وردة جديدة تتفتح في بستان أمير الجمري ..... مبروك

رزق أخينا الوجيه أمير الجمري عصر أمس ببنت حلوه لتنضم إلى الدرر السعداء بقدومها عثمان / مرح / أيمن ، ومرح أكثر سعادة من أمير نفسه بقدوم أختها الصغيرة ، مبروك أمير وحمد لله على السلامة أم عثمان .

شكرا عمده

علي الخبر ومبرووووووك أبوعثمان الأمورة الحلوة
ونقول حاجزين ؟ لأن مرح أكبر من قصي ! وربنا يجعلها
لكم من الصالحات القانتات السائحات العابدات ولقينا
ليك مبرر للغياب ياأمير بالله فرح دي لينا أول من قدم
أوراقه أنـــــــــــــــ لقصى ــــــــــا ودامت أفراحكم

أبوقصى

الف مبروك البنية وتتربي في عز والديها
وسط اخيانها واخياتها..
والف حمدالله على سلامة الام..

نهديك أرق التحايا أخ عماد


ومبروك للجمري ....

الاخت الكريمة سلمى صبحي


أعطر التحايا وأجمل الأماني وأطيب المنى لك سيدتي ، ، ،،

شكراً على التهنئة الطيبة والهدية الجميلة ، ودوماً ما تتحفينا بهداياك الحلوه ، كوني بخير أختي . ســلام .

الاخت الفضلى الدكتور بيان

تحية عطرة ، ، ،،

شكراً على تهنئتك الرقيقة لصديقي الوفي أمير ، وهو يغريك السلام ويشكرك على التهنئة الجميلة وسيعود إليك للرد بنفسه ( بس بعد ما يكرب حاله من السهرة الطويلة دي ) .

الف مبروك الورده الجديده على بستانكم اخى امير
والف حمد لله على سلامة امها
وربنا يمتعها بالصحه والعافيه والنضاره
ويمتعكم بأريجها الفواح على الدوام ..

الاخ الكريم محمد الشيخ


صباح زين

شكراً أخي على مرورك الطيب وتهنئتك الرقيقة للوجيه أمير ، أم عثمان بخير ولله الحمد وكذا الأمورة الجديدة . وتسأل عنك العافية إن شاء الله ، سـلام أخي .

هوووووووووووي يا أبو قصي ألعب بعيد أحس ليك ، نحن ناس الجمري ديل وارثنهم عديل كده ، مرح حاجزنها لي حسام وهسه دي حجزانها لي عبد الرحمن ولسه منتظرين بنتين تاني لي محمود ومحمد أها أكان بتنتظر بعد دورين تاني ما عندنا مانع بس لو جبنا ولد تاني شيل شيلتك .

يا عمدة ...


الف مبروك امير .. وعلى فكرة يا عمدة انا منتظر مولود في هذه الايام دعواتك معانا

لكم محبتي

الوجيه الانيق ناصر

( نائب زعيم المتمردين )


اهلاً صديقي الجميل ، ليك وحشه يا أخي

Quote: وعلى فكرة يا عمدة انا منتظر مولود في هذه الايام دعواتك معانا

دعواتي القلبية لك عزيزي بأمورة كده تطلع ليك في الشبة . بس في الحركات لا لا لا طبعاً فاهمني ياجميل .

شكراً يا أصيل ودوماً على دروب الفرح نلتقي . ســلام .

الاخ امير الجمري
مسكاقمي
تهانينا والف الف مبروك
تتربي في عزكم

ألف مبروك يا أمير
تتربى في عز الوالدين

الريس المناضل الشفيف أبو جهينة


أهلاً بك يا ريس في دارك العامر بيك ، شرفتنا زيارتك الكريمة .

شكراً يا ريس على التهنئة الطيبة مثلك ، وأمير يبعث لك خالص الشكر والتقدير والامتنان وبقول ليك راجع ليك بس يشيل البنية دي يوديها البيت ويشوف الحاصل شنو بعدها . شكراً يا اصيل . ســلام .

الف الف مبروك للامراء بقدوم الاميره
ودامت الافراح . تتربي في عزكم

الخالة الأصيلة دومه


نهارك سعيد وجميل ، ،،

زارتنا البركة يا خاله ، ونشكرك جزيل الشكر على مرورك الكريم والتهنئة الجميلة ، وتتربى في عز الجميل إن شاء الله . كوني بخير يا خاله . تحياتي .

الخال الجميل حمزاوي


إلو .... مسكاقمي .. أشريا


أهلاً وسهلاً يا خال سعدت جداً بمرورك الطيب هنا ، وشكراً على التهنئة الحلوة ، أها يا خال شوف بقت المناسبة مناسبتين يعني في حفلة في حفلة ( جيت أولاد عادل جبارة و مولودة أمير الجمري ) ، أها يا خال كده أدي لينا الريس أبو جهينة ده سلك خليهو يحرك الشباب ديل يسولنا حفلة كاربة كده تليق بالمناسبتين . خلونا نهيص .

الف مبروك

وتتربي في عز والديها

وجعلها الله من بنات الوطن النابغات

الاخ الودود أبو عثمان


يسعد مساءك سيدي ، ،، ،

شكراً على مرورك الطيب . وتتربى في عز الجميع إنشاء الله .

Quote: وجعلها الله من بنات الوطن النابغات

آمين يا رب العالمين ، شكراً يا أصيل .

الف مبروك ..يا امير قدوم الاميرة

مبروك ال (Income) زي ما بقولوا اخوانا في الغُربه الهنود

الف مبروك وحمداً علي السلامة..وتتربي في عزك



معتصم العربي

أخونا الجميل وود الامتداد الأصيل معتصم العربي


يا هلا و 100 مرحبا بيك يا ولدنا ، ، ،،

Quote: الف مبروك وحمداً علي السلامة..وتتربي في عزك

الله يبارك فيك وفي الأمير الفي الصورة ده ، وتتربى في عز الجميع إن شاء الله .

أها عازمنك السامية وح نعملها في استراحة والفنان أحمد عجوز وتعال ناطي بي جاي .

حمداً لله على سلامة المدام

وألف مبروك الأمورة يا أمير الجمري

وتتربى في عزكم انشاء الله


وليك تهاني وسلام الوالدة والخال عبد الرحيم



شكراً يا عماد

ألف مبروك
من الصالحات إن شاء الله.،

يا وردة نبتت على غصن جميل ناضر
فيك الندى كالدر يلمع في الضياء الباهر

مبروك صديقنا الجمري الامير
انشاء الله امتداد لبنات الامتدادات الجميلات والمستورات
كنا عايزين نحجزها لولدي اللي اتخرج من الروضة قبل اسبوع
لكين ما ناس شكل انحن النوبيين بالهداوة والاقناع بناخدا
ونخليها تختار...
وسلام لام العروسة وحمديلا الف على السلامة

الاخ الفاضل محمد زمراوي



مسكاقمي

صباحك سعيد وكل أيامك عيد ، ، ،،،

Quote: انشاء الله امتداد لبنات الامتدادات الجميلات والمستورات

آمين يا رب العالمين ....

Quote: كنا عايزين نحجزها لولدي اللي اتخرج من الروضة قبل اسبوع لكين ما ناس شكل انحن النوبيين بالهداوة والاقناع بناخدا ونخليها تختار

أهااااا قمنا للغلط يا محمد ما تحلو حلو أحسن ، البنية ما بنشاور فيها خالص نحن من يوم ما عرفناها بنت من قبل ما تولد حجزناها ودفعنا مهرها مقدماً .. أها شنو قولك تاني ...

شكراً عزيزي لمرورك الجميل ونسمع عنك كل خير يا جميل . ســلام .

الاخ الجميل سمعة

وين الحي بيك أخوي ، ، ،،

بارك الله فيك أخي ، وشكراً على الطلة الجملية ونشوفك . ...

الاخت الوضاءة إنعام عبد الحفيظ


سلام مربع ومثلث ودائري كمان ،،،


الله يبارك فيك ، وعقبال ما نبارك ليك كده إن شاء الله الزواج .

Quote: وتتربى في عزكم انشاء الله

في عز الجميع إن شاء الله ، تعرفي يا إنعام الراجل الفقرة ده كل خمس دقائق يدق لي في الجوال ويقول لي بنت يا حاسد بنت يا حاسد يعني عايز يغيظني وكده علشان أنا ما عندي بنت كلهم ماشاء الله أولاد ، أها غصباً عليه ح أضطر أناسبه أعمل شنو خادم الفكي مجبور على الصلاة .

لك الشكر والتقدير .

الاخت الوضاءة إنعام عبد الحفيظ


سلام مربع ومثلث ودائري كمان ،،،


الله يبارك فيك ، وعقبال ما نبارك ليك كده إن شاء الله الزواج .

Quote: وتتربى في عزكم انشاء الله

في عز الجميع إن شاء الله ، تعرفي يا إنعام الراجل الفقرة ده كل خمس دقائق يدق لي في الجوال ويقول لي بنت يا حاسد بنت يا حاسد يعني عايز يغيظني وكده علشان أنا ما عندي بنت كلهم ماشاء الله أولاد ، أها غصباً عليه ح أضطر أناسبه أعمل شنو خادم الفكي مجبور على الصلاة .

لك الشكر والتقدير .

الاخ امير الجمري


تهانينا والف الف مبروك
تتربي في عزكم

صلاح غريبة - الرياض

الرجل الجميل صلاح

اسعدت صباحاً أخي ، ،،،

Quote: تهانينا والف الف مبروك

الله يبارك فيك وعقبال ما نفرح بي جديدك قريباً إن شاء الله ، بس الاولاد جيوا الأول .

Quote: تتربي في عزكم

في عز الجميع إن شاء الله . ونراك على خير .

الف مبروك لبهجة و امير و تتربي في عزكم و اخيرا مرح لقت ليها اخت ,,, بعد ماكانت حايرة و سط العزابة عثمان و دونقا

أخي الشفيف عبد الغفار


الحي مصيره يلاقي يا أخوي ، سمعت ولا جابوه ليك ، ، ،،


أهلاًً وسهلاً حبيبنا ، ليك وحشه يا راجل ، ، ،،

أها الحمد لله الأمير ده جابك لينا ، بس هسه صاحبك ده كلمه يكرب لينا السماية في استراحة ، قلت عايز أقول صاحبك اتمقلب فيصل وسافر بس اتذكرت أحمد عجوز قاعد ، يعني الفنان مافيهو مشكلة ، بس صاحبنا ينكرب ....

الحبيب أمير مبروك البنيه وتتربي في عزك وعز والدتها

صديقي الوجيه بدر الدين


والله اتلومت معاي ، ، ،

هسه كده أول قول سلام يا عماد وبعدين هنيء الزول الأهبل ده ،،،،،

بس ملحوقه ، أها عقبالك كده إن شاء الله ، بس ... ولا خلاص خليها بعدين .

الف الف مبروك
وتتربى فى عزكم
وعقبال لينا يارب

ألف مبروك يا أمير..ربنا يسعدكم بيها وبيهم..




وعقبالك ياعبد الدائم..

منــــو

صباحك جميل زي الوردة بتاعتك دي :



الله يبارك فيك يا منو ، تعرفي أنا ما في زول في الدنيا دي منجضني غيرك وغير الزول الطويل الأهبل ده ، تتصوري يا منو أمس مشيت علشان أبارك ليهو البنية في حته أسمها منفوحه ، أتاريهو الكريهة رحل لمكان تاني أسمه أم الحمام من غير ما يقول لي وانا سائق العيال وماشي بي ليموزين ألجيران يقولوا لي يا زول الزول ده رحل , أها أتحرجت قدام المدام هسه أقول ليها شنو وأنا شابكها ليك ده صاحبي وزول عزيز علي ومامشكلة العربية لو مافي الواحد يمشي ليهو حتى ولو كداري و ... و .... و ... وفي النهاية المدام ضحكت فيني وقالت لي أول مرة أشوف لي زول صاحبه بيرحل ما بكون عارف ... أها شفتي جنس ده ... مش قلت ليك الزول ده منجضني نجاض .

عقبال كده من نفرح ببنية آية إن شاء الله . ( ما تخافي ما بنكبرك ونقول ليك حبوبه ) . شكراً ياجميل .

أخي الوجيه عبد الدائم


أهلاً عبده ويييينك يا راجل ، نحن لو عارفين العرس ده بيعمل فيكم كده ما كان عرسنا ليكم ...

يا أخوي بعد ما حضرنا الجنسية وبقت على التوقيع تقوم تزوق كده ، أها هسه فيصل يقول عليك شنو !!!!

غايتو الفرصة لسه عندك إنكرب كده وجيب لينا إن شاء الله بنية حلوه كده نعرسها لولد الريس طارق اوتوماتكلي بتأخذ الجنسية .

شكراً على مرورك الطيب وعقبال عندك إنشاء الله يا غالي . أها أبقى أظهر أنا عارف صاحبك لؤي سافر وقطع راسك بس خليك قريب .

Quote: هوووووووووووي يا أبو قصي ألعب بعيد أحس ليك ، نحن ناس الجمري ديل وارثنهم عديل كده ، مرح حاجزنها لي حسام وهسه دي حجزانها لي عبد الرحمن ولسه منتظرين بنتين تاني لي محمود ومحمد أها أكان بتنتظر بعد دورين تاني ما عندنا مانع بس لو جبنا ولد تاني شيل شيلتك .

ياجماعة روقو شوية نحن ناس شورة .... البنات ديل عندهم اولاد عم هنا في الدوحة ( خالد وطارق ) كدي خلونا نسالهم اول وبعدبن نشوف .
مبروك ياابن عمي .

الاخ الوضاء البهي بهاء الدين


اهلاً بهاء كيفنك أخوي ،،،،،

Quote: ياجماعة روقو شوية

يا أخوي الموضوع حساس جداً وما في وقت للروقة . أها وبعدين ....

Quote: البنات ديل عندهم اولاد عم هنا في الدوحة ( خالد وطارق ) كدي خلونا نسالهم اول وبعدبن نشوف

هووووووي يا بهاء ، ، يا بهاء هوووووي إنت ما سمعت بي جارك القريب ولا ود أمك البعيد ، هسه عليك الله نرجاك لامن تجي من قطر نحن هناك جيران وهنا كمان جيران البيت فردة كعب ، أها إنت لما تجي تكون الحفلة أتفرتقت وناس معتصم وتمبا بكونوا لموا الكراسي ، ياأخوي شوف ليك مشروع تاني ، قال شورى قال .

شكراً يا باهي ونراك قريباً ، بس من غير فتح موضوع العرس ده تاني نحن جبخانتا جاهزة أعمل حسابك .

الأخ/عماد

الرجل الحبوب

ألف ألف مبروووووووووووووووووووووووووووووووووووووووووووووووووووووك لآخونا أمير الجمرى ووألف حمدآ لله على سلامة أم عثمان.....ونسأل الله ان تكون هى وألأمورة بخير...............


وشكرآ لك يا أخ عماد ألقائم بألأعمال ألأجتماعية الرائعة دى............

تحياتى لك...............إسماعيل محمد أحمد عباس......................

يا أميــر ..
الف مبروك القمــــر .. تتربى في عــــزك يا رب ..
وكان ما عارفين خياناتكم دي .. كان حجزنـــا

مشكور أخ عماد للمعلومة وألف ألف مبروك للأخ أمير الجمري ولأم عثمان وآل الجمري

عموماً .

السكرتير الإجتماعي لبورداب الرياض بلا منازع عماد محمود
ألف مبروك لأخينا وصديقنا أمير الجمري ، وخالص التهاني لعموم آل الجمري والأمتداداب ولوالدتها بنت الصحافة ( على وزن خالها فيصل الصحافة ) .. شكراً عماد على تواصلك الإجتماعي الحميم ،،،

العزيز عماد سلامات...

ألف مبروك الأخ الفاضل أمير وحمد لله علي سلامة المدام...

معزتي

سحر

الحبيب الأمير ود الجمري ..
ألف ألف مبروك البنية .. إنشاء الله ربنا يجعلها من الصالحات ..
شكراً ليك ياعمدة .. ياجميل ..
العريس عندنا نحنا ديل ..
الشلية = 100
المهر = 100
أي حاجة = 100
وبعد العقد بدل مانضرب طلق ..
حنرمي قنبلـــــــــــه عديـــــــــــــل
خالد الأرباب

الف مبروك يا امير وتتربى فى عزكم
وجعلها الله من الصالحات


الف شكر ياعماد


أحمد العمار

الف مبروك للامير وام العيال
جعلها الله من بنات الوطن الصالحات
وياجماعة البنية ليها اعمام بشاوروهم
شكرا ياعمدة على البوست الفرايحى الجميل

ســعادة رئيس مجلس الوزراء !!!!

كده يا أمير يا طويل إنت زح شوية خلينا النقيف إحترام ، هووووب


تحية عسكرية ســيدي ، ، ،،،،

Quote: الف مبروك

الله يبارك فيك يا تتو .

Quote: جعلها الله من بنات الوطن الصالحات

آمين يا رب العالمين .

Quote: وياجماعة البنية ليها اعمام بشاوروهم

يا تيتا أها ناس الارباب وبهاء ديل هددناهم بالجيش إنت هسه نقوم نهددك بي شنو ؟ أكان هددناك ساكت تقوم تشيلنا من الحكومة لا نلقى المنصب العسكري ولا نلقى البنية , أها يا زول بنشاورك عديل كده نحن حاجزين البنية دي من هسه ودفعنا مهرها مقدماً وجاهزين لكل الطلبات والشروط ، أها شن قولك يا عمو ؟

Quote: شكرا ياعمدة على البوست الفرايحى الجميل

وأنت الفرح والـ( مرح ) دوماً تكون عندما نلتقي ، نراك قريباً عزيزي .

أبو حميد


صباح جميل جمال وردة الياسمين ، ، ،،


الله يبارك فيك يا أحمد وعقبال عندك كده إن شاء الله ،

Quote: وجعلها الله من الصالحات

آميييين يارب العالمين ،

Quote: الف شكر ياعماد

الشكر لك يا جميل على مرورك الطيب ودعواتك النبيلة ، ونلتقي عبر الأسير أخي . وتسلم .

الارباب الانيق السمح


مرحبتين حبابك حبيبنا كيفنك يا غالي ، ، ،

Quote: شكراً ليك ياعمدة .. ياجميل ..

الشكر لك أنت ياراقي ، فالبوست يزداد جماله بوجدك فيه ، فأنت تذرع الجمال حيث تكون .

Quote: العريس عندنا نحنا ديل ..

أهاااااا قمنا للغلط بقى ، ما كنا كويسيييين اللخبطة لذوما شنو !!! يا زول هيييي أحسن ليك تتخارج سريع نحن حركنا الجيش بالكامل من الحدود الصحافية إلى .......... ، تحسباً لأي محاولات فاشلة لخطف البنية ، أبوها زاتو كان كثر وقلل بنقطع ليك راسه

Quote: وبعد العقد بدل مانضرب طلق .. حنرمي قنبلـــــــــــه عديـــــــــــــل

غايتو نحن بنرمي صواريخ عديل كده ، أها النشوف بس واحد جاي بي هناك .

البرينسيسه سحر عبد الرحمن


يا هلا وغلا مرحب بيك حبابك عشرة ، زارتنا الملائكة ، ، ،،

Quote: ألف مبروك الأخ الفاضل أمير وحمد لله علي سلامة المدام...

الله يبارك فيك عزيزتي وتسلمى من كل بلاء إن شاء الله .

سعدنا كثيراً بمرورك الجميل ، تحياتي ومودتي .


ســــلام .

صديقي الصدوق الوجيه ود جبارة


يسعد صباحك بكل خير عزيزي ، ، ،،


غايتو يا عادل صاحبك خليهو ساكت طبعاً نسيبته جات ، أها تعرف صاحبك ..... ولا خلاص انت عارف البئر وغطاها أها بس كلم هاشم ده كده براحة من غير ما حد يسمع . غايتو أنا خائف المره الجاية ده تلاقيهو جارك الهيطة بالهيطة من غير ما تعرف أصله بقى رحوله كثير ... ياساتر .... هسه ده تسلط الزوجات ولا حاجة تاني يا هاشم .

صديقي الوفي الراقي هشومة


سعدت كثيراً بوجودك هنا عزيزي ، ،،

شفت صاحبك الأهبل ده عمل فيني شنو ؟ أقرأ ما كتبه فوق لي منى خوجلي ، أها شفت جنس ده ياهشومه ، بس الله يكون في العون .

أها يا أخوي صاحبنا داك عامل شنو!!! ضيع شنو المره دي كمان .

غايتو عليك جنس حركات يا هشومه الله يقويك ويديك الفي مرادك . . .

نراك على خير حبيبنا ، فتك بعافية . ( ما عافية الفنانه ما تسرح بعيد ) ...

صديقي الوجيه الاصيل تمبا


صباحك زين يا عسل ، ، ،،

Quote: الف مبروك القمــــر

الله يبارك فيك يا سيدي ، بس خلي التعصب بتاعك ده جايني بي قمر بعد شوية تقول الهلال ، لا البنت مريخابية ذي ابوها يعني تقول مبروك النجمة دي . ...

Quote: وكان ما عارفين خياناتكم دي .. كان حجزنـــا

يا تمبا أحسن تخليك بعيد الدم ما يرشك الحكاية شايف جايبى ليها حرب عديل كده ، في خساسات حاصلة بي تحت ، هسه أول حاجة النية تم تهريبها من منفوحة إلى أم الحمام ، غايتو نحن مجهزين جيش جرار عديل كده ، أنا ومن بعدي الطوفان ويا غرق يا جيت حازما .

شكراً يا غالي ، أها عملت لي شنو في الكمبيوتر ، ، ،

الانيق الجميل الوفي سمعة


يا هلا زارتنا البركة عديل كده ، ، ،،

وينك يا راجل معقووول بس يا سمعه لا حس ولا خبر ، كاتل الجدادة هناك مع عادل براكم كده يعني ،

صاحبك يا سمعه غايتو الله يكون في عونه هسه بقى ما قادر يحك راسه ، غايتو أنا ما بقول حاجة بس خلي عادل جبارة يحكي ليك القصة وشهد شاهد من أهلها .


نشوفك يا سمعة شوقنا مطر ، ، ، ، كون قريب عزيزي .

الحبيب والخليل والرفيق الجميل
عماد محمود ابوحسام (سكرتير اجتماعيات) المنبر كله مش الرياض بس يا عادل..

لك الشكر وانت تستقبل امورتي بهذه الورود والشلالات من الفرح والجمال من خلال مداخلات الأحباب .. وردودك الأنيقة الصادقة .. فلك ولهم جميعا كل الشكر والعرفان وبعد اذنك
يا ابو (الأولاد) حا اجي ارد على كل هؤلاء السامين(يات) عالين(يات) المقام..


يللا ساعدونا باختيار الاسم

صديقي ورفيقي الوجيه الجميل ، الحبيب الوفي الأمير / أمير


مرة أخرى ألف مبروك البنية وحمد لله على سلامة أم عثمان ، وتتربى في عزكم , وأهلاً بيك في بيتك .


هووووي يا أمير ما تقعد تصرصر لي في وشك ده ، أنا دقيت الباب وعثمان فتح لي وقال لي خش يا عمو هسه أبوي بجي ، أها خشيت وقعته في الصالون والجماعة ديل كلهم ما شاء الله جو داخلين أها قلت النونسن شوية لحدي ما تجي من بره أصلو عثمان قال لي أبوي مشى يجيب الحلاوة والحاجة الباردة والكعك ، أها قلت علشان ما يزهجوا وانت مافي وأم عثمان في المستشفى قلت خلاص أعمل صاحب بيت وأونسن ، أها خلاااص النمسك الباب أنا قعته كثييير خلااااص ، أها النمشي نشوف ناس البيت .

Quote: لك الشكر وانت تستقبل امورتي بهذه الورود والشلالات من الفرح والجمال من خلال مداخلات الأحباب .. وردودك الأنيقة الصادقة .. فلك ولهم جميعا كل الشكر والعرفان

الشكر لله وحده أميري ، ، كان الود ودنا نفرش ليها الارض رمل ونزين ليها الطريق بالورود ونعطر لها الجو بالياسمين ونحملها على ريش النعام ونغطيها بالحرير ، ، ، ،،

Quote: وبعد اذنك يا ابو (الأولاد) حا اجي ارد على كل هؤلاء السامين(يات) عالين(يات) المقام..

تفضل يا عزيزي ، فكل هؤلاء الحلوين في إنتظارك ، وشتان ما بين الثرى والثريا فهم في إنتظار كتاباتك الشيقة والراقيه بعد أن ملوا من خربشاتي وخزعبلاتي . التحية والتقدير لهم جميعاً ونسمع عنهم كل خير ونفرح دوماً بوجودهم بيننا وإن شاء الله دائماً تامين وزايدين ما ناقصين .


يا جماعة أها فتكم بعافية بقولوا إذا جاء الماء بطل التيمم .

آلاااااااااااااااف مبروك البنية يا أمير أخوي...

وإنشاء الله تتربى في عزكم...

وألف حمداً لله على سلامة المدام...

وما عدمنا أخي عماد يا بشير الخير...

ولك كميات مودتي...


أبو الحســـــــــين...

صديقي الراقي أبو الحسين

الناطق الرسمي لقوات مدينة الصحافة


تحية كتييييرة جداً ، ،،

Quote: وما عدمنا أخي عماد يا بشير الخير...

شكراً على هذا الإطراء وأنت وجه الخير يا كل الخير ، ، ،


شايف صاحب زاق كيفن غايتو بوهطوا ليك بس برد على الفقرة دي وخلاص . نشوفك يا غالي . ســلام .