Post: #1
Title: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!!
Author: تاج السر حسن
Date: 04-19-2007, 08:52 PM
(سيد الناس وكل الناس)
____________
بتستغرب ....؟؟
وتسأل عن سؤالنا عليك وتستعجب ؟
منو القال ليك ......
بلاك الدنيا ، تصبح دنيا ،
فى عينينا شايله جمالها من عينيك ؟
منو القال ليك ...
حروف كلماتنا تتعطر
وتلبس توبها تتمخطر
وتمشى هوينا تتبختر
تضم الحانها
بى حنيه تتوزن وتصبح غنيه
ترحل ليك؟
منو القال ليك
حلم طول وكان منيه
نشوفو الليله فى الواقع
وزى قمرا توهط فى السما السابع
وحاتك أنت يا رايع
جمال الدنيا فى عينيك
بتستغرب .... ؟
وتسأل عن سؤالنا عليك وتستعجب؟
وأنت هوانا والأنفاس
وأنت الطيبه والأيناس
وروعة رنة الأجراس ؟
منو الأداك عيون حلوات
وللحلوات بقت مقياس ؟
منو الأهداك جمال أحساس؟
بتستغرب وتستعجب
وأنت الناس وسيد الناس وكل الناس؟
________________________
تاج السر حسين
|
Post: #2
Title: Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!!
Author: تاج السر حسن
Date: 04-19-2007, 09:12 PM
Parent: #1
هذا الموضوع وجدت الأخ / عبدالمعز عبدالخالق قد انزله على منتدى (الهلال)
http://www.hilalalsudan.net/vb/showthread.php?t=5817
بالامس وجه لى الاستاذ تاج السر حسين عضو المنتدى دعوة لحضور ليلية شعرية بمناسبة مهرجان الثقافة المصرية السودانية الذى تقيمه الجمعية الخيرية السودانية بمصر بقصر الصداقة بمدينة 6 أكتوبر وكان الحفل رائع تبارى فيه الشعراء المصريين والسودانين وكان من ضمن المشاركين شاعرنا تاج السر حسين والذى شارك بقصيدتين أجملها التى تحدث فيها عن معناة أمة بسبب هجرته الطويلة والتى امتدت إلى ثلاثون عاماً كما شارك الشاعر السودانى الكبير الياس محجوب عموماً كان الحفل رائع .
__________________
اعشق الهلال حتي الثمالة
أشكر الأخ المهندس/ عبدالمعز ، على تلبيته الدعوه وعلى انزاله الموضوع، وهذه فرصة أعيد فيها انزال القصيدة ، التى كتبت فى أحدى مناسبات عيد الأم ، وقد امتزج الأحساس فيها بالأم (أم درمان) وبالوالدة اطال لها عمرها!!
والغربه أمتدت فعلا لثلاثين سنه ما بين دراسة وعمل وأسفار متعدده!!
يا أمنا
يا (أم) در - أمان
يا (ستنا)،
ياجارية فى جوه الخلايا ودمنا
غيرك منو، البفرح، قبل نفرح،
وكت ننجح
غـيـرك منــو الـدمعاتــو تجــرى
تسابق الريح والمطر
لما نرجــع من سفــر
ولمن يواجهنا الخطر
يا حليلك (ات)، غيرك منو
الشايل همــومنا وكت نهم
لـو فـى الخيال، أو فـى حلم
ياسامقة ذى شجر النخيل ،
ثابت ومغروس من زمان
أحساسى بيك (أمونه) ،
يا أم (الحنان)
يتسامى، أسرح بى بعيد ..
فوق التعابير والشعر
عاجز، مكتفنى الحرف ...
ولو موية البحر العريض تصبح حبر
كلمــاتى فيك ما تســاوى يـوم ،
قـومتك فجــر
ذى البتتحدى النجوم ...
وبعد الصلاة ، وبركة دعاك
ماعـــــرفتى نـــوم ،
وشاى (اللبن)، نايم
على (منقد ) فحــــم ...
أصحى (أت) ، وقوم( ياسجم)
(الشاى ، اللقيمات ، المدرسه، كراس الرسم)
(أميه) ياست الأمم و(منورة)
مهمومه بى تحصيل علم
حلمـانه بـى حـال العيـال
يوم بكره، أبقوا بنات ، رجال
مهمومه ماليها العشـم
يا حليلك (أت) والدنيا عيد
والدمعة نازلة على الوحيد
وكبروا الصغار ، وحتى (السجم)
أصبح بعيد ...
فنان يداعب فى الوتر
رحال ,,, ومفتون بالسفر
أصبح غريب ، طول العمر
(لا ضاق حنان ، لا جاب خبر)
خلاك للهم والفقر ...
لا الشوق يجيبو
لا ريد أعيدو أرجعوا
من يوم أياديك ودعو،
وماشاف دموعك بدعو
خلاك هناك ، يا ستنا ....
يا (أم ) در، براك
(أمونه) ، وحدك ...
قلبك ، عليهو جناك .. دم
- نازف -
وجناك ، تقول حجرا أصم
قليبو ناشف ، وماهو عارف
بكرة( بتخدر بلادو) ،
والخير يعم ....
والدايرو كلو تشوفو عينو
لكن محال القالو أم
لكن محال القالو أم
|
Post: #3
Title: Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!!
Author: نهال الطيب
Date: 04-19-2007, 10:32 PM
Parent: #2
يا أمنا
يا (أم) در - أمان
يا (ستنا)،
ياجارية فى جوه الخلايا ودمنا
غيرك منو، البفرح، قبل نفرح،
وكت ننجح
غـيـرك منــو الـدمعاتــو تجــرى
تسابق الريح والمطر
لما نرجــع من سفــر
ولمن يواجهنا الخطر
يا حليلك (ات)، غيرك منو
الشايل همــومنا وكت نهم
لـو فـى الخيال، أو فـى حلم
ياسامقة ذى شجر النخيل ،
ثابت ومغروس من زمان
أحساسى بيك (أمونه) ،
يا أم (الحنان)
يتسامى، أسرح بى بعيد ..
فوق التعابير والشعر
عاجز، مكتفنى الحرف ...
ولو موية البحر العريض تصبح حبر
كلمــاتى فيك ما تســاوى يـوم ،
قـومتك فجــر
ذى البتتحدى النجوم ...
وبعد الصلاة ، وبركة دعاك
رائع حقا أستاذ تاج السر
املأ لينا الدنيا جمال
|
Post: #4
Title: Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!!
Author: صديق الموج
Date: 04-19-2007, 10:42 PM
Parent: #1
Quote: رحال ,,, ومفتون بالسفر
أصبح غريب ، طول العمر
(لا ضاق حنان ، لا جاب خبر)
خلاك للهم والفقر ...
لا الشوق يجيبو
لا ريد أعيدو أرجعوا
من يوم أياديك ودعو،
وماشاف دموعك بدعو
خلاك هناك ، يا ستنا ....
يا (أم ) در، براك
(أمونه) ، وحدك |
تاج السر يا اخوى مادام بتكتب الكلام السمح ده مالك ممحق حروفك فى الشكل
والبلاوى...تسلم وكتر خيرك على الاهداء،،،،،
|
Post: #5
Title: Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!!
Author: SAMIR IBRAHIM
Date: 04-20-2007, 01:06 AM
Parent: #4
(سيد الناس وكل الناس)
____________
بتستغرب ....؟؟
وتسأل عن سؤالنا عليك وتستعجب ؟
منو القال ليك ......
بلاك الدنيا ، تصبح دنيا ،
فى عينينا شايله جمالها من عينيك ؟
منو القال ليك ...
حروف كلماتنا تتعطر
وتلبس توبها تتمخطر
وتمشى هوينا تتبختر
تضم الحانها
بى حنيه تتوزن وتصبح غنيه
ترحل ليك؟
منو القال ليك
حلم طول وكان منيه
نشوفو الليله فى الواقع
وزى قمرا توهط فى السما السابع
وحاتك أنت يا رايع
جمال الدنيا فى عينيك
بتستغرب .... ؟
وتسأل عن سؤالنا عليك وتستعجب؟
وأنت هوانا والأنفاس
وأنت الطيبه والأيناس
وروعة رنة الأجراس ؟
منو الأداك عيون حلوات
وللحلوات بقت مقياس ؟
منو الأهداك جمال أحساس؟
بتستغرب وتستعجب
وأنت الناس وسيد الناس وكل الناس؟
________________________
تاج السر حسين
استاذ والله استاذ .... وابداع في ابداع ....
اخي الفاضل ابن امدرمان الحبيبه ...
القومه ليك وبث ....
|
Post: #6
Title: Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!!
Author: تاج السر حسن
Date: 04-20-2007, 03:56 AM
Parent: #5
شكرا نهال:
وهذه قصيدة أخرى نالت اعجاب البعض حينما القيتها فى منتدى ثقافى بمصر امه عدد من الكتاب والشعراء السودانيين والمصريين والعراقيين.
هل هى لحظة جنون أن يقرر رجل ما الزواج من اربع نساء ؟
ربما .. دعونا نرى !!!
_______________
(فى جنون لحظة قررت أن اتزوج اربع نساء فى يوم واحد)
الأولى:
(قوله بنت الحق)
الثانيه:
(عزه بنت الشرف السامق)
مثل شموخ النخل
الثالثه:
(أخت العدل)
الرابعه:
(نور العقل)
شقيقة
(شروق الشمس)
الحبلى بالأمل القادم
و(نضار الحقل) الظماءان
ينتظر الغيم الماطر
أعلم
أتى أبحث عن ذرة رمل
فى عتمة ليل حالك
فى صحراء (العتمور)
عليها بصمة أثر مخفى
أبحث عن (فتلة) خيط أخضر
فى كومة قش ، أو أكثر
فى قاع البحر
فى جوف المحار
أبحث عن لؤلؤة
عن أمرأة
لا يزعجها صمت (ألأنسان)
أو حزن الفنان
بل تصنع منه قبل (القهوة)
معنى سام
وتغزل (ثوب) قصيده ، جديده
وتقرأ (كف) الخاطر
تدرك حجم الهم
أن يرتاح خيال رؤاها
عند وسادة شاعر
يأرق صبر الليل
بطرف ساهر
أبحث عن أمرأة
لا تشبه كل نساء الأرض
الآ فى ذاك الحظ العاثر
أبحث عن أمرأة
تحرضنى كى أتزوج
ترمى يمين طلاق ، أن لم افعل
(مثنى وثلاث ورباع)
هى الأولى
والثانيه
و الثالثه
و الرابعه
كالغيمه أسافر منها اليها
كاذبه أمرأة ترضى (بربع) رجل
أبحث عن أنثى
كزوجة (زكريا) عقيم
لا تنجب ....
الا بدرا ونجوم
أمرأة سافره
كيوم الدين
لا تتحجب . . .
الا بثوب العفه
دوما تتعطر، وتعطرنى معها
بصدى الكلمات المنسيه
وحلم المدن الفاضله
من دولاب الحكمه
تستخرج
شمعه
فى الرف الأعلى
فوق( صوانى) الكرم الحاتمى
تضع (أوانى) الأيثار
لا تكنز ذهبا او فضه
وتجود بعفو الخاطر والموجود
لا لجهاد زائف
لا لعطاء يسئ (الممنوح)
زكاة أو صدقه
بل من أجل الطفل الجائع
فى (دارفور)
أو للأرض المحروقه عند (ميوم)
لا للمنحه
تجود بواجب وحق مهضوم
تصرخ
فى كل يوم
أوقفوا جيش التتر الظالم
من قال أن (القرده تكبر) ؟؟
تتوق ليوم قادم
تحت شجيرات (المانجو والباباى)
فى (توريت)
أ ن يلعب طفل
ويرجع سالم
لا ذئب لا حيه - تؤذيه
تتوق لحلم اكبر
أن تصبح (نمولى) (حلفا)
ولا تنسى (حلائب)
ذاك الجرح ،
(الفرض الغائب)
ذاك الفعل الخائب
أبحث عن أمراة تحلم
الا تطأطأ الأرض الطاهرة
(بحكم الطاعه)
قوات الأمم المتحده
الا يصبح (كوبر)
أبن (غريب)
أبحث عن أمرأة لا توجد
الا فى نبض الشعر
وحزن الشعر
وخيال الشاعر
|
Post: #8
Title: Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!!
Author: تاج السر حسن
Date: 04-20-2007, 09:44 AM
Parent: #5
سلمت يا سمير
يا ايها الرجل الطيب فى زمن القبح واللون الرمادى!!
|
Post: #7
Title: Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!!
Author: تاج السر حسن
Date: 04-20-2007, 04:10 AM
Parent: #4
يا صديق الموج
وانت الموج ما قادر تشوف المحار وتفتش جواهو اللألئ ، يعملو ليك شنو؟
ولو الموج أصر يكسر ويطلع يفوت القيف منو البقدر يوقفو غضبتو؟؟
شكرا على الأطراء، فالهلال لا يحبه الا الشعراء.
|
Post: #9
Title: Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!!
Author: هاشم أحمد خلف الله
Date: 04-20-2007, 12:48 PM
Parent: #7
Quote: (سيد الناس وكل الناس)
____________
بتستغرب ....؟؟
وتسأل عن سؤالنا عليك وتستعجب ؟
منو القال ليك ......
بلاك الدنيا ، تصبح دنيا ،
فى عينينا شايله جمالها من عينيك ؟
منو القال ليك ...
حروف كلماتنا تتعطر
وتلبس توبها تتمخطر
وتمشى هوينا تتبختر
تضم الحانها
بى حنيه تتوزن وتصبح غنيه
ترحل ليك؟
منو القال ليك
حلم طول وكان منيه
نشوفو الليله فى الواقع
وزى قمرا توهط فى السما السابع
وحاتك أنت يا رايع
جمال الدنيا فى عينيك
بتستغرب .... ؟
وتسأل عن سؤالنا عليك وتستعجب؟
وأنت هوانا والأنفاس
وأنت الطيبه والأيناس
وروعة رنة الأجراس ؟
منو الأداك عيون حلوات
وللحلوات بقت مقياس ؟
منو الأهداك جمال أحساس؟
بتستغرب وتستعجب
وأنت الناس وسيد الناس وكل الناس؟ |
تاج السر أنت إنسان رائع كروعة هذه القصيدة , تخيل من أعجابي الشديد بهذه القصيدة تخيلت نفسي
أنا كاتب كلماتها , أحسستها في دواخلي وتنفستها برئتاي , بالله واصل في كتابة الشعر وأنا ساقراء
لك بإستمرار .
|
Post: #10
Title: Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!!
Author: تاج السر حسن
Date: 04-28-2007, 02:35 AM
Parent: #9
لك الشكر هشام أحمد خلف الله.
تحية طيبة
_____________
"يا خساره"
يا خساره ..!!
حاول اتأمل حياتنا
وكيف حياتك من سنين
كنا وين والليله وين ...!!
كنا فى عيونا بنشيلك
وكنت أكتر من حنين
كنت وافى وما بتجافى
وكنت فى ريدك أمين
يا خساره ..!!
كنت أجمل أغنياتنا
وكنا أجمل اغنياتك
كنت تحلف بى حياتنا
وكنا نحلف بى حياتك
وكنت تعتز بى صلاتنا
وكنا نعتز بى صلاتك
يا خساره ..!!
ما بنلومك
ما الزمن غدار وجاير
والمصالح هى البتحكم
فى المصاير
والعلاقات الندية
فارقت دفء المشاعر
يا خساره .. !!
ويا حليلك
لما كنا فى يوم نجيك
و لما كنت تجينا زاير
كنا بى فرحك بنفرح
ويا ما جانا الخير بشاير
كنا نتنسم عبيرك
ونشتل الساحات أزاهر
وكنا فى عينيك بنسرح
وكل أول ليهو آخر!!
|
Post: #11
Title: Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!!
Author: تاج السر حسن
Date: 04-28-2007, 03:36 AM
Parent: #10
قصيدة للوطن:-
______________
آه يا وطن فوق الجميع
ومفروض تكون فوق الجميع
آه يابلد موجوع
ومانى شايف لك وجيع
لا قدرنا نبكيك بالدموع
وحتى الدموع أبت تطيع
ضاعت معالمك يا بلد
وبى وراك نحنا بنضيع
ما بين مشاتر فى نضالو
وبين عميل مدسوس وضيع
باعوك بى أبخس ثمن
والأشتراك عايز يبيع!!
. . .
آه با بلد "تقنت" تئن
لا زول عليك موجوع يحن
وآه من اللت والعجن
يوم فى الشمال
ويوم فى اليمين
ومقتول هواك قرب يجن
مسروق يا بلد جوه البلد
ونحنا البعاد جوه السجن !!
|
Post: #12
Title: Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!!
Author: تاج السر حسن
Date: 05-08-2007, 09:58 AM
Parent: #11
آه يا بلد فوق الجميع
ومفروض تكون فوق الجميع
|
|