Post: #1
Title: لكين ما بسألك يا عمر الفاروق
Author: almulaomar
Date: 04-21-2007, 06:12 AM
مبروك يا عمر الفاروق ومبروك لكل السودانيين بصفة عامة ومشجعي الهلال – الرشاشات بصفة خاصة ، الهلال شرف الكرة السودانية وتحرر كثيراً من الروح الإنهزامية التي كنا نخشاها عطفاً على نتيجة اللقاء الأول في نيجيريا ، وكان يمكن للنتيجة أن تكون إضعاف ما آلت إليه لو إستثمر لاعبي الهلال الكثير من الفرص التي سنحت لهم وأضاعوها تارة بسبب التسرع وأخرى بسبب سؤ الطالع.
مشكلة الهلال هي مشكلة كرة القدم السودانية الأزلية – الجمهور – يملأ المدرجات يستقبل الفريق عند دخوله المعلب بعاصفة من التصفيق يصمت كثيراً ولا يحرك ساكنا ولايتحرك إلا مع الهدف فقط ليعود مرة أخرى ويمارس الصمت بالرغم من حاجة اللاعبين داخل الملعب للمؤازة والتشجيع المستمرين. مش بيقولوا الجمهور هو اللاعب رقم (1).
الجميل في مباراة الأمس عودة شئ من الروح القومية المفقودة فقد إختلطت رايات الهلال الزرقاء برايات المريخ الحمراء جمياً إلى جمب – وأهو كده أنا وأخوي على إبن عمي – وحتى لو ناس المريخ ما هم أخوة لناس الهلال على اسوأ تقدير هم أبناء عمومه منذ التأسيس وحتى الآن.
بوليس السودان هو البوليس الوحيد على مستوي العالم البيكون مدى ضهروا للجمهور وبتفرج على الكورة وكالعادة ملح ، وواجب هؤلاء العسس أن يحموا النظام والمباراة لأنو القوانين أصبحت صارمة وممكن ببساطه النتيجة تجير لصالح الفريق الزائر نتيجة لأعمال شغب أو ما شابه.
مبروك فوز الهلال وعقبال فوز المريخ – يا أخي نحن شعب مقهور مكسور الخاطر وبدون أى أجنحه عشان كده أى فوز في أى مجال بيفرحنا فما بالك والفوز يتحقق في كرة القدم.
|
Post: #2
Title: Re: لكين ما بسألك يا عمر الفاروق
Author: بدرالدين شنا
Date: 04-21-2007, 08:41 AM
Parent: #1
مبروووووووووووووووووووووووووووووووووووك للهلال النصر الغالي
شاهدنا وإستمتعنا وياربي تنصر المريخ اليوم يااااااااااااااااارب
كليتشي دا حاجة تانية
الجمهور دا حاجة لا توصف
مريخابي وفرحان لفوز الهلال
|
Post: #3
Title: Re: لكين ما بسألك يا عمر الفاروق
Author: almulaomar
Date: 04-21-2007, 08:51 AM
Parent: #2
شوفي يا بدر الدين هوووووووووووووووووووووووووووووووووي I am not teaboy ودي طبعاً مسروقة من أحد بوستاتك - لملم كيبوردك وزح بعيد من بوستاتي أنا الآن أعتبر من دول الضد أو قل الذين يهدرون الباندوث بحسب التصنيف الأخير لمجلس المنتدي برئاسة ود الحلفايا بكري أبوبكر.
قلت لي مريخابي وفرحان لفوز الهلال - والله يا بدر الدين تلاته بس منك في المسرحه و13 في دور الرياضه الحكاية تكون حاجة تانيه خالص يعجبوك وليداتك ويعجبك العجب وزملاءه اليوم إن شاء الله. شكراً لمرورك الكريم وبرضو بطريقة غير مباشرة أجد أنك تشارك في دعم حركتنا المعارضة وإن كان من وراء حجاب من الخربني خراب
|
Post: #4
Title: Re: لكين ما بسألك يا عمر الفاروق
Author: عمر الفاروق
Date: 04-22-2007, 09:45 AM
Parent: #1
الملا بن عمر:
ياخ أول شي الله يبارك فيك وعقبال يا يمة كدي تتعمل الإنجليزي قااادر يا كريم وتبقا اشطر من دكتور تروتة وتعمل انت الإنترفيو ويز جكسا قول امين ..
اما بخصوص البوليس السوداني فدي ياخ حاجة مبالغة ..
البوليس تلقاهو بينطط مع الجمهور ويجري يسك اللاعب الجاب القون ويحضنو ..
أما ناس سلاح الموسيقى ديلك فخليهم ساي ..
انا ما عارف ليي بعد يعزفو ما بيتخارجو ؟؟
والغريبة بيجرّوا ليهم كراسي جمب القون تجي تعكس الكورنر تحنسهم حنيس عشان تقدر تعكسا ..
أول مرة اشوف لي فرقة سلاح موسيقى بتقعد بعد تعزف ؟؟
الناس ديل التقول جايين عقد ..
|
Post: #5
Title: Re: لكين ما بسألك يا عمر الفاروق
Author: abuguta
Date: 04-22-2007, 10:04 AM
Parent: #4
Quote: أول مرة اشوف لي فرقة سلاح موسيقى بتقعد بعد تعزف ؟؟
الناس ديل التقول جايين عقد ..
|
صاحب البوست الملا عمر
الميرخابى المتكيف بدر
والمنتشى نصر الفاروق عمر
تحياتى ليكم صباح وعصر
|
Post: #6
Title: Re: لكين ما بسألك يا عمر الفاروق
Author: عمر الفاروق
Date: 04-22-2007, 10:14 AM
Parent: #1
Quote: صاحب البوست الملا عمر
الميرخابى المتكيف بدر
والمنتشى نصر الفاروق عمر
تحياتى ليكم صباح وعصر |
يا ابقوتة الولد الحر..
بنشتاق ليك كل يوم بيمر..
شوفو هلالنا الحالو يسر..
ساب راكوبة يخم ويصر..
|
|