معليش والله ما عايز أرهق الباندوث لكن عندي مشكلة بسيطة كنت بسمع الإذاعة السودانية [Sudan R1] في العرب سات أها بعد المطرة الأخيرة فقدت كل القنوات ولمن مشيت افتش ما لقيتها علماً بأني أدخلت التردد الذي بحوزتي (11747 - 27500) فارجو إذا فيكم زول يتعاطى العرب سات وشغالة عندو الآن أن يزودني بهاوعشان ما نرهق الباندوث ممكن ترسلوها لي عبر المسنجر
ملحوظة عندي في النايل سات [umdurman] لكن مشكلتها بتقطع يعني يكون بتكلم الشيخ محمد أحمد حسن في الدين تقطع لمن ترجع تسمع الرشيد بدوي قوووووووووووووووووووووووون
أها دي حالة دي؟؟؟
04-19-2007, 08:12 AM
Ashraf el-Halabi Ashraf el-Halabi
تاريخ التسجيل: 10-08-2006
مجموع المشاركات: 5508
تحيات كتيرات كمطر عمان الذي ( طفش) الاذاعة السودانية لديكم
من عندي ممكن افيدك شويات كدا اعمل اعادة بحث للقنوات من جديد
واذا استعصى عليكم الامر ، يمكنك الاتصال باقرب محل لضبط الرسيفرات واذا لم ينجح الهندي المدعي المعرفة وجاط ليك الشغلانية تكون بكدا قد تبقت لديك فرصة واحدة الا وهي حذف احدى الطبقين والذي يعني انه ما عندك حل غير تسمع الاذاعة في نايل سات يعني من محمد احمد حسن للرشيد بدوي عبيد ثم ما يطلبه المستعمون افادة شديدة مش كدا؟؟
مع تحياتي الكثيرة لنصفك الجميل اماني والبنيات
04-19-2007, 01:39 PM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
والله الزول الشين ده مش كان ودوه مسقط لازم يرجع مسقط راسو طبعا بكون داير يسمع نشرة تمانية ديك... بدر الدين بقى فيها اف ام واف ثرى........ انت لى هسع مع ناس توفى. الرسول ما تدوه التردد خلوهو يسمع حاجة فيها فائدة بعدين انت ما عربسات زاتك... شنو يعنى مناقزة دى جابوها جنب نمرة 3....
04-20-2007, 05:32 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
Quote: طبعا بكون داير يسمع نشرة تمانية ديك... بدر الدين بقى فيها اف ام واف ثرى........ انت لى هسع مع ناس توفى. الرسول ما تدوه التردد خلوهو يسمع حاجة فيها فائدة بعدين انت ما عربسات زاتك...
ههههههههههههههههههههه والله ضحكت ضحكت ضحكت ولو كان عندي رصيد كنت ضربت ليك لكن للأسف أخوك جاي من إجازة(مقشط)
04-20-2007, 01:17 PM
الفاتح يسن الفاتح يسن
تاريخ التسجيل: 06-07-2003
مجموع المشاركات: 1060
Quote: ملحوظة عندي في النايل سات [umdurman] لكن مشكلتها بتقطع يعني يكون بتكلم الشيخ محمد أحمد حسن في الدين تقطع لمن ترجع تسمع الرشيد بدوي قوووووووووووووووووووووووون
أها دي حالة دي؟؟؟
البدرى اخوى هى شن طعمها ام ضبان! بدل عرب سات ناسنا شوف ليك عرب استاند تقعد تصاقر لى ام ضبان دى البشير بحرو قايم تطير فيك شلوفة من شلاليفو السجوكية دى تقوم تقد ليك عينك تعولقك ! جنى
04-21-2007, 05:33 AM
Mutwali Malik Mutwali Malik
تاريخ التسجيل: 12-08-2005
مجموع المشاركات: 2720
بدر الدين شكيتك على اللانام ولا أكل الطعام – أوعك تسألني على منو لأنني بقول ليك ده واحد مساهر ومفلس وما لاقي حتى كرته في صحون المطاعم. يا أخي باندوث شنو أرهقو وأرهق حنانو زاتو ، وهو أصلو عملوهو لي شنو وإرهاقك راحه. يا أخي المنبر نور والبنبر بنبر ضنطدب. بعدين أنا طبعاً ما بفهم كتير في التكنولوجي ناس سات بس زمان كنت بسمع بي لعبه إسمها الفات الفات في ديلو سبعه لفات والجبه وقعت في البير ، أها دي كان بتجيب ليك الإرسال و بترجع ليك المحطه بسأل ليك فيها وبفتح ليك بيها بوست عديل عشان أرهق ليك الـ width و الـ length زاتو ، وطبعاً كتبت الكلمتين ديل بي لغة الفرنجة إستعداداً لدخولي إختبار الطبقة المستنيرة ومن يوم ما تقدمت لنيل عضوية هذه الطبقة يا بدر الدين كل يوم أمشي وأعاين لي العداد أشوف باقي لينا كم متر والتلاجه في البيت فصلتها من الكهربه وبقيت أجيب مويه من زير ناس حليمة جارتنا المشكلة يا بدر الدين أن أم الملا قالت عاوزه وشنج ماشين – ودي يوصلو ليها كهربه من وين. وإنت تعال بتسمع الرادي لي هسع مالك يا أخوي بقيت ما بتشوف تسمع ليك رادي في تلفزيون لكين أكيد يا أبو أواب تلفزيونك بيكون سانيو وأسود وأبيض وأربعة عشر بوصة وأريل داخلي والشاشه غشاشه وفيها شوية تراب من آخر كتاحه وفي رأس التلفزيون خاتي ليك زهرية بلاستيك الإصيص بتاعها – شفت الحنكشة دي كيف – ذهبي وبدأ يبهت لونه أها أكمل ولا أسكت. أنا غايتو ما عندي عرب سات ولا نايل سات لكين ممكن أسلفك طير حار ودي طبعاً نقلاً للعربية من hotbird أظنو يا أخوي عندو ورده feaver أو طش جا الخرطوم والله يا بدر الدين يا أخوي الأيام دي قربنا نصل مرحلة حراية القايله
04-21-2007, 06:30 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
شوف يا بدر الدين يا أخوي الحكاية ما بي مزاجك تنزل ليك بوست تخلينا نضحك من الضرس للضرس - على وزن رائعة نزار قباني من الشريان إلى الشريان - وتقوم تقول لينا سوري والباندودث ، وبالله عليك أخير تهدر الباندودث ولا تهدر دمنا . أنا غايتو بوست العندو عرب سات ده لو ما أعلقو ليك في أستار المنتدي ما أكون member في هذا المنتدي وأكون داخل guest وبدون welcome كمان
04-21-2007, 06:31 AM
abubakr abubakr
تاريخ التسجيل: 04-22-2002
مجموع المشاركات: 16044
حبيبى شنا تحياتى خبرتى ضعيفه فى ضبط الاطباق . لكن اذا لم تحل المشكله حتى الجمعه القادمه فسآتيك بدعم لوجستى من حلة عباس. احمد اخوى من اساطين ضبط الاطباق تحياتى
04-22-2007, 06:40 AM
almulaomar almulaomar
تاريخ التسجيل: 07-08-2002
مجموع المشاركات: 6485
بدر الدين لقيت الجملة دي شوفها كان بتنفع أعمل لي مسكول عشان أفتح ليك الكتاب أقصد الدكشنري وأشوف ليك معناها - إنت تعال منير البعلبكي ده أمو من مانشستر وأبوه من بعلبك ولا شنو ده ما في كلمة ما بتلقاها في القاموس المؤلفه - المورد -
arabsat frequency transponder أها شفت الإستنارة دي كيف يا بدر الدين يا أخوي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بدرالدين شنا
Ashraf el-Halabi
Soumeta
صديق الموج
الفاتح يسن
jini
Mutwali Malik
أبوذر بابكر
almulaomar
abubakr
منصور الطيب على
فيس بوك
تويتر
انستقرام
يوتيوب
بنتيريست