Post: #1
Title: سؤال برئ- لماذا نحن خارج السودان
Author: Mutwali Malik
Date: 04-15-2007, 03:12 PM
Parent: #0
اقصد بهذا السؤال فتح الحوار حول المقارنة بين من يعيشون في داخل السودان ومن يعيشون خارجه
فياناس الداخل اادونا خبركم وياناس الخارج ادونا فكركم
لي عودة
|
Post: #2
Title: Re: سؤال برئ- لماذا نحن خارج السودان
Author: bayan
Date: 04-15-2007, 04:40 PM
لتحسين الوضع الاقتصادي والعمل في مكان ارحب يقدم لك
امكانات تطوير نفسك...
مع المودة لك
|
Post: #3
Title: Re: سؤال برئ- لماذا نحن خارج السودان
Author: ombadda
Date: 04-15-2007, 07:05 PM
السودان يبنوه بنوه
لذلك بقينا وسنبقى رغم كل شىء
|
Post: #4
Title: Re: سؤال برئ- لماذا نحن خارج السودان
Author: Mutwali Malik
Date: 04-17-2007, 05:33 AM
Parent: #3
لك كل الشكر دكتورة بيان
وفعلا الواحد بيتفق معاك لكن هل هناك حل من اجل اخذ هذه الخبرات وترجمتها الي الواقع في داخل البلد مع العلم انو البلد اصبح بها من الاجانب ومن كل الجنسيات مالاتصدقه الا عندما تشاهدهم بنفسك
الاخ ombadda
اتفق معك جملة وتفصيلا وازيدك من الشعر بيت
وللاوطان في دم كل حر يدا سلفت ودين مستحق
|
Post: #5
Title: Re: سؤال برئ- لماذا نحن خارج السودان
Author: Kamal Mahjoob
Date: 04-17-2007, 12:05 PM
يا متولي يا ولدي مذكرنا بالواقع ليه ... مما ولدونا ونحن نستعد للرحيل
فقد : يراك الصبح في حلب ويراك الليل في عدن
ويك لا تجزع لنازلة ما لطير الجو من وطن
(غصبا عننا يا متولي )
|
Post: #6
Title: Re: سؤال برئ- لماذا نحن خارج السودان
Author: Mutwali Malik
Date: 04-19-2007, 06:17 AM
Parent: #5
| Quote: يا متولي يا ولدي مذكرنا بالواقع ليه ... مما ولدونا ونحن نستعد للرحيل |
سؤال برئ تاني من هو مخترع الغربة الله يجازيهو
حملنا امتعتنا قرابة العشرين عاما نحط الرحال مرة في بلاد العرب ومرة في بلاد العجم ولاندري مايخبئه القدر ولكن هنالك اسئلة مشروعة متي تنتهي هذه الدوامة
نسافر في زمن ماشي وزمن جاي وزمن لسه
نسال الله ان يرد غربتنا
|
Post: #7
Title: R
Author: nazar hussien
Date: 04-19-2007, 07:20 AM
Parent: #6
e: سؤال برئ- لماذا نحن خارج السودان?
لأن السودان ذاته خارج السودان
|
Post: #16
Title: Re: R
Author: Mutwali Malik
Date: 04-21-2007, 05:41 AM
Parent: #7
اخي nazar hussien
مرة سالت اخي الاكبر السودانيين تلقاهم في اي مكان في هذه الدنيا فرد لي المكان الوحيد الان مافيهو سودانيين هو السودان
|
Post: #8
Title: Re: سؤال برئ- لماذا نحن خارج السودان
Author: Tabaldina
Date: 04-19-2007, 01:12 PM
..
.
لانكم عايزين كدا !!
وطن الجدود نعم الوطن
خيراتو كم يتدفقن ..
على العموم نحن فى احسن حال
نحمد الله ونشكره على كل حال ..
معززين ..مكرمين ..
قد نبيت القوى
وقد نبيت بعد عشاء فاخر
خضنا تجربة (خارج السودان ) لاجل العلم
خضناها مرة اخرى لاجل المال .. نعمل ونكد ونجتهد لتعمير اوطان الاخرين ..
مقهورون فى تلك البلاد البلاد ..ومحترمون فى اخر ..
عدنا فى زمن صعب .. ومعاناة اصعب ..
ولكن رغم الرغم .. قانعون .. شاكرون .. حامدون
السودان هذا هو السوادن !!
يعبره النيل من اعلاه لادناه ونعانى من العطش
اراضى زراعية واسعة وامطار هاطله وجوع وفقر
اراضى شاسعة وعقارات باهظة وسكن معدوم
شتاء وليل بارد ونهار وصيف حار
بلاد الفناها على كل حاله *** وقد يؤلف الشئ الذى ليس بالحسن
وتستــعذب الارض التى لا هوا بها *** ولا ماؤها عذب ولكنها وطن
السودان لم تمر به حكومة حادبة لمصلحة الشعب ..
السودان مرت عليه حكومة ديمقراطية .. لم تضع دستوراً يسير البلاد
السودان مرت عليه حكومات - العسكر - تصف نفسها بالوطنية وليست كذلك
السودان - الان - تحكمه بعض الصفوة اللاوطنيون
وجدوا مساحة اكبر بعد ( هروب ) الكثيرون
السودان عقول هاجرت ولم تحدب لتقديم القليل - الا من رحم ربي -
السودان ابنائه يغتالون بعضهم البعض .. فى كل مكان
السودان اجياله تفتقر للتربية الوطنية والحس القومى
السودان يحتاج منا للكثير .. ومنكم .. ومنهم
الدكتورة تقول - هم خارج السوادن - لتحسين الوضع الاقتصادى وتطوير النفس
وبمعرفتى للدكتورة من 7 سنوات واكثر بلاشك انها حسنت وضعها
وطورت نفسها وان لم تفعل - واخرون - فالعودة افضل ..
قليلون من عادوا بعد ان فعلوا ما قالت ..ورحب بهم السودان الصدر بصدر رحب
لكفاءتهم .. لشهاداتهم .. لمالهم .. لبلادهم .. لاسرهم ..
وجدوا ما افتقدوا ..رغم ما يحتويه من وسطات .. وعلاقات .. ونعرات عنصرية
يبذلون جهدم لتحسين القليل
يناضلون ولو - بقلوبهم - من داخل السودان
يتحملون مساوئ بلادهم ويسعون لاصلاحها
وسعيدون بمحاسن تواجدهم ..
بلادى وان جارت على عزيزة *** واهلى وان ضنو على كرام
انتم خارج السودان بإرادتكم
ونحن داخله بإرادتنا ..
هناك تحديات .. وهموم .. ومشاكل
ولكن بالخارج اكثر مما بالداخل ..
السودان رغم تدهوره الاخلاقي والاقتصادى ..التعليمي سيظل
هو السودان
يحتاج لابنائه .. لعلمائه .. لساسته ..
حنبنيهو البنحلم بيهو يوماتى
وطن شامخ وطن عاتى
وطن خير ديمقراطى
ما بنبنيهو فرادى
ولا بالضجة فى الرادى
ولا بالخطب الحماسية
ويظل السؤال كيف ذلك .. !!؟ وانت فى الخارج
حيث الفصول الاربعة ..
الحياة السهلة .. والرغدة ..
والمدن الجليدية الحديدية
رغم انكم تطورت علمياً ومادياً ..
ولكن تعلمتم طيب العيش وسهولة الحياة
وصعب ان تعودوا لتكافحوا .. وتناضلوا
فتقفون من البعد .. وتكتبون من البعد .. وتقاتلون من البعد
حتما تظلون هناك وانتم تنادون بتغير الاوضاع السياسية والاقتصادية
تتحسرون على التدهور الخدمى والتعليمى والانحراف التربوى ..
______________________
لا تحلموا بسودان سعيد وانتم تغطون - خارجه - فى سبات عميق !!
|
Post: #9
Title: Re: سؤال برئ- لماذا نحن خارج السودان
Author: bayan
Date: 04-19-2007, 01:22 PM
Parent: #8
| Quote: وطورت نفسها وان لم تفعل - واخرون - فالعودة افضل |
يا تبلدينا
ترسل ليك شهاداتنا لو لقيت لي وظيفة في السودان انا بجي..
كل سنة بجي اقدم.. ومافي وظائف.. وبعرف عشرات
جو قدموا ورجعوا لانه مافي وظائف...
علما انني مقدمة في لجنة الاختيار من سنة 1985
وجددت كرتي سنة 1989 والى ان خرجت من السودان لم اجد
وظيفة..
وـاكد لو كنت وجدت وظيفة كان حيكون عندنا مرتبين لما خرجنا
ونحنا الجينا من بلد مناضلي الكيبورد برضانا
وقناعتنا..
لو اصلا ما عايزين نخدم في بلدنا..كنا قعدنا
اسع كنت بقيت امريكان ستزن تهدد الناس..
اي يوم تلقى وظيفة لي رسل لي ايميل...
بالمرة كدي بت اختى اصرت ترجع عشان تشتغل في السودان
ولسع طايرة..
|
Post: #17
Title: Re: سؤال برئ- لماذا نحن خارج السودان
Author: Mutwali Malik
Date: 04-22-2007, 05:57 AM
Parent: #8
اخي تبلدينا
..
.
Quote: لانكم عايزين كدا !!
وطن الجدود نعم الوطن
خيراتو كم يتدفقن ..
على العموم نحن فى احسن حال
نحمد الله ونشكره على كل حال ..
معززين ..مكرمين ..
قد نبيت القوى
وقد نبيت بعد عشاء فاخر |
Quote: ولكن تعلمتم طيب العيش وسهولة الحياة
وصعب ان تعودوا لتكافحوا .. وتناضلوا
فتقفون من البعد .. وتكتبون من البعد .. وتقاتلون من البعد
حتما تظلون هناك وانتم تنادون بتغير الاوضاع السياسية والاقتصادية
تتحسرون على التدهور الخدمى والتعليمى والانحراف التربوى .. |
نحن هنا نعيش الامرين تعب الغربة وتعب الشغل مافي راحة الا في القبر قد تتغرب لعدة اسباب اقلها مساعدة الاسرة في التغلب علي الوضع الصعب في البلد وقد تتغرب من اجل تغير وضعك وبناء منزل يضمك انت وشريكة حياتك اعرف واحد اغترب عشان يشتري عربة كارو وحصان وعندما حقق حلمه شد الرحال الي وطن الجدود
وكما قال الاستاذ كابلي في قصيدته
زمان الناس هداوة بال وانت زمانك الترحال
قسمتك يارقيق الحال ومكتوب ليك تعيش رحال
رد الله غربتنا
|
Post: #10
Title: Re: سؤال برئ- لماذا نحن خارج السودان
Author: Mahathir
Date: 04-19-2007, 01:59 PM
يلح على الوالد فى العوده...فكرت فيها كتير ووجدت ان مجالى موجود من خلال شركة بتروناس الماليزيه..استبشرت خيرا بحكم اجادتى لللغه الماليزيه كاهلها وكذلك معرفتى باحد المدراء الماليزيين العاملين فى السودان بحكم عملنا سويا لسنتين فى شركه خاصه ماليزيه....التقينا فى قاردن سيتى فى صيف 2006 ...سالته " hay bro, how can i join you guys?" ...رد على بلهجه سودانيه سليمه "انتا جعلى? انت شايقى? " ذهلت عند سماعى لرده فتكرم بالشرح...وهناالترجمه...
"فى السابق كانت بتروناس تعين من تحتاج فى السودان ولكن مؤخرا تم التغيير بحيث منعت بتروناس من تعيين اى سودانى مباشره, لو احتاجت بتروناس لاى وظيفه تقوم وزاره الطاقه بمدهم بلسته وبتروناس لازم تختار من تلك اللسته فقط...ضربت كفا بكف....حزمت امتعتى وعدت لماليزيا
|
Post: #11
Title: Re: سؤال برئ- لماذا نحن خارج السودان
Author: wail tagelsir abdalla
Date: 04-19-2007, 03:17 PM
زميلنا و صديقنا متولي ..
بعد غيبة تطل علينا بالجرسة من الغربة و بعدما شربت و إرتويت بالغربة في الهند.. و الآن أنت في المجهول..فلدي تجربتان في الغربة و الآن في الداخل مع أن الداخل أيضا أضحى غربة.
ردا على تساؤلاتك فالغربة مرة و مؤلمة بكافة الجوانب الإيجابية منها و السلبية..
الإيجابية في الخارج :
العمل المثمر الذي يجني المنفعة لأهلك في السودان و لكافة السودانيين مثل إكتساب الخبرات العلمية و إقتناء المال الذي يساعد في إنشاء ما هو مفيد للسودانيين كما أنه من الجميل أن تكون حلقة وصل بين الواصلين من الخارج في تطبيع علاقة جيدة يستفيد منها الطرفين.
السلبية في الخارج:
الضياع ... البعض منا يدري و يعي أن السفر إلى الخارج هو السفر إلى المجهول و لا ندري إن كنا سننجح أم سنهوى في هاوية الفشل و رأيت الكثيرين في الهند و السعودية و مصر يكتوون بنار الفلس و منها ظهرت الأساليب الطائشة لسد بوصة من المعدة بالطعام و منهم من شب عليها و يشيب عليها الآن ..
الإيجابية في الداخل:
الطمأنينة تجاه الأهل و لن تنام جائعاً ..
الرزق المقدر لك ستجده أينما كان و لا ندري ما يكنه لنا الغد.
السلبية في الداخل:
أقولها لك بفم ممتلئ الغربة في السودان حاصلة و ضغوط العمل لا تسعك فرصة التواصل مع باقي الأهل كما أن الروتين سم قاتل ..
الخلاصة :
أفضل التواجد داخل السودان بمقدار زمني معين و إذا زادت المدة حا تجن..
تحياتي لكل من قرأ
وائل
|
Post: #12
Title: Re: سؤال برئ- لماذا نحن خارج السودان
Author: Adrob wad Elkhatib
Date: 04-19-2007, 05:45 PM
Parent: #11
لماذا نحن خارج السودان
لفقد العز فى الوطن
لعمرك ماضاقت بلاد بأهلها ولكن أخلاق الرجال تضيق
18 سنة من الشتات ده لاغربة ولا هجرة بل شتات
|
Post: #13
Title: Re: سؤال برئ- لماذا نحن خارج السودان
Author: Tabaldina
Date: 04-19-2007, 06:13 PM
Parent: #12
..
.
Quote: لماذا نحن خارج السودان
لفقد العز فى الوطن |
العز اهل يا ادروب
ما حكومة ولا مال ..
بالله عليك حسي فى غربتك دى انت عزيز ..
وانت رديت بنفسك ..
__________________
وطنى لو شغلت بالخلد عنه
نازعتنى اليه فى الخلد نفسي
|
Post: #14
Title: Re: سؤال برئ- لماذا نحن خارج السودان
Author: Adrob wad Elkhatib
Date: 04-19-2007, 06:45 PM
Parent: #13
الاخ تبلدينا ...ياخى الغربة ما بتتشكر و خاصة الانا فيها ( فى اصقاع لوحدى لا رفيق ولا كليم ) لكن جابرنا علي المر الامر منه. ويبقى هم العودة امنية عزيزة وحلم نفيس ...جذوة الحنين إلى الوطن والأهل والأصدقاء الذين فارقتهم عارمة . وربنا يجمع الشمل
قد تكون الغربة وطناً
تماماً كما قد يكون الوطن غربة
وغربتنا .. هى شعورنا بالوحدة
هى رقعة الضياع المتسعة فى داخلك
هى بقعة الأمان المستعمرة فى أعماقك
هى عجزك عن التأقلم مع الأرض ومن عليها
هى اختناقك برغم الهواء
هى قيودك برغم الحرية
هى احساسك المرعب بأنك لاتنتمى إلى من حولك
بإختصاااااااااار
الغربة .. هى موتك البطئ بينك وبين نفسك
احياننا تشعر بغربه وانت بين اهللك
احساااااس غريب ورهيب
|
Post: #15
Title: Re: سؤال برئ- لماذا نحن خارج السودان
Author: عبد المنعم سليمان
Date: 04-19-2007, 09:28 PM
متولي
مشتاااقين
سمعت تحت تحت انك راجع ؟
بابا لا تسرع نحن في انتظارك ..
منعم
|
Post: #18
Title: Re: سؤال برئ- لماذا نحن خارج السودان
Author: nazar hussien
Date: 04-22-2007, 07:00 AM
Parent: #15
| Quote: رد على بلهجه سودانيه سليمه "انتا جعلى? انت شايقى? " ذهلت عند سماعى لرده فتكرم بالشرح...وهناالترجمه.. |
كان الجعلنة والشيقنة...بتشغل...كان مفروض اكون وزير العدل عديل كدي يا مهاتير...
يا زول...انا لامي فيهن الاتنين....بي جاي مهيرة وبي غادي المك مساعد ونمر
|
Post: #19
Title: Re: سؤال برئ- لماذا نحن خارج السودان
Author: Mutwali Malik
Date: 05-01-2007, 09:12 AM
Parent: #18
الشكر اجزله لجميع المتداخلين
والسبب الرئيسي في فتح البوست هو التفكيرالجاد في العودة الي ارض الوطن والعمل من داخله ولايكتوي بنار الغربة الا من عاش عذابها
ليقارن اي واحد مننا كمثال يومه وهو متغرب ويومه عندما كان ينعم بتراب الوطن
سوف نحلم بوطن سعيد وسوف نحلم بعيش رغيد وسوف نعود وتعود تلك الايام الراسخة في الوجدان
رد الله غربتنا
|
|