Post: #1
Title: خليل...!!!
Author: عبدالكريم الامين احمد
Date: 04-22-2007, 05:57 PM
خليل وينك ياخليل..!!
مياه كثيرة مرت تحت الجسر يا ابوالخل والمخدة ما عادت مخدة..!!
جلدوها ياخلي بريش (كبع اسفيري) والضرب بقي ركب..والقبقبة كتاحتها ضاربة في السماء..
لا عاد ياخلي هنالك حديث عن الشجن ولا زيدان..!!
واليوم الحار فارقت صفحاته الاثني عشر الصفحة الاولي لسودانيز اون لاين..
واختفت معه (كلكات اربعين الف مشاهد)..
ابو الهل يا خليل قهر الصعاب وسوي البدع ولم نشاهد خليل كاخر المداخلين في حضرة الاحتفاء..
لم نقراء ومنذ غيابك ياخليل حديثا عن حسن ماكردة وود تمبك والتهامي ود عباس وعبد المجيد تنكر
وقومة القيامة ومنزل المبدع محمد الامين ولا كلاما عن كمبو كرنغو مكان الذين ظلمو انفسهم.
ولم نشاهد (حديث السخرية عن نانسي عجرم ولا مادلين طبر و (الكلوت الذي طق) في حضرة
صاحبتك (هالة سرحان)...
ايضا لم نشاهد (تحية زروق ونادية احمد بابكر وبلقيس عوض)
وحديثا عالي الوفاء عن محجوب سراج ومحجوب شريف..
وحديثا في البوست لم نقله او شكي الكيبورد صمتا ان يقوله..
وينك يا خليل عود لينا يا ليل الفرح ياخليل..!!
|
Post: #2
Title: Re: خليل...!!!
Author: عبدالكريم الامين احمد
Date: 04-22-2007, 06:09 PM
Parent: #1
متولي مالك ياخلي غادر الديار وراح في بلاد الفرنجة وماعاد هنالك حديث عن (بهية وشباب الزمن الجنية)..
واحمد تجاني اظنه في ربوع جيزان واضحي يزور المخدة لماما.
انور تاج السر ومنذ رائعة كامل عبدالماجد والجابري (سيد الاسم) راح وغادر واكلته الغربة
تيتاوي وصديق حمدتو والجمري سمار الليل ما عادوا يزون الا لمحات يذهبون بعدها ويتركونا جوعي..
عادل عثمان ما عاد ذلك عادل الجاهز 24 وساعة وناثر للفرح والجمال
عماد عبدالله ومنذ زهجته الشهيرة تلك التي عادنا بها لم نراه عماد الذي كان يسكرنا ويطربنا
ويجدعنا علي الرمل ..
|
Post: #3
Title: Re: خليل...!!!
Author: عبدالكريم الامين احمد
Date: 04-22-2007, 06:22 PM
Parent: #2
في كمبو الري حكايات سوفيت واخريين..
Quote: نحن مع ناس
جنقو عوضية ديل
الحب ليس له عنوان
مهمشين
مترفين
كلنا في الهم والالام جنقو |
والا ن ياخلي بغيابك صرنا بين الاخوة (بلادي بلادي) مثل جنقو عوضية
وما علينا الا ان نري الكثير من العجايب الاسفيرية ..
كمبو الري....حكايات سوفيت واخريين
|
Post: #4
Title: Re: خليل...!!!
Author: عبدالكريم الامين احمد
Date: 04-22-2007, 06:22 PM
Parent: #2
في كمبو الري حكايات سوفيت واخريين..
Quote: نحن مع ناس
جنقو عوضية ديل
الحب ليس له عنوان
مهمشين
مترفين
كلنا في الهم والالام جنقو |
والا ن ياخلي بغيابك صرنا بين الاخوة (بلادي بلادي) مثل جنقو عوضية
وما علينا الا ان نري الكثير من العجايب الاسفيرية ..
كمبو الري....حكايات سوفيت واخريين
|
Post: #5
Title: Re: خليل...!!!
Author: Sahar Abdelrahman
Date: 04-22-2007, 06:30 PM
Parent: #4
العزيز عبد الكريم....سلامات
أفتقد خليل واتمني أن يعود للمنبر قريبا...
خليل صاحب نكهة مميزة وروح ساخرة ومبدعة...
معزتي لكما
سحر
|
Post: #6
Title: Re: خليل...!!!
Author: عبدالكريم الامين احمد
Date: 04-22-2007, 07:33 PM
Parent: #5
كل التحايا والسلام يا سحر
وكما نفتقد خليل يا سحر نفتقد ايضا قلمك الذي اضحي لا يزورنا الا لماما
ووجودكم انتي وخليل واخريين اكثر روعة يجعل لها المكان معاني موغلة في الجمال والدهشة..
عودي يا سحر وعد يا خليل وسافروا معنا عبر وجدانكم الجميل,,
|
Post: #7
Title: Re: خليل...!!!
Author: عبدالكريم الامين احمد
Date: 04-22-2007, 07:47 PM
Parent: #6
Quote: انا عايز احكي عن طبيعه المساكن في النيل الازرق معظمه قطاطي تقاوم كل الظروف والحوش يسمي بالصريف
والخريف في النيل الازرق لا يضاهيه جمال اوربا
معظم الناس يعشقون الراديو الذي تعمل له قطعة من القماش ويحمل في الكتف كشنطة المدرسة
عادل خميس من اولاد الروصيرص مثقفاتي لانه يسافر الخرطوم كثيرا والود تفتيحها وشايل مفاتيحها
وكلما ما يعود من الخرطوم لابد من عمل بارتي
واتلمي الجكس وعندهم لغة جميلة بالرطانة( مودي شريت جديد ابراهيم عوض) |
خليل
كمبو الري....حكايات سوفيت واخريين
|
Post: #8
Title: Re: خليل...!!!
Author: Ahmed Abdallah
Date: 04-22-2007, 07:54 PM
Parent: #7
قر قر قرقرقررقرررر
بيت مال و عيال
مشتاقوووون يا هذا
SEE YOU SOON
امبارح يا كيكي نشلوا موبايلي في بيت بكاء
|
Post: #9
Title: Re: خليل...!!!
Author: عبدالكريم الامين احمد
Date: 04-22-2007, 08:02 PM
Parent: #8
هلا وغلا
بالزول الجانا وعطر سمانا
وشنو يا ابوحميد من ديك وعييك يا بتاع (رمادا انت)
ياخي والله سعيدين بشوفتك وطلتك العطرت ليل الدوحة في ذلك اليوم الطاعم..
اظهر وبان وليك الامان (ما بنكلم ليك ابو 2)..
...
خلي مختفي من الانظار
وخلا لينا البلد خلا ..
والقصة بدون خليل طعمها مسيخ يا ابوحميد..
...
|
Post: #10
Title: Re: خليل...!!!
Author: عبدالكريم الامين احمد
Date: 04-22-2007, 08:04 PM
Parent: #9
Quote:
بعدين قالو
العروس بترقص اربعين رقصة
كل خمسة رقصات بفستان
بعدين لازم انت ترمي قروش للغناية
وكل قون بمائة الف التقول قون ماردونا
بعدين ما تنسي توب وخاتم ام العروس
وجلابية النسيب
ومائتين قطع الرحط
والله دها عرس ولا ضرائب |
خليل
يا بهية وشباب الزمن جنية وعرس مافي
|
Post: #11
Title: Re: خليل...!!!
Author: عبدالكريم الامين احمد
Date: 04-22-2007, 08:06 PM
Parent: #10
Quote: شكرا محمد
الارقام كالتي
الدهب اظنو بتلاتة الف ريال اي اتنين مليون وممكن تزيد
الشنطة خمسة الف ريال الهدوم والحاجات ممكن تزيد
الريحة الناشفة بالفين ريال برضو ممكن تزيد
المهر يعتمد عليك ممكن خمسة مليون
ومليون لشيلة الاكل
التذاكر والضرايب
العزومة ممكن ستة مليون
ولو كنت من اهل العوض وعايز تعرس بنات امدرمان السمحات ديل
داير اتنين بص للسيرة
بعدين لو عايز تعمل شقة وتاثيث عايز ليك خمسة عشرة الف ريال
بعدين تذكرة العروس
بعد مصاريف الاقامة للعروس
بعدين التعليمة بتاعة العروس ما عارفة علي منو
لو علمتها الفنانة قسمة بتاخد اتين مليون
ولو علمتها حليمة الانقاذ بنتقص شوية |
يا بهية وشباب الزمن جنية وعرس مافي
|
Post: #12
Title: Re: خليل...!!!
Author: عبدالكريم الامين احمد
Date: 04-22-2007, 08:19 PM
Parent: #11
Quote: خلاص يا سحر
موافقين
بس العرس حيكون في جنيف
ولا زيورخ
ولا الدوحة
بعدين انا حا اديك متكفي زي خمستاشر مليون سوداني
ومن يخطب الحسناء لم يغلها المهر
افتكر ما قصرت معاك
مهندس كبير
وبغتطس الحياة الزوجية
ومسكين والغنماية
تاكل عشاي
بعدين بيتوتي
وحنين
وهلالابي
وممكن اكون اتحادي
يعني ما حزب امة مدلدل عزبتي
ولا شيوعي بجهجه رقبتي
بس ما كوز
ممكن ارسل صورتي
واديك التفلون
ولو في واحدة من سويسرا
عايزة عريس كلمينا |
يا بهية وشباب الزمن جنية وعرس مافي
|
Post: #13
Title: Re: خليل...!!!
Author: عبدالكريم الامين احمد
Date: 04-22-2007, 08:48 PM
Parent: #12
Quote: عبدالله تلوشة يخوض معركة ضاريةمع الست (مجدة) في صناعة العرقي في الكمبو
والمنافسة بينهم كهلال مريخ.
تلوشة شهرته فاقت حدود الكمبو بجوهو الناس من برة
مجدة تحاول تجويد صناعتها
وتحاول اصطياد الزبائن الذاهبين لانداية عبدالله وتمارس التحريض والتبخيس
ولها عبارة مشهورة
للزبائن
( حوي حوي تلوشة ارقي هقو ولا هلو) |
كمبو الري....حكايات سوفيت واخريين
|
Post: #14
Title: Re: خليل...!!!
Author: عبدالكريم الامين احمد
Date: 04-22-2007, 08:52 PM
Parent: #13
Quote: مساء الانوار للحلوين
نلبس عشان المراة
نتعطر عشان المراة
نعمل عشان المراة
نموت عشان المراة
وهل صحيح ما قاله نزار قباني
قد تغدو امراة يا ولدي
يهواها القلب هي الدنيا
ام الغايات في هذه الحياة اسمي من ذلك |
سهري كلو عشانك انت
|
Post: #15
Title: Re: خليل...!!!
Author: محمد عبدالرحمن
Date: 04-22-2007, 10:42 PM
Parent: #14
ياكيكى ..
سلااام ..
والله مرات بتخيل انو خليل دا بجى الدوحة دى زيارات وبرجع ..
الزول دا لابتعرف ليهو محل ولابتلاقى زول بلاقيهو ..الحاصل
شنو ؟ ..وشغلتو مع المنبر دا شكلها مزاجات ..مرات تلقى ليهو
كم مداخلة فى يوم واحد ..ومرات شهور ماتشوفو حائم فى البوستات
دى ..
الزول دا قول ليهو امرق من ( وكرك) دا وتعال على خلق الله دى ..
|
Post: #16
Title: Re: خليل...!!!
Author: عبدالكريم الامين احمد
Date: 04-22-2007, 10:50 PM
Parent: #15
سلام يا محمد
وخليل فعلا حيرنا وكرهنا المساككة ذاتتو
وكمان كرهنا التلفونات عن حال المنبر وهو في كل الاحوال كابي الزوقة
مرة مزنوق ومرة زهجان مركب سفة عرضها 20 سم
ومرات كثير يتونس معاك من بعيد لبعيد عن افكار بوستات لن تري النور ابدا
..
عموما انا ذاتي زهجت منو وده اخر بوست للبحث عن هذا الزول المشوطن الاسفيري
جاء مرحب ما جاء برضو يجي او نلحقو ونكب الزوقة مع الحال البقي تكساس ده يا محمد
|
Post: #17
Title: Re: خليل...!!!
Author: Mutwali Malik
Date: 04-24-2007, 05:40 AM
Parent: #16
كريم ياصديقي
الواحد يردد معاك عايزين خليل --- عايزين خليل الحكاية بقت مظاهرات ولا شنو
فعلا خلي له مكانته في قلوب جميع متصفحي ومشاركي المنبر العام مواضيع مابيعرف يجيبه الا خلي مرة عرس ومرة عرقي ومرة يوم حار
خلي اظهر وبان عليك الامان
مودتي لكما
|
Post: #18
Title: Re: خليل...!!!
Author: عبدالكريم الامين احمد
Date: 04-25-2007, 05:33 PM
Parent: #17
Quote: كريم ياصديقي
الواحد يردد معاك عايزين خليل --- عايزين خليل الحكاية بقت مظاهرات ولا شنو
فعلا خلي له مكانته في قلوب جميع متصفحي ومشاركي المنبر العام مواضيع مابيعرف يجيبه الا خلي مرة عرس ومرة عرقي ومرة يوم حار
خلي اظهر وبان عليك الامان
مودتي لكما |
الف سلام يا متولي يا صديقي
وفعلا لا نردد اين خليل فقط بل نصيح ونكورك ونعمل جوطة ونقول اين الفردة (متولي مالك)
صاحب المدارات والفضاءات التي يحلق بنا عليها عاليا
حديث ام در
ثم حديث الخطوبة وليل الشجن
ومدارات الذاكرة الجمالية للناس الوجدانها طاعم وراقي..
فعد يامتولي وعد ياخليل فانتم من (وكرتونا) في هذا لمكان وعلموتنا سكة هذا الوجع العجيب..
وتحياتي يا فردة..
|
Post: #19
Title: Re: خليل...!!!
Author: معتصم الطاهر
Date: 04-25-2007, 10:37 PM
Parent: #1
عبدو
يا صديق
خليل دا لما يجى يقطع النفس
ولما يغيب يقطع النفَس ..
يلمك فيهو الله ..
|
Post: #20
Title: Re: خليل...!!!
Author: عبدالكريم الامين احمد
Date: 04-25-2007, 11:07 PM
Parent: #19
Quote: خليل دا لما يجى يقطع النفس
ولما يغيب يقطع النفَس .. |
مرحب يا باش
وزولكم ده كرهنا الكونكريت ذاتتو
اخر مرة لاقيتو يا معتصم شايل ليهو (كتب) كبار كده وفيها انجليزي يخلع
قلت الزول ده جنة ولا شنو(البوديهو شنو لجنس كتب زي دي)..
اتخيل لي يا معتصم الزول ده شغال اليومين دي بقراية الكبر بتاعتكم دي..!!
غايتو الله يستر من ملاحق اخر العمر..والتربيت في الغربة
|
Post: #21
Title: Re: خليل...!!!
Author: عبدالكريم الامين احمد
Date: 04-28-2007, 05:28 PM
Parent: #20
وجع وخليل قالوا رجع..
|
Post: #22
Title: Re: خليل...!!!
Author: Mutwali Malik
Date: 05-01-2007, 08:30 AM
Parent: #21
كريم يادرفة
عاد الخليل المنتظر عودا حميدا مستطاب
ياللهوي ياللشباب ياللدعاء المستجاب
بعد كدا حاتلقانا مصنقرين في النت 24-7
كل المودة
|
Post: #23
Title: Re: خليل...!!!
Author: عبدالكريم الامين احمد
Date: 05-01-2007, 04:15 PM
Parent: #22
مرحب وسلام يا متولي يا صاعقة
وصحبك ظهر لكن (طار) وذكرنا نكتة ادروب العمل (شكلة) مع الصيني
كلو مرة الصيني يطير فوق وعامل بهلوان وبلبع ادروب هوكات وضربات طائرة
فقام ادروب لبد ليك للصيني بواحد (سفروق) زي السم جاب ليك الصيني الوطاة
وظل مقبقب الصيني تحت الارض وخانقوا..
وجو الجماعة شبكو ادروب فك الصيني ياادروب
ادروب قال ليهم (صيني ما نفك صيني ..صيني يتير في هواء)...
...
فعشان كده يا متولي خليل داير (خنق) زي بتاع ادروب للصيني
عشان ما يتير ويفرتق تاني..
|
Post: #24
Title: Re: خليل...!!!
Author: عبدالكريم الامين احمد
Date: 06-03-2007, 07:56 PM
Parent: #23
الزول ده جاء مولع وشغال لفت رايت
حقوا الناس تمسك فيهو قوي عشان ما يشرد المرة المرة دي..
شي نانسي وشي بوردابية وشواكيس
وما خفي اعظم..
|
Post: #25
Title: Re: خليل...!!!
Author: Ahmed Abdallah
Date: 06-03-2007, 10:13 PM
Parent: #24
| Quote: شي نانسي وشي بوردابية وشواكيس |
و شيئ ز .. شيئ لبها و شيئ دود وشيئ حك
الزول ده مالوا يا كيكي .....
أقرأ ليه المعوذتين في دماغو ....
|
Post: #26
Title: Re: خليل...!!!
Author: ibrahim kojan
Date: 06-03-2007, 10:27 PM
Parent: #25
يا بتاع كمبو الري يا لذيذ
مساء الخير والله كمبو الري يا كريم من الروايات المجنونه جنون البقر................................
هسع ياتو فينه مهضرب ومجنون ؟؟
انا ولا انت ؟ كمبو الرى ولا الكوجنه بتاعة نيرودا داك
ايها الجميل المشترك!!!!!!!!
!!!!!!!!!!!!!!!!!!!!!!!!!!!!!!!
عايد عايد يا خليل
كوجان اكتشف فيك صديق جديد !! امسك الخشب !!
|
Post: #28
Title: Re: خليل...!!!
Author: عبدالكريم الامين احمد
Date: 06-04-2007, 04:45 AM
Parent: #26
Quote: انا ولا انت ؟ كمبو الرى ولا الكوجنه بتاعة نيرودا داك
ايها الجميل المشترك!!!!!!!! |
يا سلام يا كوجان يا سلام
وليك الف تحية
ووكوجنة نيرودا لا زالت عالقة في الراس ولا زلنا نحلق معاك في تلك المدارت التي تتقاطع مع
اصدقائي في كمبو الري ملح الارض..
وشكرا علي مرورك الي مدارات كمبو الري فهذا شرف كبير وخلود لكرجول وكاويك ومنضرة
وحواء ليمون ان تطالعهم مخيلة ووجدان مدهش مثلك يا كوجان...
..
ولك التحية وللمشترك (القام من عطبرة) كل الحب والتحية
والغلغلة لما يلهمنا به من جمال وبوح وصهيل ...
(واحييي انا من المشترك القام من عطبرة)
|
Post: #27
Title: Re: خليل...!!!
Author: عبدالكريم الامين احمد
Date: 06-04-2007, 04:39 AM
Parent: #25
Quote: الزول ده مالوا يا كيكي .....
|
والله علمي علمي علمك يا احمد
الراجل لسانو فك ومسخن التقول طاردنو من سودان فور اول..
خليل جانا ملان بالباقات الاولي والثانية..
والله يستر ما يحكي لينا قصة ابو 2
|
Post: #29
Title: Re: خليل...!!!
Author: khaleel
Date: 06-04-2007, 05:34 PM
Parent: #27
جينا يا كيكي
ونادو لي قدورة بملابس الكورة
|
|