Post: #1
Title: نعم مريخابي ... بس تمنيت صعود الهلال لدوري المجموعات ..
Author: ود المايقوما
Date: 04-21-2007, 05:00 PM
عشان طولن شديد من الاربعات والخمسات والزحلقانيات :
الاهلي المصري
الترجي لتونسي
الرجاءالبيضاوي
النجم الساحلي
شبيبة القبائل
اسيك ساحل العاج
ياساتر ... يمكن يكون في سبعات وتمانيات كمان مش خمسات وبس ..
الف مبروووووووك يارشاشات .وشخصيا مبسوط شديد لصعودكم
|
Post: #2
Title: Re: نعم مريخابي ... بس تمنيت صعود الهلال لدوري المجموعات ..
Author: شهاب الفاتح عثمان
Date: 04-21-2007, 06:13 PM
Parent: #1
| Quote: الف مبروووووووك يارشاشات .وشخصيا مبسوط شديد لصعودكم |
|
Post: #3
Title: Re: نعم مريخابي ... بس تمنيت صعود الهلال لدوري المجموعات ..
Author: ود المايقوما
Date: 04-22-2007, 07:50 AM
Parent: #1
شكرا ليك كتير يادكتور ..
ومبروك لمريخ السودان , نجم السعد وفخر البلد
|
Post: #4
Title: Re: نعم مريخابي ... بس تمنيت صعود الهلال لدوري المجموعات ..
Author: Samer Osman
Date: 04-22-2007, 08:45 AM
Parent: #1
أولا اناهلالابي ....
ومن أول أمس مشيت عملت علمين كبار للهلال والمريخ
بالجد الموضوع ما كان هلال ولا مريخ
والغريب في الموضوع اني دخلت لعبة المريخ وتابعت كورة الهلال عند نسابتي نزولا عن رغبة الحكومة ..
فضلت واقف 90 دقيقة بلوح بالعلمين ومن جوة قلبي فرحت ... وكان جنبي واحد مريخابي صاحب طرفة فقال لي بعد الكورة يا ولدنا كتر خيرك لكن لحد هنا ورجع لينا علمنا .. قلت ليهو ليه دي آخر مباراة دولية ليكم .. قال لي انتو بتمشوا تعملها مساحة جزم ... ضحكت وقلت ليهو لا ياخ كل من يقدم عطاء للوطن فهو على الاعناق وان اختلفنا داخليا..
يا جماعة لي قدام ... الفريق القومي ولازم نزيد من روح الوطنية السائدة اليومين دي ننسى شوية هلال مريخ .... زي ما بننسى في شمال وجنوب ... أي واحد بقدر يعمل علمي القمة وعلم السودان ما يتردد صدقوني يا جماعة انا امس لما بقص في النجمة كنت بضحك لأني اكتشفت اني من زمن العام ما رسمتها لكن بعد ما رفعت العلمين شعرت بسعادة وكل الشارع كان بحييني علي رفع العلمين حتى بتاع القماش لما جيت احاسبو رفض الا بعد اصرار وكذلك الترزي ...
ولي قدام
|
Post: #5
Title: Re: نعم مريخابي ... بس تمنيت صعود الهلال لدوري المجموعات ..
Author: ود المايقوما
Date: 04-22-2007, 08:54 AM
Parent: #1
الحبيب / سامر
لك مني الف تحية ..
بس الظاهر انك مريخابي زعلان .. ارجع لاصل ياحبيب وشجع الزعيم ..
تحياتي ياوطني
|
Post: #6
Title: Re: نعم مريخابي ... بس تمنيت صعود الهلال لدوري المجموعات ..
Author: keiga2000
Date: 04-22-2007, 11:23 AM
Parent: #5
ودالمايقوما ياعسل
والله فعلا ديل مفروض يزعجوا
وخاصة وان الفريق الانتصر عليهم بثلاثة ناصورا (ناس وراء) لايساوي فريق من ليق الخرطوم بحري واذا كان هذا غلبهم بالثلاثة بعد وقوع المعز المتكرر اكيد ديلك المره دي حتفوت الخمسات زي ماقلت ويجوا تاني راجعييين لينا ويقول اووب
ابومصطفى
|
Post: #7
Title: Re: نعم مريخابي ... بس تمنيت صعود الهلال لدوري المجموعات ..
Author: مجدي عبدالرحيم فضل
Date: 04-22-2007, 03:21 PM
Parent: #6
ود المايقوما
بالحس الوطني بيني بينك المجموعات تخوف وكان ناس نيجريا ديل
خليق من الليق كان ده فريق ومدربوا آموكاشي غالب تلاته بيجي ينقلب
تلاته إلا فعلا ده فريق حواري ساكت لقطم آموكاشي ولاعب بيهم الهلال ومع
كلا مبرووووووك يافرحة وفي المجموعات ما تلبسوا طرحه ولكن ناااااس
الأحمر الخلاق والأصفر البراق ديل ما صفووووووووووووه عديل وبناذل جبال
الشيل ولابسين الوطن عمامه وكان للرجاله نااااااااااس عاطف القوز علامه
وأبوعنجه خور بيبلع مش مليون شهيد وحاتكم حدنا الشخط ما في ناااس بتتنفض
غبااااااار عجبنا حاااااااااااااااار وأشعال نااااااااااااااااار،،
،،،،أبوقصي،،،، مريخااااااااااااب للطيش ومابنهااااااااااب النجمة في السحاب.
|
Post: #8
Title: Re: نعم مريخابي ... بس تمنيت صعود الهلال لدوري المجموعات ..
Author: ود المايقوما
Date: 04-22-2007, 04:28 PM
Parent: #1
الاعزاء : ابو مصطفى ومجدي
فريق البواسير داك صدقني بمنتخب من البورد كنا غلبناهم 10 صفر ..
والف مبروكين لفوز الزعيم ..
وتابعوا معانا دوري المجموعات في بطولة الاندية الافريقية وفالكم طيب انشاء الله ..
الف تحية ..
|
|