Post: #1
Title: رسالة إلى الأخ بكري
Author: shammashi
Date: 04-14-2007, 09:57 PM
الأخ العزيز بكري "سيد الحوش"
التحايا
هذا المنبر أصبح منبراً لكل فرد سوداني (قادر يصل ليهو )وقد يكون مصدر معلومات هامة للأجيال القادمة والحالية "لو قدرت تصل ليهو". لذلك أرجو من شخصكم العزيز الآتي:
أولاً: إنشاء او تخصيص مكتبة لحيثيات مقتل الصحفي محمد طه محمد أحمد ، رحمة الله عليه، حسب ورودها في الصحف.وذلك حتى لا يضيع دمه هدراً وحتى تتضح الرؤيا للكل. فمقتل المرحوم محمد طه يلفه غموض لا يعرف خباياه إلا القليل. وقد تضيع قضيته كماضاعت ملايين القضايا في هذا الزمن الأشتر. وحتى لا يكون التاريخ ملكا لمن يكتبونه.فهاهو تاريخنا أصبح مشوها وغير صادق في معظمه.
مطلبي هذا مبرراته أن الحكومة الحالية قد تلفق التهمة على أي فرد وليس هنالك ما يؤكد صدقها من عدمه، وقد قتل قبل محمد طه الكثيرين وضاعت قضاياهم وآخرهم المرحوم بولاد(من أندهم) ومحمد طه برضو من أندهم.
ثانيا: وهذا مطلب قديم إنشاء أو تخصيص (في صحفيين بيكتبوا " إنشاء الله" بهذا الشكل "والغريبة دماؤهم عربية نقية". وبيكتبوا في صحفنا وطالعين الأيام دي في الجو.
مكتبة لسيناريوهات الفاتح يوسف جبرا.
التالت والأخير
تفتح إنت او من تختاره بوست تسميهو نجوم "القد" للناس المضيعين الباندودث في الفارغة.
سلام يا عوض دكام بحكم إنو من أندكم "الحلفايا"
شماشي
كاتب ومحلل استراتيجي
عضو مجمع الكيانات والروابط والتجمعات "بتاعة أي حاجة) بكل دول العالم
ناشط في مجال أي حاجة
ناقد رياضي وفني وسينمائي
أرشكم زيادة وللا كفاكم.
|
Post: #2
Title: Re: رسالة إلى الأخ بكري
Author: ناذر محمد الخليفة
Date: 04-14-2007, 10:17 PM
Parent: #1
!!!!!!!!!
Quote: شماشي
كاتب ومحلل استراتيجي
عضو مجمع الكيانات والروابط والتجمعات "بتاعة أي حاجة) بكل دول العالم
ناشط في مجال أي حاجة
ناقد رياضي وفني وسينمائي
|
|
Post: #3
Title: Re: رسالة إلى الأخ بكري
Author: shammashi
Date: 04-14-2007, 10:41 PM
Parent: #2
ناذر
سلام
والله إنت زول كتاب وظريف
لكن لو بعدت من مبارات الكيزان ديل يبدو لي بيكون "أسحن" ليك
ولو ماكنت قاعد أسمع في مصطفى سيداحمد
في عيونك
كنت بأقدك
لكن خليها لي وقت تاني
إنت مرة قلت لملاسي "مش دا يهو فلان البيكتب معاك في في الراي العام
والله عجبتني عجب.
يعني حسب فهمي
حالتي دي ما داير أقدك.
|
Post: #4
Title: Re: رسالة إلى الأخ بكري
Author: اساسي
Date: 04-14-2007, 10:53 PM
Parent: #3
شماشي
مبروك يا فردة بقي عندك انترنيت بالليل
|
Post: #5
Title: Re: رسالة إلى الأخ بكري
Author: Mohamed Abdelmotalib Hassan
Date: 04-14-2007, 11:13 PM
Parent: #4
شماسي
| Quote: تفتح إنت او من تختاره بوست تسميهو نجوم "القد" للناس المضيعين الباندودث في الفارغة |
والله ابداع عديل , يسلم فمك يا رهيب .... بس عندي اصافة ممكن ؟؟ مفروض برضو يتفتح بوست مجاور ليه
يسموهو " نجم نجوم القد" ......... وكلالالالالالام يا أبوعرام.
تحياتي يا مبدع.
|
Post: #7
Title: Re: رسالة إلى الأخ بكري
Author: shammashi
Date: 04-15-2007, 11:18 AM
Parent: #6
تم تخصيص مكتبة للكاتب جبرا لكنها فاضية
<a href="http://www.sudaneseonline.com/cgi-bin/sdb/2bb.cgi?seq=board&board=226" target="_blank">http://www.sudaneseonline.com/cgi-bin/sdb/2bb.cgi?seq=board&board=226
اساسي
غايتو صلاح غريبة لو ما نزل ليهو بوست زي حقات سافرت القاهرة بسيارتي الخاصة، أو الصافي جعفر يتناول الغدا معي في منزلي بالرياض، فإنت بزي بوستاتك دي ياكا أسرار ذاتا.
مبروك مقدماً
|
|