Post: #1
Title: الخميس القادم .. جلسة أسرية لبورداب الرياض
Author: ابو جهينة
Date: 04-20-2007, 11:43 AM
Parent: #0
التحية أولاً لكل الأسر السودانية في كل بلاد المهجر و هي تقبض على جمر الشوق لأرض الوطن و تكابد لربط الأبناء و البنات بتراب الوطن
و التحية لأبنائنا و بناتنا في الوطن و هم يرضخون لنداء العلم بعيدين عن أسرهم.
هناك أعضاء جدد لم نلتق بهم
و هناك أعضاء جاءت أسرهم و لم تلتق ببقية الأسر
لذا
ندعو كل الأعضاء و أسرهم للقاء يوم الخميس القادم في إستراحة سيقوم الإخوة
ود الباوقة
خالد سعيد
معتصم دفع الله
تمبس
إدريس
طارق نقد
عمر الفاروق
بتحديد المكان و إنزال خارطة تعريفية به.
نرجو المداخلة لتأكيد الحضور
تخريمة :
نرجو كذلك تحديد من سيقوم بلم الكراسي بعد الحفل
دمتم
|
Post: #2
Title: Re: الخميس القادم .. جلسة أسرية لبورداب الرياض
Author: tmbis
Date: 04-20-2007, 11:49 AM
Parent: #1
| Quote: نرجو كذلك تحديد من سيقوم بلم الكراسي بعد الحفل |
أقترح :
مصدق حسيــن .. لانو طول من التمارين دي .
وبالعدم:
مصدق حسين برضــو .. لانو عندنــا تار مبيت معاهــو .. وبقى يعمل زغبير كتير 
|
Post: #3
Title: Re: الخميس القادم .. جلسة أسرية لبورداب الرياض
Author: رشا سالم
Date: 04-20-2007, 11:56 AM
Parent: #2
جايين بأذن الله..
بس كان جبتوا لينا هاجر جبرة بكون عافية منكم
|
Post: #5
Title: Re: الخميس القادم .. جلسة أسرية لبورداب الرياض
Author: tmbis
Date: 04-20-2007, 12:04 PM
Parent: #3
جميـــل جدا
طبعا كالعادة في مناسبات ولمات اسرية حميمة زي دي .. قاعدين نجيب الشاي والقهــوة والعضة وإلخ من البيت . يعني بي ايادي سودانية ( صرفــة ).
عليــه:
رشــا سالم كان اليوم داك عملت لينا فيها ( نبطشية ) وحركات من النــوع ده ..
بقتــرح :
ترســل لينــا ( المايكرويف ) . ( وعلبـة كبتشنــو + نسكافية ) وتورينــا قاعده تظبط درجة الحرارة على كـــم..
وموت مــوت .. حيا .. حيــا.. أصلــو الواحد لما يكون بعيد من ( أمــو ) يتحمل نتيجة أي عواقب ( تقنية ) فيما يتعلق بأمور المطبخ
|
Post: #4
Title: بورداب الرياض
Author: علي الكرار هاشم
Date: 04-20-2007, 12:03 PM
Parent: #1
O.K
ياريس
بس قول ما تكون في مطر وهواء
|
Post: #6
Title: Re: بورداب الرياض
Author: tmbis
Date: 04-20-2007, 12:09 PM
Parent: #4
في فرصــة كويسة لي السيد / وزير الري والموارد المائية ( درش ) ممكن يتحرك بحرية ..
بعد ضم وزارة الثروة الحيوانية للوزير أعــلاه وتجريد طــارق نقد من الوزارة المعنية نقترح على طــارق نقــد المزاحمة في وزارة المواصــلات .. كان يلقى لينــا إن شــاء الله موطــر سوزوكي مية خمسة وعشرين
بس على شرط .. يعمل فيهــو ( سبت ) بي ورا
|
Post: #7
Title: Re: الخميس القادم .. جلسة أسرية لبورداب الرياض
Author: مصدق مصطفى حسين
Date: 04-20-2007, 12:14 PM
Parent: #1
Quote: تخريمة :
نرجو كذلك تحديد من سيقوم بلم الكراسي بعد الحفل
|
Quote: أقترح :
مصدق حسيــن .. لانو طول من التمارين دي .
|
Quote: وبالعدم:
مصدق حسين برضــو .. لانو عندنــا تار مبيت معاهــو .. وبقى يعمل زغبير كتير |
لأ بأه ....... دى حاجه تخوّف 
و تقول لى ما تعمل زغبير برضو ؟؟
بس جايين و جايين و كمان مشتاقين .
|
Post: #8
Title: Re: الخميس القادم .. جلسة أسرية لبورداب الرياض
Author: tmbis
Date: 04-20-2007, 12:19 PM
Parent: #7
| Quote: ترســل لينــا ( المايكرويف ) . ( وعلبـة كبتشنــو + نسكافية ) وتورينــا قاعده تظبط درجة الحرارة على كـــم.. |
.. أول مرة في حياتي .. أشوف لي أوفالتيــن بالمايكرويف
ده أوفالتين .. والا مكــرونة بالبشمــل
|
Post: #9
Title: Re: الخميس القادم .. جلسة أسرية لبورداب الرياض
Author: tmbis
Date: 04-20-2007, 12:22 PM
Parent: #8
| Quote: لأ بأه ....... دى حاجه تخوّف |
الأيامات دي يا مصدق .. في نوعية بتاعت كراسي جديدة طالعة في الســوق فيها حديد بالجمبات
مبالغة طبعا
|
Post: #10
Title: Re: الخميس القادم .. جلسة أسرية لبورداب الرياض
Author: رشا سالم
Date: 04-20-2007, 12:29 PM
Parent: #9
يا تمبس في ذمتك الواسعة دي..شربت نسكافية زي حقي دا قبل كدا؟؟
ياخ انا ناس روما كافية عايزين يتعاقدوا معاي وانا رافضة
السر مافي المايكروويف يا حبة!
|
Post: #11
Title: Re: الخميس القادم .. جلسة أسرية لبورداب الرياض
Author: هاشم أحمد خلف الله
Date: 04-20-2007, 12:33 PM
Parent: #9
إنشاء الله حضور دائم , وللمرة الثانية بقول ماهو المطلوب مننا كأعضاء حتي لا ينحني ظهور اللجنة
المنظمة لهذه الجلسة الأسرية وبالمرة نشعر بالمشاركة الفعلية , يعني المسألة ما تكون وقف
علي مجموعة بعينها تتحمل تبعات الحدث المهم جداً جداً في راي الشخصي .
خطوة جميلة جداً نتلهف لها من زمن , ربنا يجعل تجمعنا فأل خير للجميع .
|
Post: #12
Title: Re: الخميس القادم .. جلسة أسرية لبورداب الرياض
Author: مصدق مصطفى حسين
Date: 04-20-2007, 12:36 PM
Parent: #1
Quote: الأيامات دي يا مصدق .. في نوعية بتاعت كراسي جديدة طالعة في الســوق فيها حديد بالجمبات
مبالغة طبعا |
والله المبالغه أفكارك دى 
كده خليك مع رشا عشان أنا شايف فيها تظبيط العضات و البشملات و كده ،
أما لم الكراسى فما بينا ... بنتفق
|
Post: #13
Title: Re: الخميس القادم .. جلسة أسرية لبورداب الرياض
Author: ابو جهينة
Date: 04-20-2007, 01:54 PM
Parent: #12
د. رشا
سلام مربع
تصدقي
نزلت البوست دة و أخدت لي تعسيلة
قمت قريت مداخلتك دي بي نص عين
| Quote: بس كان جبتوا لينا هاجر جبرة بكون عافية منكم |
تعرفي قريتا شنو ؟
قريتا كدة :
بس كان جبتوا لينا عافية جبرة بكون هاجرة منكم
تحياتي لزوجك العزيز ...
و تمبس دة أوعك تعوديهو على التقنيات المطبخية .. جيبي المبخر معاهو كان جمرة كان جمرتين و هبابة و خليهو يسوي الجبنة لغاية ما الحفلة تخلص يكون ياداب شرب الفنجان الأول
|
Post: #14
Title: Re: الخميس القادم .. جلسة أسرية لبورداب الرياض
Author: ابو جهينة
Date: 04-20-2007, 01:58 PM
Parent: #13
عزيزي الأخ علي ( أبو النسب )
تحياتي
| Quote: بس قول ما تكون في مطر وهواء |
غايتو لو جات شكشاكة ما بطال ... مطولين من الزيفة
|
Post: #15
Title: Re: الخميس القادم .. جلسة أسرية لبورداب الرياض
Author: ابو جهينة
Date: 04-20-2007, 02:03 PM
Parent: #14
يا تمبس
| Quote: بس على شرط .. يعمل فيهــو ( سبت ) بي ورا |
و دة يشيل فيهو منو و يخلي منو ؟
و لا الناس دي تلبس جزم ( أم عجلات ديك ) و تمسك السبت و تنطلق وراهو متزلجة
|
Post: #16
Title: Re: الخميس القادم .. جلسة أسرية لبورداب الرياض
Author: ابو جهينة
Date: 04-20-2007, 02:05 PM
Parent: #15
مصدق
سلام كبير
تمبس بيقول كراسي حديد فيها هناية بالجنب ..
حدد موقفك قبال نعمل وزير متخصص في الشغلانة دي
|
Post: #17
Title: Re: الخميس القادم .. جلسة أسرية لبورداب الرياض
Author: ابو جهينة
Date: 04-20-2007, 02:08 PM
Parent: #16
أخي العزيز هاشم
تحياتي
Quote: وللمرة الثانية بقول ماهو المطلوب مننا كأعضاء حتي لا ينحني ظهور اللجنة
المنظمة لهذه الجلسة الأسرية وبالمرة نشعر بالمشاركة الفعلية , يعني المسألة ما تكون وقف
علي مجموعة بعينها تتحمل تبعات الحدث المهم جداً جداً في راي الشخصي . |
شكرا على كلامك الجميل دة.
إنت تعال و بنتفاكر و بنوريك كل شي. شوفتكم هي المطلوبة
|
Post: #18
Title: Re: الخميس القادم .. جلسة أسرية لبورداب الرياض
Author: ابو جهينة
Date: 04-20-2007, 02:12 PM
Parent: #17
مصدق
بشملات دي جمْع كاريكاتير ؟
غايتو لو جمع بشمل .. إذن لم الكراسي بشْملك
|
Post: #19
Title: Re: الخميس القادم .. جلسة أسرية لبورداب الرياض
Author: سمية الحسن طلحة
Date: 04-20-2007, 02:16 PM
Parent: #16
هنيئا لكم هذا الطاقم الجميل
لنا فيه نصيب الأسد
قرايب ونسايب وحبايب
ماتنسونا من الصور
ياتمبس كما عودتونا
عاطر التحايا للكل .
|
Post: #20
Title: Re: الخميس القادم .. جلسة أسرية لبورداب الرياض
Author: ابو جهينة
Date: 04-21-2007, 07:14 AM
Parent: #19
الملكة سمية
حبابك
|
Post: #21
Title: Re: الخميس القادم .. جلسة أسرية لبورداب الرياض
Author: حمزاوي
Date: 04-21-2007, 07:20 AM
Parent: #1
ان شاء الله حضور
بس يا ريت صديق الموج يعتذر وما يجي
الخال / حمزاوي
|
Post: #24
Title: Re: الخميس القادم .. جلسة أسرية لبورداب الرياض
Author: ابو جهينة
Date: 04-21-2007, 07:59 AM
Parent: #21
حمزاوي
صديق قال أول زول بيجي
***
لا يفوتنا هنا أن نهنيء مرة أخرى الشاب بركات و الإبنة نازك .. بالزواج الميمون
نتمنى أن يشرفا حفلنا المتواضع لتسجيلهما كبوردابيين ضمن مجموعتنا.
و طبعا العزاب لما يشوفوا عرسان بيغيروا شوية .. مين عارف .. لعل و عسى
الكلام ليكم يا المدلدلين إضنيكم
|
Post: #22
Title: Re: الخميس القادم .. جلسة أسرية لبورداب الرياض
Author: د.محمد حسن
Date: 04-21-2007, 07:29 AM
Parent: #1
يا حليل زمن لم الكراسي
طبعا لما كان الزمن جميل
وجوز الحمام تلاتة
كنا بنلم الكراسي مع شاي الصباح باللقيمات
هسة حداشر الحفلة تنتهي تعمل ليك شحتافة للحفلة الجايو وعييييييييييك للحفة التانية
حضور ان شاء الله
|
Post: #23
Title: Re: الخميس القادم .. جلسة أسرية لبورداب الرياض
Author: خالدة البدوي
Date: 04-21-2007, 07:46 AM
Parent: #1
ريس ابو جهينة ما أجملكم تلمون الشمل
حضور بإذن الله
بس بورداب الرياض بطلوا الحركات ديك
والتفرقة العنصرية والأنانية الما ليها لزوم ..
لأنه اليوم داك من اسه وزعو نفسكم على المهام
نحن ضيوف عديل صاح حليمة محمد عبدالرحمن ..
بجي راجعة ،،،
|
Post: #25
Title: Re: الخميس القادم .. جلسة أسرية لبورداب الرياض
Author: معتصم دفع الله
Date: 04-21-2007, 08:21 AM
Parent: #1
كراسي ما بشيييل ..
أي حاجة تاني ماشي ..
يا تامبا اليوم داك بنحرس الباب بس عليك بمصدق حسين دا ..
يشيل ليهو كرسي اتنين ويعمل زغبير
بعدين يا دكتورة رشا ما تنسي وصية تمبس دا ضرورية جداً ..
شكراً ليك يا سمية دائماً حاضرة يديك ألف عافية ..
|
Post: #26
Title: Re: الخميس القادم .. جلسة أسرية لبورداب الرياض
Author: احمد العمار
Date: 04-21-2007, 09:13 AM
Parent: #25
ياريس ابوجهينة والله فعلا الناس محتاجين لحاجة زى دى .
وان شاء الله هذا اليوم يكون مقدمة لموضوع الاستراحة الشهرية .
حضور ان شاء الله .
أحمد العمار
|
Post: #27
Title: Re: الخميس القادم .. جلسة أسرية لبورداب الرياض
Author: Mohamed Abdelgaleel
Date: 04-21-2007, 09:29 AM
Parent: #26
يا ريس
حمزاوي أمس في كورة الصالحية
قال لي أنا فنان وبغني كويس
بالعربي وبالرطانة لكين ما
تكلم الجماعة .. يعني الفنان
أنضمن.. الباقي صديق الموج
ولم الكراسي .. وغسيل عـدة
القهوة بتاعة رشا .. وزول
ظريف إمسك الشفع عشان مـــا
يطلعوا الشارع.. وواحد يقيف
في الباب يقول: الدخول للعوائل
فقط
|
Post: #28
Title: Re: الخميس القادم .. جلسة أسرية لبورداب الرياض
Author: ghariba
Date: 04-21-2007, 09:30 AM
Parent: #1
الاخ أبو جهينة
والاخوة بورداب الرياض
من الجميل ان نتلاقى
وسأبذل جهدي للالتقاء معكم
فقط حددوا لنا الاستراحة
رغم ان هذا اليوم سيشمل احتفالات اخوتنا واخواتنا
في جمعية المحبة والسلام
بالسلام ( مرور عامين ) وباليوم العالمي للمرأة
في الشفاء
شارع المدارس - بجوار بندةالشفاء
قاعة
صلاح غريبة - الرياض
|
Post: #29
Title: Re: الخميس القادم .. جلسة أسرية لبورداب الرياض
Author: طارق عبد اللطيف نقد
Date: 04-21-2007, 09:49 AM
Parent: #1
يا شباب
والله يوم الخميس عندنا عرس
رايكم شنو تجونا كلكم في الفصول الاربعه
ونجيب ليكم هاجر جبره وكبشور كمان
Quote: في فرصــة كويسة لي السيد / وزير الري والموارد المائية ( درش ) ممكن يتحرك بحرية ..
بعد ضم وزارة الثروة الحيوانية للوزير أعــلاه وتجريد طــارق نقد من الوزارة المعنية نقترح على طــارق نقــد المزاحمة في وزارة المواصــلات .. كان يلقى لينــا إن شــاء الله موطــر سوزوكي مية خمسة وعشرين
بس على شرط .. يعمل فيهــو ( سبت ) بي ورا |
يا تمبس بطل 0000000
وأنا وزارة الثروه الحيوانيهما بتنازل منها
ده محل العضه يا منقه
بعدين ابشرك
اصلوا كوتتنا جاهزه من الخميس الفات
ومصائب قوم عند قوم فوائد
الله يجازي محنك
يا ريس والله دايرين نجي وخصوصا الاولاد لكن كمان العرس ما بتأجل !!!!
|
Post: #30
Title: Re: الخميس القادم .. جلسة أسرية لبورداب الرياض
Author: ادريس خليفة علم الهدي
Date: 04-21-2007, 10:13 AM
Parent: #29
| Quote: الخميس القادم .. جلسة أسرية لبورداب الرياض |
يعني ياريس الربنا موفقوا زي تمبس دا ما يجي ولا شنو؟
|
Post: #32
Title: Re: الخميس القادم .. جلسة أسرية لبورداب الرياض
Author: عماد محمود علي
Date: 04-21-2007, 11:39 AM
Parent: #30
الريس أبو جهينة
تحية عطرة وسلام وأشواق زياده ، ، ،،
نأسف ونعتذر على عدم الحضور بأجسادنا ولكن قلوبنا معكم في كل صغيرة وكبيرة إن شاء الله ، بس كتروا الصور علشان المشاهدة تكون مغطية معانا شوية بعد الحفل .
مع أمنياتي لكم بقضاء سهرة ممتعة إن شاء الله . كونوا بخير ، ، ، ، ،
محبكم
عماد
|
Post: #35
Title: Re: الخميس القادم .. جلسة أسرية لبورداب الرياض
Author: Khalid Saeed
Date: 04-21-2007, 12:39 PM
Parent: #30
الريس / أبوجهينة
جيتك ومعاي لسته للتشكيل الوزاري الجديد .. دايرين الناس تتلمه وكمان تمارس حقها الديمقراطي .. ذي مابيقولوا ناس السودان الجديد .. وكما عشان مايقولوا علينا نحنا .. بقينا دكتاتوريين .. وهم بقوا مهمشين ..
أه ياأخوانا دي اللستة بتاعت الترشيح للتشكيل الوزاري وتعالوا لينا ناس ترشيح ساكت .. وطبعاً الحملة الإنتخابية حتكون مستمرة .. وأنا أمين المال . وحأكون مشرف عليها والحاضر يحدث الغائب [ أنا بقبل الرشوة ] .. والداير يفوز يراجع حساباته ونحنا جاهزين :
نبدا ليكم بي وزير الري ( أدريس خليفة علم الهدى ) .. متكفل بالمياه من كل أنواعها.
شعار الحملة [ مويــة الليل أم كراعاً بـــــــره ] .
الرمز [ الجركــانة الدميقراطية ] .
|
Post: #36
Title: Re: الخميس القادم .. جلسة أسرية لبورداب الرياض
Author: Khalid Saeed
Date: 04-21-2007, 12:40 PM
Parent: #35
وزير المواصلات ( معتصم دفع الله ) الشفيف
شعار الحملة [ العجلة من الندامة ]
الرمز [ العجلـــــة ] .
|
Post: #37
Title: Re: الخميس القادم .. جلسة أسرية لبورداب الرياض
Author: Khalid Saeed
Date: 04-21-2007, 12:41 PM
Parent: #36
وزير الثروة الحيوانية ( طارق نقد ) ده خبير في كل الحيوانات المطلوبة للمناسبات بمختلف عيناتها .
شعار الحملة [ الخروف الأبيض .. لليوم الأسود ]
الرمــز [ الخــــروف ]
|
Post: #38
Title: Re: الخميس القادم .. جلسة أسرية لبورداب الرياض
Author: Khalid Saeed
Date: 04-21-2007, 12:42 PM
Parent: #37
عندنا أبو جهينة .. الريس ( ده خطييير .. كتاب .. عنده كتب ..أماندة والأبنوس )
شعار الحملة [ كتاب لكل بوردابي ]
رمز الحملة [ الأبنوس ]
عندنا ود الباوقة .. نائب الرئيس
( ده بتابع الطيارة لقاية ماتعدي المثلث الأخير من منتصف الليل ) .
شعار الحملة [ هي لله هي لله .. لا للسلطة وللجاه ]
الرمز [ الطيــــارة ] .
|
Post: #39
Title: Re: الخميس القادم .. جلسة أسرية لبورداب الرياض
Author: Khalid Saeed
Date: 04-21-2007, 12:43 PM
Parent: #38
عندنا يوسف السماني .. ده زول خطير خلاص ..( وزير الديمقراطية )
جنه مشاكل مع السفارة .
شعار الحملة [ المغارة ولا السفارة ]
رمز الحملة [ الأبــــرول ]
|
Post: #40
Title: Re: الخميس القادم .. جلسة أسرية لبورداب الرياض
Author: Khalid Saeed
Date: 04-21-2007, 12:44 PM
Parent: #39
تمبس ... وزير الإعلام
( أخطر من يوثق بالصورة والصوط .. ماسوط العنج .. الصوت العالي ) .
شعار الحملة [ صورني حاول حس بي ]
رمز الحملة [ الكاميــــرا ]
|
Post: #41
Title: Re: الخميس القادم .. جلسة أسرية لبورداب الرياض
Author: Khalid Saeed
Date: 04-21-2007, 12:45 PM
Parent: #40
عمر الفاروق .. وزير الشباب والرياضة
( وده عنده كبير الجمل ... أي زول ممكن يدخل معاه توش يقع بيه الواطه )
شعار الحملة [ كفر ووتر لكل بوردابي ]
الرمــز [ الكـــورة ]
|
Post: #42
Title: Re: الخميس القادم .. جلسة أسرية لبورداب الرياض
Author: Khalid Saeed
Date: 04-21-2007, 12:45 PM
Parent: #41
حميدة .. وزير الدفاع
( ده خطييييييير ... بس دور الشكلة والباقي خليهو عليهو )
شعار الحملة [ شكلة ماحقتنا ماتخش حلتنا ]
الـرمز [ البســــطونة ]
|
Post: #43
Title: Re: الخميس القادم .. جلسة أسرية لبورداب الرياض
Author: Khalid Saeed
Date: 04-21-2007, 12:46 PM
Parent: #42
عندنا .. صديق الموج .. وزير الثقافة
حبيبنا .. حقيبة متحركة .. بها السحر المبين .. الفن الطرفة .. ومرات نفسه بحر شوية ويكوس المشاكل ..ومرات بيقضي الليل عاشق .. ودموع عينيه ساهرة ..
شعار الحملة [ الثقافة .. واللطافة ]
الرمــز [ الشمسيـــة ]
|
Post: #44
Title: Re: الخميس القادم .. جلسة أسرية لبورداب الرياض
Author: Khalid Saeed
Date: 04-21-2007, 12:47 PM
Parent: #43
عندنا خالدة البدوي .. وزير المصنفات والإذاعة والتلفزيون
المزيعة العطبراوية الأنيقة
شعار الحملة [ المزيعة رئة المجتمع ]
الرمـــز [ المكــــرفون ]
|
Post: #46
Title: Re: الخميس القادم .. جلسة أسرية لبورداب الرياض
Author: Khalid Saeed
Date: 04-21-2007, 12:49 PM
Parent: #44
عندنا ذلك المبدع المسكون / صلاح شتـــــــــات ... وزير الأجرام السمواية
لله دره .. ده كان جاء براهو بكفي .. وكان جات معاهو الشمس واطاتكم أصبحت ..
شعار الحملة [ شمس لكل بوردابي ]
الرمــــــز [ الشمـــس ]
|
Post: #47
Title: Re: الخميس القادم .. جلسة أسرية لبورداب الرياض
Author: Khalid Saeed
Date: 04-21-2007, 12:50 PM
Parent: #46
كما يوجد في اللستة كل من الآتية آسماؤهم :
عندنا حليمة ( والله دي جعليه تب ) وبي عشرة بورداب
عندنا إسماعيل وراق .. البوردابي الأصيل ( صحيفة السوداني )
عندنا الخال حمزاوي .. دناقله يارسول الله ( تركين ساككككت ) .
عندنا حكيم البورداب محمد عبد الجليل .( إنه محمد الجليل وكفى )
عندنا الأرباب خالد المحرب ( دابي الكركره .. الصياده ليه مابشيل .. تقيل يالأرباب حر .. صاقعه وهواجم ليل ) .
عندنا معاز الوهم .. وما ادارك ما ماعاز الوهم (الزول الظريف الطبعه دايماً حالم ) .
عندنا عمران .. الرجل الضكران .. حبيب الكل ..( شايقي لكن ترخيص جلعيين)
عندنا نصار الصادق الحاج ( ذلك الشاعر المرهف )
عندنا مولانا الشايقي أحمد محمود الشايقي ( أهل الدويم أهل العلم ، لكن الناس معجبة بالجبنة السمحة بتاعتهم ..عشان كده بقولوا الدويم بلد الجبنة ) .
عندنا عشا البايتات عبد العزيز شلال ( دكين ) ( وينوا ياناس .. ماعارفين خبره ) .
عندنا المكاتل أحمد حنين ( ده زول صعب خلاص ) ده براهو بنهي المبارة .
عندنا عبد الرازق عيسى الطالب ( ده كان جاكم المبارة بتتلغي .. بشطبوكم كلكم ) .
عندنا وليد طـــه ( الزول الرزين الطبعه دايماً حالم )
عندنا جمال محمد هباني ( ود الناظر .. ده غايتو لو قامت شكله .. هو الوحيد البحله .. لأنه زول راقي .. وحلال شبك ) .
عندنا محمد الشيخ سليمان ( الهيئة الدبلوماسية بتاعت البورداب )
عندنا عبد المنعم عمر عثمان ( التلب اللزم .. ود حبوبة .. مقنع الكاشفات ) ده بتكفل بي التقيل كله .
عندنا عبد السلام أبوشنب ( البوردابي الأصيل )
عندنا وليد عبد الرحمن (حبيب بلدو) ( الأخوان طمنوني .. حبيب الكل .. حبيب بلدو )
عندنا خضر الطيب ( المخرج الخطير .. ده عليه التصوير والنقل الحي المباشر )
عندنا عبد الله حمد عقيد ( الغائب الحاضر .. ود عمي .. دخر الحوبة .. وصاحب القلم الرصين)
عندنا المكاشفي خضر بشير ( المبدع ولد الأستاذ المبدع .. الفن كله يتجسد في هذا الشاب )
عندنا أنور عبد الرحمن الشيخ البعيو ( الطرفة الحاضرة .. الرجل الكلس )
عندنا د. ياسر زين العابدين عبد القادر ( ماتخافو .. بعالج أي واحد لو إنكسر في أي دواس أو أي بوست )
عندنا مصدق مصطفى حسين ( الرجل الفنان .. ده بيعمل كراكتير للواقعه كلها وشايف الناس حبايبنا دايرين يلملموه الكراسي .. ربنا يستر مايقوم يرسمكم )
عندنا عصام عيسى رجب ( الشاعر المرهف .. سوف يقود الملحمة ويكتب معلقة البورداب ..
ألا هبوا بوردابنا .. وأصحبونا ..
ولاتنسو .. بوستات الأولينا ..
الأرباب :
أمين المال
ناس الكشتينة قالوا .. مالك يمينك ...
ونحنا بنقول مالك .. بوردابــك ....
|
Post: #49
Title: Re: الخميس القادم .. جلسة أسرية لبورداب الرياض
Author: عادل جبارة
Date: 04-21-2007, 01:01 PM
Parent: #30
Quote: ان شاء الله حضور
بس يا ريت صديق الموج يعتذر وما يجي
الخال / حمزاوي |
معليش يا خال .. أنا عاوز أقابلوا ضروري والله .. خلي اليجي !!
|
Post: #31
Title: Re: الخميس القادم .. جلسة أسرية لبورداب الرياض
Author: ismeil abbas
Date: 04-21-2007, 11:38 AM
Parent: #1
ألأخ/أبو جهينة
الحبيب/تمبس
تحياتى.........ومعتصم دفع الله.خالدة البدوى........ألأخوة الذين قاموا بالجلسة الفاتت الجميلة..........
لكم الشكر مقدما..........وأمنياتى أن يجمع الله الشمل دائمآ على حب ومودة..........
بس يا ريس .............النوم سلطان.......
إسماعيل محمد أحمد عباس.................أم درمان........
|
Post: #33
Title: Re: الخميس القادم .. جلسة أسرية لبورداب الرياض
Author: عفاف أبو حريرة
Date: 04-21-2007, 12:14 PM
Parent: #31
سلام ياريس
حضور انشاء الله ولو في توزيع مهام
ولا محتاجين يد مساعده نحن حاضرين
عفاف
|
Post: #34
Title: Re: الخميس القادم .. جلسة أسرية لبورداب الرياض
Author: إسماعيل وراق
Date: 04-21-2007, 12:34 PM
Parent: #33
Quote: يا شباب
والله يوم الخميس عندنا عرس
رايكم شنو تجونا كلكم في الفصول الاربعه
ونجيب ليكم هاجر جبره وكبشور كمان |
طارق نقد
دا عرس منو دا
طيب أخوك دا ذاتو كاتل ليهو عرس في الفصول الأربعة.. غايتو العريس أول حروفه(ق) والعروس (م).. وللمعلومية ما ألقاك بدون كرت.. قسماً عظماً أطردك بخشم الباب.. قال فصول أربعة قال..
|
Post: #45
Title: Re: الخميس القادم .. جلسة أسرية لبورداب الرياض
Author: طارق عبد اللطيف نقد
Date: 04-21-2007, 12:48 PM
Parent: #34
الحبيب اسماعيل وراق
انته بتعرف قصي من وين
ولا انتو اهل العروس
وانا الطبع الكروت زاتوا
|
Post: #50
Title: Re: الخميس القادم .. جلسة أسرية لبورداب الرياض
Author: haroon asram
Date: 04-21-2007, 03:04 PM
Parent: #1
الاخ ريس والاخوة المتداخلين
لكم التحية
الواحد سعيد انو يجد شباب الذين ذكرهم الاخ الكريم خالد سعيد كلهم فى منطقة واحدة ولكن السؤال لاخونا الريس وخالد بالرغم ضيف الوقت ايام الخميس لو الواحد جاء وما وجد الجماعة المذكورين موقفكم يكون شنو ؟؟ ورونا هل عندكم كشف حضور لهولاء ولا مجرد دعوة فقط ومناشدات بالحضور ؟ فى انتظار الرد
|
Post: #51
Title: Re: الخميس القادم .. جلسة أسرية لبورداب الرياض
Author: صالح عبده
Date: 04-21-2007, 07:27 PM
Parent: #1
الريس ابو جهينة
التحية لكم وانتم تقدمون هذا العمل الجميل
سوف افتقدكم لاننى خارج المملكة
|
Post: #52
Title: Re: الخميس القادم .. جلسة أسرية لبورداب الرياض
Author: yasir Abdelgadir
Date: 04-21-2007, 10:08 PM
Parent: #51
تحية للشباب.....فرصة جميلة للتواصل...
رشا سالم:
انا مش معزوم عندكم يوم الخميس...والله دي زوغة عدييييل كدا....لكن بعد دا الكلام ما معاك الكلام مع طارق...
|
Post: #53
Title: Re: الخميس القادم .. جلسة أسرية لبورداب الرياض
Author: خالد المحرب
Date: 04-22-2007, 11:48 AM
Parent: #52
الاخوان بورداب الرياض السلام عليكم ورحمة الله وبركاته
نصل انشاء الله . لقاكم يهنا .
|
Post: #54
Title: Re: الخميس القادم .. جلسة أسرية لبورداب الرياض
Author: عادل جبارة
Date: 04-22-2007, 02:24 PM
Parent: #53
Quote: لكم الشكر مقدما..........وأمنياتى أن يجمع الله الشمل دائمآ على حب ومودة..........
بس يا ريس .............النوم سلطان.......
إسماعيل محمد أحمد عباس.................أم درمان........ |
معقولة يا إسماعيل ؟؟ إنت نائم وين هسة في أمدرمان والا الرياض !!
|
|