Post: #1
Title: ** حلول عملية لدعم الموقع **
Author: Ashraf Ibrahim
Date: 04-19-2007, 00:07 AM
يا اخوانا واخواتنا عشان نكون عمليين بخصوص دعم الموقع اقترح انو كل واحد مننا يحاول يكون مندوب تسويق لجلب اعلانات للموقع .
اذا اي واحد مننا في شركه كبيره ممكن يحاول مع ناسو عشان الاعلان في الموقع .
مثلا : تلي موني (TeleMoney) بتدفع دعايه ثقيله جداً والمسؤال عنها في الرياض شخص معروف جداً لبورداب الرياض (الاستاذ: عبدالمنعم عبدالعال) فممكن بزياره من بورداب الرياض نضيف اعلان لتلي موني في الموقع ، (يزور الموقع شهريا ما بين 5-6 مليون زائرا حاليا بمعدل 170 الف زيارة يومية 14.15 % منهم من السعودية) يعني الموضوع مقنع .
مجرد اقتراح واعقتد انو حنلقى ناس عندها اقتراحات احسن و الهدف واحد دعم الموقع ماديا بدون منٍ ولا أذى ولا SMC
ملاحظة:
- (يزور الموقع شهريا ما بين 5-6 مليون زائرا حاليا بمعدل 170 الف زيارة يومية)
- (الترتيب العالمي لسودانيز اون لاين دوت كم في الكسا -www.alexa.com - اليوم هو 4,813 وهو في تقدم مستمر و فى نزول و يعتبر اول موقع سودانى يدخل فى قائمة 5 الف موقع عالمى)
رايكم ...
|
Post: #2
Title: Re: ** حلول عملية لدعم الموقع **
Author: Tumadir
Date: 04-19-2007, 00:30 AM
Parent: #1
سألت عن اقتراحات ...
نكتب كتابة مسئولة ...(اذا تيسر) طبعا انا ما عندى لسان بقيت بغيب كتير..
الموقع يطالعه الملايين للنبكتب فيه
...أرجو أن يحاول الناس اقناع القراء بالحضور للموقع
يعنى الالتزام بأداب الصحافة والنشر
فى الادب والفن والسياسة كله من مجاميعه ...وللدردشة والشقاوة حدود ولياقة برضو ..
........
أنا غايتو حقى دفعتو ..زمااااان ... أظنى بكرى ده طالباه قروش لو راجعت حساباتى ..وفى ناس كتار طالبينو ...(ده غير حق المكتبة)...
حقيقة انا بدافع عن سودانيز اون لاين ..لانها بتجمع بين صفات ايجابية كتيرة من ضمنها التعدد والاحتلاف..
لكن لسه دايرة نار عشان طرق الاختلاف دى تنجض...,.وزى مابقولو النى للنار ..لسه فى بعضنا "بداوة" ..
Good luck
|
|