فى مـعرض ردى على (إبراهيم بقال سِـراج)!!

إبراهيم بقال سراج ..!
كما يبدو من اسمك (سِـراج) يفترض ان تكون مصدر للضياء لا ان تصادق العتمة ...تدعى انك مناضل ومن صفات المنضال الحقيقي والنبيل معا عدم تعمد الإساءة اى كانت لأنها تنتقص من قدره وتخصم من رصيده ، وايضاً الجسارة يا بقال إن كان لك جسارة.
لا ادرى يا بقال ان كنت حاقداً ام لا على اهل الشمال لكن عدم حبك لهم يظهر جلياً واضحاً فى كل المواضيع التى تكتبها هنا والكل يشهد بذلك.

يتبع


وليد طه

كتب إبراهيم بقال سراج فى البوست خاصته (جعلي وشايقى)

Quote: والدنقلاوى لو داير تغشو؟ غشو ساى

هنا حقيقة اود الكتابة بالدارجى لما فى العربى من عناء

واصل الدروس للاصنج متابعين ..

بالله عليك؟!! طيب ما تديهو قروش وتغشو بدل ســــــاى كده على الاقل تقول انا صرفت على ناس الشمال ما تبقى غشيم ...لكن كدى قول لى رايك فى الدناقلة ده جبتو من وين من راسك ولا كراسك؟ ولا عملت إجتماع مع صحبانك ناس منعم وطلعتو بهذا الإكتشاف الخطير !!! وهل يا ترى انت لصيق بالدناقلة لهذا الحد حتى يكونو فى نظرك ساذجين!!
اها ان شاء الله اتغشى ليك الدنقلاوي ساى ما يكون كلفك حلاوة (حـربة) زى الحربة العندكم هناك اصلها قاعدة ســـاى بعد ما انت جيت الخرطوم ولا جبتها معاك؟
تعرف الزيك يا بقال عندنا فى ديار الدناقلة لو جانا بياكل ويشرب ســاى ولوكمان جا فى موسم قطع التمر برضو بنديهو سبيطة ســــــــــاى وياكل (قُراصة) بوخها طالع بدل (بنى كربو) وكمان التركين متوفر ما ليهو حد -وعلى فكرة طبعافيهو (يــــود)- ويشرب من الجدول الصافى ، وإكان المصاريف الرسلوها من بلد القروش جات وقضت غرضها وفاضت نركبو النيسان بعد ما يأكل ويملا بطنو الما بتتملى وكمان يشيل كيس (الزوادة) ســــــــــــاى ...بنعمل ده كلو ســـــــاى ما عشان غشّك لينا انت ومن لفّ لفك لكن بنعمل كده لأنو ربنا خلقنا كده وما حنكون غير كده (نعمــــة يعنى)...بس معليش واعذرنا الحاجة الوحيدة الما حنقدر نعملها ليك هى الشلوخ لانو دى هويتنا وانت غير اهل لها ... لكن ممكن تاكل وتشرب لحدى ما ربنا يسهل دربك .
ده كلو ســـــــــــــــاى لا قرش لا تعريفة،،،

شفت كيف؟

وليد طه

الحبيب وليد طه

Quote: ده كلو ســـــــــــــــاى لا قرش لا تعريفة،،،

انت ما سمعتي بالناس البتخش الكورة بي طرادة وبتنبذ بجنية!!!

محبتي

محمد علي المشرف مختار

مالى لا اراه ؟!!