احصائيات ومفارقات غريبة في البورد

في محاولة للنظر الي المعايير التي علي أساسها يتداخل الآعضاء في موضوع معين وجدت الآتي:

المواضيع التي تهتم بمناطق بعينها أو قبيلة حازت علي أكبر عدد من الرود والمشاهدة , المواضيع التي كتبت بواسطة
سيدات حازت علي أكبر قدر من الردود والمشاهدة , ومن المفارقات أن هناك موضوع تم فتحه من أحد الأعضاء فكانت
الردود صفرا ولاحقا فتحت احدي المشتركات موضوع تحت نفس العنوان فكان عدد الردود 101 وعدد المشاهدة 2384
أكثر الأعضاء بالرقم صفر في المشاهدة هو العضو غريبة , يليه العضو محمد عادل , من المفارقات ان سيدة واحدة فقط نالت صفر
من المشاهدة , خلال الاسايبع الماضية اشترك حوالي أربعة أعضاء جدد , اتنين من السيدات واتنين من الرجال , هناك عضوين لم يرحبا
الا بالسيدتين فقط !!

هناك مواصيع ذات قيمة فنية عالية لم تنل أي حظ من الردود والمشاهدة , بعض الأعضاء من الذكور وخاصة من لهم صورة علي
البروفايل مرفقة , ما وجد بوست كتب بواسطة سيدة الا وتداخلو فيه بالمدح ومعسول الكلام , علي الرغم من عدم أهمية الموضوع كقيمة.
نواصل لاحقا لتحليل الظاهرة والاحصاء, وفي انتظار المشاركات.


محمد عبد المطلب

أخي محمد
تحية وتقدير

والله تطرقت لموضوع هام للغاية وليت تحليل الإحصاءآت يشمل الموضوعات الهادفة التي تضيف للقاريء Value Addedوالموضوعات الهايفة التي ترهق كاهل السيرفر Server
الموضوع هام وليت كل الإخوة المتخصصين يساهموا في هذا العمل التنويري

عذرا

Quote: الموضوع هام وليت كل الإخوة المتخصصين يساهموا في هذا العمل التنويري

الحق ...يقال...

و يُشاهد ...هنا



يلا ..ياناس الاحصاء ..ورونا شغلكم



العربي

!!!

Quote: أكثر الأعضاء بالرقم صفر في المشاهدة هو العضو غريبة , يليه العضو محمد عادل

حاجة غريبة جدا مع إنو غريبة مؤتمر وطني ومحمد عادل أنصاري ستاندارد !!

Quote: من المفارقات ان سيدة واحدة فقط نالت صفر

وهناك إحتمال كبير بأن يكون الأسم يحتمل التذكير لذلك حدث الألتباس !!!

هذه الإحصائية التحليلية إذا تناولها الجميع بالموضوعية والحرفية المطلوبة من الممكن أن تؤدي إلي إيضاح نوعية الأعضاء واتجاهاتهم الفكرية والثقافية والأجتماعية والعقائدية الخ ...
بوست موفق وبدرجة إمتياز

اهتقد ان هناك شلليه وهنك ايضا مطبلاتيه

ناذر

Quote: حاجة غريبة جدا مع إنو غريبة مؤتمر وطني ومحمد عادل أنصاري ستاندارد !!

والكلام ده ممكن يؤثر في مستقبلنا؟؟؟؟ كيف ؟ ولماذا؟؟ وأين ّّ؟؟ أجب بلا أو نعم.

Quote: وهناك إحتمال كبير بأن يكون الأسم يحتمل التذكير لذلك حدث الألتباس !!!

عادل جبارة
الله يفرحك دنيا وآخرة , ضحكت لمن اتكيفت من ضحكتي زاتها, واصل بالله.

Quote: اهتقد ان هناك شلليه وهنك ايضا مطبلاتيه

نادر ابو كدوك :
والحل شنو طيب ؟؟؟ نأجر لينا طرحة ونجي ولا كيف الدبارة؟؟

محمد وضيوفه سلام
الشعب السوداني دة شعب بيحب الطرب: خبر عرس، خطوبة، صور حفلة= نسبة عالية من المشاهدين وبوستات الجنس اللطيف دي جزء من الطرب دة.
الاعضاء البيظهروا شبه يوميا: بوستات او مداخلات الناس بيعرفوهم وبرضو نسبة عالية

عزيزي محمد

حتي الاستبيانات الوظيفية والاقتصادية والاجتماعية التي تقوم بها شركات عالمية متخصصة كا ي سي نلسون ( وانا اجاوب علي استبياناتها مرتيين في العام ) لا تعطي الا نتائج ترتبط بالوقت الذي اجري فيه الاستبيان .. كم من مداخلات مفيدة لا ننتبه اليها في وقتها لا سباب كثيرة ثم نكتشفها يوما او لا نراها البت ...وفي هذا المنبر ذو الحراك السريع وحيث ان عنوايين كثيرة احيانا لا تعطي مؤشرا للمحتوي او انها لم تكن في الواجهة حين اتي الواحد منا الي المنبر وانسحبت الي الاسفل ثم الصفحة التالية فهي تغيب عن كثيرين منا دون قصد ..فالغالب الاعم من المنتديين لم يلتقو البت وبالتالي ما يجمع هو ما يكتب وما وقع تحت النظر في وقت محدد هو لحظة تواجد الشخص في المنبر قارئا او متصفحا ومزاجه العام وعما يبحث في تلك اللحظة ..الصور والاسماء( وكثيرا منها مستعار او كنية ) ليست مؤشرات عامة لتحديد مدي قبولنا لما يكتب او رفضه ... قليل من الاسماء ارتبطت بنتاج محدد او رؤي محددة ( ادب- شعر - كتابات نقدية اجتماعية هادفة - كتابات صحفيين وصحفيات لهم اسهامات معروفةززالخ) ولذا يبحث عن مداخالاتها البعض منا.. كثير من المواضييع لا تستوجب الرد ليس لا نها ذات قيمة متدنية بل بالعكس لا نها كتابات وافية شافية ...
عندي مثلا ارتياد المنتديات "العامة" هو رغبة اكيدة في البحث عن معرفة تفييد ( انسانيا او ادبيا) واظن انه كذلك للجميع وتحديد ما هو المفييد امر جد شخصي ومن الصعب ان تكون الاحصاءات مؤشرا لاهمية ما يكتب او من هو الكاتب ووجهته السياسية او الفكرية ومدي تقبل الاخرين له او لها .. الخ ...

لك مودتي

ابوبكر

التحليل معلومه وخـطوات على الطريق

واصل

الإثارة والموضوعية على طرفي نقيض.

والموضوعات التي يرتفع ترمومتر قراءتها والمشاركة فيها هي التالية:

- فيها إساءة أو تجريح أو إشادة ب"أشخاص" وليس "أفكار"
- ويمكنك أن تستبدل كلمة أشخاص بقبيلة أو منطقة أو ديانة .. إلخ - دون موضوعية -، كما تفضلت.

يبدو أن البورد يحبو فكريا.
ويحتاج لنانا.

Quote: هناك مواصيع ذات قيمة فنية عالية لم تنل أي حظ من الردود والمشاهدة , بعض الأعضاء من الذكور وخاصة من لهم صورة علي البروفايل مرفقة , ما وجد بوست كتب بواسطة سيدة الا وتداخلو فيه بالمدح ومعسول الكلام , علي الرغم من عدم أهمية الموضوع كقيمة. نواصل لاحقا لتحليل الظاهرة والاحصاء, وفي انتظار المشاركات.

معتصم , هبة , أبوبكر , شهاب عثمان, الولد الطيب وجني
منورين والله , الليلة عايز أرجع بيكم لي أيامي لما كنت قارئ الكلام ده في الخمسينات
سنة واحد وأربعين كده !!! المهم الكلام جاب الكلام والبورد ده قلت ليكم كلما مرة بذكرني
حاجة , وبمناسبة الاحصائية بتاعة البوست ده , ذكرني بالجماعة البيبيعو في السوق ويكوركو
لي بضاعهتم , في ناس كتابين جدا ومتميزين وموضوعهم يقعد في الصفحة الأولي لمن يعفن زول
يشتغل بيهو مافي , وفي نفس الوقت تلقي في واحدة فاتحة ليك موضوع بتاع قطيعة عديييييييل
كده , الأمة دي يا كافي البلا تتجاري ,الأعمي شايل المكسر وهاك يا رشاقة وهاك يا اشراقة ,
وخفة دم وظرافة مصطنعة لمن تخليك تحتار , وست البوست توزع في البسمات والمجاملات يمين وشمال
وقايلة البوست بتاعها شرط عديل والناس دي معجبة بقدراتها البلاغية !!!! وزولنا بتاع البوست الجميل
قاعد جنب باب البوست بتاعو ينش في الضبان , ويكورك بي طول حسو , علينا جااااي الليلة بي مية وخمسين
... جبنا بالطيارة وبعنا بالخسارة , جرب وما حتندم , بوست مظبط يااا فيهو صور ومجلات وفيديو ياااااا, ايوا جااااااي,
تقوم تجي واحدة من عقلاء المنبر غالبا تكون (...........) النقط دي عشان كل واحدة تفتكر دي هي المقصودة
تقول ليه : يا ولدي والله بوستينك ده سمح بالحيل عيلا الناس دي ما بتجيك بي أخوي وأخوك, نصيحة لي الله , أكان داير الناس دي
تجي علي بوستينك ده , جيب ليك بينة سميحة وقفها في خشم باب البوست بتاعك, عليك أمان الله الناس دي تجيك لمن تقول الروب من الزحمة,

يا أخوانا في بوست في الصفحات الورا بتاع العضو هشام آدم , قمة في الروعة , عليكمالله خشو عليهو ولا كمان يا هشام
أعمل بالنظرية أعلاه عشان تآمن.
سؤال قبل الطبظة : تفتكرو الزول البكتب كلام جميل وما في زول بشتغل بيهو احساسو بكون شنو ؟؟ وشايف البوستات الهايفة سوقها حاأأأأر؟؟

عرزة وطبزة : صحي كهف !!!!

يا محمد ..
تعرف "التسويق" عموما هو اهم ادوات التفاضل في العالم منذ الحرب العالمية التانية ووصل افاقا جد بعيدة خلال الست عقود الماضية الي اليوم .. تسويق للخير والشر ..تسويق للمنتوج فكري او مادي و للمعلومة سالبة او موجبة .. وفي بلاد تعيش انت فيها هي التي تحدد اين تاكل وماذا تاكل وهل تاكل ؟ حتي العلاج والمرض والحرب والسلام والسياسة والدين ووووو.. الخ ... ادوات التسويق تعددت وهي تخاطب كل شرائح البشر ....ادوات التسويق ومنافذها كثيرة والانترنيت بوسائله المتعددة من نيوزقرووبز (وهي الاقدم) والشبكة العنكبوتية والمنابر والمدونات وووو اليوم احد اهم هذه النوافذ ...المنابر العامة المفتوحة التي تخاطب كل الشرائح التي تستهدفها دون ترمييز او تحديد فكري او جهوي او عقائدي او سياسي كالمنتدي الذي نحن فيه هي ادات تسوييق لمنتوج عام متعدد غير محدد.. شبكة ترميها النهر او البحر فتسحبها وتجد بداخلها انواع من غلة البحر و حديد وخشب ورمل و ربما لاءلي.... وانت القارئ او المتصفح ادخل يدك او يديك دون تمسك يد الاخريين او تحاول اقصائهم او تحاول اعادة ما لا يعجبك الي البحر وتبحث لعلك تجد ما يعجبك ... هنا تحديد قيمة ما هو جيد عندك ليس بالضرورة هو عند الاخر او الاخريين .. كل يبحث عما يرووق له وهذه اولي خطوات تعايش او مقدرة ايجابية للتعايش سميها ما اردت ديمقراطية اشتراكية .. الخ ... هذا منبر عام واسع ابحث فيه عما يرووق لك وربما تلتقي مع اخريين يرووق لهم ما يرووق لك ولللاخريين ربما يجدو فيك ما يرووق لهم ....الم تجد هناما يستهوييك تجده في غير مكان وهكذا الدنيا في عمومها....انا اشترك في عشرات المنابر متخصصة وعامة واخذ ما يرووق لي من كلها وهنا ابحث عما يرووق لي دون ان ازاحم احدا.. لا احد يجبرنا الي قراءة ما تحتويه العنوايين (البوستات) نحن نختار فاختار انت كما تريد وغيرك كما يريد....

لك مودتي
ابوبكر

Quote: هذا منبر عام واسع ابحث فيه عما يرووق لك وربما تلتقي مع اخريين يرووق لهم ما يرووق لك ولللاخريين ربما يجدو فيك ما يرووق لهم ....الم تجد هناما يستهوييك تجده في غير مكان وهكذا الدنيا في عمومها

أخي العزيز أبو بكر
أوافقك تماما على كل ما ورد بحديثك .. ولكن لا يمنع ذلك من دراسة منهجية إحصائية عن توجهات الأعضاء من خلال توزيع نسب المشاركة في المواضيع حسب تصنيفاتها المتعددة ( رجالية - نسائية أو قومية - جهوية ) الخ ،، أعتقد أن الدراسة الإحصائية بهذا الشكل تساعد الجميع لمعرفة رغبات وتوجهات القراء .. ولك مني تحية

يا عبد المطلب ما تنسى التظكره اولا
تانيا البورد دا متل سوق الله اكبر كل زول بيشتري حسب قريشاتو وحسب عجب عينو ولا شنو ؟؟؟

اها انا قبيل قريت لي قصيده للشاعر الكبير فضيلي جماع والله ما قدرت ارد عليها ولا بحرف مرقت بي صمه خشمي . في ناس الزول يخاف يتداخل معاهم في ناس الزول يحس انه ما قدر كلامهم في موضوع قد لا يستهويك وهكذا . حب الناس مذاهب

عزيزي عادل

Quote: ولكن لا يمنع ذلك من دراسة منهجية إحصائية

اية دراسات تفييد غير ان المنتديات والمنابر المفتوحة مثل منبرنا لا توفر بطبيعة دورها و تنوع المشتركيين ومزاجاتهم - التي لا يمكن تحديدها فقط من رسائل عامة- واختلاف المواضيع والمستويات الفكرية والعلمية والاعمار والبيئة ..الخ مدخل لدراسة منهجية الا في حالة اختيار بعض الافراد ظوعا يمثلو كل قطاعات المشتركيين واعمارهم وجنسهم وتوجهاتهم وومواضيع محددة في فترات زمنية مختلفة ثم وضع استبيان لهم وتؤخذ النتيجة كمؤشر مبدئ ...( لظرف خاص قضيت عمرا تجاوز العقديين في منابر اسفيرية باختلاف تخصصاتهاولغاتها والمشتركيين فيها ولم يكن متاحا مثل ما تقصده من دراسة منهجية لا ستقراء توجهات راي عام بصورة تحدد توجهات يمكن الاعتماد عليها في دراسات جدوي او خلافه او في تحديد مسار وعمر المنابر واستمراريتها وسودانيزاونلاين ليس اقدم المنتديات السودانية ولكنه اكثر المنابر باللعربية رواجاوشعبية في فترة زمنية محددة نامل ان تطول) من المؤسف تحديد استمرارية المنابر وتوجهاتها امر بالغ الصعوبة لاعتمادها علي شتات اسفيري متحرك ومتغيير وعوامل سياسية واجتماعية وجهوية ترتبط بهم...

لك مودتي

ابوبكر

يا أبوبكر , عادل , دومة

أكيد كل زول بيقرا علي حسب مزاجه وده المقصود من البوست ده , عشان نعرف الأمزجة دي شنو البحركها!!!
آفتنا في السودان الشلليات , والمعايير المختلة , يعني الحاجة الهايفة عاملين ليها راس وقعر , والحاجة
البتستاهل زول شغال بيها مافي , وزي ما قلت قبل كده انو نحن كسودانيين عندنا مشكلة تصغير وتكبير. والمنبر ده
بوريك الحقيقة دي , لو فعلا المواضيع البتستحوز علي قدر كبير من المشاهدة والردود تستحق ما مشكلة لكن
الحاصل هنا حاجة تانية خالص , شلليات وقبليات وحزبية وجبانه هايصة , الناس البتكتب وعندها فكرة , من حقهم
عليهم التشجيع حتي لو كانو مختلفين معانا , والناس المابستحقو من واجبنا نوريهم انو كتاباتهم لا تستحق , مش
نشجعهم لحدي ما يصدقو انهم بكتبو كويس , وحنكون كده لحدي بوم القيامة حالنا ما حيتغير عشان عمي الألوان النحنا
عايشين فيهو. قول الكلام جميل وما عندك اي اضافة طيب مجرد المرور علي البوست ممكن يدي صحبو دفعة
وهنا في أقلام شابة وتستحق المساندة لا التحطيم .
حنواصل ونشوف نهاية القصة دي........ ويلا يا شباب علي الاحصاء !!!!!

دوما: التذكرة حاضرة.


صحيح كهف !!!!!

اها يا ولدي النكلمك..

مثلا انا من سنة 1999 الى سنة 2004
كنت بفضل البوستات الادبية تقريبا عندي علاقات
مع كل الادباء في البورد.. دائما بقرأ ليهم..
اها سنة 2004
دورت شكلة ادقت صفائح وطلعت فضائح بين ناس ساس
يسوس..
وطلع المعارضة اتقرضت في الحدود وسجنو ناس وسلمو ناس وكتلو ناس
وناس الناس مفتكرنها استشهدت طلعت انتحرت بزيت المكنة
عشان ما احتملت التعذيب... اها كتبت لاول مرة في السياسة..
ومن ديك بقيت مناضل مضاد..

البورد فيه اكوام عجيبة وغريبة..
مثلا كل كوم عنده صنم..
اها في ناس ما بخشو لبوست فلان لانه صنمو معادي فلان..
اذكر مرة زول كتب هنا عن فقد صديق.. يلا اختك اتعاطفت وكتبت ليه
في البوست رد لي في الماسنجر..لانه الصنم حقو بكجن بيان
ودا بيحصل بصورة ابشع لو الصنم امرأة.
بعداك الناس البتراسلني في الماسنجر
اكثر من الناس البتخش بوستاتي
زول يعلق ليك عن بوست في الماسنجر
وكلام بيكون عادي ممكن ينشر. القصة دي فترة
حيرتني لما عرفت السبب وبطل العجب وهو الكيمان والاصنام..
راجع البوست دا
كومى... وكومو.... وكومك
بعداك لما بقيت استقبل 10 رسائل يوميا من ناس
يعلقو لي على ما اكتب كتامي
كتبت هذا البوست

الاصدقاء/يقات الخفين.. وشعور العشيقة....

البدهشنى كيف الزول يضيع فرصة ماسية ذي انك تقول اي حاجة عايزها
عشان المجاملات والولاءات.. عرفت ليه كل ما تكون في ديمقراطية
في السودان بتسرق بليل.
لانه نحنا عبيد جوة قلوبنا لاي صاحب سلطة
وانه راينا دائما بنضحي بيه عشان ولاء ما..
يوم قمت ختيت ايميلي في بوست
يلا بقت تيجيني رسائل من ناس برة
البورد مادحة في غالبها وقادحة لدرجة البذاءة احيانا..
بس مرة خليت البورد جاتني رسالة
من زول سالني سؤال واحد
اين تكتبين لاتابع ما تكتبينه لانني احب كتابتك جدا..
وكانت ذي جرس كدا حسيت اني بالجد اني بعمل في حاجة.
ما دام في زول بسالني انا بكتب وين عشان يتابعني
رغم كتابتي الكسيحة..والتى اقوم بها في الغالب
لفراغ في الغربة.. حيث كبر الاطفال وانا اعمل بنظام الساعة
او مشاريع بالمقطوعية..
قلت يا بيان معقول يكون في زول متابعك؟
بعد ذلك اخبرني صديقي ان قرية في الشمالية
يتناقشون فيما اكتب.
غالبيتهم تظن اني حقانية بينما البعض يراني كمتلقية حجج..
اذكر كتبت لهم بوست وارسلت لي كثير من الرسائل
من اولاد المنطقة في العالم
حسيت بسعادة غامرة
ومن يومها وعيني على عداد الدخول..
لما يصل 500 في يوم ولا يومين بحس بالفخر.
رسالتي وصلت ل 500 قارئ..
ومن يومها صرت اتحرى الدقة والمصداقية
فيما اكتب.. لانه عندي قراء بحترموني
لازم اكون قدرهم..

لاجل هذه الاكوام لن يكون هناك اي قياس اتجاهات حقيقي..

العزيز محمد
تحية طيبة
شكرا على هذه الملاحظات كما نلتمس من الأعضاء اخذها بعين الأعتبار من اجل تجويد الأداء
والارتقاء بمستوى الحوار الى آفاق ارحب.

Quote: آفتنا في السودان الشلليات , والمعايير المختلة , يعني الحاجة الهايفة عاملين ليها راس وقعر , والحاجة البتستاهل زول شغال بيها مافي , وزي ما قلت قبل كده انو نحن كسودانيين عندنا مشكلة تصغير وتكبير. والمنبر ده

فعلاً الشلليات وتنسيق المواقف عبر الماسنجر كما يبدو في بعض البوستات أنه لأمر محزن بالذات في ساحات الفكر وطرح الأراء لاتساعد على استقلالية الرأي وبالتالي تقلل كثيراً من قيمة النقاش بسبب المجاملات .

مودتي واحترامي

Quote: Quote: أكثر الأعضاء بالرقم صفر في المشاهدة هو العضو غريبة , يليه العضو محمد عادل حاجة غريبة جدا مع إنو غريبة مؤتمر وطني

انت عارف يامحمد عبد المنطلب و ناذر كان حا تكون غريبة لو المشاهدة
لمواضيع غريبة كانت اكتر من صفر،،،

بيان

Quote: البورد فيه اكوام عجيبة وغريبة.. مثلا كل كوم عنده صنم.. اها في ناس ما بخشو لبوست فلان لانه صنمو معادي فلان..

طيب ..... الناس دي مالها زي العايزه تنكر الحقيقة دي؟؟؟ يعني قبل ما أخش البوردده , كتبت الكلام ده في بوست حيدر .. وهسه عملت بيه البوست ده ....عشان في ناس دافنها ريسينها في الرمال وعاملين انهم ما عارفين نفسهم امعات ..... يسبحو بحمد اسيادهم . زي ديل من حق كل الناس وبالذات القارئ انو يعرفهم , ويعرف انهم مسيرين بي ارادة غيرهم , يا أخوانا الزول التبيعة أحسن ليهو يقولها عديل ويريح الامة دي , بعدين الموضوع طالما كده . الناس ما تراسل بعض بره بره وتريح السيرفر ده شوية ؟؟ , يعني ما ممكن بوست بتاع قطيعة الناس دي كلها تتكبكب فيهو, ولو اتكلمت يطلعوك مجنون ... والله دي قوة عين ما حصلت نهائي , زمان قلت ليكم المنبر ده كل مرة بذكرني بي حاجة, اها الليلة وروني المنبر دا فرقو شنو من السودان زاتو ؟؟؟ شلليات ,حزبية ,عنصرية ,حقد, مباراة الفارغة , الغلط البين الناس تغالط فيهو وتحاول تقنع الناس انو صح , ويجو مجموعتو خاشين بدون ما يفهمو الحاصل ويطلعو هو الصح. زي المحامي الجا خاشي قاعة المحكمة ولقي قضية بتاعة سرقة حمار , وطوالي خش ليك شمال في المحكمة وبدأ يدافع عن المتهم : وقال انو المتهم ده برئ لانو ما سرق الحمار , الحمار هو اللي مشي وررا المتهم , لانو المتهم كان شايل برسيم للغنم, ولما خش البيت الحمار خش وراهو , عشان كده طلب البراءة لموكله ... وهو لا موكلو ولا حاجة .... المهم في النهاية القاضي قال ليهو : يا استاذ انت فاهم غلط وخاشي غلط ..... لانو الحمار البنتكلم عنو ده حمار هدوم.
كده كويس ؟؟ رجعتونا للبري بتاع زمان!!.
السودان حيظل ياهو السودان ولا حيتقدم خطوة..... اليوم المنبر ده يخلو من الشلليات والمصالح الحزبية والقبلية السودان حيتصلح ... عشان كده الراجي السودان يتصلح .... عشم ابليس في الجنة .....
اصحو يا ناس من غيبوبتكمفالعالم كلو بينظر.

صحي كهف !!!! عالم نايمة !!!!!
وما زال الاحصاء مستمرا....

الأخ عبدالمطلب
ليت الأخ صلاح غريبة يضطلع على هذا البوست حتى يعرف قيمة او بالأحرى عدم قيمة مايكتب ويريحنا قليلا من الهراء الذى يكتبه.
ليته يفعل.
مع تحياتى لك وله.

اها يا محمد عبد المطلب انا بعد لميت في التذكره
والصيف في هونولولو
بديكم عجاج كرعيني وعرض اكتافي
وا العفو في العافيه يا شباب نلاقيكم بعد الاجازه

Quote: ومن يومها صرت اتحرى الدقة والمصداقية فيما اكتب.. لانه عندي قراء بحترموني لازم اكون قدرهم..

Quote: اها في ناس ما بخشو لبوست فلان لانه صنمو معادي فلان.. اذكر مرة زول كتب هنا عن فقد صديق.. يلا اختك اتعاطفت وكتبت ليه في البوست رد لي في الماسنجر..لانه الصنم حقو بكجن بيان

البوست ده لو كان مفتوح للقطيعة كان هسه هاك يا شكر وهاك يا قرقرة , المهم سيتواصل التحليل والاحصاء
الظاهر هنا العندو رأي مخالف الصحك شرطو !!!!!

Quote: اها في ناس ما بخشو لبوست فلان لانه صنمو معادي فلان.. اذكر مرة زول كتب هنا عن فقد صديق.. يلا اختك اتعاطفت وكتبت ليه في البوست رد لي في الماسنجر..لانه الصنم حقو بكجن بيان

البوست ده لو كان مفتوح للقطيعة كان هسه هاك يا شكر وهاك يا قرقرة , المهم سيتواصل التحليل والاحصاء
الظاهر هنا العندو رأي مخالف الصحك شرطو !!!!!

فكرة هادفه .. اتمنى التوفيق

Quote: البوست ده لو كان مفتوح للقطيعة

عزيزي محمد ...كيف تكون القطيعة في العلن ؟؟ القطيعة او الغيبة تكون من وراء الشخص وهي منفرة منكرة؟؟ كيف يعرف القارئ ان مساجلة معينة انها قطيعة فالعنوايين لا تعطي اشارة لمثل ذلك محتوي ؟؟ لماذا لا ننظر الي الجوانب الايجابية في المنابر من عشرات مواضيع هادفة واناس طيبين مفيدة المعرفة بهم ؟؟ هل حاولت ان تحصي المواضيع الهادفة والاسهامات المفيدة ؟

Quote: في محاولة للنظر الي المعايير التي علي أساسها يتداخل الآعضاء في موضوع معين وجدت الآتي: المواضيع التي تهتم بمناطق بعينها أو قبيلة حازت علي أكبر عدد من الرود والمشاهدة , المواضيع التي كتبت بواسطة سيدات حازت علي أكبر قدر من الردود والمشاهدة , ومن المفارقات أن هناك موضوع تم فتحه من أحد الأعضاء فكانت الردود صفرا ولاحقا فتحت احدي المشتركات موضوع تحت نفس العنوان فكان عدد الردود 101 وعدد المشاهدة 2384

الهدف من هذا البوست ما ورد في الاقتباس أعلاه , أن تذكر غيرك بما يكره هي القطيعة , ويمكن أن تدخل النميمة في
كثير من المواضيع التي يهتم بها كثير من الأعضاء , القطيعة والنميمة بقو عندهم جنحين يطيروهم بيها وكرعين وبقو يدلعوهم ويدوهم
مسميات. الناس تكون واضحة مع نفسها , البوست ده لمناقشة مشكلة هي حقيقية , الشرذمة والشلليات والحزبية والقبلية والهيافة.
حتي لو كان الموضوع هايف , المهم كاتب الموضوع منو !!! ما مهم المكتوب شنو !!!! يا ناس المواضيع الهايفة ما تشجعوها , ما تعملو ليها راس وقعر , الكلمة أمانة , ومفروض الناس تقول كلمة الحق حتي ولو علي نفسها,الحقيقة دي لو في زول في المنبر ده عايز ينكرها .... الا تكون مكابرة وغلاط ساكت..... أي واحد يخش البوست ده أنا بطلب منو يلقي نظرة سريعة للصفحات لحدي الرابعة بسرعة حيلاحظ انو الكلام ده حقيقية , المشكلة الناس دي كلها عارفة كده , بس مافي زول قادر يواجه الحقايق , لانو زي ما قالت بيان كلو زول خايف من صنمو .... والما عندو صنم بيبحث عن السلامة.

عايزين نركز في موضوع البوست ونشوف مزيد من الحقايق.

عبدالمطلب

اكتب ، فانت حتي الآن جديد، انت تبعد عن الجميع وتقترب منهم بنفس المسافة ، بوستك هذا

ممكن يمشي لو كانت لك شلة ، تآذرك وتآذرها. ولكن اجمل حاجة في البورد ان لا تكون (مطلوب ) من زول . واصل التحليل ، ستجد المفارقات المضحكة والمحزنة ، ستجد هناك حلفا بين مجموعه لا جامع لها سوي كرههم لفلان .

ستجد ان الردود علي البوستات لا للموضوع ولكن لاسباب اخري .

اجمل ما في بوستك هذا براءته ....

شكرا

Quote: الناس دي مالها زي العايزه تنكر الحقيقة دي؟؟؟

لان الحقيقة حارة وبتختهم في حتة قدام نفسهم ما سمحة..

مشو الزول المفروض يكون معياروا الاخلاقي واحد وما يتغير من بوست لبوست
او من زول لزول؟

اها مرة واحد كتب لي بوست بيان قبح ما بعده قبح عنوان
واشتغل عربي وافرنجي. جا زول تاني كتب عن بولا ونجاة انهم ديناصورات
جا الزول المايغباني نهر الزول داك وقاليه
ديل ناس كبار في السن ونحنا لازم نحترم كبار السن..
زول اسع بيادب في زول قاليه الاخلاق السودانية واحترام
المرأة والنساء.. الزول دا قبل كدا كان متفرغ لي بشتائم طالت الوالد
بدون سبب شخصي فقط لارضاء واحدة هنا..
اخي محمد
ما بين ما هو كائن وما ينبغي ان يكون مسافة اربعين خريفا..
حتى لو البوست فيه قطيعة ما بعلقوا الا ناس الكوم..
طبعا هناك ناس متحررين من الاكوام يدخلون عندما يستفزهم
البوست ولا يهتمون بالكاتب..
انت ممكن تقسم الناس هنا
التقسيم الاساسي
مستنيرين و ظلاميين
بعداك اكوام هنا واكوام هنا..

محمد تحياتى ,,,,


كتبت فى مقدمة البوست :

Quote: ما وجد بوست كتب بواسطة سيدة الا وتداخلو فيه بالمدح ومعسول الكلام , علي الرغم من عدم أهمية الموضوع كقيمة.

و احدى مداخلاتك تقول :

Quote: تقول ليه : يا ولدي والله بوستينك ده سمح بالحيل عيلا الناس دي ما بتجيك بي أخوي وأخوك, نصيحة لي الله , أكان داير الناس دي تجي علي بوستينك ده , جيب ليك بينة سميحة وقفها في خشم باب البوست بتاعك, عليك أمان الله الناس دي تجيك لمن تقول الروب من الزحمة,

يا محمد عشان نحقق مع بعض الهدف من البوست ده اسمح لى اسألك :كلماتك اعلاه بتعبر عن رأيك حقا ام هى محض تعابير ساخرة ؟

يا ريت القى اجابة عشان ن زى ما تفضلت نحقق ما قدمت من اقتراحات بشان ردود افعالنا و مستوى تجاوبنا تجاه ما يكتبه الاخوة الاعضاء !

Quote: والناس المابستحقو من واجبنا نوريهم انو كتاباتهم لا تستحق , مش نشجعهم لحدي ما يصدقو انهم بكتبو كويس

شكرا,,,

نادية السر

سلام يا شباب

شوفو أول حاجة زي ما قال الرائع رقم صفر أحلي حاجة في البوست ده انو ما يكون في زول طالبك حاجة !!!
دحين النوريكم : أنا ( وأعوذ بالله من كلمة أنا) ما عندي اله هنا أرجع ليه في كل صغيرة كبيرة !!!! اله نفسي براي !!!! رأي بقولو
في عين أجعص جعيص !!! وأي واحد عايز يعمل فيهو انو أنا زول جديد ويعمل لي حركات الشفع دي ..والله ما يلوم الا نفسو ؟؟ أنا شفت وممسح زفت !!! الداير يحترمنا أهلا علي راسي !!! العايز يطول لسانو بديهو في عينو طوالي !!!!!
البوست ده عندي رأي محدد اقتنعت بيهو وحأظل أردده !!!! والما عاجبو رأي ده يعمل الدايرو !!!! في أعضاء في البورد ده ما بتداخلو الا
في بوستات العضوات .... ما يشوفو ليهم طرف طرحة والا يشيلو رشاقتهم وخفة دمهم ويتجارو علي البوست داك !!!
تلقي موضوع البوست أهيف من الهيافة ذاتها .... وفي ثواني البوست تلقي زوارو أكتر من زوار سوق ستة !!!! في نفس
الوقت تلقي بوست مليان روعة وسحر وسيدو قاعد بهش في الضبان !!!! حاجة تحير السمبر والله !!!!! والعايز يقول أي كلمة هنا
في البوست بتاعي ده قبل ما يكتب أي كلمة يدي الصفحات دي طلة ويجي يقول لي كلامك غلط. ولا الموضع غلاط وكتر كلام وخلاص ؟؟؟؟

غرزة وطبزة : قهر وفراق أهل

Quote: والعايز يقول أي كلمة هنا في البوست بتاعي ده قبل ما يكتب أي كلمة يدي الصفحات دي طلة ويجي يقول لي كلامك غلط. ولا الموضع غلاط وكتر كلام وخلاص ؟؟؟؟

ولد ده !

Quote: غرزة وطبزة : قهر وفراق أهل

سمعنا و سلمنا !




نادية السر

Quote: البوست ده لمناقشة مشكلة هي حقيقية , الشرذمة والشلليات والحزبية والقبلية والهيافة. حتي لو كان الموضوع هايف , المهم كاتب الموضوع منو !!! ما مهم المكتوب شنو !!!! يا ناس المواضيع الهايفة ما تشجعوها , ما تعملو ليها راس وقعر , الكلمة أمانة , ومفروض الناس تقول كلمة الحق حتي ولو علي نفسها,الحقيقة دي لو في زول في المنبر ده عايز ينكرها .... الا تكون مكابرة وغلاط ساكت

أسمح لي أن أكرر ما ذكره أحد المتداخلين هنا من أن أجمل ما في هذا البوست أنه ( بريئ ) كما أن أحد العوامل المساعدة في طرح هذا الموضوع بجرأة هو أنك من الأعضاء الجدد ولهذا شعرنا جميعا بضرورة تشجيع هذا الموضوع الهادف الذي يناقش ظاهرة موجودة ومعروفة لدينا جميعا ..
أحيانا أخي محمد يكون للمجاملات التي تميز مجتمعنا السوداني عموما الدور الكبير في تحديد المشاركات ويكون محيط هذه المجاملات إبتداءاً بالعلاقات الشخصية الممتدة مع بعض الأعضاء .. ثم ننتقل إلى العضوية التي شاركت في الترحيب بمقدم العضو عند دخوله وقد تكون المجاملة مفصلة ( بالمتر ) أي حسب طول وعرض سطور وتعابير مداخلة العضو .. وهناك أيضا من يطالبك بالدخول على مواضيعه عن طريق رسالة الماسينجر لمؤازرته ومساندته وهناك من يلاحقك بالهاتف متسائلا عن عدم مشاركته في موضوعه .. ولكن دعنا نكون أكثر موضوعية فإذا افترضنا بأنني شاركت في موضوعك هذا تحديدا لقناعتي بجديته وأهميته ثم بعد أيام تناولت أنا موضوعا آخر ولم يشاركني سوى قلة قليلة ليس من بينهم أنت ( على سبيل المثال ) فهنا تكمن المشكلة حيث أنني وحسب إعتقادي الشخصي أن موضوعي هادف وهام !! فالسؤال الذي سيتبادر إلى ذهني فورا هو لماذا لم يشارك الأخ محمد بالرغم من أنني شاركته في موضوعه الهادف ذاك ؟ وعليه ستنبني مواقف شخصية تحول دون مشاركتي لك في أي موضوع آخر بصرف النظر عن جديته أو أهميته !!
وقد مررت ببعض الحالات كنت فيها أنا الطرف السلبي في المشاركة ( يعني متلوِّم ) !! ولكن سأذكر بعض أسباب عدم مشاركتي .. مثلا هناك مواضيع من وجهة نظري جميلة ومتفردة بدرجة إمتياز من الأخ حبيب نورة وآسف لذكر الأسماء ولكن هذا الأنسان مبدع بمعنى الكلمة وذو خيال خصب ويكتب باسلوب لا يشبه سواه .. ولكن لم يطاوعني قلمي أن أشارك بمداخلة بل ظللت مستمتعا بقراءة الموضوع والمداخلات التي أعقبته .. وكذلك هناك العديد من الأقلام رجالية ونسائية تقرأ لهم وتستمتع ولكن أشعر بأنني لن أضيف جديدا لما ذكره المتداخلون ومن ثم ستكون مداخلتي مكررة ومملة .. فأمتنع !!
هذه بعض الآراء والتجارب المشتتة التي مرت على خاطري وأنا منكتب على الكي بورد لعلها تبين بعض الأتجاهات والمواقف وتسهم في لملمة خيوط هذا البوست لنخرج بإحصائية لا نريدها دقيقة بقدرما نريدها معبرة ومعالجة وموجهة لنا للبعد عن الشللية والجهوية وإن كان لي رأي في المجاملة التي لا ولن نستطيع أن نتخطاها في مجتمعنا السوداني !!!

عادل جبارة :

تحياتي , عزيزي ما قلنا حاجة الناس تجامل , لكن ما لدرجة الأخلال بعوامل التحفيز والانصاف , يعني الحكاية تكون
معقولة ..... يعني انت قلت في بوستات جميلة ما بتقدر تعلق عليها لجمالها , يا خي طيب خلاص الناس ما تعلق , يعني حتي الدخول
للبوست المعني فيهو خيار وفقوس ؟؟؟؟ الحمد لله اني جديد وما عندي زول واقف لي في حلقي .... بعدين انا زاتي والله ما عايز تشجيع
من أي زول ..... وبصراحة المنبر ده خشسيتو بالصدفة المحضة ولا باقي عليهو شديد .... يعني ما فارقة معاي ... لو في قارئ واحد بره المنبر ده مقتنع بي كلامي كفاية جدا ....

نادية السر : رجاءا ما تحاولي تسخري مني !!!!!! أنا لساني زفر لو قمت للقطامة !!!!!

Quote: بعدين انا زاتي والله ما عايز تشجيع من أي زول ..... وبصراحة المنبر ده خشسيتو بالصدفة المحضة ولا باقي عليهو شديد .... يعني ما فارقة معاي ... لو في قارئ واحد بره المنبر ده مقتنع بي كلامي كفاية جدا .... نادية السر : رجاءا ما تحاولي تسخري مني !!!!!! أنا لساني زفر لو قمت للقطامة !!!!!

ثمح



نادية السر

Quote: بعدين انا زاتي والله ما عايز تشجيع من أي زول ..... وبصراحة المنبر ده خشسيتو بالصدفة المحضة ولا باقي عليهو شديد .... يعني ما فارقة معاي ... لو في قارئ واحد بره المنبر ده مقتنع بي كلامي كفاية جدا .... نادية السر : رجاءا ما تحاولي تسخري مني !!!!!! أنا لساني زفر لو قمت للقطامة !!!!!

محمد ؟؟؟
أنت ما كنت ماشي كويس .. مالك ؟؟

عادل :

شوف جنس الحركات بتاعة الشفع التحت دي ؟؟؟ بعدبن أنا كنت ماشي كويس وين؟؟؟
الظاهر الواحد حيحتاج يطلع الكيبورد التاني بعد شوية .... عشان فيهو حروف ما قاعدين تستخدموها في البورد ده!!!!

Quote: ولد ده !

Quote: سلام يا شباب شوفو أول حاجة زي ما قال الرائع رقم صفر أحلي حاجة في البوست ده انو ما يكون في زول طالبك حاجة !!! دحين النوريكم : أنا ( وأعوذ بالله من كلمة أنا) ما عندي اله هنا أرجع ليه في كل صغيرة كبيرة !!!! اله نفسي براي !!!! رأي بقولو في عين أجعص جعيص !!! وأي واحد عايز يعمل فيهو انو أنا زول جديد ويعمل لي حركات الشفع دي ..والله ما يلوم الا نفسو ؟؟ أنا شفت وممسح زفت !!! الداير يحترمنا أهلا علي راسي !!! العايز يطول لسانو بديهو في عينو طوالي !!!!! البوست ده عندي رأي محدد اقتنعت بيهو وحأظل أردده !!!! والما عاجبو رأي ده يعمل الدايرو !!!! في أعضاء في البورد ده ما بتداخلو الا في بوستات العضوات .... ما يشوفو ليهم طرف طرحة والا يشيلو رشاقتهم وخفة دمهم ويتجارو علي البوست داك !!! تلقي موضوع البوست أهيف من الهيافة ذاتها .... وفي ثواني البوست تلقي زوارو أكتر من زوار سوق ستة !!!! في نفس الوقت تلقي بوست مليان روعة وسحر وسيدو قاعد بهش في الضبان !!!! حاجة تحير السمبر والله !!!!! والعايز يقول أي كلمة هنا في البوست بتاعي ده قبل ما يكتب أي كلمة يدي الصفحات دي طلة ويجي يقول لي كلامك غلط. ولا الموضع غلاط وكتر كلام وخلاص ؟؟؟؟ غرزة وطبزة : قهر وفراق أهل

Quote: محمد ؟؟؟ أنت ما كنت ماشي كويس .. مالك ؟؟

عادل جبارة تحياتى و احترامى معليش نقلت ما كتبه محمد فى معرض رده للمتداخلين عشان تتأكد انو ما كان ماشى كويس من البداية !





نادية السر

يا شاطرة

كويس شنو في الكهف يتاعكم ده ؟؟؟ هنا البيمشي كويس الناس تطلع ليه في الراس .... عشان كده مشي كويس ليكي مافي!!
أمشي شوفي ليك شغلة أقضيها ياأمورة ... عشان في كلمة واقفة لي في حلقي لو قلتها البوست ده بيغطس ..........بعدين
اوعي تكوني من النوع البتعقد من الكلام البودي الخور ....... أبعدي من قماشة فراملي يا بت !!!

محمد عبد المطلب
الأخت نادية السر

أرجو العودة سريعا للموضوع الأساسي والمحترم والهادف ألا وهو مناقشة مشاكل الشلليات والجهويات والمجاملات .. ومحاولة وضع أسس ومعايير إحصائية حتى وإن إختلفت آرائنا .. رحمة بالمتداخلين أمثال الراقي أبو بكر ودكتورة بيان ووغيرهم ممن إختاروا المشاركة لقناعتهم بجدية الطرح وأنا منهم رجاءً ثم رجاء ..

خلاص يا شاطرة : مواعيد نومتي جات , ما قصرتي , كنت محتاج لي زول أتسلي بيهو لمدة ساعة لحدي مواعيد النوم !!!
يا شباب واحد يجي يفك اللصقة دي من هنا , يلصقها في حتة تانية ...... لو في زول عايز ليهو دقار لوري برضو ممكن تسد !!

ابداع لكن ......... عليك الله بكرة تعالي بدري لابسة مكوي ... أبيض في أبيض .... ما تنسي تجيبي معاك لوح تلج... ثمح ؟؟؟؟

قالو لي سرو ... قالو لي سرو .... سر غامض ما قدرت أحلو .... يا جونقلي حاشا ما نسوك أهلك تضافرو هندسوك يا جونقلي ... ترم ترم تتتتتتررررم.
هاف قوود نايت بيبي.

احصائيات ومفارقات غريبة في البورد

Quote: يا شاطرة كويس شنو في الكهف يتاعكم ده ؟؟؟ هنا البيمشي كويس الناس تطلع ليه في الراس .... عشان كده مشي كويس ليكي مافي!!أمشي شوفي ليك شغلة أقضيها ياأمورة ... عشان في كلمة واقفة لي في حلقي لو قلتها البوست ده بيغطس ..........بعدين اوعي تكوني من النوع البتعقد من الكلام البودي الخور ....... أبعدي من قماشة فراملي يا بت !!!

Quote: خلاص يا شاطرة : مواعيد نومتي جات , ما قصرتي , كنت محتاج لي زول أتسلي بيهو لمدة ساعة لحدي مواعيد النوم !!!يا شباب واحد يجي يفك اللصقة دي من هنا , يلصقها في حتة تانية ...... لو في زول عايز ليهو دقار لوري برضو ممكن تسد !! ابداع لكن ......... عليك الله بكرة تعالي بدري لابسة مكوي ... أبيض في أبيض .... ما تنسي تجيبي معاك لوح تلج... ثمح ؟؟؟؟ قالو لي سرو ... قالو لي سرو .... سر غامض ما قدرت أحلو .... يا جونقلي حاشا ما نسوك أهلك تضافرو هندسوك يا جونقلي ... ترم ترم تتتتتتررررم. هاف قوود نايت بيبي.

و لان موضوع البوست عن الاحصاءات ارشح ان يكون اعلاه مما كتبه بل و كل ما تكرم به من عبارات لم آلفها من معظم الاخوة و الاخوات الافاضل اعضاء المنبر هى عبارات من ابلغ و ادق الكلمات التى تعكس شخصية كاتبها و مستواه الفكرى و النفسى و ما يستند عليه من خلفية اجتماعية و تربوية فكل اناء بما فيه ينضح !




نادية السر

..
.
يا اخ محمد
انت ياخى ما بديت كويس شنو تانى جاى تناقض نفسك !!

Quote: خلاص يا شاطرة : مواعيد نومتي جات , ما قصرتي , كنت محتاج لي زول أتسلي بيهو لمدة ساعة لحدي مواعيد النوم !!!

Quote: ابداع لكن ......... عليك الله بكرة تعالي بدري لابسة مكوي ... أبيض في أبيض .... ما تنسي تجيبي معاك لوح تلج... ثمح ؟؟؟؟

سمعت بالقائل لا تنه عن خلق وتأتى مثله !!
اها البحصل ليهو شنو!!؟

زى ما قالو ليك الشباب

خليك مركز فى البوست لانك بالصورة دى بتكون دخلت السوق الشعبي
والكجتمع السودانى البجمع كل الفئات المثقفة والمتعلمة..
والكمساري والدكتور والمحاضر ..
تتفاوت ثقافتهم وافكارهم وامزجتهم وقضاياهم
كل يدخل بموضوع معين وفهم معين وراى محدد ووجهة نظر معينة.

Quote: يا شباب واحد يجي يفك اللصقة دي من هنا , يلصقها في حتة تانية ... لو في زول عايز ليهو دقار لوري برضو ممكن تسد !!

وكما قال الاخ (0)

Quote: اكتب ، فانت حتي الآن جديد، انت تبعد عن الجميع وتقترب منهم بنفس المسافة

بس ركز فى الهدف من البوست ..
وبرضو احترم - مشكوراً - وجهة نظر الطرف الاخر

____________________________

* شنو حكاية الاعضاء الجدد الطلبو العضوية وكل واحد/ة
جاى ينتقد فى المنبر واعضاء المنبر وكتاباتهم

( نو هارد فيلنغ يا عبدالمطلب نس اخوك اتعود يختم تعليقه بجنرال فيو وكدا )

فى العافية؛

الاستاذ محمد عبد المطلب اولا شكرا لك على هذه اللفتة ، واقول هنا فى هذا البورد كما فى الحياة اليومية السودانية الناس تقرا صحيفة (الدار ، اخر لحظة )لان فيهما كثير من الخروج عن اليومى او كثير من الدخول لليومى وفق اثارة رعناء، كما صحف الرياضة لا لسبب الا لنوع الثقافة السائدة الان، فى الثمانينات كنا نتسابق لشراء ملحق الايام الثقافى والصحافة على رغم ان الايام كان محررها الثقافى عيسى الحلو، والصحافة كان الراحل االرائع الملهم على المك طيب الله ثراه ، لم نكن معنيين سوى بما يكتبه النقاد والقصاصون والكتاب لكل مشارب الكتابة ، الان الملاحق الثقافية باتت (مسيخة ) بعض الشئ لان الاقلام النابهة تاهت فى الغربة او الانزواء وتبقت الاقلام (انصاف المواهب )وهذا ما حدث للصحافة نفسها ، حتى اقلام كنا نتدافع لشراء الجريدة لاجلها باتت تخذلنا ايما خذلان ، لكن واقع هذا البورد لا يختلف عما ذكرت، فالصحافة الصفراء باتت مرجعا ، بالامس القريب نزل بوست حول ( ممارسات شاذة لشباب سودانيين فى الانترنت )ذهلت للعدد المهول من القراء ، الم اقل لك ان الصحافة الصفراء باتت مرجعا ،وتجد من يكتب نقدا لمحمد مدنى ولا يصادف من يطالعه رغم جلال محمد الشعرى وبهاء لغته، وجمال خطابه الشعرى ، وكذا من يكتب عن خليل فرح القامة الانسانية والفنية المدهشة ، والى اخر القائمة ،وما ازال ارنو الى تلك الصحافة التى هى صاحبة الفضل فيما نحن عليه الان ، تجد من يكتب (؟؟؟؟) مثلا والمتداخلين بالعشرات )ولم افهم السبب ، لكنى حين ارده للصحافة السائدة فى السودان او حتى العالم العربى والتلفزيون وما يتبعه من ركاكة تجذب الناس فهل نحن خارج المنظومة ان قلنا ان ما يحدث هو مشكلة ؟ ابدا لان الصحافة هى الاصل ، فى تتبع الناس لما هو جيد والان الصحافة غدت (دقداق)وليس ( زلط )اتصور ان هذا هو بيت الداء وان لم ينصلح ( فالرماد كال حماد)الى ذلك التعليم نفسه وادواته ومناهجه ومعلميه ومعلماته، ومدارسه الى اخر القائمة فعندى الاشياء حلقة متصلة ،الم نكن نحفظ عن ظهر قلب المصحف ؟والانجيل ؟ وما نزال نحفظ محمود درويش وصلاح احمد ابراهيم والمجذوب ؟ كل هذه مؤشرات ان المنهج الذى يكتب به الناس فى المنبر يشى بضعف فى كل ماذكرنا ، وهذا زمان ( التيك اواى )

Quote: خليك مركز فى البوست لانك بالصورة دى بتكون دخلت السوق الشعبي والكجتمع السودانى البجمع كل الفئات المثقفة والمتعلمة.. والكمساري والدكتور والمحاضر ..

يا تبلدينا:
بعني لو قابلك كمساري واتلادح عليك من الصباح لازم تديهو في عينو , لاننا كسودانيين نظريتنا ثابتة
لوالزول سكت ليهو بطلع في راسك ويعمل ليك فيها أبو عرام ... زي البت الفوق دي جات بلا سبب سالة لسانة وعاملة البت
بت أبوها . وكمان تقل في ادبها وتتكلم عن تربيتي , انت مالك ومال التربية , امشي شوفي البروف بتاعك وين خليهو يقطع
فيك قصيده عشان تقيقفي متبلمة , تربية شنو تتكلمي عنها ؟؟؟ هو لو في تربية ده حالك ؟؟؟ انتي الله ما ليك ولا شنو؟؟؟
قال تربية قال ... ما شفنا ليك تربية يا أمورة زمانك ......... أعملي حسابك عشان ما تسمعي أكتر من كده .... ده درب
انتي ما عارفة سككو كويس يا أمورة .... مستوي تقافي بتاع شنو ؟؟؟ كده عليك الله وريني مستواك ..... انتي في زول محفظك كلمتين
قال ليك أمشي فكيهم وتعالي ؟؟... كلب صيد انتي ؟؟؟ ..... اتجاه واحد؟؟ .... اناء شنو وينضح شنو؟؟؟ كدي عليك الله راجعي الكلام الكتبتيهو من البداية وتعالي اتكلمي عن الاناء والتربية .... صحيح فاقد الشئ لا يعطيه .... طالما بديتي لي عن التربية ... بعد ده شوفي ليك بلد يا حجة انتي ..... لحدي هسي ما سمعناك الكلام البودي الخور ...
يا تبلدينا :
الأعضاء الجدد ديل الانت بتتكلم عنهم جايين هنا بي سنونهم ومفتحين .... بعدين البمنع شنو يقولو رايهم في الاعضاء ؟؟؟ ولعلمك والله
الاعضاء الجدد شايفين الأعضاء ديل أكتر من عاديين بل في أعضاء منتهين مرة واحدة زي الوهم دي ..... يعني ما شايفين لينا زول اكبر من النقد .... لو في أعضاء متخييلن روحهم انهم معبودي الجماهير ؟؟ والله دي تبقي وهمة كبيرة شديد .... زي قلت ليكم المنبر ده يذكرني بي أهل الكهف ... وبعد دخلت الكهف ده لقيت نفسي ظلمت أهل الكهف ايما ظلم ..... شوف العضوة هبة بعد اسبوع واحد بس اتخارجت ... وهي استاذة جامعية , عشان سخف البعض ,, ونوع البت الهسة متلصقة في البوست ده وتتشدق عن التربية ...... صحيح الاختشو ماتو .......... البعيش بشوف والله ... الاحترام عندنا راقد لكن للبستحقو ... ما بنبدا بالغلط علي زول لكن البهبشنا نديهو في عينو........ بعدين ما شايفك وجهت ليها أي لوم ؟؟.... رغم انها بدت باللئم وطولة اللسان ؟؟؟ ولا دي برضو فيها خيار وفقوس ؟؟.... انا كنت عارف الموضوع لما يسخن البت دي حتتبكي وتعمل فيها مظلومة وبعد شوية يجو ناس النصايح وبدون ما يشوفو تسلسل الاحداث بطلعوك غلطان.....صحي ضربني وبكي.....
الناس حقو تكون منصفة.... وده يا هو بالظبط العايز أقولو من البوست ده ..... شلليات واعتبارت مقلوبة كلها .... الغلطان يطلعوهو ضحية والفلطانين عليهو هو الجاني ......... مالكم كيف تحكمون ؟؟؟؟؟؟؟
يعدين شنو حكاية ما كنت ماشي كويس الماسكين فيها دي ؟؟؟؟ هنا البمشي كويس بطلو ليه في راسو .... بعدين اسلوب الوصاية ده ما بنفع ... البمشي كويس هنا برضو عايز ليهو سيف مسلول للناس العايزين قطع لسانهم.......

يا بت الشيخ يا سلمي يا مبدعة

والله أنا متحسر شديد اني خليتك تخشي البوست بتاعي الريحتو بقت كريهة بي جنس المحن دي .... زي ما قلتي الهيافة والقطيعة بقو عندهم كرعين ... ومعجبين ......... الدرر النفيسة والمبدعين محاربين ... وزي ما قال زيدان وعركي ومصطفي لما حاربوهم في البداية انوأغانيهم ببثوها وقت المرة في التكل والراجل في الشغل .... المهم شكرا ليك كتير لتشريفك البكان .... وانشاءالله البوست ده ما عايز فيهو الا ناس بتفهم زيك وتعرف المقصود شنو منه !!!!.

متابعين حجاويك ... بس قطري لسه في انتظار ركاب جدد .... الظاهر في البوست ده لقيت لي كمسارية بي درجة قف تأمل ... يا محاسن الصدف

سلام يغشاك وين ما كنتي.... أبقي طيبة ... وأرقدي عافية , وكان حيين بنتلاقي في الرملة الدقاقة.

نواصل في مفارقات البورد:

لسه مع المواضيع الهايفة , تنقسم الي عدة أنواع : مواضيع هايفة مكتوبة بواسطة أعضاء ومواضيع هايفة مكتوبة بواسطة عضوات ,
بداهة المواضيع الهايفة المكتوبة بواسطة عضوات هي صاحبة الاهتمام الأعظم , ليس فقط من حيث المتداخلين ولكن أيصا من ناحية عدد الزوار , لست في حاجة لتكرار أن الدليل لا يحتاج لكثير عناء , فيكفي فقط نظرة سريعة للصفحتين الأوائل , ثم تأتي المواضيع الهايفة المكتوبة بواسطة أعضاء ينتمون الي تنطيم سياسي معين , ثم المواضيع الهايفة المكتوبة بواسطة أفراد قبيلة بعينها , ثم المواضيع الهايفة المكتوبة بواسطة عضو ينتمي الي جهة معينة من حيث الاتجاهات الجغرافية , ثم مواضيع هايفة لمن تربطهم مصالح شخصية. من المفارقات أن نفس الجهة المعينة أو القبيلة أو التنطيم السياسي نفسه ينقسم أيضا الي تقسيمات داخلية , وهكذا دواليك. لكن أكثر المفارقات اثارة للضحك , أن نفس الموضوع الهايف يمكن أن يفتح به أكثر من بوست تحت نفس العنوان فتري العجب العجاب اعتمادا علي النوع.

سيتم التحليل والاحصاء لكل ما هو جدير بالتحليل سواء اكان سلبا ام ايجابا.

البوست ده شرك ..!!

الشفت

اشرحها لي أخوك.

يا حبه


اي زول عاوز يعلق في البوست ده سلبا او ايجابا
عاوز يتجمجر من احصائية زول
عاوز يغالط
عاوز يرصد

مفروض يراجع احصائياته الشخصية في الاول
عشان بعدين ما يبقى في الجرسة


اها عشان كده البوست ده شرك
وانا يا ابوي ما راجعت احصاءاتي وما بقدر اعلق قبل ما راجعها

اخوك شفت مفتح

يا الشفت

ما مشكلة , المهم الناس تقدر تواجه الحقيقة المرة , بعدين ما ضروري تذكر أسماء عشان الموضوع ما يبقي شخصي ,
ما في شرك يا أخوي اطمن , كل ابن آدم خطاء.

يا الشفت

ما مشكلة , المهم الناس تقدر تواجه الحقيقة المرة , بعدين ما ضروري تذكر أسماء عشان الموضوع ما يبقي شخصي ,
ما في شرك يا أخوي اطمن , كل ابن آدم خطاء.

قلت كده ..!!

اها نديك اغرب احصائية

بكري ابوبكر سيد الدانقة واقدم عضو بالبورد
من اقل الاعضاء مشاركةً


طيب وكت بكري ما عاوز يشارك .. ساوي البورد ليه ؟!

تاني احصائية

2004 .. 2005 .. وجزء كبير من 2006

كان في تواجد كبير من انصار الفكر الجمهوري بالمنبر

هسع ليهم زي كم شهر كده اختفو نهائي تقريبا

بكري ده ما سيد الكفر زاتو , يعني لو ما داير يلعب بشيل كورتو يتخارج, دي مش النظرية يتاعة أولاد الحلة ؟؟؟
دايرين نشوف الناس اللاعبين كيري ساكت عملو شنو؟؟؟ نشوف الأمة دي بتخش البوستات كيف ؟؟؟
حتي لو الكلام ده معروف للكل , لازم الناس تتكلم عشان القاعدين برا يعرفو حاجة.
دايرين نشوف كيف المواضيع الهايفة بعملو ليها جنحين ويطيروها السما.

عبدالمطلب ، اسمح لي ان تعتبرني اخوك الكبير (بحكم السن ، او الاقدمية البوردية ، ايهما تحب)

احب ان اقول لك ، اسوأ ما في كتابة البوست هنا في سودانييز اون لاين ، هو انك في كثير من الاحيان تتعرض الي هجوم او الي مداخلات عنيفة من بعض الاعضاء ، وتكون امام امرين ، اما ان ترد بنفس طريقته ، وبهذا تقود البوست الي جهة اخري ، او تتجاهل مداخلة العضو ، وتواصل ، الخيار الثاني هو الاجمل ، قد تغتاظ ، ولكن المهم هو بوستك ورأيك وما تريد ان توصله للآخرين .

اجمالا : تجاهل من يسئ لك ، وخلال الخمسة سنين لي في هذا البورد ، لم اجد وسيلة اكثر نجاعه من التجاهل ، تجاهله كأنه لاشئ ، لايساوي مجرد ثانية من تفكيرك ، ستبور تجارته تماما.

لا تنفعل ، ثذكر تماما باننا نمارس فعل الكتابة ، وبين غضبنا ، والرد ، هناك مساحة زمنية هي مساحة (ضغط علي رد ثم الكتابة ثم اضف رد ، وهي مساحة زمنية تتيح لنا التراجع ، والاستعاذه بالله من الشيطان ، ثق تماما ، بانك ستكون اسعد بكثير لو تجاهلت الشخص ، ستري نفسك تسمو ، وان الحكمة كانت معك ، وليس الآخر ، والعقل كان لك وليس الآخر . مهما ترد ستجد في يوم من الايام ردك كان ظالما ، او قبيحا ، (عليك الله انظر الي ردود بعض الاعضاء ، واختبر شعورك تجاه هذا الرد وقائله) هذا ما سيصيبك في يوما ما ) .


لا امارس اي دور للاستاذية هنا ، واذا رجعت للارشيف ستجد ان (الناصح ) اي انا قد اخطأ ، خير الخطأاون التوابون .

تجاهل الاساءة يسمو بك ، والرد علي المسئ يجعلك قرين له ، والفرق واضح .

كتبت ملاحظتي هذه لانني لاحظت ان بك حدة في الردود . معليش لكن تذكر انني قلت لك اعتبرني اخوك الاكبر .

في ملاحظة اتمني الا يفسر كلامي هذا ، بانني انال من الفاضلة نادية السر ومداخلاتها، لها ولعبدالمطلب الحب والتجلة .

عبدالمطلب ، اسمح لي ان تعتبرني اخوك الكبير (بحكم السن ، او الاقدمية البوردية ، ايهما تحب)

احب ان اقول لك ، اسوأ ما في كتابة البوست هنا في سودانييز اون لاين ، هو انك في كثير من الاحيان تتعرض الي هجوم او الي مداخلات عنيفة من بعض الاعضاء ، وتكون امام امرين ، اما ان ترد بنفس طريقته ، وبهذا تقود البوست الي جهة اخري ، او تتجاهل مداخلة العضو ، وتواصل ، الخيار الثاني هو الاجمل ، قد تغتاظ ، ولكن المهم هو بوستك ورأيك وما تريد ان توصله للآخرين .

اجمالا : تجاهل من يسئ لك ، وخلال الخمسة سنين لي في هذا البورد ، لم اجد وسيلة اكثر نجاعه من التجاهل ، تجاهله كأنه لاشئ ، لايساوي مجرد ثانية من تفكيرك ، ستبور تجارته تماما.

لا تنفعل ، ثذكر تماما باننا نمارس فعل الكتابة ، وبين غضبنا ، والرد ، هناك مساحة زمنية هي مساحة (ضغط علي رد ثم الكتابة ثم اضف رد ، وهي مساحة زمنية تتيح لنا التراجع ، والاستعاذه بالله من الشيطان ، ثق تماما ، بانك ستكون اسعد بكثير لو تجاهلت الشخص ، ستري نفسك تسمو ، وان الحكمة كانت معك ، وليس الآخر ، والعقل كان لك وليس الآخر . مهما ترد ستجد في يوم من الايام ردك كان ظالما ، او قبيحا ، (عليك الله انظر الي ردود بعض الاعضاء ، واختبر شعورك تجاه هذا الرد وقائله) هذا ما سيصيبك في يوما ما ) .


لا امارس اي دور للاستاذية هنا ، واذا رجعت للارشيف ستجد ان (الناصح ) اي انا قد اخطأ ، خير الخطأاون التوابون .

تجاهل الاساءة يسمو بك ، والرد علي المسئ يجعلك قرين له ، والفرق واضح .

كتبت ملاحظتي هذه لانني لاحظت ان بك حدة في الردود . معليش لكن تذكر انني قلت لك اعتبرني اخوك الاكبر .

في ملاحظة مهمة اتمني الا يفسر كلامي هذا ، بانني انال من الفاضلة نادية السر ومداخلاتها، لها ولعبدالمطلب الحب والتجلة .

عزيزي رقم صفر

صدقني أوافقك الرأي تماما , طوال عمري يا أخي أحترم الجميع , لكن عندما تحذر أحدهم الا يسخر منك وتترجاه الا يفعل , تجد نفسك اما خيار لا بد منه, صدقني حتي في هذه الحالة اتمالك نفسي جيدا , فقط هنا في هذا المنبر يري البعض أن السكوت ضعف , والكل يحاول أن يفرض شخصيته عليك , باعتبارك وافد جديد , وان الكل له الحق في أن تؤدي فروض الطاعة والولاء , وما يجعلك تتحسر أن يتداخل البعض دون متابعة تسلسل الاحداث ويقرر بأنك مخطئ لا لشي الا لغرض في النفوس , فيبدو أن الغلظة تؤتي أكلها مع بعض البشر. خاصة هنا!!!! وفي نهاية المطاف تسمع كلاما عن الاسرة والتربية , برغم انه البادي بالاساءة.

لك الحب كله علي كلماتك والاهتمام ومرحب بك أخا كريما وابن اخ كريم

بوست رائع.. شكرا على الجهد البحثي.

العزيز محمدعبدالمطلب
تحية طيبة

Quote: انك في كثير من الاحيان تتعرض الي هجوم او الي مداخلات عنيفة من بعض الاعضاء ، وتكون امام امرين ، اما ان ترد بنفس طريقته ، وبهذا تقود البوست الي جهة اخري ، او تتجاهل مداخلة العضو ، وتواصل ، الخيار الثاني هو الاجمل ، قد تغتاظ ، ولكن المهم هو بوستك ورأيك وما تريد ان توصله للآخرين .

مااورده الأخ رقم صفر في الإقتباس اعلاه اتمنى ان تأخذه بعين الأعتبار ،حتى تتمكن من إدارة البوست وتضعه في مساره الصحيح ،لان موضوع البوست ذو قيمة تستحق ان تتجاوز الكثير وتغض الطرف عن اية مؤثرات.

مودتي واحترامي

محمد هونولولو

ازييييك


طبعا اخوك لا بتاع جكس منبر ولا انسان مكبوت وانا قاعد في الخرطوم محل الرئيس

بنوم والجكس بحوم عشان كده حركات جكس المنبر ما عندي وممكن اديك لستة بالناس

ال انا عارفهم متخصصين بوستات جكسية وكمان مش كده وبس في بنات متخصصات بوستات

جكسية برضه بس جكس تاني ما زي وزييك الجكس ال شعرو سبيبي وعندو فلجة وشاقي

شعرو ومادي .... .

ده ما الموضوع يا اخوي


شايفك كنت ماشي كويس الا غلطت غلطت عدوك وغلطت ناس هونولولو ب1000

يا اخوي نادية السر صديقتي وبعرفها كويس جدا وهي انسانه ديمقراطية

محترمة وحبت تتناقش معاك وتتدي وتاخد في داعي يا اخوي للمساخة والقطع

الناشف والكلام داااك !!! روق المنقة يا محمد وارجع اقرا كلامك تاني


بعدين يا اخوي مافي زول بحقرك لانك جديد وبطل مناظر وشفتنه وشيل رجلك

من البنزين شوية ..



نصيحة : خليك عادي من لغتك دي انت ما بتتحقر وانسي قصة انك جديد

خليك حريص في العشرة لاخري مدي


مودتي

منعم

محمد الأمين موسي , عبده عبد الحميد

عظيم امتناني بالمداخلة الواعية , سأسير بهذا البوست الي خير نهاية .

يا منعم :
أولن السؤال التقليدي : انت ياتو في الحبان ؟؟؟ انت ده ؟ ولا داك ؟ شبوقي ؟ ولا قزازة . والله لينا زمن نفتش ليك ( ده طبعا لو طلعت بتاع الصورة ), يا معلم انت وين يا فردة ؟؟؟ بعدين صحبتك دي نعمل ليها شنو ؟؟ قولنا ليها أرجوك ما تسخري مني ... ما اشتغلت بالفارغة .... قلنا الناس دي دايرة تضبح لينا كدايسها... فقمت ضبحت كديستي بدري بدري , بعدين كلامي كان واضح ... يعني ما كان محتاج لي تعال أشرحي لي قصدك شنو من الجملة دي؟؟ وانت جادي ولا بتهظر ؟؟ ده موضوع بتاع هظار؟؟ كلام واتكتب وبعد ده كلو زول يقول رايو..ولا شنو يا فردة ؟؟؟ ... وتعمل لي خط تحت الكلام ... ما ده راي أنا وقلتو ... في داعي للتحري ده كلو؟؟؟
بعدين انت ساكن محل الريس بنوم بالله ؟؟ بالله دي حتة تسكن فيها ؟؟؟ أحرجتنا مع الأجانب .....
أظهر يا فردة ... عارفنك ما بتاع جكس .... بس كده تعال وأحكي لينا عن النوع التاني ده عشان البرة يتنورو .... بعدين دي ما غلطة .. ده اسمو سيلف ديفنس ( شفت الانجليزي ده كيف ؟؟) ختري صح ؟؟

والله يا محمد لو سالتني تاني انه ياتو منعم بديك ....

اديك شنو ... يمكن بونية ويمكن لا


يا اخوي داااك بتاع شبق وانا بتاع نبق


شن جاب لجاااب


هسع في ذمتك لو انا بتاع شبق ما كنت تلقاني ملاحق بوستات الحريم


بعدين داااك اسمه مؤنيم سليمان وبالانجليزي الختري زيييك كده


_____

كدي كلمه ما جافة لصحبتنا نادية دي يا محمد ولا تاخذك العزة بالاثم


شفت العزة بالاثم دي كيف



اتعلمناها من زول الصورة



مودتي

منعم

يا ولدنا شنو عزة وبزة ؟؟؟ انت من اتصور مع عمو كلامك بقي براهو , بعدين يا أخوي انا ما غلطان
والله يا منعم اترجيتها عدييييييييييل انو ما تسخري مني ... وافتكرتها حتقيف علي كده ... لكن ابت نهائي...
يا منعم والله أصعب حاجة انك تخش في ختة زي مع أي انسان ... وقسما دي أول مرة في حياتي تحصل لي حاجة زي دي
لانو الحمد لله احترم كل الناس بلا تمييز .... لكن الحقارة نهائي ما بفوتها.وفي النهاية جابت ليها تربيتي وكلام تاني ... يعني اساءت لي اهلي كمان..... يعني انا بستحق اعتذار وصدقني الاساءة دي تاني ما ممكن انساها ابدا مدي الحياة !!! لانو موضع الأهل ده حار شديد.

بالله الكلام الكبار ده ما تجي تفكو لينا هناتاني .... بعدين متين قبلت علي النبق ؟؟؟ اسمع ردد الجملة دي عشرة مرات وبسرعة:
شبقنا وشبقكم , شيقكم وشبقنا , شبقنا شبق شبقكم , وشبقكم شبق شبقنا , يقدر شبقكم يشبق شبقنا, زي ما شبقنا شبق شبقكم.
بعدين انت قصتك شنو ؟؟؟ تغطس وتجي ... نظام تقل ولا شنو يعني؟؟

خلاص يا محمد نيابة عنك بعتذر لنادية ونيابه عن نادية بعتذر ليك


وصافية لبن وانتو الاتنين سكر بث



++++

Quote: بعدين انت قصتك شنو ؟؟؟ تغطس وتجي ... نظام تقل ولا شنو يعني؟؟

عمل الدعوة والوعظ ياااخ مع شيخي .. يلحقني وينجدني

Quote: خلاص يا محمد نيابة عنك بعتذر لنادية ونيابه عن نادية بعتذر ليك

معليش يا منعم اقدر ما كتبت و لكن اوضح لك و للجميع ان موقفى من الاخ محمد ليس شخصى انا حاولت ان اتحاور معه بصدق و سألته التوضيح حتى لا اطلق احكام من عندى و بالتحديد فيما يخص حديثه عن بوستات الاخوات الاعضاء و ما يرد اليها من اقبال بسبب اننا فقط نساء و ليس لقيمة ما نكتب ! و حقا لم اكن بساخرة حينها و لم ابادله السخرية الا بعد ما اصبح يكتب بتعالى و استصغار واضحين بعبارات ارى ان لا مكان لها فى بوست كنت ارى ان من المفيد التداخل و الكتابة فيه فقط من باب الافادة و تبادل الاراءو تفأجات بما كان ما فهم و رد فعل يصعب المرور عليه دون تعليق منى و اكرر ليس بينى و بين الاخ صاحب البوست امر شخصى هو محض اختلاف فى الطرح و الاسلوب !



نادية السر

نواصل يا شباب:
اولن: البوست ده مفتوح للجميع عشان الناس تفتح بطنها وتقول الكاتماهو في الحشا , يعني ما مشكلة اتك تقول رأيك , بس الناس تبعد عن الشخصنة ولوي الضراع , الخبر مقدس والراي للجميع , الكلام المكتوب هنا ده حقايق لا ينكرها الا مكابر وذو غرض يا أما حزبي أو شللياتي , وللمرة المليون الناس تعرف الكيبورد بتاعي ما عندو رب غيري , أكيد في ناس كتار برضو كده , دحين المتاوقة ما ليها داعي,
أي زول حر نفسو وما بحركوهو بي ريموت كنترول عايزو يجي هنا والله علي العين والراس والرحب والسعة , يعني تلقي الحكاية شغالة كدي : (عاين وراك , أعمل حسابك , شوف الزول الجاي بي هناك داك سبتو , أمشي لبوست علان داك لانو فلان زولنا مزنوق , وتعال راجع هنا بي سرعة عشان عايز أرسلك بوست علان داك عامل لينا قلق , حاسب في طوبة جايلك , البد من الشلوت الوراك ده, والمسنجرات تشتغل) وتلقي الزول ده في سرو بيلعن في البديهو التعليمات ويقول طيب انت ما تمشي تعمل كده , لكن نقول شنو حكم القوي علي الضعيف , قاتل الله الشلليات والشرزمة والحزبية والقبلية والعنصرية , والحقد والكراهية , دايما أررد المقولة الشهيرة : أحلي حاجة في المنبر ده انو ما يكون في زول طالبك حاجة,( شكرا صاحب المقولة).

المهم ما علينا خلونا في المهم : الليلة عايز أتكلم ليكم عن ظاهرة معروفة في السودان وهي بتاعة محلات تركيب العطور , وده طبعا ليهو علاقة بموصوع البوست ده , قولي كيف ؟؟؟ حلو شديد , يعني ممكن عضو يفتح بوست معين , تجي شلة الأنس المعينة تخش بي تقلها في البوست , ويحاولو يبرزو عضلاتهم في البوست المعني , بعد داك كل زول وحنكو , يعني لوالعصابة فرضت سيطرتها علي البوست قيبقي خير وبركة , أما لو سيد البوست طلع مقرم وتفتيحة لمن فضيحة تقوم الشلة تعمل محاولة تانية , قولي كيف ؟؟؟ حلو شديد... يقومو يمشو يفتحو نفس البوست بهناك بس عشان تكون الحكاية ما ظاهرة , غالبا يفتحو بي عنوان تاني , وغالبا العنوان التاني بكون علي طريقة ضرب عصفورين بي حجر واحد , يا حبذا لو كان العصفور التاني ده محاولة استقطاب وتوريطة في جميلة , عشان يكون مربوط بسلسل الجميل ده أطول فترة ممكنة , وفي الغالب المهمة بتاعة الزول البختارو للشوشرة علي البوست المعني بكلفو بيها عضو يكون ورقة ميتة ومحروقة أو غير ذات قيمة , يعني بالعربي كده يكون انتحاري , يعني مستعد يفجر نفسو ويفجر البوست معاهو , يعني دباب وكده , وطبعا يقولو ليهو ما تخاف حتي لو فجرت نفسك نحن حنهتم بي عقابك , وبعد فترة حنعمل ليك عملية ترميم وتجميل عشان ترجع تاني تواصل.
لو لسه في ناس ما مقتنعة انو في أعضاء ببارو الطرح مهما كانت هيافة الموضوع , للمرة المليون بقول الموية تكضب الغطاس , عاين للصفخات الأوآئل وتعال قولي الكلام ده ما حاصل , في النهاية الغلاط ما بي قروش. ولو مغالطنا؟ .... وما مصدقنا؟ أسأل العنبة الرامية في بينتا. ترم تررم
غرزة وطبزة : رحم الله امرئ أهدي الئ عيوبي.
معليش يا أخوانا ... آي زول جديد.... لكن ناقش كل حاجة ... استحملونا, الحقيقة دايما حارة.

اها نحن قبيل شن قلنا؟؟؟ قلنا كده..... غالطونا !!! كدي واحد يجي هنا ويغالط تاني !!!
الناس دي مربوطة بي جنزير واحد , وبالتأكيد عندهم ايميل شامل , يعني زي ايميلات الجامعات
لمن البروفسير عايز يرسل موضوه للطلبة , برسل ايميل واحد بس بقوم يصل لكل الطلبة ,
الأدوار مقسمة والشلة جاهزة , ولو أي زول حاول يخش في النص , بتعرض لي هجمة شرسة جدا , لكن أعيد وأقول
المقولة المشهورة : أحلي حاجة في البورد ده انو ما يكون في زول طالبك حاجة.

وحنواصل وما خايفين.

خلونا نقيف شوية ونقول :

السودان كان ولا زال وسيظل صراع حزبي ضيق وشللياتي الي أن تقوم الساعة , وقضايا
المواطن المسكين الأنفو محكوك بالأرض هو في ذيل قائمة اهتمام أهل السياسة , والنضال
من أجلهم والحنك العاضي داك دي مجرد شعارات للمتاجرة بقضايا المسحوقين , ولو
مغالطنا وما مصدقنا : أسأل العنبة الرامية فوق بيتنا.
يا حليلك يا سودان , ما عندك وجيع.

Quote: وحنواصل وما خايفين.

منتظرينك.... ليه اختفيت من الكهف
ليك وحشة..

أخ محمد

واحشنا ياراجل ياطيب

نفتقدك قلمك الجميل بشده .


مؤونة عام من الود