Post: #1
Title: ودعتكم الله...أنا وخالد عويس !!
Author: lana mahdi
Date: 04-18-2007, 07:15 AM
الأحباب الكرام
نتوجه بعد قليل الحبيب خالد عويس و أنا للقاهرة لحضور ورشة العمل التدريبية التي تنظمهاالمجموعة الدولية لمعالجة الأزمات
International Crisis Group - Conflict prevention and resolution
والجامعة الأمريكية بالقاهرة لوسائل الإعلام للمعنيين بتغطية أزمة دارفور.
محبة و تقدير
تخريمة على رأي رجاء:العنوان خلاكم تفتكرونا ماشين.. مش؟
تفاصيل الورشة هنا
http://www.sudaneseonline.com/ar/article_10526.shtml
Quote: ورشة عمل - “التغطية الإعلامية العربيّة لأزمة دارفور"
Apr 13, 2007, 14:16
سودانيزاونلاين.كوم Sudaneseonline.com
ارسل الموضوع لصديق
نسخة سهلة الطبع
“التغطية الإعلامية لأزمة دارفور”
ورشة عمل الصحفيين العرب بمنطقة الشرق الأوسط
الخميس 19 ابريل 2007
من التاسعة والنصف صباحاً حتى الساعة الرابعة عصراً
فندق انتركونتننال سميراميس - القاهرة
الأستاذ/الأستاذة
تحية طيبة وبعد:
يسر المجموعة الدولية لمعالجة الأزمات والجامعة الأمريكية بالقاهرة دعوتكم لحضور ورشة العمل التدريبية لوسائل الإعلام للمعنيين بتغطية أزمة دارفور أو الذين يخططون لهذه التغطية.
وتعد المجموعة الدولية لإدارة الأزمات، منظمة دولية مستقلة غير حكومية لا ربحية، كما أنّ خبرائها منتشرين في القارات الخمس و تعمل من خلال البحث الميداني القائم على التحليل وتقديم الدعم المتقدم للحيلولة دون نشوب الصراعات الدموية في شتى بقاع العالم.
أما الجامعة الأمريكية بالقاهرة، فهي مؤسسة تعليمية رائدة تأسست عام 1919، لتعزيز مفهوم التعليم الليبرالي. وتبدي الجامعة التزاماً واضحاً لترسيخ أسس التفاهم والحوار بين الثقافات والعقائد المتنوعة في مختلف مناطق العالم.
المحاور التي سيتم تغطيتها في ورشة العمل
• التحديات اللوجستية للعمل في دارفور (تأمين تأشيرة الدخول والتغلب على العقبات المتعلقة بها إلخ ....) وبعض التعقيدات السياسية المرتبطة بالنزاع في دارفور والتي غالباً لا يتم تسليط الضوء عليها في التقارير الإخبارية
• آخر مستجدات الأزمة الإنسانية في دارفور
• تغطية وسائل الإعلام العربية لأزمة دارفور
• تغطية وسائل الإعلام الغربية لأزمة دارفور
• الأزمة السياسية – الإعتبارات المحلية
وتهدف ورشة عمل الصحفيين العرب "التغطية الإعلامية لأزمة دارفور" إلى إتاحة الفرصة لوسائل الإعلام بمنطقة الشرق الأوسط لتبادل الخبرات وإستراتيجيات العمل الإعلامي واستنباط أفكار جديدة فيما يتعلق بأزمة دارفو%
|
Post: #2
Title: Re: ودعتكم الله...أنا وخالد عويس !!
Author: Adrob abubakr
Date: 04-18-2007, 07:36 AM
Parent: #1
الحبيبة لنا
مبروك ليكم الإثنين وأملنا فيكم كبير
ونتمي تغطية شاملة لقضية دارفور
ــــــــــــــــ
تخريمة على رأي رجاء:العنوان خلاكم تفتكرونا ماشين.. مش؟
!oui
|
Post: #4
Title: Re: ودعتكم الله...أنا وخالد عويس !!
Author: عبدالرحمن الحلاوي
Date: 04-18-2007, 08:30 AM
Parent: #2
الحبيبة لنا
مبروك لكما الاختيار وأملنا فيكم كبير
ونتمنى تغطية شاملة لقضية دارفور والديمقراطية في السودان
|
Post: #3
Title: Re: ودعتكم الله...أنا وخالد عويس !!
Author: الزوول
Date: 04-18-2007, 08:30 AM
Parent: #1
السلام عليكم
الأخت لنا
تحياتي وارجو لكما التوفيق
تخريمة:
| Quote: العنوان خلاكم تفتكرونا ماشين.. مش؟ |
الموضوع مش موضوع المشي
بس استغربت في الطريقة الجديدة المبتكرة للمشي
على وزن ( أنا وأخوي الكاشف)
........................
وما الناس إلا هالك وأبن هالك *** وذو نسب في الهالكين عريق
|
Post: #5
Title: Re: ودعتكم الله...أنا وخالد عويس !!
Author: Tabaldina
Date: 04-18-2007, 08:34 AM
Parent: #1
..
.
والله يا حبيبة
افتكرتك كمان بتتحدثى باسم خالد عويس
قربت اقول
حتى انت يا عويس ..
تمشى وتجى بالسلامة واهم حاجة ذكر الحقائق ..
_____________________
لو حصل آل البيت ديل يكون فكيهم جامد وريتنزيتهم خطيرة 
مخرج أخر :
يا أميرة وين الكونتاك نمبرس .. حتما ننتظر !!؟
|
Post: #6
Title: Re: ودعتكم الله...أنا وخالد عويس !!
Author: essam&amal
Date: 04-18-2007, 08:34 AM
Parent: #1
قطعتى قلبى والله يا لنا
بالتوفيق وتستاهلى كل الخير
سلامى لكل الاهل بالقاهرة وخاصة العباسيات ومعاهم امهم سلام كتيير ليهم
بالتوفيق خالد ولنا
لكما الحب
ام وضاح
|
Post: #7
Title: Re: ودعتكم الله...أنا وخالد عويس !!
Author: عبد المنعم ابراهيم الحاج
Date: 04-18-2007, 10:57 AM
Parent: #6
بالتوفيق ياشباب
في زول فنان حيكون معاكم قادم من السودان
ارجوا التعرف عليه..يا لنا وخالد
ياسر عبد الكريم عبد العزيز
|
Post: #9
Title: Re: ودعتكم الله...أنا وخالد عويس !!
Author: أبو ساندرا
Date: 04-18-2007, 11:07 AM
Parent: #1
طيارتكم دي مابتمر بالدوحة ؟
طيب ممكن تكليف :
تقومي تطبقي خالد عويس وتمشوا مكتبة مدبولي وتشتروا لي هدية محددة
رواية : عريان بين ذئاب للروائي الألماني برونو أبيتز
وممكن تشتري لي روحك وروح المعاك نفس الرواية وتعتبروها هدية مني
وبعد ما ترجعي بيتكم بالسلامة بخبرك كيف توصليها لي في الدوحة
|
Post: #10
Title: Re: ودعتكم الله...أنا وخالد عويس !!
Author: مريم بنت الحسين
Date: 04-18-2007, 11:14 AM
Parent: #1
والله قلت لنا دي ماشه في موضوع ال SMC ده .. واقنعت معاها خالد عويس..
تمشوا وتجوا بالسلامة.. وبختكم
بنت الحسين
|
Post: #11
Title: Re: ودعتكم الله...أنا وخالد عويس !!
Author: أبو ساندرا
Date: 04-18-2007, 11:26 AM
Parent: #1
فاتحة البوست ده مرتين يا لنا
عشان واحد ليك والتاني لعويس ؟
|
Post: #12
Title: Re: ودعتكم الله...أنا وخالد عويس !!
Author: Raja
Date: 04-18-2007, 04:30 PM
Parent: #1
الحبيبة لنا والحبيب خالد..
مرحبتين حبابكم.. ولو ما شلكتكمش الأرض نشيلكم فوق راسنا..
في إنتظارك.. سوري في إنتظاركما
الحبيبة أم وضاح.. سلامك وصل للحاجة قبل وصول لنًو..
وطبعا لينا يومين قاعدين متشوًقين وصولها..
سلمي لشيماء ووضاح..
حبي
|
Post: #13
Title: Re: ودعتكم الله...أنا وخالد عويس !!
Author: معتصم مصطفي الجبلابي
Date: 04-19-2007, 02:54 AM
Parent: #12
معاناة اهلنا امانة في رقبتكم
وتصحبكم السلامة
|
Post: #14
Title: Re: ودعتكم الله...أنا وخالد عويس !!
Author: kamalabas
Date: 04-19-2007, 02:56 AM
Parent: #1
رحلة موفقة
يا لنا
كمال
|
Post: #15
Title: Re: ودعتكم الله...أنا وخالد عويس !!
Author: doma
Date: 04-19-2007, 03:11 AM
Parent: #14
رافقتكم السلامه يا لنا وخالد وعودا حميدا
|
Post: #16
Title: Re: ودعتكم الله...أنا وخالد عويس !!
Author: Tragie Mustafa
Date: 04-19-2007, 03:43 AM
Parent: #15
غايتو يا لنا نقول شنو
تجي ولو متأخر افضل ممن ان لا تجيء
يعني هسه بعد الورشه دي يادوبكم احتمال تمشوا دارفور كان الله هون؟؟؟؟
غايتو كثر خير International Crisis Group
العايزين يعلموا الاخوة العرب
كيف يصلوا اخوتهم الدارفورين العرب!!!
( ماهم عربهم بزرقتهم مسحوبين عرب حسب تورطنا في عضوية الجامعه العربيه)
Quote: “التغطية الإعلامية لأزمة دارفور”
ورشة عمل الصحفيين العرب بمنطقة الشرق الأوسط |
وكثر خير الخواجات الجاين يعلموا العربان....
Quote: • التحديات اللوجستية للعمل في دارفور (تأمين تأشيرة الدخول والتغلب على العقبات المتعلقة بها إلخ ....) وبعض التعقيدات السياسية المرتبطة بالنزاع في دارفور والتي غالباً لا يتم تسليط الضوء عليها في التقارير الإخبارية
• آخر مستجدات الأزمة الإنسانية في دارفور
• تغطية وسائل الإعلام العربية لأزمة دارفور
• تغطية وسائل الإعلام الغربية لأزمة دارفور
• الأزمة السياسية – الإعتبارات المحلية |
مواضيع كلها شيقه
بس تعالوا اعكسوها لينا بامانه زي ما سمعتوها عندهم
وخلوا الثوم و الشمار لناس ثانين انتو هنا عايزنكم محايدين.
موفقين بأذن الله
ويا لنا لازم تتعرفي بآمنه مختار وكمان انت يا خالد عويس...
|
Post: #17
Title: Re: ودعتكم الله...أنا وخالد عويس !!
Author: عماد محمود علي
Date: 04-19-2007, 07:31 AM
Parent: #16
الاخت الكريمة لنا مهدي
تحية تقدير واحترام
تمشوا وتجوا بالسلامة إن شاء الله ، وتصحبكم رعاية الرحمن ويتعدل طريقكم وتجونا بالثمر والتغطية الكاملة لهذه المناسبة .
| Quote: العنوان خلاكم تفتكرونا ماشين.. مش؟ |
هسه أنا إنبسطت جنس إنبساط قلت خلاص إرتحنا منهم الاثنين .  أتاريكم راجعين تاني . غايتو عليك جنس حركات يا لنا وقفتي قلبنا ساكت وعملتي لينا وجع راس .. هسه كده جيبي بتاع البندول . التحية لك وله وعوداً حميداً إن شاء الله . تحياتي ....
|
Post: #18
Title: Re: ودعتكم الله...أنا وخالد عويس !!
Author: سيف الدين حسن العوض
Date: 04-19-2007, 07:48 AM
Parent: #16
ان شاء الله رحلة علمية موفقة يا لنا
وتعطية اعلامية ناجحة مستقبلا ياخالد عويس
وعودا حميدا
ان شاء الله
تحياتنا للحبايب جميعا في قاهرة المعز
|
Post: #19
Title: Re: ودعتكم الله...أنا وخالد عويس !!
Author: Tabaldina
Date: 04-19-2007, 07:51 AM
Parent: #16
..
.
| Quote: تجي ولو متأخر افضل ممن ان لا تجيء |
| Quote: يعني هسه بعد الورشه دي يادوبكم احتمال تمشوا دارفور كان الله هون؟؟؟؟ |
Quote: غايتو كثر خير International Crisis Group
العايزين يعلموا الاخوة العرب
كيف يصلوا اخوتهم الدارفورين العرب!!! |
Quote: بس تعالوا اعكسوها لينا بامانه زي ما سمعتوها عندهم
وخلوا الثوم و الشمار لناس ثانين انتو هنا عايزنكم محايدين |
والله يا تراجى الواحد يادوب بقي يقراك صااح
حسي كلامك الدراب دا لزومو شنو !!
يعنى لازم تعملى شو !! والعرب والفور
وانتو نايمين وورشتكم جات متأخرة وما مشيتو دارفور ..
تلميحات وجمل استفزازية مبالغة !!!؟؟
والله تحيرى انت
___________________________
| Quote: ويا لنا لازم تتعرفي بآمنه مختار وكمان انت يا خالد عويس... |
مسكينة امونة لو تابعتك
لا تلقى عنب الشام ولا تمر اليمن
خليها تجينا راحعة .. على الاقل بنطمئن عليها
|
Post: #20
Title: Re: ودعتكم الله...أنا وخالد عويس !!
Author: adil amin
Date: 04-19-2007, 09:01 AM
Parent: #1
العزيزة لنا
تحية طيبة
عيني باردة وماني حاسد والله يعلم بالمقاصد
مشكلة دارفور دي سببا(وعي السودان القديم)و حزب الامة وما بدت سنة 2003
وهسه ندوتكم دي لو ما فيها دكتور محمد سليمان وكتابه الشهير السودان حروب الموارد والهوية....حتكون ترف فكري ساكت
من السهل التحدث عن مشاكل الناس لكن من الصعب حلها
وهسه قصة دارفور دي بقت ذى خطوبة سهير(مسلسل سوداني اذاعي قديم) وكمان في نكتة كده عند ناس بربر قالو لما الكهرباء كانت جديدة لمن يجيهم ضيف يقولو ليه(نجيب ليك حاجة باردة ولى نولع ليك النور)
وهسه اي زول يزور السودان من عرب وعجم..عند ناس بنو تغلب في الخرطوم المترفين يسالو نجيب ليك حاجة باردة ولى نوديك دارفور. وبعد داك يملو جيبو قروش عشان يجمل الشمطاء عبر المديا الاعلامية العالمية والمحلية .بقت سياحة سياسية غاية في البشاعة والابتزال وفضيحة ايضا..شارك فيها (المؤتمر الوطني) ومن يناؤنه من رموز السودان القديم وبعض حركات دارفور..ودفع ثمنها المواطن المسكين...
ولى احسن يقصرو المشوار ويزورو نازحين دارفور في سكن جبرونا العشوائي في هوامش ام درمان( عرفناه من العربية الفضائية) والانسان المبدع مراسل العربية سعدالدين
...........
اها يا لنا
نجيب ليك حاجة باردة ولى نزورك جبرونا
والنصحية ليك اشتري كتاب سقوط الاقنعة من القاهرة...عشان نتحاور معاك في سباق المسافات الطويلة المرحلة القادمة
|
|
|