Post: #1
Title: هام إلى بورداب و بوردابيات الرياض ...
Author: ابو جهينة
Date: 04-23-2007, 07:23 AM
بسم الله الرحمن الرحيم
نظراً لإرتباط الكثير من البورداب يوم الخميس القادم في مناسبات خاصة و عامة ..
لذا فإن موعد اللقاء الأسري لبورداب الرياض سيكون يوم الخميس 3 مايو 2007م.
سيقوم الأخوة في اللجنة بإنزال خريطة الإستراحة و البرنامج.
عذراً لهذا التعديل في الموعد الذي فرضته ظروف طارئة و نزولاً عند رغبة كثير من الإخوة الذين قاموا بالإتصال.
نرجو التفاعل هنا للتأكيد.
خالد سعيد : جيب رموز الإنتخابات.
تمبس : شرحو ( خصوصاً تقنية المطبخ )
دمتم
|
Post: #2
Title: Re: هام إلى بورداب و بوردابيات الرياض ...
Author: عماد محمود علي
Date: 04-23-2007, 07:43 AM
Parent: #1
الريس أبو جيهنة
سلام مربع ، ، ،،
شكراً على هذا التعديل فلقد إرحتمونا به كثيراً ، وأتمنى بان يكون هذا التعديل الجديد مناسباً لكل بورداب الرياض لنجعل من ذلك اليوم يوماً تاريخياً يخلده الزمان ويسطره التاريخ وتتحدث به الأجيال ونلتقي فيه بالاحبة والاصدقاء .
سنكون حضوراً إن شاء الله إذا لم يحدث أي عارض ( كفانا الله شر العوارض ) .
|
Post: #3
Title: Re: هام إلى بورداب و بوردابيات الرياض ...
Author: humida
Date: 04-23-2007, 08:31 AM
Parent: #2
أبا جهينة ..
ما عندك مشكلة .. وانا بجيب ليك ( السلك )
|
Post: #4
Title: Re: هام إلى بورداب و بوردابيات الرياض ...
Author: ابو جهينة
Date: 04-23-2007, 08:37 AM
Parent: #3
حميدة
| Quote: ما عندك مشكلة .. وانا بجيب ليك ( السلك ) |
المشكلة في السلك ذاااااتو
البتاع شغلناهو Wireless و بي ريموت كنترول
|
Post: #13
Title: Re: هام إلى بورداب و بوردابيات الرياض ...
Author: tmbis
Date: 04-23-2007, 12:08 PM
Parent: #3
صلاح غريبة ...
الله بسالني نجضتنا في عمرنــا ده .. ياخي ما مشكلة يا صلاح اذنك مفتوح من غير ما تقول لينا كلامك دا . والله انا تحديدا مقدر ظروفك وما تتعب نفسك شديد كدا .. ياخي مداخلتك دي يا غريبة من 2002 قاعده مسيفه عندك في الجهاز وبتمرضنا بيها حبة تلاتة مرات عند اللزوم
يعني عادي ما ممكن تجي ما بنتحسس والله ولا حاجة
قضي امورك كلها يا الخزين .. وكان لقيت فرقه تعال لينا وكان ما لقيت اصلو عوجه مافي بس المهم تبقى طيب انت ..الرووووب ..
Quote: أبا جهينة ..
ما عندك مشكلة .. وانا بجيب ليك ( السلك ) |
يا حميدة .. إنت السلك ده الاتجهت بيهو صعودا المرة الفاتت والا سلك تاني
لانو اديتني غحساس كدا زي الانك ودوك الصين مع ناس الإكروبات الزمان ديلك
مش تتذكر كانو بيطلعوا فيها ماشــة .. ويسوقوا العجــلة في السلك ؟
|
Post: #8
Title: Re: هام إلى بورداب و بوردابيات الرياض ...
Author: ابو جهينة
Date: 04-23-2007, 11:02 AM
Parent: #2
عماد
سلام
| Quote: ( كفانا الله شر العوارض ) . |
آمين يا رب العالمين
|
Post: #5
Title: Re: هام إلى بورداب و بوردابيات الرياض ...
Author: حمزاوي
Date: 04-23-2007, 08:51 AM
Parent: #1
| Quote: ما عندك مشكلة .. وانا بجيب ليك ( السلك ) |
انت وين يا اخوي
وصلت بالسلامة ولا لسع
|
Post: #6
Title: Re: هام إلى بورداب و بوردابيات الرياض ...
Author: Mohamed Abdelgaleel
Date: 04-23-2007, 08:54 AM
Parent: #5
كنا عاوزين اللمه لكين كل تأخيرة فيها خير إن شاء الله .
|
Post: #7
Title: Re: هام إلى بورداب و بوردابيات الرياض ...
Author: ghariba
Date: 04-23-2007, 09:21 AM
Parent: #1
الاخ أبو جهينة
مشكور على تعديلك للموعد
ولكن بصراحة خارطة الرياض ( كل خميس ) مشغولة ببرامج ومهرجانات حتى 24 مايو
عن يوم 3 مايو فهو المهرجان الذي تقيمه جمعة النهضة النسائية السودانية عن مئوية التعليم بالسودان وتكريم الرعيل الأول من قادة التعليم بالسودان وعلى راسهم المرحوم بابكر بدري .
يوم 10 مايو احتفالات السفارة بالاستقلال
يوم 17 احتفالات تكريم ووداع الفنان جلال الصحافة
وندعوكم لحضور احتفالات جمعية المحبة والسلام يوم الخميس القادم 26 أبريل بالشفاء
|
Post: #9
Title: Re: هام إلى بورداب و بوردابيات الرياض ...
Author: يوسف السماني يوسف
Date: 04-23-2007, 11:06 AM
Parent: #1
الريس ابوجهينة
سلام
بورداب الرياض الجميليين اجلوا الجلسة لحين عودتنا لاننا مشتاقين ليكم ووجدنا انفسنا غرباء داخل وطننا .
لك الود
|
Post: #40
Title: Re: هام إلى بورداب و بوردابيات الرياض ...
Author: ابو جهينة
Date: 04-29-2007, 06:54 AM
Parent: #9
يوسف السماني
Quote: الريس ابوجهينة
سلام
بورداب الرياض الجميليين اجلوا الجلسة لحين عودتنا لاننا مشتاقين ليكم ووجدنا انفسنا غرباء داخل وطننا .
لك الود |
طيب تعال بسرعة أحضر ..
و الله مشكلة يا يوسف إنو الواحد يحس بإنو غريب جوة بلدو .. مشكلة عويصة
|
Post: #10
Title: Re: هام إلى بورداب و بوردابيات الرياض ...
Author: abdulgafar mohd saeed
Date: 04-23-2007, 11:07 AM
Parent: #1
شكرا للتعديل فقد أراحنا كثيرا الموعد الجديد ,, و ياابوجهينة جاهزين موية و نور
|
Post: #43
Title: Re: هام إلى بورداب و بوردابيات الرياض ...
Author: ابو جهينة
Date: 04-29-2007, 09:28 AM
Parent: #10
عبد الغفار
تحياتي
| Quote: شكرا للتعديل فقد أراحنا كثيرا الموعد الجديد ,, و ياابوجهينة جاهزين موية و نور |
جيب النور معاك .. الموية عندها وزير معتمد إسمو إدريس
|
Post: #11
Title: Re: هام إلى بورداب و بوردابيات الرياض ...
Author: د.محمد حسن
Date: 04-23-2007, 11:12 AM
Parent: #1
ههههههههههههههههههههههههههههههههههههه
يوم 10 مايو احتفالات السفارة بالاستقلال
والله بالجد ضحكت
لاني اليوم ولاول مرة اعرف انه استقلال السودان يوم 10 /5
مايو ده عارفين انو 1 مايو عيد العمال
25 مايو ثورة مايو الظافرة يا صلاح
6 ابريل انتفاضة وئدت
بس 10 مايو
دي جديدة علي
يا ربي يوم 10 ما يو القلقلنا منو؟
ابو جهينة انت الريس
دي لو ما عرفتها طوالي
يا اما تتنازل
او تعتبر انو صلاح عميل وخاين لجزر الكناري
|
Post: #12
Title: Re: هام إلى بورداب و بوردابيات الرياض ...
Author: humida
Date: 04-23-2007, 11:35 AM
Parent: #11
| Quote: يوم 10 مايو احتفالات السفارة بالاستقلال |
دي سفارة ( جمهورية أمبابة الديمقراطية ) ولا شنو ..
والله يا ( غريبة ) انت زول ( عسل ) جدا ..
مشكلتك الوحيدة انه ( العبط ) و ( الجهل ) ما بتلموا مع بعض ..
|
Post: #14
Title: Re: هام إلى بورداب و بوردابيات الرياض ...
Author: Khalid Saeed
Date: 04-23-2007, 12:20 PM
Parent: #12
أيها البورداب الأحرار ..
ترقبوا بعد قليل لست بأسماء المرشحين للتشكيل الوزاري البوردابي الجديد .
صدر تحت توقيعي يوم الأثنين 22 أبريل ياشهر الخلاص ..
كما لايفوتنا أن نرحب بوزير الدفاع ( حمـــيده )
رمز: البســـــــطونة
حبيبكم مين : حمـــيده
رمز البسطونة مين : حمـــــيده
الأرباب
وزير المالية
|
Post: #15
Title: Re: هام إلى بورداب و بوردابيات الرياض ...
Author: Khalid Saeed
Date: 04-23-2007, 12:23 PM
Parent: #14
الريس / أبوجهينة
جيتك ومعاي لسته للتشكيل الوزاري الجديد .. دايرين الناس تتلمه وكمان تمارس حقها الديمقراطي .. ذي مابيقولوا ناس السودان الجديد .. وكما عشان مايقولوا علينا نحنا .. بقينا دكتاتوريين .. وهم بقوا مهمشين ..
أه ياأخوانا دي اللستة بتاعت الترشيح للتشكيل الوزاري وتعالوا لينا ناس ترشيح ساكت .. وطبعاً الحملة الإنتخابية حتكون مستمرة .. وأنا أمين المال . وحأكون مشرف عليها والحاضر يحدث الغائب [ أنا بقبل الرشوة ] .. والداير يفوز يراجع حساباته ونحنا جاهزين :
نبدا ليكم بي وزير الري ( أدريس خليفة علم الهدى ) .. متكفل بالمياه من كل أنواعها.
شعار الحملة [ مويــة الليل أم كراعاً بـــــــره ] .
الرمز [ الجركــانة الدميقراطية ] .
|
Post: #16
Title: Re: هام إلى بورداب و بوردابيات الرياض ...
Author: Khalid Saeed
Date: 04-23-2007, 12:24 PM
Parent: #15
وزير المواصلات ( معتصم دفع الله ) الشفيف
شعار الحملة [ العجلة من الندامة ]
الرمز [ العجلـــــة ] .
|
Post: #17
Title: Re: هام إلى بورداب و بوردابيات الرياض ...
Author: Khalid Saeed
Date: 04-23-2007, 12:26 PM
Parent: #16
وزير الثروة الحيوانية ( طارق نقد ) ده خبير في كل الحيوانات المطلوبة للمناسبات بمختلف عيناتها .
شعار الحملة [ الخروف الأبيض .. لليوم الأسود ]
الرمــز [ الخــــروف
سيرة مختصرة :
من أبناء: الغابة
عمل في قطاع الطرق والمواصلات
له علاقات طيبة مع دولة باكستان حيث يعمل معه أكثر من 100 باكستاني .
التوجهات : ديمقراطي .. مستنير .
له مساهمات عديدة .. ملموسة وغير ملموسة في كل الأنشطة المحلية والإقليمية
|
Post: #18
Title: Re: هام إلى بورداب و بوردابيات الرياض ...
Author: Khalid Saeed
Date: 04-23-2007, 12:28 PM
Parent: #17
عندنا أبو جهينة .. الريس ( ده خطييير .. كتاب .. عنده كتب ..أماندة والأبنوس )
شعار الحملة [ كتاب لكل بوردابي ]
رمز الحملة [ الأبنوس ]
عندنا ود الباوقة .. نائب الرئيس
( ده بتابع الطيارة لقاية ماتعدي المثلث الأخير من منتصف الليل ) .
شعار الحملة [ هي لله هي لله .. لا للسلطة وللجاه ]
الرمز [ الطيــــارة ] .
|
Post: #19
Title: Re: هام إلى بورداب و بوردابيات الرياض ...
Author: Khalid Saeed
Date: 04-23-2007, 12:29 PM
Parent: #18
عندنا يوسف السماني .. ده زول خطير خلاص ..( وزير الديمقراطية )
جنه مشاكل مع السفارة .
شعار الحملة [ المغارة ولا السفارة ]
رمز الحملة [ الأبــــرول ]
|
Post: #20
Title: Re: هام إلى بورداب و بوردابيات الرياض ...
Author: Khalid Saeed
Date: 04-23-2007, 12:31 PM
Parent: #19
تمبس ... وزير الإعلام
( أخطر من يوثق بالصورة والصوط .. ماسوط العنج .. الصوت العالي ) .
شعار الحملة [ صورني حاول حس بي ]
رمز الحملة [ الكاميــــرا الخفية ]
نبذة مختصرة :
من أبناء أم درمان حي الموردة العريق
له مساهمات كبيرة في مجال التصوير .
أشهر صورة أهلته لنيل جائزة نوبل للصور كانت في شهر أبريل عندما قام بتصوير كذبة أبريل شخصياً .
|
Post: #21
Title: Re: هام إلى بورداب و بوردابيات الرياض ...
Author: Khalid Saeed
Date: 04-23-2007, 12:35 PM
Parent: #20
عمر الفاروق .. وزير الشباب والرياضة
( وده عنده كبير الجمل ... أي زول ممكن يدخل معاه توش يقع بيه الواطه )
شعار الحملة [ كفر ووتر لكل بوردابي ]
الرمــز [ الكـــورة ]
سيرة ذاتية :
من أبناء أم درمان :
شارك في الدورة المدرسية .
قدم له الفنان الكبير ترباس رق مكتوب عليه العبارة الآتية .
يأإبني أنصحك بالتوجه إلى الكورة فوراً .
محلل رياضي .. ثقافي إجتماعي ..
إنتخبوا مرشحك عمر الفاروق .. الذي فرق بين الكورة والسياسة
|
Post: #22
Title: Re: هام إلى بورداب و بوردابيات الرياض ...
Author: Khalid Saeed
Date: 04-23-2007, 12:37 PM
Parent: #21
حميدة .. وزير الدفاع
( ده خطييييييير ... بس دور الشكلة والباقي خليهو عليهو )
شعار الحملة [ شكلة ماحقتنا ماتخش حلتنا ]
الـرمز [ البســــطونة ]
السيرة الذاتية :
أعتقد معروف
|
Post: #23
Title: Re: هام إلى بورداب و بوردابيات الرياض ...
Author: Khalid Saeed
Date: 04-23-2007, 12:37 PM
Parent: #22
عندنا .. صديق الموج .. وزير الثقافة
حبيبنا .. حقيبة متحركة .. بها السحر المبين .. الفن الطرفة .. ومرات نفسه بحر شوية ويكوس المشاكل ..ومرات بيقضي الليل عاشق .. ودموع عينيه ساهرة ..
شعار الحملة [ الثقافة .. واللطافة ]
الرمــز [ الشمسيـــة ]
|
Post: #24
Title: Re: هام إلى بورداب و بوردابيات الرياض ...
Author: Khalid Saeed
Date: 04-23-2007, 12:38 PM
Parent: #23
عندنا خالدة البدوي .. وزير المصنفات والإذاعة والتلفزيون
المزيعة العطبراوية الأنيقة
شعار الحملة [ المزيعة رئة المجتمع ]
الرمـــز [ المكــــرفون
|
Post: #25
Title: Re: هام إلى بورداب و بوردابيات الرياض ...
Author: Khalid Saeed
Date: 04-23-2007, 12:38 PM
Parent: #24
كما يوجد في اللستة كل من الآتية آسماؤهم :
عندنا حليمة ( والله دي جعليه تب ) وبي عشرة بورداب
عندنا إسماعيل وراق .. البوردابي الأصيل ( صحيفة السوداني )
عندنا الخال حمزاوي .. دناقله يارسول الله ( تركين ساككككت ) .
عندنا حكيم البورداب محمد عبد الجليل .( إنه محمد الجليل وكفى )
عندنا الأرباب خالد المحرب ( دابي الكركره .. الصياده ليه مابشيل .. تقيل يالأرباب حر .. صاقعه وهواجم ليل ) .
عندنا معاز الوهم .. وما ادارك ما ماعاز الوهم (الزول الظريف الطبعه دايماً حالم ) .
عندنا عمران .. الرجل الضكران .. حبيب الكل ..( شايقي لكن ترخيص جلعيين)
عندنا نصار الصادق الحاج ( ذلك الشاعر المرهف )
عندنا مولانا الشايقي أحمد محمود الشايقي ( أهل الدويم أهل العلم ، لكن الناس معجبة بالجبنة السمحة بتاعتهم ..عشان كده بقولوا الدويم بلد الجبنة ) .
عندنا عشا البايتات عبد العزيز شلال ( دكين ) ( وينوا ياناس .. ماعارفين خبره ) .
عندنا المكاتل أحمد حنين ( ده زول صعب خلاص ) ده براهو بنهي المبارة .
عندنا عبد الرازق عيسى الطالب ( ده كان جاكم المبارة بتتلغي .. بشطبوكم كلكم ) .
عندنا وليد طـــه ( الزول الرزين الطبعه دايماً حالم )
عندنا جمال محمد هباني ( ود الناظر .. ده غايتو لو قامت شكله .. هو الوحيد البحله .. لأنه زول راقي .. وحلال شبك ) .
عندنا محمد الشيخ سليمان ( الهيئة الدبلوماسية بتاعت البورداب )
عندنا عبد المنعم عمر عثمان ( التلب اللزم .. ود حبوبة .. مقنع الكاشفات ) ده بتكفل بي التقيل كله .
عندنا عبد السلام أبوشنب ( البوردابي الأصيل )
عندنا وليد عبد الرحمن (حبيب بلدو) ( الأخوان طمنوني .. حبيب الكل .. حبيب بلدو )
عندنا خضر الطيب ( المخرج الخطير .. ده عليه التصوير والنقل الحي المباشر )
عندنا عبد الله حمد عقيد ( الغائب الحاضر .. ود عمي .. دخر الحوبة .. وصاحب القلم الرصين)
عندنا المكاشفي خضر بشير ( المبدع ولد الأستاذ المبدع .. الفن كله يتجسد في هذا الشاب )
عندنا أنور عبد الرحمن الشيخ البعيو ( الطرفة الحاضرة .. الرجل الكلس )
عندنا د. ياسر زين العابدين عبد القادر ( ماتخافو .. بعالج أي واحد لو إنكسر في أي دواس أو أي بوست )
عندنا مصدق مصطفى حسين ( الرجل الفنان .. ده بيعمل كراكتير للواقعه كلها وشايف الناس حبايبنا دايرين يلملموه الكراسي .. ربنا يستر مايقوم يرسمكم )
عندنا عصام عيسى رجب ( الشاعر المرهف .. سوف يقود الملحمة ويكتب معلقة البورداب ..
ألا هبوا بوردابنا .. وأصحبونا ..
ولاتنسو .. بوستات الأولينا ..
الأرباب :
أمين المال
ناس الكشتينة قالوا .. مالك يمينك ...
ونحنا بنقول مالك .. بوردابــك ....
|
Post: #26
Title: Re: هام إلى بورداب و بوردابيات الرياض ...
Author: Khalid Saeed
Date: 04-23-2007, 12:42 PM
Parent: #25
تنبيه هـــــــــــــــــــــــام
ترقبـــــــــــــوا مفــاجــــــاة الترشــــــــيح
الشــاعر الكبير ( شحــرفــــان ) القادم من ديار حميد ، ومحمد كرم الله وصديق أحمد
وصلنا الآن من وزير الإعلام أن الشاعر الكبير قد تمكن من تجميع مبلغ رسوم الترشيح بعد أن قام ببيع التمر في البلد والحوالة متوقع وصولها خلال دقائق .. وسوف نعلن لكم في حينه عن منصبه الذي سوف يرشح فيه .. وسوف نعرج إلى سيرته الذاتية العطره .
|
Post: #27
Title: Re: هام إلى بورداب و بوردابيات الرياض ...
Author: خالد المحرب
Date: 04-23-2007, 12:46 PM
Parent: #25
الاخوة بورداب الرياض السيد الريس
اولا والله انا مشغول جدا واليومين على العلى معاى
البوردابى محمد عمر الفكى جاى من السودان بطلع فى الاقامه
وراجع جده ومستعجل جدا بعد الزنقه الضاقا فى السودان يعنى المعذره
حتى نتقابل الاسبوع القادم وكويس انو اللقاء تاخر .
لانى ماقادر احك راسى . الاسبوع الجايئ جاهزين بس حررو الدلوكه .
جايب معاى صوت عنج .
تحياتى وكميات من مودة ابوالحسين
ود المحرب
|
Post: #28
Title: Re: هام إلى بورداب و بوردابيات الرياض ...
Author: عبدالله داش
Date: 04-23-2007, 12:59 PM
Parent: #1
الاعـزاءالبورداب
العزيز أبوجهينه
الزى حالتنا دى تشملها الدعوه..؟؟
إذا كان كذلك
سـأكون حاضرا لأسـعدبجميل صنيعكم
كل الإحترام
|
Post: #29
Title: Re: هام إلى بورداب و بوردابيات الرياض ...
Author: عبدالله داش
Date: 04-23-2007, 12:59 PM
Parent: #1
الاعـزاءالبورداب
العزيز أبوجهينه
الزى حالتنا دى تشملها الدعوه..؟؟
إذا كان كذلك
سـأكون حاضرا لأسـعدبجميل صنيعكم
كل الإحترام
|
Post: #30
Title: Re: هام إلى بورداب و بوردابيات الرياض ...
Author: عبدالله داش
Date: 04-23-2007, 01:01 PM
Parent: #1
الاعـزاءالبورداب
العزيز أبوجهينه
الزى حالتنا دى تشملها الدعوه..؟؟
إذا كان كذلك
سـأكون حاضرا لأسـعدبجميل صنيعكم
كل الإحترام
|
Post: #31
Title: Re: هام إلى بورداب و بوردابيات الرياض ...
Author: عبدالله داش
Date: 04-23-2007, 01:02 PM
Parent: #1
الاعـزاءالبورداب
العزيز أبوجهينه
الزى حالتنا دى تشملها الدعوه..؟؟
إذا كان كذلك
سـأكون حاضرا لأسـعدبجميل صنيعكم
كل الإحترام
|
Post: #32
Title: Re: هام إلى بورداب و بوردابيات الرياض ...
Author: خالدة البدوي
Date: 04-23-2007, 01:39 PM
Parent: #1
ريس
زين ما سويتو ..
قريبي خالد
Quote: عندنا خالدة البدوي .. وزير المصنفات والإذاعة والتلفزيون
المزيعة العطبراوية الأنيقة
شعار الحملة [ المزيعة رئة المجتمع ]
الرمـــز [ المكــــرفون |
انتخبوا رمزكم المكرفون
صدقوني يا شعب البورداب
الصوت العالي لنا ..
لتوصيل كل ما يهمكم وبصوت عالي ..
انتخيوا رمزكم المكرفون ...  
|
Post: #33
Title: Re: هام إلى بورداب و بوردابيات الرياض ...
Author: معتصم دفع الله
Date: 04-23-2007, 03:43 PM
Parent: #1
تمام يا ريس ..
وسوف نعمل في الأيام القادمة من أجل إنجاح هذا الحفل ..
وندعو كل البورداب لحضور هذا اليوم الأسري والحاضر يكلم الغائب ..
|
Post: #34
Title: Re: هام إلى بورداب و بوردابيات الرياض ...
Author: عمران حسن صالح
Date: 04-23-2007, 04:35 PM
Parent: #33
Quote: عندنا عمران .. ..( شايقي لكن ترخيص جعليين)
|
الأرباب ود سعيد ...
...
سماح يا باشا
|
Post: #35
Title: Re: هام إلى بورداب و بوردابيات الرياض ...
Author: معتصم دفع الله
Date: 04-25-2007, 10:05 AM
Parent: #1
يلا يا شباب مزيد من الإتصال والتنسيق ..
عشان اليوم دا عندنا فيهو حاجات كتيرة عايزين نعمله ..
|
Post: #36
Title: Re: هام إلى بورداب و بوردابيات الرياض ...
Author: abdulhalim altilib
Date: 04-25-2007, 11:50 AM
Parent: #35
Quote: الأرباب :
أمين المال
ناس الكشتينة قالوا .. مالك يمينك ...
ونحنا بنقول مالك .. بوردابــك .... |
خالد الأرباب
وأنا بقول ليك : ينصر دينك ، فقد (جيّهت)الجماعة تمام
وختيت كل (بوردابي) في مكانوا الصحيح .
وإلى قدام ، مع مزيد من شعارات ورموز الانتخابات ،،،
تحياتي ومودتي ،
( ليمو )
|
Post: #37
Title: Re: هام إلى بورداب و بوردابيات الرياض ...
Author: هاشم أحمد خلف الله
Date: 04-25-2007, 12:03 PM
Parent: #36
كل تاخيرة فيها خيرة إنشاء الله .
|
Post: #38
Title: Re: هام إلى بورداب و بوردابيات الرياض ...
Author: معتصم دفع الله
Date: 04-28-2007, 08:39 AM
Parent: #1
تحية مجدداً ..
سوف يكون هناك إجتماع للجنة يوم غدِ الأحد 29/4 بدارنا العامر بكم ..
الزمان بعد صلاة العشاء مباشرةً ..
نرجو الحرص على الحضور ..
بأمر الريس أبوجهينة ..
|
Post: #39
Title: Re: هام إلى بورداب و بوردابيات الرياض ...
Author: ود الباوقة
Date: 04-28-2007, 11:41 AM
Parent: #38
سوف يكون هناك إجتماع للجنة يوم غدِ الأحد 29/4 بدارنا العامر بكم ..
الزمان بعد صلاة العشاء مباشرةً ..
نرجو الحرص على الحضور ..
الشفيف معتصم ..
مشغوليات كثيرة حالت دون تواصلنا معكم في الايام الفائتة .. ربنا ان شاء الله يسهل لنا فرصة شوفتكم غدا .
قول يا مهون القواسي .....
ود الباوقة
|
Post: #41
Title: Re: هام إلى بورداب و بوردابيات الرياض ...
Author: عماد محمود علي
Date: 04-29-2007, 07:37 AM
Parent: #39
صديقي الوجيه موو
مشتاقين يا جميل ، ، ،،،
Quote: سوف يكون هناك إجتماع للجنة يوم غدِ الأحد 29/4 بدارنا العامر بكم ..
الزمان بعد صلاة العشاء مباشرةً .. |
أها هسه أنا كنت اليوم جاي أتونس معاكم شوية كده عملتوها لي إجتماعات ، أها خلاص ما جاي ....
مودتي ، ، ،،
|
Post: #42
Title: Re: هام إلى بورداب و بوردابيات الرياض ...
Author: معتصم دفع الله
Date: 04-29-2007, 08:25 AM
Parent: #41
يا عمدة صباحك ود ..
يعني دي زوغة ساي مش كده وانت عامل طناش اليومين الفاتو ؟
ما بتحلك دي بكره تعال التمرين وبندق الحنك ..
|
Post: #44
Title: Re: هام إلى بورداب و بوردابيات الرياض ...
Author: معتصم دفع الله
Date: 04-29-2007, 10:00 AM
Parent: #1
 تم حجز إستراحة الواحة بحي الجرادية ..
وهي معروفة للكثير من البورداب ..
ويمكنكم الإتصال على الأرقام المدونة أعلاه لمزيد من الإستفسار ..
الخميس على ضفاف المحبة نلتقي ..
|
Post: #45
Title: Re: هام إلى بورداب و بوردابيات الرياض ...
Author: محمد زمراوي عبدالعزيز
Date: 04-29-2007, 10:34 AM
Parent: #44
بس بعمل تستينق للخريطة ولو ظبطت بجيكن
ولما كان الحال وبعد معاينة التستينق وعرفت اني بقيت فنان بتاع كت اند بيست بجيكم وضروري عايز اتلاقى معاك يا تمبس وابو جهينة الريس
|
Post: #46
Title: Re: هام إلى بورداب و بوردابيات الرياض ...
Author: Khalid Saeed
Date: 04-29-2007, 10:41 AM
Parent: #44
الإنتخابات على الأبواب وماشيف أي حاجة
الوزراء ديل وينم ...
والله السودان ياهو السودان ... نفس الملامح والشبه ...
أعملوا حسابكم ..
أنا عندي إقتراح .. ياريت لو نعمل اللجنة كلها من أخواتنا البوردابيات
ونخليهم يتولوا الدورة الجاية .. رايكم شنو ..
خالد الأرباب
|
Post: #47
Title: Re: هام إلى بورداب و بوردابيات الرياض ...
Author: عمر الفاروق
Date: 04-29-2007, 11:00 AM
Parent: #1
لو رشحتوني حا اعمل ليكم مباراة ودية مع نجوم مانشستر يونايتد وذلك بمناسبة (معوية) البورداب..
شخصياً أميل للحزب الذي سيترشح له خالد الأرباب ويكفي أنني رأيت بأم عيني في بيت خالد سعيد (وهو أمين المال) اللحمة بتفضِّل والكستر بيفضّل ..
اللحمة التي لا نراها والحمد لله إلا يوم الأربعاء من كل شهر رأيناها في بيت أمين المال كما التسالي هبطرش..
اللحمة التي لا نأكلها إلا في السمايات كانت في بيت خالد الناس يتفالقوا بيها..
تقول للواحد أسكت ولا اديك بي اللحمة دي في راسك ..
المرشح خالد سعيد لديه شعار جميل جداً :
الحرام حبااااااااااااااااااااااااابو..
إنتخبوا خالد سعيد ..
تخريمة :
يا الأرباب بعد الحملة الإعلامية دي أقطع وشك مني وما تجي تقول لي الرسوم ..عامل لحمتكم الكتيرة دي.
|
Post: #48
Title: Re: هام إلى بورداب و بوردابيات الرياض ...
Author: Khalid Saeed
Date: 04-29-2007, 11:36 AM
Parent: #47
ودالفاروق ..
بطل اللحمة البتعمل فيها دي ...
تعرف الوزارات كلها نزلناها للترشيح .. ماعدا وزارة المالية .. والله دي بركبكم فيها التركتر عديل كـــده ... وطبعاً ذي ماعارف التركتر قلبته ساهلــة .. درابة تعتر ليه .. ويلحق الجماعة الراكبين فيهو أمات طـــه .
دي ذي وزارة الطاقة التشاكلوا فيها الجماعـة .. أنا وزير مالية .. لو اللجنة بقت بورداب ولا بوردابيـــات .. يعني الوزارة دي مابفرض فيها .. بعدين شفته أنا راجل أرباب كيف .. ماباكل براي .. باكل وبأكل اللجنة .. عشان يوم الحساب مافي واحد يتكلم .. ذي صاحبنا ... لمن سرق العتوت بتاع جاره محمد صالح.. وعملوه حلة كاربة .. جاء أمام الجامع وشبكوا ليك ده حرام .. ويوم القيامة تودي وشك وين .. حيجيبوا العتوت يشهد عليك .. ومحمد صالح صاحب العتوت حيكون موجود .. رد عليه صاحبنا .. قال ليه طيب وين المشكلة .. محمد صالح يشيل العتوت بتاعه ويتخارج .
الأرباب ..
وزير المالية ..
|
Post: #49
Title: Re: هام إلى بورداب و بوردابيات الرياض ...
Author: ابو جهينة
Date: 04-29-2007, 11:39 AM
Parent: #48
خالد سعيد
Quote: أنا عندي إقتراح .. ياريت لو نعمل اللجنة كلها من أخواتنا البوردابيات
ونخليهم يتولوا الدورة الجاية .. رايكم شنو .. |
غايتو ناس اللجنة الحالية دورتهم إنتهت
|
Post: #50
Title: Re: هام إلى بورداب و بوردابيات الرياض ...
Author: حمزاوي
Date: 04-29-2007, 11:48 AM
Parent: #1
| Quote: يا الأرباب بعد الحملة الإعلامية دي أقطع وشك مني وما تجي تقول لي الرسوم ..عامل لحمتكم الكتيرة دي. |
يا الفاروق
أنا عارف البيخوفك شنو
|
Post: #51
Title: Re: هام إلى بورداب و بوردابيات الرياض ...
Author: معتصم دفع الله
Date: 04-29-2007, 03:38 PM
Parent: #1
Quote: الاعـزاءالبورداب
العزيز أبوجهينه
الزى حالتنا دى تشملها الدعوه..؟؟
إذا كان كذلك
سـأكون حاضرا لأسـعدبجميل صنيعكم
كل الإحترام |
ألف مرحب بيك يا عبدالله ..
كلنا في إنتظار تشريفك واللقاء بك ..
الخميس موعدنا إن شاء الله ..
|
Post: #52
Title: Re: هام إلى بورداب و بوردابيات الرياض ...
Author: مصدق مصطفى حسين
Date: 04-29-2007, 11:27 PM
Parent: #1
بالله ما تنسو مرزوق الفنان الجميل ،،
غاب عننا كتير .
|
Post: #53
Title: Re: هام إلى بورداب و بوردابيات الرياض ...
Author: عماد محمود علي
Date: 05-01-2007, 07:25 AM
Parent: #52
يا يوم بكره ما تسرع تخفف لي نار وجدي ......
على ضفاف المحب وشواطي الحب نلتقي ....
|
Post: #54
Title: Re: هام إلى بورداب و بوردابيات الرياض ...
Author: معتصم دفع الله
Date: 05-01-2007, 09:01 AM
Parent: #1
نذكر أعضاء اللجنة باجتماع اليوم الثلاثاء بعد صلاة العشاء ..
أهمية الحضور بالله يا شباب ..
|
Post: #55
Title: Re: هام إلى بورداب و بوردابيات الرياض ...
Author: خالدة البدوي
Date: 05-01-2007, 02:07 PM
Parent: #1
Quote: أنا عندي إقتراح .. ياريت لو نعمل اللجنة كلها من أخواتنا البوردابيات
ونخليهم يتولوا الدورة الجاية .. |
خالد سعيد
ينصر دينك اصلو الرجال ديل ما مدننا فرقة
حتى في دستور رئاسة السودان مسقطننا ..
قايتو د/ رشا جاهزة ومتحمسه وعماد بذكرك
الحصل في بيتها ..
وكان لحليمه محمد عبدالرحمن كمان جاهزة
وعزاز الشامي برضو
وايمان ( مياده ) كمان جاهزة ..
وعفاف ابو حريره برضو جاهزة ..
وزوجات البورداب كمان جاهزززززززززززززززات ..
بس اعرفو اعملوها ..
شفتوا
رمزكم المكرفون خطير كيف 
صوووووووووووووووووووووتوا
|
Post: #57
Title: Re: هام إلى بورداب و بوردابيات الرياض ...
Author: ابو جهينة
Date: 05-02-2007, 07:01 AM
Parent: #55
الأخ عبدالله داش
تحياتي
Quote: الاعـزاءالبورداب
العزيز أبوجهينه
الزى حالتنا دى تشملها الدعوه..؟؟
إذا كان كذلك
سـأكون حاضرا لأسـعدبجميل صنيعكم
كل الإحترام |
تشملهم و نص.
نتشرف بحضورك
|
Post: #56
Title: Re: هام إلى بورداب و بوردابيات الرياض ...
Author: عمر الفاروق
Date: 05-02-2007, 07:00 AM
Parent: #1
خالدة البدوي:
| Quote: صوووووووووووووووووووووتوا |
هي جنس صواتة هي ...
هي الصواتة بيوصونا عليه كمان ؟
|
Post: #58
Title: Re: هام إلى بورداب و بوردابيات الرياض ...
Author: Habib_bldo
Date: 05-02-2007, 07:22 AM
Parent: #56
أولا أشكر أعضاء اللجنة بقيادة المايسترو أبو جهينة على المجهودات المقدرة والحركة والنشاط
لأول مرة تصلني الدعوة والتذكير والتأكيد من أكثر من جهة وإن دل هذا على شيئ انما يدل على حسن التنظيم.
منتظرين الخميس بفارق الصبر وهمتكم يا شباب.
|
Post: #59
Title: Re: هام إلى بورداب و بوردابيات الرياض ...
Author: Badri
Date: 05-02-2007, 07:36 AM
Parent: #1
الأعزاء بورداب الرياض
تحياتي وأشواقي لكم فرداً فرداً مع تمنياتي لكم بقضاء وقت ممتع وكان ودنا نكون معاكم ونستمتع بصحبتكم لكن ما لينا حظ.
تمبس شكلك محتاج ليك فترة نقاهة مع عمك ثابت الخميس البعد الجاي ننتظرك انت والشباب الجميلين.
|
Post: #60
Title: Re: هام إلى بورداب و بوردابيات الرياض ...
Author: عمر الفاروق
Date: 05-02-2007, 07:47 AM
Parent: #1
عمنا حمزاوي:
ممكن أسعالك سوعال خسوسي كده ؟
خالد المحرب جاي؟
|
Post: #61
Title: Re: هام إلى بورداب و بوردابيات الرياض ...
Author: ابوبكر يوسف إبراهيم
Date: 05-02-2007, 08:10 AM
Parent: #60
أخي أبا جهينة
لك التحايا والود
هاشم دعاني وأستأذنكم في الحضور لأول مرة..
|
Post: #62
Title: Re: هام إلى بورداب و بوردابيات الرياض ...
Author: ابو جهينة
Date: 05-02-2007, 08:12 AM
Parent: #60
بدري
Quote: الأعزاء بورداب الرياض
تحياتي وأشواقي لكم فرداً فرداً مع تمنياتي لكم بقضاء وقت ممتع وكان ودنا نكون معاكم ونستمتع بصحبتكم لكن ما لينا حظ. |
يا بدري .. قولها بصراحة .. لو عندك تركين كارب يوم الخميس أنا ذاتي بعتذر من الحفلة و بجيكم ...
البصل علينا
|
Post: #63
Title: Re: هام إلى بورداب و بوردابيات الرياض ...
Author: الطيب شيقوق
Date: 05-02-2007, 11:18 AM
Parent: #62
الاخ ابو جهينة
اسعدكم الله بهذا اللقاء ونتمنى ان تعم تجربة التواصل الانساني هذه جميع البورداب في العالم
ارجو ان تبلغ جميع الاخوة بسعادتنا بهذا التواصل الجميل لما فيه من تنفيس وترويح من مرارات والام الاغتراب
مع شكري الخاص لاخي خالد المحرب الذى اتصل بي هاتفيا وابلغنى بتجمع الخميس هذا .
لك ولجميع الاخوة عميق مودتى
|
Post: #64
Title: Re: هام إلى بورداب و بوردابيات الرياض ...
Author: ابو جهينة
Date: 05-02-2007, 11:34 AM
Parent: #63
الأخ أبوبكر يوسف
تحياتي
| Quote: هاشم دعاني وأستأذنكم في الحضور لأول مرة.. |
أبوبكلر إنت ما تحتاج دعوة .. إنت زول بيت يا عزيزي
سنكون سعداء باللقاء
|
Post: #65
Title: Re: هام إلى بورداب و بوردابيات الرياض ...
Author: عادل جبارة
Date: 05-02-2007, 12:40 PM
Parent: #64
[GREEN]النجاح والتميز سمة من سمات مهرجانات واحتفالات ولقاءات بورداب الرياض .. كرم فياض وأريحية استقبال وحفاوة بالغة وخلق رفيع وتعامل راقي ..
معتصم دفع الله ... يقتحمك بهدوئه وأدبه الجم .. تمبس يتقد نشاطا وحماسا فيجعلك تشعر بالتقصير .. خالد سعيد .. ضخم في كل شئ ويشمل ذلك النكتة الحاضرة دائما ... خالدة البدوي .. زعيمة بوردابيات الرياض بلا منازع .. طارق عبد اللطيف .. رجل المهمات الصعبة خلف الكواليس .. صلاح شتات ... كما هو في المنبر متميز وخلوق وأديب .. هناك شاب على المايكرفون لا يحضرني إسمه الآن ولكني أتمنى أن يكون هناك فهو فلته في التقديم والأرتجال زين الأمسية السابقة وكان نجمها الأول .. مصطفى عثمان .. يقولون أنه صديق البورداب ولكني أرشحه ليكون نائبا للريس أبا جهينة !! .. ود الباوقة .. لن تستطيع الدخول إلا بعد أن تصافحه فهو دائما هناك يستقبل ويودع .. الريس أبو جهينة .. هنا تتواضع الكلمات أمام هذه القامة .. أديب خلوق لا تفارقه البسمة .. رعاية أبوية للنشاط بتواضع حتى لكأنك تشعر بأن الرجل ( عادي ) ..
إذن ملامح الليلة كلها بهاء ونقاء وصفاء
لنلتقي أحبة
تجمعنا الألفة
في ليلة بورداب الرياض
والشكر موصول لصاحب الحوش الكبير والقلب الأكبر الأخ بكري أبو بكر الذي هيئ لنا هذا التجمع الراقي ،،،
|
Post: #66
Title: Re: هام إلى بورداب و بوردابيات الرياض ...
Author: خالد المحرب
Date: 05-02-2007, 12:41 PM
Parent: #60
Quote: خالد المحرب جاي؟
عمر الفاروق شكراً على السؤال وأنا جاي
|
|
Post: #67
Title: Re: هام إلى بورداب و بوردابيات الرياض ...
Author: ابو جهينة
Date: 05-02-2007, 01:52 PM
Parent: #66
عمر الفاروق
بتجي ؟
الحكاية فيها بُطان ...
|
Post: #68
Title: Re: هام إلى بورداب و بوردابيات الرياض ...
Author: ابو جهينة
Date: 05-02-2007, 01:54 PM
Parent: #67
عزيزي الطيب شيقوق
تحياتي
| Quote: ارجو ان تبلغ جميع الاخوة بسعادتنا بهذا التواصل الجميل لما فيه من تنفيس وترويح من مرارات والام الاغتراب |
و كل الإخوة في شوق للقياك
و إلى ذاك الخميس
أرقد عافية
|
Post: #69
Title: Re: هام إلى بورداب و بوردابيات الرياض ...
Author: ابو جهينة
Date: 05-03-2007, 07:00 AM
Parent: #68
إن رفْع البوست ينفع البورداب ...
|
Post: #70
Title: Re: هام إلى بورداب و بوردابيات الرياض ...
Author: معتصم دفع الله
Date: 05-03-2007, 07:32 AM
Parent: #1
سلام يا ريس ..
كل الترتيبات جاهزة لاستقبال هذا اليوم ..
وهناك حركة دؤوبة خلف الكواليس أمسكو الخشب ..
إذاً إلى الملتقى مساء اليوم إنشاء الله ..
|
Post: #71
Title: Re: هام إلى بورداب و بوردابيات الرياض ...
Author: عماد محمود علي
Date: 05-03-2007, 07:43 AM
Parent: #70
صديقي الجميل موو
غايتو لو دكتورة رشا جايه أنا ما جاي ، إعتذار ......
|
Post: #72
Title: Re: هام إلى بورداب و بوردابيات الرياض ...
Author: abdulhalim altilib
Date: 05-03-2007, 07:46 AM
Parent: #70
الريس أبوجهينة ومعتصم وبقية الكوكبةالميامين ،
تحياتي وتقديري ،
معكم قلباً وقالباً ، وحضور بمشيئةالله مساء اليوم مع الأسرة ،
ونسأل الله أن يديم الأفراح ومثل هذه التجمعات الأسرية والتي
تعمق من أواصر الصداقة والمحبة بين الجميع ، وتكسر لأطفالنا
روتين حياتهم الممل وسط أجواء الشقق ، ذلك السجن الصغير لهم ولنا .
لكم المودة ، وإلى الملتقى ،
( ليمو )
|
Post: #73
Title: Re: هام إلى بورداب و بوردابيات الرياض ...
Author: ابو جهينة
Date: 05-03-2007, 07:52 AM
Parent: #72
عادل جبارة
أخجلتم تواضعنا .. يوم شكرك ما يجي .. و إلى حين لقاء
عماد : و لو إنت ما جيت أنا ما بجي : ( و جيب معاك شوية ورد )
التلب : مشتاقون
|
Post: #74
Title: Re: هام إلى بورداب و بوردابيات الرياض ...
Author: حليمة محمد عبد الرحمن
Date: 05-03-2007, 11:12 AM
Parent: #73
الريس ابو جهينة وكافة البورداب
شكرا لكم على هذه اللمة..
جايين باذن الله..
بس في هذا السياق، يسرني/يؤسفني ان اعلن لكم اضرابي عن المطبخ
والله انا نفسي القي زول يناولني المرة دي.. اصلو كلمة هاااااك
دي حلوة خلاص.. هاك ولا جيب..ّ
هاك وليس هاكات..
وبناء عليه اتقدم لكم بطلبي هذا راجية ترقيتي الى مرتبة اعلى
هذه المرة، وتحسبا لكل الطوارئ، ارجو التكرم بقبول استقالتي
من مقطوع الطاري..المطبخ.. والبحث لي عن وظيفة اخرى
تتناسب وطموحي الشخصي وبقبل بالموجود ولو اكون "مناولاتية"
|
Post: #75
Title: Re: هام إلى بورداب و بوردابيات الرياض ...
Author: خالدة البدوي
Date: 05-03-2007, 12:43 PM
Parent: #1
[
ريس ابوجهينه
فووووووووووووووووق ودائماً
اخوي عمر الفاروق
QUOTE]QuoteQuote: : صوووووووووووووووووووووتوا
هي جنس صواتة هي ...
هي الصواتة بيوصونا عليه كمان |
؟ |
وصيه وتذكير وهي كما صاتوها بتبقى حلوه
وانت زعلان ليه عاد الا زعلك يا ودالفاروق
ولا يهمك طيب انتخبببببببببببببببببببببببوا
خليني من ده كلوا انت جاي والله نشوف لينا زول
لل......كراسي
|
