فرحة رياضية واحدة تضمد العشرات من جراح السياسة!..كلمة في حق "الإنصرافيين"!

و لا زلنا نصف بوستات الرياضة هنا ب"بوستات الإنصرافية و الإنصرافيين"!..

فبينما يأتي الفرح العريض لكل (أطياف السودان) من نشوة إنتصار رياضي "قاري" و تأتي الإبتسامة العميقة من جماعات الفن و ورش الفنون, يأتي الإفقار و الإمراض و السحل و الذبح و التصفيات العرقية و السياسية و "الإرهاب" و الإنكسار المعنوي من عالم "الإستحواز السياسي" !..

و برضو "عندهم" "رأي" في "الجماعة" !..

عجبي,

ما قيمة السياسي إن لم يسعده نصر إجتماعي رياضي "قاري"!..

لأول مرة أحي السيد الصادق المهدي في حياتي,

Quote: ألف تحية للرجل

..

ينتظر أهلنا السياسيين هنا أن تنقشع سحابة بوستات الفرح الرياضي "الوطني" و تتوارى عن الأعين كي يتواصل "الصرع" .. "الصرع السياسي"!

أضغط للتشغيل

ـــــــــــــــــــــ
ياعـزو .. ما عليك:
الهـــلال اليوم .. اللهــب وجدان كل الشعــب السوداني في كل شبــر من المليون وحق لنــا ان نحتفل هنــا ده يوم مشهــود في تاريخ السودان .. إجتمع فيها كل السودان . كل الطرقات مزدحمــة .. بنشوة الإنتصـــار .. نحن شعب نعشق الإنتصار ونعرف كيف نصنعه
أمــا:
من ينادينـا بالانصرافية من أجــل هذا النصــر وهذا الوطن السودان .. فلن نحفل بــه ولا نهتم فهــو من سقط المتــاع فإن كان قادر أن يفعل ربع ما فعله الهلال اليوم فليلوح باصبعه.

هسة الهلال ولا "التجمع"!..

تعرف يا تمبس,

من أمس أنا و الخواجة خشمنا ملح ملح

نمت و قمت لقيت الخبر شايلو النسيم

صحينا لقينا الخواجة كاتب لينا ورقة, مشا مشوار

إتصلت بيهو موبايليا و أديتو الخبر و مسكتو الهلا هلا

طبعا كنا متشائمين لأبعد درجة

و طبعا لو لا "الشعب" لما كان العسل,

لا ده حدث عظيم .. مبروك!

يحليل الخــواجة يا عـزو
أظنو بتذكـــر البيرق بتاعي الكنت معلقــو في راس البيت جمب أريل التلفزيون تعلق ليك بيرق أزرق بي أبيض في نص المــوردة .. ده الإنتحــار بي عينو .. والله نفسي حسسسع دي كان أعمل ( أبديت ) للبيرق ده .. لكن تقول شنــو بس كفاية علينـا بي فرحة امس .. وفرحة الليلة دي وعقبال كل الإنتصارات

إقتباس:

Quote: 20-04-2007, 09:03 م عبد المنعم سليمان . تاريخ التسجيل: 02-09-2006 مجموع المشاركات: 6288 Re: ياسلاااااااااااااام ياهلال ياخي (Re: عبدالكريم الامين احمد) اخي عبدالكريم الامين كيكي الاخوة/ت الاعزاء تحياتي فخورا جدا بهذا النصر الكبير فرحا جدا لفرح هذا الشعب الابي الطيب الجميل الكل الان بالخارج يهتف للسودان وللهلال رغم عدم متابعتي للانشطة الرياضية بالسودان لكنني فرحا فرحة لا توصف اليوم انتصر السودان انتصر هذا الشعب ليتك اخي كيكي معي الان لتري الجميع هنا نساء واطفال شيبا وشبابا يصطفون علي الشوارع في حين توقفت حركة السير بامدرمان .. الكل يغني لهذا الوطن المعطاء النساء يزغردن وامراة في حوالي الستين من عمرها تقترب من سيارتي لتهديني زغرودة .. بكيت فرحا اخي كيكي لهذا الانتصار .. بالامس كنت محتفلا لفوز التحالف بالميدان الشرقي لجامعة الخرطوم في انتصارا للسودان حيث احتكم الجميع وارتضي للعملية الديمقراطية .. واليوم فرحا جدا لانتصار الهلال العظيم .. وغدا سافرح جدا لفوز المريخ العريق .. سافرح لفرحة هذا الشعب الفرحة للوطن .. هذا هو الوطن عندما يقف الشعب كل الشعب للتصفيق للهلال في انتصاراته لاغيا الجهوية والقبيلة واللون والدين كلهم من اجل السودان يفرحون لفرحة ويحزنون لحزنة .. غدا سنفرح جميعا .. غدا يا كيكي سيفرح كل الوطن .. وغدا قريبا جدا لاننا ننتظره ونعمل من اجلة نعم نعمل من اجلة .. المجد للهلال المجد للمريخ المجد لهذا السودان العظيم فخورا جدا بك يا سودان مبرررررررووووك للجميع مبروووووووووك للسودان منعم