من حق بكري ان يعلن في الموقع حقه للجهة العاوزها

بكري ابو بكر لمن عمل الموقع دا مافي واحد فيكم جا دقا معاهو طوبة الصباح ؟
استمر الموقع والذي انشئ في الاصل للربح المادي في العمل طيلة السنوات السابقة بجهد بكري الخالص
يعني بالعربي بكري من البداية رافض فكرة الدعم المادي رغم انها اقترحت عليه اكتر من مرة
لانه هو الوحيد البمتلك الموقع الانتو ضيوف فيهو بدون اي حقوق ملكية لذا من حقه انه يقبل العايزه
الموقع دا اتحمل الاعلان لجمعية اسرائيلية اتحمل سب الرسول وحتي الذات العليا لم تسلم منا لبعض
ما سمعنا منكم يوم احتجاج ولا قرارات بالانسحاب بل حتي ان البعض كان يدعم بعض هذه المواقف
بعدين دا يزنس حق الراجل يكسب من الجهة الهو عايزها يا اخوانا حصل بكري يوم رسل لي واحد فيكم انه عشان شغال في المكان الفلاني ولا بتعاون مع الجهة الفلانية حيتم ايقافه؟
اول يوم اشوف لي ضيوف عينهم قوية ؟؟
زي الواحد مشي لي زول ضيف وقال ليهو علي الطلاق يا تبني الاوضتين خلف خلاف ولا تكسر الصالون دا ولا احرق ليك بيتك دا؟
منو انتو يا ورعان؟؟

ومن حق اي وطني كاره للكيزان وعمايلهم وامنهم وعفنهم وسجمهم
ان يذهب من هنا فورا ما دام جابت ليها اعلانات لاجهزة الامن

Quote: ضيوف عينهم قوية

>

لسنا ضيوفاً عند أحد ، بل نحن شركاء (أساسيين) بما
نسهم به هنا من حوارات ، ونقاشات نرجو أن تصبّ فى
مصلحة الوطن ، لا مصلحة معذِّبى أبناء هذا الوطن ،
ولأن الموقع ليس بقالة ،أو حافلة ، أو أىٍّ من
(الإستثمارات) العادية ، بل هو إستثمارٌ فكرى
وثقافى ، فإن رأى بكرى رأيك أخى أساسى ، فما
أسهل الخروج من هنا ، بقناعاتنا، وكرامتنا ,
وشرفنا ، ولندع لمالك الموقع مِلكْاً لا ينطق عن
باطلٍ ، ولا حقٍ ، لأنه سيكون أخرساً عندها ، و
سيكون قاعاً صفصفاً .

دمت أخى أساسى

Quote: ومن حق اي وطني كاره للكيزان وعمايلهم وامنهم وعفنهم وسجمهم ان يذهب من هنا فورا ما دام جابت ليها اعلانات لاجهزة الامن

ايوة من حقو لانه بكري ما حنس زول يجي يكتب ليهو في منبرو

Quote: لسنا ضيوفاً عند أحد ، بل نحن شركاء (أساسيين) بما نسهم به هنا من حوارات ، ونقاشات نرجو أن تصبّ فى مصلحة الوطن ، لا مصلحة معذِّبى أبناء هذا الوطن ، ولأن الموقع ليس بقالة ،أو حافلة ، أو أىٍّ من (الإستثمارات) العادية ، بل هو إستثمارٌ فكرى وثقافى ، فإن رأى بكرى رأيك أخى أساسى ، فما أسهل الخروج من هنا ، بقناعاتنا، وكرامتنا , وشرفنا ، ولندع لمالك الموقع مِلكْاً لا ينطق عن باطلٍ ، ولا حقٍ ، لأنه سيكون أخرساً عندها ، و سيكون قاعاً صفصفاً . دمت أخى أساسى

تسلم اخي عبد الله شمس الدين
الحقيقة الموقع دا ما منبر حوار فقط دا موقع متكامل فيهو عدة روابط منها الموسيقي والتعارف وغرف الدردشة والمنبر الحر والاخبار
المنبر الحر ما هو سودانيز اون لاين كلها بل مجرد قسم فيها قد يكون المنبر اخد شهرته من المنبر الحر ولكن يظل المنبر الحر محض رابط اخر يعمل في الموقع الذي يحس ان كرامته اهينت لما اعلن عن ذلك المركز الصحفي فليغادر ولكن لا يجبر بكري ان يسير حسب هواه او حسب ما يريد هو
في النهاية هو محض كاتب اخر في الموقع

اساسى السلام.....انتبه لما تقول!!!
هل يحق لجارك ان يؤجر منزله لعاهرات
باعتبار ان المنزل ملكه وحده؟
او ان يحيله الى ماخور؟
عشمنا فى بكرى كبير ان يستجيب لنبض ثلاثون مليون تضرروا من هكذا ابواق..
بكرى انا لك من الناصحون،،،

SMC الى الجحيم

من حقك يا مصطفي شوقار تعبر عن رؤاك زي ما بتشوفها

Quote: ساسى السلام.....انتبه لما تقول!!! هل يحق لجارك ان يؤجر منزله لعاهرات باعتبار ان المنزل ملكه وحده؟ او ان يحيله الى ماخور؟ عشمنا فى بكرى كبير ان يستجيب لنبض ثلاثون مليون تضرروا من هكذا ابواق.. بكرى انا لك من الناصحون،،،

هل مقياس العهر بيختلف يا صديق
مثلا انا شايف طه الهام الشيوعي دا اكبر عاهرة مرت علي المنابر وشايف انه عيب انا اكتب معاهو في منبر
لكن ما شكيت ولا بكيت لي بكري ولا طالبته باقصاحه لانه بعتبر انه طرحي بعبر عني وهو عنده نفس المساحة يعبر عن نفسه
بعدين المشكلة ما في انه بيت الجيران يتاجر لي منزل عهر
دا ما مثال مناسب للموقف
المناسب انك تجي لي واحد تطلع ساكنه معاهو قريبته عاهر فاذا ما عجبك تبقي دي مشكلتك انت ما مشكلته هو

اساسي الدلاهة

اساسي الدلوكة

نعترض بشدة علي بكري ابوبكر في يعلن لهذه المؤسسة المشبوهة
ونعترض بشدة علي لغتك المتعالية السخيفة
التي تتضمن الموافقة علي الاعلان


طه جعفر الخليفة طه

لا يا اساسي لقد صنعنا معه هذه الامجاد

واصدقائه القدامى من سودان نت يعرفون كيف دعاهم للكتابه هنا

وشيدوا معه هذا المنبر طوبه طوبه,وانت الما عارف حاجه.





بعيد عن هذا الموضوع:


كل يغني لليلاه

Quote: الموقع دا اتحمل الاعلان لجمعية اسرائيلية

يا اساسي
حقو تبقى راجل وتغادر السعوديه دي لانها اولا بلد ستطبع.
ويا استاذ اوع تكون عامل غبي وعمل ما عارف قناة العربيه ليه سعت للاستضافة حضرتنا.

قناة العربيه قناة سعوديه و السعوديه ارادت من خلال استضافتي ان تقدم نموذج لشعبها

عن التطبيع الاختياري بناء على النضج و التجار المختلفه.

الفيلم كان وين؟؟؟؟؟

كان في انه انا لم ارغب في الترويج لجمعيتي هناك لعدة اسباب منها:

1)اولا هي شأن سوداني بحت وليس من حق احد غير سوداني تناولها.

2) ضوروة انتهاز الفرصه في استضافة قناة عربيه لنقد امور مزمنه

في مجتمعاتنا مرتكبه من قبل الاخوة العرب واعلامهم الغريب و العنصري.

3)تسليط الضؤ على قضية دارفور وتوضيح قصور الاعلام العربي.

لذا لم اهتم كثيرا بتسويق فكرة الجمعيه,وارجو ان تفهم دوافع السوديه

وخليك من الحيطه القصيره منبر بكري عندك احتجاج ناقشه من قناة العربيه.

تراجي.

الدباب والانغاذي اساسي:

الموضوع ما من هو المالك، واذا لابد، فنحن صناع هذا الفضاء وليس بكري مالك ماملك.

نحن هنا بالتحديد تعني الرافضين للنظام تحديدا ولا تشمل امثالك قط.

امثالك لايملكو الا ان يدمرو ما وطات اقدامهم، وكفاية بلدنا كمثال، الولعت بفضل اسلامكم يامجرمي الحرب في اركانا الاربعة.

الي الجحيم فليذهب امثالك ونظامهم، وسيبقي هذا الفضاء ماهو بفضلنا وليس بفضل امثالك من اذناب مجرمي الحرب او برضو رساليين.

سودانيزونلاين بداية النهاية!!!!!!!

مايسمى بالمركز السودانى للخدمات الصحفية(SMC) من ارشيف الميدان

Quote: أضبط اسموه (المركز السوداني للخدمات الصحفية) ويرمز له بالانجليزية بـ(smc) كتابة عن الجملة الانجليزية (Sudanese Media Center) . وهو ذراع أمني مكشوف ومفضوح، تأسس في ديسمبر 2002 ويهدف لفبركة الأخبار والمعلومات الأمنية، وتمريرها على الصحف ووكالات الأنباء، باعطائها طابعاً صحفياً، ولاظهارها كأنها أخبار مستقلة وحقيقية. وقد بدأ بالفعل تزويد الصحف المحلية بالأخبار والمعلومات الأمنية ولكن – يوم بعد يوم – بدأ ينكشف لأهل الإعلام والصحافة هدف هذا المركز المشبوه وهويته، لأن (الطبع – دائما – يغلب التطبع). وللمزيد من "التمويه" ومحاولات ذر الرماد على العيون، واللعب على الدقون، استطاع المركز ان يحصل على موافقة بعض الأسماء المرموقة، ممن لا يشك الناس في نزاهتها ووطنيتها ومهنيتها، بوضع اسمائهم وموافقتهم على الانضمام لهذا المركز – تحت دعوى انه "مركز ذا شخصية معنوية" ومنحوا عضوية "مجلس استشاري للتخطيط والتوجيه العام" .. وللأسف فقد مرت الخدعة على نفر مرموقين من أهل الخبرة والدراية في الإعلام والصحافة والعمل العام. ولكن – وحتماً – لن تمر الخدعة التائبة في الأخبار والمعلومات التي يحاول هذا المركز الأمني تمريرها على الرأي العام المحلي والاجنبي. ولأن اهل الإنقاذ – كعادتهم – مقلدون، وسارقوا جهود الآخرين، وقطاع طريق، فقد سرقوا الفكرة وحتى الأسم Sudan Media Center (smc) (سودان ميديا سنتر) من مؤسسة صحفية، انشئت للعمل في الميديا في جنوب السودان وشماله بعد التوقيع النهائي على اتفاقية السلام ، في الفترة الانتقالية، ومن بين ألمع اسماء اعضاء مجلس ادارتها الأب كلمنت جندا ود. منصور خالد وأنيم ياك أتيم. الميدان العدد 1981 مايو 2003

الصاوي من حقك تفضح المركز دا وتبين للاخرين دوره وهذا عمل جليل

لكن من حق بكري ايضا يقيم افكاره بنفسه ويختار ما يناسبه لا ان يفرض عليه ان يختار ما يناسبكم انتم؟

طه الهام
وتراجي
وبشاشا
وسام
انا وصلت لي قناعة انه ما ادخل حوار ما لم اكون مدي نفسي الفرصة الكافية انه اقتنع بي وجهة نظر الطرف الاخر زي ما بحاول اقنعه بي وجهة نظري
عندي قناعة كافية انه ما مستعد اتقبل الانتو بتطرحهو ومؤمنين بيهو وبالمقابل اري نفس الشعور دا عندكم في انكم ما مستعدين تتقبلوا وجهة نظري لاننا علي طرف نقيض عشان كدا انا حواركم ما مشتريهو بي تعريفة يعني مافي ليهو داعي التداخل مع بعض اصلا لانه مافي طريق واحد ممكن نتبعه ليوصلنا لنتيجة نؤمن بيها الاتنين فعشان كدا ما عندي ليكم سوى شكرا لمروركم

؟

Quote: واصدقائه القدامى من سودان نت يعرفون كيف دعاهم للكتابه هنا وشيدوا معه هذا المنبر طوبه طوبه,وانت الما عارف حاجه.

يا تراجي انت الما عارفة حاجة
المنبر دا اساسي الكان رومانسي دا ود عزة والصادق
و تغريد هم الشالو ليل نهار يفكو خرطمية
بوست
لما جيتو انتو لقيتو سااااااااقط
قعدتو

بعداك بقو عايزين يطردو الناس البنوه من العدم..

هشام هباني لا تستغرب

من حق بكري يدير تجارته علي هواه ..انت في التاكسي الذي تترزق منه وعيالك لا تمانع في ان يركب معك وكما قلت بلسانك (كديانة) اي شاذ تترزق من ماله تطعمه عيالك تنشر هذا فخورا في المنتدي يركب معك المومسات في نفس التاكسي لا تتحرج ولا تري في هذا عيبا يدفعن لكن من اموال بغيهن تستلم تلك الاموال ولا احد يتحدث معك فانت حر في ادارة رزقك وهو حق مكفول لك ما لم يكن سحتا او مالا حراما فهذا جهد انت بذلته جنيت من ورائه ربحا
بالمقابل من حق بكري ان يعلن لمن يشاء في موقعه الذي انشأه للربح وهو لا يخفي هذا الامر .. وبالمقابل ليس من حقك التدخل في ادارة بكري لشئونه ولكن لديك كل الحق في تعرية المركز المشبوه وفضحه مستخدما نفس موقع بكري ان تكتب كل رأس ثانية بوستا يفضح الموقع لن يسألك احدا ان تقاطع كتابات المركز المنشورة هنا هذا من حقك
هذه الحرية التي اعرفها انا اما اقصاء الاخر فهو تقليد اعمي للكيزان

تعرفي يا بيان تراجي وتوابعها بالنسبة لي حوارهم مثل الاغتراب في ليبيا واليمن ليس اكثر من ضياع للزمن

احفظي وقتك في ما يفيد قرائك محاورات تراجي وبشاشا لا توصل لنتائج سوي المزيد من اضاعة الجهد والزمن

Quote: تعرفي يا بيان تراجي وتوابعها بالنسبة لي حوارهم مثل الاغتراب في ليبيا واليمن ليس اكثر من ضياع للزمن

ياولد البنت دى زادت يراعك عدلا و فكرا ووعيا وابداعا..فعلا هنالك اناس نقاشاتهم لا تزيد المريد نفعا ولا تقدما....وانا بتحدى من اليوم وادعو من خالص قلبى ان يزاح عننا كابوس الانقاز رقم انف اساسى المويد لها,ولكن بابو اساسية ستجد معارضى الكى بورد يفضلون المنافى على حكومتهم الديمقراطية,واحد فقط ارى فيه امل الرجعة فى نقاشه هوابن عمنا الهبانى

وبعدين بكرى زى انا ومن لف لفى لا ارى فى محمد حامد ضرر بل افادنى ببعض لمحاته وحسه الادبى
وهو مادة من مواد البورد اعرف منه وانكر , وحين كان يكتب فى توقيعه بيت الشعر الادبى التراثى ( تور بقر الجواميس ) وجد فيه ادباء البورد ضالتهم مثل محسن خالد وخدر واخرون فاثرو ساحة الحوار ادبا وابداعا
لزا لم يجد بكرى غضاضة فى للاعلان لمركزه الاجرامى فى نظر المتظاهرين وحاجة عادية فى نظرى انا وومن لف لفى وحاجة مفبركة او اخترق فى نظر ود جمعة
انا بسال و كل الاعضاء قادرون لمازا فضل مالك البورد ملكيته الشخصيه للموقع ولم يدخل القوم فى شراكة علنية ؟؟؟
لان جميع الاعضاء وبقولها بملء الفم ضل ضحى بصفتى كنت مدير موقع مقفول لمنطقة وقد اقف بسبب عكننات بعض الاعضاء بصفتهم مشاركون ودافعون , وانا بعرف كثير من المنديات اوقفت بسبب تدخل الاعضاء دا عاوزنو ودا ما عاوزنو.. محمد حامد مثله مثل الاعضاء المشاكسون معارضة
سبب شهرة سودانيز الملكية الفردية مع حيادية صاحبها,
هب ان الانقاز انزاحت بكرة مازا فاعلون بالقوم,,,,,,
انظر الى نميرى يتضرع داخل الخرطوم ويشارك فى البكيات والاعراس وابناء شهدا الشيوعين قد بغلو من العمر ما يوهلهم للاخز بثار ابائهم ,لم يتحرك احد..

والله يا ابو قوتة انت جبت التايهة وقلت المفيد دا البنحاول نوصله للعالم من البداية

..
.
المشكلة يا صديقي هم ما حاسين بالموقف الخاتين فيهو
بكرى بازاله الاعلان ..


___________________

ربنا يعينك يا بكرى انت لامه مصايب
والايدو فى الموية ما زى الايدو فى النار