الود يا معتصم
غادة
|
Post: #45
Title: Re: يا الرحـتو طولــتو ..
Author: معتصم دفع الله
Date: 04-25-2007, 06:33 PM
Parent: #38
ومثله أضعاف من الود يا غادة ..
شكراً جميلاً لأنك دائماً تجملي المكان بمواضيعك ومداخلاتك الحلوة ..
محبتي وكل التقدير ..
|
Post: #44
Title: Re: يا الرحـتو طولــتو ..
Author: معتصم دفع الله
Date: 04-25-2007, 06:31 PM
Parent: #37
خالدة إزيك ..
تعرفي هسي أنا عامل فيها رايح وما فاهم أي حاجة
يا ريت نتعلم طولة البال والنفس الهادئ ونناقش أمورنا بي رواقة دون إنفعال وحوارات عنترية لا تفضي لشي ..
وبعيداً عن المهاترات وإستخدام الألفاظ المسيئة والتي تضر بصاحبها أولاً قبل المٌساء إليه ..
شكراً جميلاً ..
محبتي ..
|
Post: #46
Title: Re: يا الرحـتو طولــتو ..
Author: Omayma Alfargony
Date: 04-25-2007, 10:18 PM
Parent: #44
معتصم يا نقي السريرة
ازيك....
عليك السلام
وعليك
يا سلام
محبتي
|
Post: #47
Title: Re: يا الرحـتو طولــتو ..
Author: معتصم دفع الله
Date: 04-26-2007, 07:14 AM
Parent: #46
الغالية أميمة الفرجوني ..
وعليك السلام أين ما كنتِ ..
كويس إنك هنا بعد ما رحتي طولتي
بوجودك يزداد المكان رونق ..
كوني بخير ..
محبتي ..
|
Post: #48
Title: Re: يا الرحـتو طولــتو ..
Author: نهال الطيب
Date: 04-26-2007, 07:19 PM
Parent: #47
حنبنيهو..
البنحلم بيهو يوماتى
وطن حدّادى مدّادى
ما بنبنيهو فرّادى
ولا بالضجه فى الرادى
ولا الخطب الحماسيّه
وطن بالفيهو نتساوى
نحلم..
نقرا
نتداوى
مساكن
كهربا ومويه..
تحتنا الظلمه تتهاوى
نختّ الفجرِ طاقيّه
وتطلع شمس مقهوره
بخط الشعب ممهوره
تخلي الدنيا مبهوره
إراده
وحده شعبيّه
وكمان
وطن شامخ وطن عاتي
وطن خير ديمقراطي
معتصم
جيناكم لقيناكم مافشين
يا الرحلتوا طولتوا
مودتي
|
Post: #49
Title: Re: يا الرحـتو طولــتو ..
Author: حبيب نورة
Date: 04-26-2007, 07:49 PM
Parent: #48
معتصم ياخي تسلم والله
وزي ما قالت نهال
حنبنيهو..
البنحلم بيهو يوماتى
وطن حدّادى مدّادى
ما بنبنيهو فرّادى
ولا بالضجه فى الرادى
ولا الخطب الحماسيّه
وطن بالفيهو نتساوى
نحلم..
نقرا
نتداوى
مساكن
كهربا ومويه..
ـــــ
شكرن كتيرن!
|
Post: #50
Title: Re: يا الرحـتو طولــتو ..
Author: wesamm
Date: 04-27-2007, 02:28 AM
Parent: #49
| Quote: الكورة في الواطـة دي ونلعب الكورة السهلة والباص المريح . |
الكورة واطة وجايب لينا العجل حسين خوجلي يتهوزز زي الجلي
|
Post: #51
Title: Re: يا الرحـتو طولــتو ..
Author: معتصم دفع الله
Date: 04-27-2007, 10:49 AM
Parent: #50
| Quote: الكورة واطة وجايب لينا العجل حسين خوجلي يتهوزز زي الجلي |
وســـــام ..
بالله دا الحارقك ومقوم نفسك من الصباح ..
كان تكلمنا بدل الفيديو نخت ليك صوت بس عشان ما تشوف الزول التاعبك دا ..
مسكينة هي الكلمة ومعدومة الأخلاق البتخلينا نشتم في بعضنا كده ..
ياخي قبل ما تعمل مداخلتك دي كان تسمّع لنفسك (إن الكلمة الطيبة أصلها ثابت وفرعها في السماء)..
ما أظن جيت داخل ليك قبل كده وكتبت ليك كلمة شترا حرقت أعصابك ولا نحن كما تظن ..
للأسف نظرت للجزء الفارغ من الكباية ولم تهتم بالأغنية بقدر ما إهتميت إنو فيها حسين خوجلي المارضك دا ..
نعرف السياسة كويس ودروبها وكيف ندير حوار مع من يريدالحوار والدرب البودي للخور برضو بنعرفه لكن ما قاعدين نستخدمه تعرف ليه لأن اللغة التي لا تخدم لا نستخدمها ..
وبرضو الكورة وأطــة ..
وإن عدت عدنا ..
|
Post: #53
Title: Re: يا الرحـتو طولــتو ..
Author: معتصم دفع الله
Date: 04-27-2007, 10:55 AM
Parent: #49
حبيب نورة يا حبيب ..
شوفتك بالدنيا وطلتك دائماً حلوة علينا ..
الوطن في حدقات العيون ..
وقلبنا عليهو وعلى إنسانه ..
إن شاء الله دائماً طيب ومبسوط يا حبيب ..
|
Post: #52
Title: Re: يا الرحـتو طولــتو ..
Author: معتصم دفع الله
Date: 04-27-2007, 10:51 AM
Parent: #48
وطن حدادي مدادي يا نهال ..
يجمعنا كلنا في حب وسـلام ..
كل الشكر والمحبة ..
|
Post: #54
Title: Re: يا الرحـتو طولــتو ..
Author: Dr. Abdalla Siddig
Date: 04-28-2007, 07:18 AM
Parent: #52
الغلي معتصم
تحياتي
Quote: تعالوا بي رواقة نؤسس لأدب الحوار والكلمة الصادقة التي تخدم الفكرة وتحمل الموضوع إلى حيث يجب أن يكون لفائدة الجميع ..
تعالوا ننظر لقضايا وطننا ونناقشها في هدوء حتى نصل لحل ينقذ شعبه ..
تعالوا ننقب عن تراثنا وفنوننا ونعرضها لغيرنا ..
.. |
ياريت كل اعضاء المنبر يتعاهدوا علي هذا وذلك من اجل السودان
مع خالص تقديري
|
Post: #55
Title: Re: يا الرحـتو طولــتو ..
Author: معتصم دفع الله
Date: 04-28-2007, 08:19 AM
Parent: #54
تحياتي دكتور عبدالله وعوداً حميداً ..
نتمنى انو الناس تعي لدورها تماماً وتضع الوطن في حدقات عيونها ..
وإنو بمزيد من الحوار والحوار الجاد ستصل لمبتغاها ..
والإستفادة من هذه المساحة المتاحة كما هو حاصل وعكس أفكارنا ومعالجة مشاكلنا وأكيد سيجي من بعدنا ويجد نهج قويم يمشي عليه ..
وأن الجعجعة التي لا يأتي بعدها طحين لا تنفع ..
شكراً جميلاً يا صديق ..
محبتي ..
|
Post: #56
Title: Re: يا الرحـتو طولــتو ..
Author: انعام عبد الحفيظ
Date: 04-28-2007, 09:02 AM
Parent: #1
Quote: يا ريت نتعلم طولة البال والنفس الهادئ ونناقش أمورنا بي رواقة دون إنفعال وحوارات عنترية لا تفضي لشي ..
وبعيداً عن المهاترات وإستخدام الألفاظ المسيئة والتي تضر بصاحبها أولاً قبل المٌساء إليه ..
|
ويا معتصم وين رحتو طولتو
|
Post: #57
Title: Re: يا الرحـتو طولــتو ..
Author: معتصم دفع الله
Date: 04-28-2007, 02:55 PM
Parent: #56
| Quote: ويا معتصم وين رحتو طولتو |
موجودين يا انعام ..
أهو كل شوية الواحد يجي يتاوق ويتخارج ..
بنسرق اللعب سرقة في ظل المشغوليات والزحمة الفينا دي ..
دائماً خليك قريبة يا غالية ..
محبتي ..
|
|