Post: #1
Title: هل يفعلها المريخ اليوم؟ فبالامس كنا زرقا
Author: ابوبكر على
Date: 04-21-2007, 08:24 AM
مبروك لهلال السودان التاهل لدورى المجموعات. اسعدنا هذا النصر كثيرا و كنا زرقا البارحة . و اليوم باذن الله يسعدنا الاحمر الوهاج.لم انفعل فى حياتى مع الهلال مثل ماانفعلت بالامس, خصوصا اثناء ركلات الترجيع. و اعجبنى هيثم مصطفى و هو يتقدم ويداعب ابوبكر (الحارس) و يتقدم و يركل الضربة الاخيرة التى خفق لها قلبى بشدة. نعم مريخاب لكن بالامس كنا زرقا. خالص التمنيات بالمضى قدما فى الدرب حتى النصر انشاء الله.
|
Post: #2
Title: Re: هل يفعلها المريخ اليوم؟ فبالامس كنا زرقا
Author: خالد الطيب أحمد
Date: 04-21-2007, 08:27 AM
Parent: #1
والله نتمني النصر للمريخ..مثلما أنتصر الزعيم اليوم!
فهو نصر للسودان أولا وأخيرا...
ما تخذلونا!
|
Post: #3
Title: Re: هل يفعلها المريخ اليوم؟ فبالامس كنا زرقا
Author: EMU إيمو
Date: 04-21-2007, 08:30 AM
Parent: #1
نرجو الفوز للمريخ
إبراهومة بالأمس كان راكوبة
عليه ان يتوارى اليوم عن الأنظار وان لا يهتم المدرب
بما يقوله المحلل ابراهيم حسين
|
Post: #4
Title: Re: هل يفعلها المريخ اليوم؟ فبالامس كنا زرقا
Author: abuguta
Date: 04-21-2007, 08:33 AM
Parent: #3
ونحن اليوم حمر
كيتنا لكيجا واساسى
وعشانك وعشان راكوبه
|
Post: #5
Title: Re: هل يفعلها المريخ اليوم؟ فبالامس كنا زرقا
Author: خالد الطيب أحمد
Date: 04-21-2007, 08:35 AM
Parent: #4
يا أبوقوتة..المريخاب كده أصلهم..ومعظمهم ما عندو وطنية..!!
الخوف بعد ده كلو يخذلوا الوطن الليلة..
غايتو نتمني ليهم التوفيق!
|
Post: #6
Title: Re: هل يفعلها المريخ اليوم؟ فبالامس كنا زرقا
Author: ابوبكر على
Date: 04-21-2007, 08:39 AM
Parent: #4
نحن فى المريخ اخوة
نعشق النجم و نهوى
قالوا الخرطوم امس ولعت عديل
|
Post: #7
Title: Re: هل يفعلها المريخ اليوم؟ فبالامس كنا زرقا
Author: شهاب الفاتح عثمان
Date: 04-21-2007, 02:52 PM
Parent: #6
معك يا مريخ نحلق لسماوات اخر
نحن جند الله جند الوطن
|
Post: #8
Title: Re: هل يفعلها المريخ اليوم؟ فبالامس كنا زرقا
Author: hatim ibrahim
Date: 04-21-2007, 03:36 PM
Parent: #1
.
| Quote: هل يفعلها المريخ اليوم؟ |
لا اعتقد
.
|
Post: #9
Title: Re: هل يفعلها المريخ اليوم؟ فبالامس كنا زرقا
Author: othman mohmmadien
Date: 04-21-2007, 03:59 PM
Parent: #8
ومن غيره قادر على فعلها
المريخ شربات الكرة السودانية وسكرها المؤجج الحلاوة
بالامس كنا زرقا واليوم سنكون عربا وزرقا لا أقصد حمراً وزرقا يد واحدة مع المريخ
|
Post: #11
Title: Re: هل يفعلها المريخ اليوم؟ فبالامس كنا زرقا
Author: ابوعسل السيد احمد
Date: 04-21-2007, 04:28 PM
Parent: #9
أبوبكر علي
شهاب الفاتح
و كل مريخي أصيل
..قلوبنا معكم..
و نثق في قدرة الفتية الحمر..
..على قهر الشلف الجزائري..
و يا هو دا السودان..
|
Post: #10
Title: Re: هل يفعلها المريخ اليوم؟ فبالامس كنا زرقا
Author: عبد المنعم عمر عثمان
Date: 04-21-2007, 04:25 PM
Parent: #1
نحن هلالاب موت أحمر .
لكن اليوم واقفين ألف أحمر مع المريخ .
وأتوقع النتيجة 4/صفر للمريخ .
والأسباب لفوز المريخ على الشلف الجزائرى عديدة .
ونتلاقى بعد المباراة ،،،،،،،،،،،،،،
|
Post: #12
Title: Re: هل يفعلها المريخ اليوم؟ فبالامس كنا زرقا
Author: hatim ibrahim
Date: 04-21-2007, 08:24 PM
Parent: #1
.
والله ( فعلها ) .. حاجة غريبة ..
مبروك للمريخاب .. ولكل من ( شجع ) المريخ
.
|
Post: #13
Title: Re: هل يفعلها المريخ اليوم؟ فبالامس كنا زرقا
Author: ابوبكر على
Date: 04-22-2007, 08:43 AM
Parent: #12
لا تستغرب ياحاتم
كل الذى اتمناه انه فى المباريات الدولية يجب ان نساند بعضنا البعض. شكرا لكل الذين وقفوا معنا و الى الامام دوما ابوالهل و الاحمر الوهاج
انشودة المريخ
عشت يامريخ موفور القيم
ناهض العزة خفاق العلم
خطوك الوثاب فى ركب الامم
كجناح النسر يجتاح القمم
عــــــــــــــــــــــــــــــشت
عشت للنيل على شطأنه
قوة تدفق فى شريانه
سال تاريخك من احضانه
سلسلا يجرى على وديانه
عــــــــــــــــــــــــــــــــشت
نجمك الخافق فى جو السماء
صغته من خافقى او من دمائى
و اذا ناديت الفيت ندائى
باسمك باسمك العذب ورددت غنائى
عـــــــــــــــــــــــــــــــــــــــشت
يافتى المريخ فى عينيك عزم
و بهذا العزم للعلياء تسمو
و على صدرك فى الموكب نجم
ووراء الغد نصر لك ضخم
عـــــــــــــــــــــــــــــــــــــشت
ثب الى الذروة رفاق الجناح
و تالق فى الميادين الفساح
و انطلق اشبه شئ بالرياح
بالكفاح الحق و الجد الصراح
عــــــــــــــــــــــــــــــــــشت
خذ طريق المج فى حزم و قوة
و اقصم الدهر و لا ترهب عنوة
و اسق اخوانك من صفو الاخوة
كلما لاقيتهم باسم الاخوة
عــــــــــــــــــــــــــــــــشت
يافتى المريخ حقق للغد
نهضة تبقى بقاء الابد
و اذا صبحت فقل هذى يدى
قد بنت صرحى و شادت معهدى
عـــــــــــــــــــــــــــــــــــشت
|
|