Post: #1 Title: زوجـتــي قــاتـــــلة Author: د.محمد حسن Date: 04-12-2007, 10:40 AM
تمتاز زوجتي بمقدرة على القتل تتفوق بها على الحكومة والجنجويد وكافة الحركات المسلحة والتي فتكت باكثر من 2 مليون نفس بشرية سودانيةباسم انقاذ او تحرير السودان وقد فطنت اخيرا ان الانقاذ يعني انقاذ الحاكمين من السودانيين والتحرير يعني يعني تحرير المعارضين من الحكومة والشعب معا ماعلينا مقدرة زوجتي النووية في القتل والتدمير يمكن ان تستشفها امريكا اقتل دولة في العالموالتي لم تتفوق عليها الا زوجتي ما ان ترى زوجتي صرصار حايم الا وتركبها كل الشرور الخاصة بالقتل واقرب سلاح تتناوله فان لم يكن ريد ذو القوة الثلاثية في الابادة فهناك قطعا الاسلحة التقليدية ذات الهرس المؤسس والتي تشمل كافة انواع المداسات من شبشب الى مركوب اما احذية طفلاتي فهذه لا تدخل في نطاق الاسلحة الخفيفة حتى انتقلنا الى منزل جديد وعملت فيها بطل جبت الديازينون وخففته حسب ارشادات المصنع ورشيت البيت كله وبامعان اليوم اتجهنا صوب السوق المركزي لشراء غرض وااااااااااااااحد واذا بها تأتيني ومع الغرض بمبيد ريد ذي القوة الثلاثية ، قلت ليها انا رشيت البيت كله ردت علي بثقة ( رشك ما بقنعني)
Post: #2 Title: Re: زوجـتــي قــاتـــــلة Author: هاشم أحمد خلف الله Date: 04-12-2007, 10:54 AM Parent: #1
Quote: ردت علي بثقة ( رشك ما بقنعني)
والله يا دكتور محمد حسن الحريم ديل لا بعجبن العجب ولا الصيام في رجب
وحاجتهم بيعرفوها براهم وما علي العبد لله الإ التنفيذ ( آل صراصير آل ) .
هي كان وقفت علي الصراصير هين والله ديل عندهم لائحة شراء تحيرك عديل كده
وكان راجل أعمل فيها مطنش وحاتك النقه ما تقيف داخلة تنق خارجة تنق .
Quote: والله يا دكتور محمد حسن الحريم ديل لا بعجبن العجب ولا الصيام في رجب
وحاجتهم بيعرفوها براهم وما علي العبد لله الإ التنفيذ ( آل صراصير آل ) .
هي كان وقفت علي الصراصير هين والله ديل عندهم لائحة شراء تحيرك عديل كده
وكان راجل أعمل فيها مطنش وحاتك النقه ما تقيف داخلة تنق خارجة تنق .
يا خوي ده قدرنا ومافي منو فكاك
.
وانت من الأول تعمل مطنش ليه؟
عارف زمان لما يقولوا لينا نعمل حاجه ..وكنا نقول كويس لكن بنية التطنيش..كانوا طوالي لما يسألونا ليه ماعملتوا القلناه ليكم.. الاجابه تكون نسيت..ساعتها بقي تستعد للكلام البيسمم البدن..
نسيتي تاكلي؟ نسيتي تاخدي مصروفك؟
شوفت كيف.. دلوقتي انت البيخليك نطنش شنو؟ مش دي اللسته البتاكل وتشرب ويغسلوا ليك ملابسك وملابس اولادك متها؟ في حاجه يعني هي بتدسها وتبيعها من وراك؟ ولا مثلا عايزه بس تجيب حاجات انتو مابتستعملوها؟
غياتو بس مافي زول بريد الصاريه.. في نسوان بلمو الشفع كلهم في سرير واحد وهي معاهم وتضرب ليك تبكي وتتمخط وانت تقول يا ربي المات منو عشان بين الشهقات تقوليك في صرصار حايم ونحنا كلنا خايفين لازم تخلى الفي يدك تجي تكتل الصرصار دا..
تحمد ربك انه زوجتك ما مقتنعة بطريقة قتلك للصراصير,, والا حصل ليك الموقف البايخ دا... ما تنفع معاكم الا مرة خوافة ومرعى.. اسع كان البوست اسمه زوجتي تخاف من الصراصير.. ما قلت ليكم مافي نقناق قدركم بس ما بتشوفو عوجة رقبتكم.. اصبر لما الجندريات يشوفن البوست دا وما بحضر كيلك..
دكتور حسن مشيت وين؟أمانة ما لقيت لي بوستن عينة و ناوية أمدد إقامتي هنا...بس أظهر و بان يا دكتور...يا رأفت و تبلدي ومن لف لفكم الدكتور طول ما ظهر...يكون يا ربي المدام قرت البوست دة؟؟
Quote: هي كان وقفت علي الصراصير هين والله ديل عندهم لائحة شراء تحيرك عديل كده
وكان راجل أعمل فيها مطنش وحاتك النقه ما تقيف داخلة تنق خارجة تنق .
يا خوي ده قدرنا ومافي منو فكاك .
وتعمل فيها مطنش ليه يا حبيب؟دي مملكتها و هي أدرى بلوازمها و مستلزماتهاو الله اخير من المهملة الما عارفة البيت ناقصو شنو ..منى أمشي جيبي حبة وشوش زي الغاضبين الجبتيهم ديل...بيان خليكي قريبة و عواطف جيبي لينكات بوستاتك إياها و تعالن (رابضن)هنا.. أنا مارقة و جاية!
Post: #29 Title: Re: زوجـتــي قــاتـــــلة Author: د.محمد حسن Date: 04-14-2007, 09:35 AM Parent: #17
لنا مشيت وين
ان مهنضب
رافعين لي البايجون في نص ضهري لايمين لاشمال عديل على الصرصار سحقا سحقا حتى بعد كدة ينظر في امري
Post: #30 Title: Re: زوجـتــي قــاتـــــلة Author: د.محمد حسن Date: 04-14-2007, 09:38 AM Parent: #16
ارجع وين يا رافت
موقفي زي موقف اخونا القالوا عايزنه في محكمة لاهاي
Post: #24 Title: Re: زوجـتــي قــاتـــــلة Author: د.محمد حسن Date: 04-14-2007, 09:31 AM Parent: #15
انا خايف محمد حسن ده تبقى عليه قصة ما قال بجي ما لو ما جا والاهداء لجعفر نميري
Post: #25 Title: Re: زوجـتــي قــاتـــــلة Author: د.محمد حسن Date: 04-14-2007, 09:32 AM Parent: #14
الجندريات ديل اسمهم قريب للجندبيات
بالله يا دوك ابعديني منهم
Post: #23 Title: Re: زوجـتــي قــاتـــــلة Author: د.محمد حسن Date: 04-14-2007, 09:29 AM Parent: #13
ولك التحايا من قلبي المكتول كمد ( بايجون) زي ما قال رافت ميلاد
Post: #31 Title: Re: زوجـتــي قــاتـــــلة Author: د.محمد حسن Date: 04-14-2007, 09:39 AM Parent: #12
عواطف الجميلة
خايف ساي
انا بطلت النوم
Post: #32 Title: Re: زوجـتــي قــاتـــــلة Author: د.محمد حسن Date: 04-14-2007, 09:40 AM Parent: #6
وانتو زعلانين علي الصرصار .. عجيبة .. انا هنا مع القاتلة .. قاتلة الصراصير ... كرهت الصراصير في سنة اولي علوم-لما كنا عايزين اسمنا يبدي بالدال- لما كان تمن الصرصورة خمس قروش يعني 16 سنت امريكي الزمن داك البعيد يعني كام الف بالمؤودة الجنيهات بتاعة اليوميين دييل ...واحد كان متخصص في بيع الصرصير لينا ..حوالي 4 صراصير في الشهر يعني 20 قرش ومصروف الشهر كان يادوبك جنيه ( وللاجيال الصغيرة الجنيه كان 100 قرش ..انا ما عارف القرش بقي بلطي اليومين دييل واللا بس سردين ) .. وكنا بنوصي بائع الصراصير بشان يجيب المتينة الماكنة لانو تشريحا ساهل .. عموما وبشان ننهي القصة في امتحان التشريح الصرصور كان مهتري فرميت السكينة وطلعت من كلية العلوم لليوم دة مشيت معاينة المعمار والغريبة لقيت اسمي في اعلي الجدول ويمكن لانو الاف والباء بيجو اول الاسم عموما اها بقينا مهندسيين من كام وتلاتيين سنة وفي كل المواصفات والشروط اها ان بصر علي البست كونترول عند حفر الاساس والفيوميقشن بعد البناية ما تخلص كراهية في الصرصور التافه دة .... انا عارف الجماعة الببتدي اسمهم بالدال بحبو الصراصير لانها سهلة التشريح و لذا د.محمد زعلان .. دة انحياز يا د.محمد وتحيا قاتلة الصراصير .. قال صراصير قال .. اليطيرو ...
Post: #19 Title: Re: زوجـتــي قــاتـــــلة Author: bayan Date: 04-14-2007, 06:31 AM Parent: #18
الراجل دا ما ظهر؟ (وش لزولة غازة كوعها وزهجانة)
Post: #27 Title: Re: زوجـتــي قــاتـــــلة Author: د.محمد حسن Date: 04-14-2007, 09:32 AM Parent: #19
اتظهر وين يا دوك
انا اتنفس تحت الريد
اني اغرق اغرق
Post: #26 Title: Re: زوجـتــي قــاتـــــلة Author: د.محمد حسن Date: 04-14-2007, 09:32 AM Parent: #18
مش حب ساي يا يابوبكر انا مناصري حزب الخضر والحفاظ على البيئة وبعدين الصرصار الكبدي لونه جميل وفستانة ظريف بتاع سهرة يبيدهوهو ليه
يا جماعة ..في مؤشرات انتي فيمنست هنا ... منها استعمال مفردات عنصرية زي " الحريم " -ل"هاشم" و"النسوان" ل" بيان " ....وحيث ان هذه مفردات تتضمن اشارات عنصرية من زمن المجتمعات الذكورية فغرامة تتطبق علي هاشم وبيان واعمال شاقة كما يلي : يكتلو الصراصير بالمواجهة فيس تو فيس دون الاستعانة بلاسلحة الكيماوية ...يشحنو علي حسابم الكميات الي دوما في الصين حيث زبائن شوايات الصراصير ( اسالو رافت )....
في اللغة كما تعلم .. فإن كلمة ( رش ) تعني أشياء كثيرة :
1. رش يرش رشاً فهو مرشوش : ( هنا ممكن تكون إنت ضحية الرش ) .. و بالتالي أم العيال تقصد إنك لو مت رشا فهي لن تقتنع .. حاسب من سلخ فروة الراس بعد التخدير رشا.
2. رش يرش رشا فهو راشي : ( بمعنى أن ترش القروش على أقرب الأقربين و هي أم العيال ) .. و بالتالي الظاهر اليومين ديل مقرط القريشات .. و ما أن يقرط الزوج القريشات حتى يلعب الفار في عب الزوجة فتعتقد أنه سيتزوج.
3. رش يرش رشاً فهو ... ( أها دي بشرحا ليك فيس تو فيس أو بالخليوي
دمتم
Post: #36 Title: Re: زوجـتــي قــاتـــــلة Author: د.محمد حسن Date: 04-14-2007, 09:48 AM Parent: #21
شفت يا جلال
نمرة 3 دي الا تشرحها اي هنا قدااام الناس عشان ما يعتبروك وانا معاك طابور خامس نحن في زمن الشفافية
محبتي لك تعلمها
Post: #28 Title: Re: زوجـتــي قــاتـــــلة Author: د.محمد حسن Date: 04-14-2007, 09:32 AM Parent: #20
الاخ ابوبك
اؤيد ان تكون المواجهة فيس تو فيس مع الصراصير والفيران والضبوب واؤكد على الضبوب
Quote: نمرة 3 دي الا تشرحها اي هنا قدااام الناس عشان ما يعتبروك وانا معاك طابور خامس نحن في زمن الشفافية
مادام إنت مصمم :
3. رش يرش رشاً فهو مرشاش :
وهو الذي يقُبض متلبساً يتلصص بعينيه لبعض الغيد الحسان ثم يحاول أن يرش بعض كلمات المجاملة لزوجته مستعيناً بكلمات من قاموس أيام الخطوبة و شهر العسل حتى يضيع موضوع تلصصه ..
تخريمة واجبة : شاهدتْْ إحدى الزوجات زوجها يبحلق فاغراً فمه لإحدى الحسان .. فقالت له : دي منو البتعاين ليها و عاوز تاكلها بعيونك؟ فقال دون تفكير : تصدقي دي قريبتنا شديد بس الظاهر ما عرفتني
فأسرعت الزوجة للحسناء و إستوقفتها و قالت لها : إنتي قريبك دة ما عرفتيهو ؟ فنظرت الحسناء للزوج من تحت لافوق و قالت : قريبي من وين .. و الله لا قريبي لا بعرفو ..
( فبُهِت الذي نظر .. و صار مرشاشا كما هو موصوف أعلاه ) ..
Post: #41 Title: Re: زوجـتــي قــاتـــــلة Author: هاشم أحمد خلف الله Date: 04-15-2007, 05:44 AM Parent: #40
Quote: شوفت كيف.. دلوقتي انت البيخليك نطنش شنو؟ مش دي اللسته البتاكل وتشرب ويغسلوا ليك ملابسك وملابس اولادك متها؟ في حاجه يعني هي بتدسها وتبيعها من وراك؟ ولا مثلا عايزه بس تجيب حاجات انتو مابتستعملوها؟
شهيتني القتل بالذات لما يكون للصرصار اللونه قرمزي ده وأسلحة دماركم دي كلها رش وبس نحنا الرش عندنا ممنوع لأنواع كثيره من الحساسيات والمضرب الكهربائي ده السلاح الوحيد الفعال عندنا وقصي طوالي شايل ليك السلاح ومهدد ليك الحكومه صاحبة أمتياز السلاح الذي لاتلوث فية ولا ضرار ولكن الجميل أنو اللسعه بتاعت الكهرباء لما تصادف قصي وهاك ياشكله مع أمو وهي ذات ذات مره أخذت اللسعه وكانت علي ما أظن 220فولت حتي فقدت الوعي لثواني وبعدها قررت أستعمال الأسلحه التقليدية ولأن المضرب الكهربائي له مفعول الشواء للصراصير والذباب معأ قوة جديده وبعد القتل يمكن تقديمها الي الفيران والضبوب أن وجدت كطعم جاذب للشرك القبض عليهم وتقديمهم للمحاكم أمن الدولة مع الأحتفاظ ب حقهم في أحضار محامي للدفاع عن قبل صدور الحكم وغالبا ما يكون الأعدام أمام كل الصراصير والذباب والباعوض بشقيه وتكون في ساحه عامه أمام وزيرة العدل
