.. العمر من وين بشتروا !!

خزين العمر يتناقص ترحل الاعوام كما الثوانى
اليوم ليس مثل الامس
السنين تتسرب كما المياه بين الاصابع
القلب يشيب و تحتبس فيه الدماء ليس بفعل تراكم السنين وحسب
بل لركام الاحزان مايشيب له القلب والوجدان والولدان
ائتلاف الحزن والسنوات الهاربة يجتاحنا ونحن فى غمرة زمن الاحلام المنسية
نطارد الحلم ويطاردنا العام تلو العام

ياعمر مرسوم فى كف اقدار
ياخطاى الطال بيها المشوار
ياليل مشتاق لدفقة نور
ياظلمة تبكى سنا البلور
ياموجة تعاند فى التيار
ياخطاى الطال بيها المشوار

لله درك ياانسان

للشعر الابيض سواد يشترى بالمال
ولكن .. خبرونى العمر من وين بشتروا

Quote: ولكن .. خبرونى العمر من وين بشتروا

عليك الله كان لقيت محل بيعه اشتري لي معاك ونتحاسب أول الشهر..سمح?

Quote: خبرونى العمر من وين بشتروا

الأشياء النفيسة عندما تذهب لن تعود أبدا
كالروح حينما تفارق الجسد... هل تعود ؟
سؤالك ينبهنا لضرورة المحافظة على أشيائنا الثمينة وعدم التفريط فيها
لأنها ليس لها بدائل ,, لا إسبيرات ,, ولا أماكن للبيع .

ولكم طول العمر .

حبيبنا عامر
لك التحيــة والود .. وسلامي للعيــال ...

Quote: خزين العمر يتناقص ترحل الاعوام كما الثوانى اليوم ليس مثل الامس السنين تتسرب كما المياه بين الاصابع

وبرضو يا عامر في ناس لسع بتحتفل بعيد ميلادها ....

منى خوجلى

Quote: عليك الله كان لقيت محل بيعه اشتري لي معاك ونتحاسب أول الشهر..سمح?

بقالة سحر .. وجهزى الكاش

الله يطول عمرك يامنى وتبقى حبوبة عصرية

سمية الحسن طلحة

Quote: الأشياء النفيسة عندما تذهب لن تعود أبدا

لكم طول العمر

سلام يا تيتاوي يا صديقي
ووينك ووين اراضيك ولحن الطيور وحديث الليل
.والايام الجميلة هنا فقط وعلي ارض هذا المنبر عندما كان (تيتا) يحدثنا عن الليل والنجوم
وصديق يسامرنا في عز الليل ساعة النسمة ومتولي مالك يحملنا الي مدارات (ام در).
وخلي المجنون يدندن بيننا بزيدان وشرحبيل ..واخريين اكثر دهشة وجمال...
تلكم اللحظات التي مرت هي بعض من نموذج العمر الذي (ولي)..
ربيع رياضنا ولي..
ولكن دوما يبقي الامل وتظل كوهة الغد مفتوحة الشراعات..والف سلام يا فردة

Quote: تلكم اللحظات التي مرت هي بعض من نموذج العمر الذي (ولي)..

كريموف يارفيقى ذاك السمر الجميل هو ايضا من دفترالاسفار ورحيل اللحظات الجميلة
الهاربة الى دفء الذكرى تلك ايام نحبها ولكننا نفشل فى القبض عليها من براثن
بندولات الساعة المهرولة باعمارنا يوم ورا يوم
لنبقى اذن اسرى لنستالوجيا الحنين الى الماضى
على امل ان تتجدد الافراح والليالى الملاح ..و ما اضيق العيش لولا فسحة الامل
ولكن يبقى السؤال ..
العمر من وين بيشترو
الحراج كيف يافردة

العزيز تيتاوي ، ازيك يا صديق
المصريون يقولون ابيع عمري في حس مبالغة في موضوع ما
يعني اذا اردت ان تشتري عمرا يمكنك ان تذهب الي القاهرة لانهم يريدون
بيعها ، واوع تغمض عينيك ، لكن كما يحكي عن المصريين في مسائل البيع
والشراء وتدقسيهم للسودانيين عندما حاولوا التجارة البينية ان ابتاع احد
السودانيين كراتين من العطور بعد ان عرض التاجر المصري عينة من البضاعة
والعطر رائحته جميلة واخونا اشتري اربعة كراتين ، وطبعا الاقناع جاهز ب ياابن
النيل ، صاحبنا عاد الي السودان وفتح الكرتونة الاولي ، لقي المسالة كلها موية نيل
وشرب وما روي للان ، شفت العمر كيف بشترو؟

شاقي روحك ليه ؟

أيه الزعل بجدي ؟

بحرو مارواق وموجو مابهدي
يافرح قرب وياهموم عدي
ابتسامتك هي البقايا سنين ...
لسه إنت شباب
يافرايحي اللون

من الأمل في بكرة جميل يجدد شباب العمر

Quote: وبرضو يا عامر في ناس لسع بتحتفل بعيد ميلادها ....

الكم ياايمن
الناس بتحتفل بعيد ميلادها وهى تطفىء شمعة وقد لفظت تة جديدة انفاسها
السنين ضاعت واحسرتى
كما يغنى المغنى
ماكنت عارف ياريتنى كنت عارف
الاعمار بيد الله وربنا يديك العمر كلو ياصاحبى

سلام ياالحلاوى ومشتاقين كتير

ياسنين العشرة وين طيبة القلوب
وين امانى الريدة والقلب الطروب
مصطفى سرى الحبيب
لن نقول ذاك وطر مضى تلكم الايام
الثقلى بالمودة
فى الحوش العامر بال سرى الكرام
شاى ( مقنن ) وسماء قريبة تشرئب
نجومها لترشف معنامن كؤوس تحمل
فى جوفها سر الزمن الجميل..

لكين ياسرى اولاد بمبة ديل ببيعوا
الهوا فى ( ازايز ) زى مابقولواوصحبك ركب
الهوا
يبيعوا ليك القميص فى كيسو تمشى
البيت تلقاهو بدون ضهر

ناذر ابدا ماقصرت ياحبيب
تعرف بالغنية دى
رجعتنى كم طاشر سنة كده



سلف ولا لله والرسول

نهال الطيب مرحب كتير

Quote: من الأمل في بكرة جميل يجدد شباب العمر

ادينى احساس بالامل
فى كل رحلة شوق تطول
وادى الخطاوى الراجعة
فى سكتك حلم الوصول
ما الدنيا كلها ارتحال
والارتحال عشم الفصول
الموجة تحلم بالضفاف
والغيمة تحلم بالهطول

لاادرى من كتب هذا الكلام
الجميل هل هو قاسم ابوزيد
ام يحيى فضل الله
لكن مصطفى سيد احمد
ابدعها لحناوخلد كلماتها
المسافرة دوما

Quote: القلب يشيب و تحتبس فيه الدماء ليس بفعل تراكم السنين وحسب بل لركام الاحزان مايشيب له القلب والوجدان والولدان

الأخ
عامر تيتاوى

مالى بك تنبش اليوم
احزانا فى القلب
متوارية و مدفونة
.
.

يا ليت الزمان يعود يوما

كل المودة
غادة

الاخت الكريمة غادة

Quote: يا ليت الزمان يعود يوما

اذا عادت بنا الايام
كتبت على سواد العمر
شعر لايدانيه
غناء الطير وهمس الماء
ووشوشة الضياء فيه
ركبت زوارقى
ابحرت فى شعر لها مجدول
جعلت مشاعرى
جندول

طبعا ده ما كلامى لانو كلام
كبار
تسلمى ياغادة وجمل الله ايامك

العزيز عامر وضيوفه..

سلام ومحبة...

كل عمر وله حلاوته..

أشارككم رسالة من صديق بعث بها في عيد ميلاده الـ 60..

Quote: Letters to my Children On TURNING SIXTY It is 2005. I woke up this morning and was shocked to discover that I have turned sixty. I was surprised and saddened; surprised because I could not account for my thirties, or forties, or even early fifties. I have no idea where all those years have gone. I am sure that somebody was fast-forwarding the wheels of time when I was asleep or not looking. Come to think of it, I have often noticed that my fingernails grow long a day or two after I have clipped them. I was saddened because turning sixty means, (by whatever yardstick), that only a few years are left to be on this magical, wonderful planet. Although life expectancy in my home country is set at 49 years, my father died at age 80. So at best, I have about 20 years left, and that's surely not enough. There are just too many places I did not visit, too many books I did not read, too many movies I did not watch and too many crazy things I wanted to do but did not do and could never do. The tragic bit is that I do not feel sixty (or fifty or even forty, for that matter). According to me, I am still the youthful, vigorous, energetic young man I used, and continue, to be. I still enjoy modestly brushing aside admiring looks from younger girls and envious glares by older men. I am always amazed by how old and grey my younger brothers, age- and schoolmates look. I reason internally that maybe it is the food they eat, or the hard life they lead, or whatever makes people age prematurely. It's only when I pass by a mirror and accidentally see a reflection of this older person staring back at me that I have some doubts, painful but brief; that I do not have that many years left. Too many places to go. Too many things to do. I have not been to Borneo or Amazonia; where I just want to be, organically speaking, part of the magnificent, colossal rainforest. I have not crossed the Sahara Desert, and spent starry nights in the open with the mysterious Touarges, and other exotic nomadic people. I have not walked barefoot on the beaches of Copa Cabana in Rio de Janeiro, gaping at the Brazilian girls in their swim and everyday wear. I have not been to Lapland, chasing herds of reindeer across the frozen tundra, nor to Inner Mongolia, drinking horse milk and eating yak steaks. I have not foraged with the Bushmen in the Kalahari Desert. I have not frolicked in the snow with the Intuits of Northern Canada. In fact, I want to spend more quality time in my village, shedding all those shields acquired through education and travel, and retrace my childhood with my age group of relatives and friends who stayed behind, busy being farmers and of large families. I want to be around and well to see my children's children. Well, before that, in fact, I want to spend hours and hours boring my children with tales of my childhood and youth, and how it used to be in the good old days, trying desperately to make them relive my experiences, and, well, frankly, to make them a bit like me! I have turned sixty and there are still too many places to go, too many things to do, too many projects yet to be undertaken and too many dreams yet to be realized. I am sorry to say this, but I definitely feel cheated (and I am not blaming anybody). I just need more time. And I am not asking too much. I do not want another life. I am satisfied with the one I had, warts and all. It is just that if I had another go at the same life I had, I would be very attentive, very alert. I would savour every second, every minute, every hour, every day, every week, every month and every year. In fact I would keep a diary so that I could commit to paper and to memory every fleeting moment, every experience and every face. I would continuously strive to be a better son, a better sibling, a better husband, a better father, a better friend and a better colleague. In short, a better human being. Is that too much to ask for? Awad Elhassan Addis Ababa, 2005

لا أتذكر عمري إلا يوم 31 يوليو من كل عام، ولساعات فقط.. ثم أعود لحياتي غير عابئة بالسنوات التي تزداد، وإنما بالأعمال التي لم تزداد..

لكم الود

ادينى احساس بالامل
فى كل رحلة شوق تطول
وادى الخطاوى الراجعة
فى سكتك حلم الوصول
ما الدنيا كلها ارتحال
والارتحال عشم الفصول
الموجة تحلم بالضفاف
والغيمة تحلم بالهطول


انها رائعة الحنين مدني يوسف النخلي

تحياتي أستاذ عامر

نهال سلامات

Quote: انها رائعة الحنين مدني يوسف النخلي

النخلى قال ذات يوم

يازهرة طالت بالفرح
بتراقص انوار المساء
مابان عليك سفر العمر
ولا جاتك ايام القسا
لسه الضفاف المترعة
بتفيض ندى وتطرح ثمار
الناس عليك ناداها فال
فى عيونا نام الانبهار
وانا جوا قلبى المشتهيك
نزفت جراحات الودار

العزيزة رجاء

Quote: كل عمر وله حلاوته..

دى حقيقة ولا زلت اتذكر جملة معبرة
جدا كان يتداولها الشباب فى حينا
لقد كانوا يقولون ان ( الزمن احساس داخلى )
لذلك فعلا يمكن ان نقول ان لكل عمر حلاوته

ولكن
تلقى الزمن غير ملامحنا
ونحنا بقينا مانحنا

ترى هل للملامح وتقلبها دور فى الاحساس
بطعم الزمن

ياعمر مرسوم فى كف اقدار

ياخطاى الطال بيها المشوار

ياليل مشتاق لدفقة نور

ياظلمة تبكى سنا البلور

ياموجة تعاند فى التيار

ياخطاى الطال بيها المشوار

#######################

(كمن يقبض حزمة ضوء.. كمن يمشي علي ماء

يفك قبضته فلا يري الا اصابعه,,

ينظر بين قدميه فلا يري الا ماءا فيغرق,,

فابتسم وقبل اصابعه وجدول النهر..

واحتفل بكل العمر)? ...........

د ابراهيم كوجان

يا قديم ..

يتمرد كل شي عليك ..
حتى ذكرياتك - يا قديم - يادوب تنكتها مهلهلة و تعبانة ..
تعبانة منك من كترة ما مرقتها و تمّرتها و نضفتها , و تاني رجعتها لرف الشجن .
يا أنا يا قديم ..
يا إنت يا زمن المفازة ..
يا إنت يا بايخ يا عامر ..

Quote: العمر من وين بشتروا !!

لو ما عندك إجابة لسؤال زي ده , البخليك تسألو شنو ؟؟؟ .
لو ما عندك نافورة الخلد مثلا , أو ينبوع الشباب .. أو أضعف الإيمان زر تضغط عليهو يقوم يفرمل الثواني و تكتكتها و يخليها Freezed pic ..
لو ما عندك طريقة زي دي يبقي مافي داعي للصفع و الركل و التذكير و التذكير و التذكير .

يا بكري البوست ده ممكن يعطل قوى الأعضاء الذين يعانون من متلازمة منتصف العمر ..
و يعمل ليهم نفسيات , و يحردوا الكتابة .. و نفسهم تمرق من أي شي .
و الأغنية دي من أدوات القمع و الإستفزاز و الإستذلال و الإستذكار و الإستبكاء و الإستغفار و الإستمحان و الأسبتالية طوالي ..

يا عُمُر يا قديم .
يا بكاي يا عامر ..
يا مزعج .
شكيتك على الله

الخور يا بكري .. الخور .

عماد .. ياواضح
يا صاحبى .. ما ضهبت اقول لقيتك
الله يجمل ايامك
يعنى لو لقيت ليك ( بلاى باك ) ولا ( اكسترا تايم ) ما مخارجة معاك

ياخوى
فى ناس بتبيع فى الخور ؟

Quote: يفك قبضته فلا يري الا اصابعه,,

د. ابراهيم كوجان

انها اذن ( قبضة رياح )
العمر ياخى قد يذهب سدى
لواننا لم نتحسس اعمارنا
ونتفحص ملامحنا
هناك من يفاجا برحيل العمر
ومرور السنوات بتاشيرة خروج نهائى
هل نبحث عن اعادتها ام نتباكى على
( اللبن المسكوب )
هل وهل وهل
اسئلة تبحث عن اجابة

ابوالتيت
بدل البكا الشديد ده أقلب واستمتع بي ماضي جميل ومستقبل مزهر، متابعتك للهلال حتقودك طوالي للسؤال " العمر من وين بشتروا" لانو الرشاشات القدام لم يجدوا اجابة لهذا السؤال وكانو على الأقل حضروا (التصنيف)

والشرق ياحبيب متعاقدة مع الصحفيين إما النصر أو الشهادة

راكوبة

عشان كده جماعتكم كلهم جلاكيم
وشهادة التسنين دى فى السودان عملوها لى منو


ياصديقى

لن اعيش فى جلباب الماضى

الوجيه تيتا

حذارك من تجيبلي اعذار حذارك
قليبك ما براه اختــــــــار
بس بأسف علي الأيام وماضي العشرة ياغدار
منو الصدق غرامنا اتلاشي قبال يشوفلو نهار
منو الصدق قصور امالنا تصبح في الحقيقة دمار
تصدقي لسه ماصدقتا تايه والقليب محتار
لاني معاك قايل نفسي في مأمن من الأقدار
لانك ياحقيقتي المره كنتي حجاي مع السمار
لانك في غناي مقطوعه خالده ترددا الأوتار
لاني انا ان بقيت في الجني غيرك مابدور لي ثمار
لاني انا من عرفتك تبتا يشهد كاتب الأوزار
قبل ما اعرف المقسوم فرشتلك الطريق اذهار
رسمتك بي مداد احاسي لوحه جميله في الأشعار
امن بغرامك وحدي حاسب نفسي في الأبرار
وتب لا خنتا لاارتديت كيف يصبح جذاي النار
انا المابيني بين الدنيا من ما قمتا مكتوب تار
متعود تقيلتي اشيلا قبلك كم عصفني عصار
قليبي الكان زمان مهموم وضايع بين سجون واسوار
خلاص حلحل قيودو معاك وحضرتابين غرامو وطار
ذي ماكت بعز عينيك برضي كمان كتوم اسرار
الإهواك مهما يبقي تاني انا بكون لي مدار
قادر احيا راهب ريده امست في الخيال تزكار
والإ بقولك يامغرور وراك عجل الزمن دوار.

رائعة محمد السفله(البركل)

يزيدك عمر قدر عمرك في الطاعات تيتا،

أبوقـ مجدي عبدالرحيم ـصي

أخي الحبيب رئيس مجلس الوزراء عامر تيتاوي


تحية عسكريه ســيدي ، ، ،


لو العمر يهدى لأهديتك جل عمري يا عزيزي ... ولكن ....

Quote: ولكن .. خبرونى العمر من وين بشتروا

يا أخوي الأعمار بيد الله ، هسه نحن خلاص فاتت علينا الدنيا ـ بس يا الله حسن الختام . عمر شنو تاني يا تيتا .

عزيزى عماد ( العمدة )

Quote: لو العمر يهدى لأهديتك جل عمري يا عزيزي ... ولكن ....

عشان لكن دى ياعماد قلنا عايزين نشترى .. كاش داون

عزيزى عماد ( العمدة )

Quote: لو العمر يهدى لأهديتك جل عمري يا عزيزي ... ولكن ....

عشان لكن دى ياعماد قلنا عايزين نشترى .. كاش داون

Quote: عجل الزمن دوار

صدقت ياابوقصى

يزيدك عمر قدر عمرك في الطاعات تيتا،

امييين

تيتاوي


يمكن من سوق العُشرة؟


او جلسة مع محمد بولو, ومعاك كل من يُرد لك السنيين الضائعة

زكريات حلوات , من رصيد بنكي "عامر",أُودع.. في رحلة العمر.. الما ضاع سُدي.


احلي الايام, ..الايام التي لم نعشها بعد ....ياعامر.


لك كل الود


معتصم العربي

معتصم العربى .

Quote: احلي الايام, ..الايام التي لم نعشها بعد

ياريت والله يجمل ايامك وايام كل من خط حرفا هنا والما خطا كمان
تسلم ياصديقى المتفائل دوما

عموري يا أحلى لحظات عمري

ولو بقدر اشيل من الزمن وقتي بموت في لحظة واوهب ليك عقاب عمري
ده لو فيهو عقاب ..

الذكريات والحنين إلى الماضي واحداث طواها الزمن حلوها ومرها تثير الشجون
وتجترها الأماني في العودة إلى حيث المكان والحدث ..
عشان كده كل العمر ببقى حلو عشان كل يوم بمشي ببقى ذكرى واكيد الحاضر باكر
بيصير ماضي ونحنّ ليهو وهكذا الى آخر يوم في حياتنا ونبقى بعده نحن والأيام كلنا
ماضي ويبكى علينا معاً.

ابوالنسب

ازيك
يقول الشاعر الجاهلي

ولى الشباب فخل الدمع ينهمل
فقد الشباب بفقد الروح متصل
لا تكذبن، فما الدنيا بأجمعها
من الشباب بيوم واحد بدل!!
شرخ الشباب لقد أبقيت لي أسفا
ما جد ذكرك إلا جد لي نكل
كفاك بالشيب دنيا عند غانية
وبالشباب شفيعاً أيها الرجل

معتصم عيدروس

Quote: ولى الشباب فخل الدمع ينهمل فقد الشباب بفقد الروح متصل لا تكذبن، فما الدنيا بأجمعها من الشباب بيوم واحد بدل!!

تلم روحك يانسيبى كدى قول بسم الله انتا
لسه شباب بدرى من عمرك

امير الامير

Quote: عشان كده كل العمر ببقى حلو عشان كل يوم بمشي ببقى ذكرى واكيد الحاضر باكر بيصير ماضي ونحنّ ليهو

وبين الذكرى والنسيان .. مسافة قريبة يا انسان
نحنا خايفين من النسيان يااميرنا

تيتا ياحبيبنا


العمر من وين يشتروا ....... من ذكريات المسطبه والايام الجميله ولمة الاصحاب وفرحه الوليدات

وحب الناس لبعضها البعض ...... وانشاء الله بكره احلي (ياعموري ياعسل)

ياعمر مرسوم فى كف اقدار

ياخطاى الطال بيها المشوار

ياليل مشتاق لدفقة نور

ياظلمة تبكى سنا البلور

ياموجة تعاند فى التيار

ياخطاى الطال بيها المشوار

الحبيب بدر الدين يعقوب

Quote: العمر من وين يشتروا ....... من ذكريات المسطبه والايام الجميله ولمة الاصحاب وفرحه الوليدات

مرورك الجميل امتداد لتلك الايام الرائعة

العزيز Yasir Korak

عندما يطول مشوار الخطى فى دروب الحياة
يرحل العمر ويبقى السر مكتوما فى جوف السنين
شكرا على مرورك ياجميل

العزيز عامر..

سلامات ومودات..

Quote: ولكن تلقى الزمن غير ملامحنا ونحنا بقينا مانحنا ترى هل للملامح وتقلبها دور فى الاحساس بطعم الزمن

لو قصدت الملامح الخارجية.. هناك من الملامح التي (تعتق) وتزيد حلاوة مع التقدم في العمر..
ولو قصدت الملامح الداخلية.. فهناك الكثير من الحكم والدروس التي تزيد مع كل يوم ينعاش..

أكتب وفي بالي وجه جميل للموديل (إيزابيلا روسليني) والتي كانت كل ما تزيد في العمر تتعاقد معها اشهر شركات منتجات التجميل.. وهي الآن في الخمسين.. ولو تابعتها من 20 سنة، تجد ان جمالها كل يوم يزيد عن سابقه..


جاوبتك..؟

ودي

العزيزة رجاء

Quote: لو قصدت الملامح الخارجية.. هناك من الملامح التي (تعتق) وتزيد حلاوة مع التقدم في العمر.. ولو قصدت الملامح الداخلية.. فهناك الكثير من الحكم والدروس التي تزيد مع كل يوم ينعاش..

نعم كل هذا يحدث لكن اليس للشعر الابيض مثلا دور فى الاحساس بالزمن وتقدم العمر
كما ان الملامح الخارجية تنعكس على الدواخل
لاجدال حول ان الجمال مسالة قد تقاوم الزمن وتهزم ادواته اما الجمال الداخلى
فهو يستعصى على كل الغزاة

اخي وصديقي
عامر
لك كل الود
اذا سالتني ماذا اتمني في هذه اللحظة بالذات اقول هل نستطيع وقف عقارب الزمن والعودة بها الي ايام محفورة في ذاكرة اي واحد منا
تخريمة
حا نحضر الشيرنج لو عرفت من وين بيشتروا
مودتي

صديقى الجميل

متولى مالك :

Quote: اذا سالتني ماذا اتمني في هذه اللحظة بالذات اقول هل نستطيع وقف عقارب الزمن والعودة بها الي ايام محفورة في ذاكرة اي واحد منا

الانسان بطبيعته ينزع الى الماضى وهناك حنين فطرى الى الذكرى والايام الجميلة وربما يكون خوف
الانسان من المجهول هو السبب فى التعلق بالماضى ولكن يامتولى كيف تتوقف عقارب الساعة اعتقد
ان الامل من الممكن ان يجدد الجمال فى حياتنا وكما قالوا .. ما اضيق العيش لولا فسحة الامل
انا سعيد جدا يامتولى بمرورك الجميل

صديقى المشاغب / عامر تيتاوي
أتت عارف أحسن حاجة ..العمر الشقى دا..احسبو بالجملة مابالقطاعي
يعنى واحد لو سألنى : عمرك كم ؟ اقول ليهو : اربعة عقود وشوية
او: يوبيل ذهبى الا شوية ..يوبيل فضى ونيف ... يعنى حاجة كدة ..تطمأن بقلتها

ودى..نصائح عن العمر وقيمة السنيين..ارسلها لى صديق
ليشارك الجميع في الإطلاع عليها

Quote: لكي تدرك قيمة العشر سنوات... إ سأل زوجين انفصلا حديثًا ***** لكي تدرك قيمة الأربع سنوات ... إسأل شخص متخرج من الجامعة حديثا **** لكي تدرك قيمة السنة ... إسأل طالب فشل في الاختبار النهائي ***** لكي تدرك قيمة الشهر ... إسأل أم وضعت مولودها قبل موعده ***** لكي تدرك قيمة الأسبوع ... إسأل محرر في جريدة أسبوعية ***** لكي تدرك قيمة الساعة ... إسأل عشاق ينتظرون اللقاء ***** لكي تدرك قيمة الدقيقة ... إسأل شخص فاته القطار , الحافلة أو الطائرة ***** لكي تدرك قيمة الثانية ... اسأل شخص نجى من حادث ***** لكي تدرك قيمة الجزء من الثانية اسأل شخص فاز بميدالية فضية في الأولومبياد ( في الأغلب يكون الفرق بين الذهبي والفضي أجزاء قليلة من الثانية) ***** لكي تدرك قيمة الصديق... اخسر واحد ***** لكي تدرك قيمة الأخت إسأل شخص ليس لديه أخوات الوقت لا ينتظر أحد , وكل لحظة تمتلكها هي ثروة وستستغلها أكثر , إذا شاركت بها شخص غير عادي ***** لكي تدرك قيمة الحياة إسأل عن إحساس من على فراش الموت. ***** لكي تدرك قيمة ذكر الله ..... موت وشوف ماذا فقدت من عمرك وإنت غافل ***** يقول عالم أحياء أمريكي.. أن هناك طبيب شاهد في طريقه كلب مصاب بكسر إحدى قوائمه .. فحمله إلى عيادته البيطرية وقام بمعالجته.. وبعد أن تماثل للشفاء أطلق الطبيب سراح الكلب .. وبعد فترة من الزمن سمع الطبيب نباح كلب عند باب عيادته .. فلما فتح الباب وجد الكلب الذي عالجه ومعه كلب آخر مصاب.. فيا سبحان الله من الذي ألهمه وعلمه هذا !! إنه الله ! يقول عالم الأحياء الأمريكي : كان هناك قط لصاحب بيت يقدم له الطعام كل يوم .. ولكن هذا القط لم يكتفي بالطعام الذي يقدمه له صاحب البيت.. فأخذ يسرق من البيت الطعام .. فأخذ صاحب البيت يراقب القط فتبين أنه كان يقدم الطعام الذي يسرقه لقط آخر أعمى .. لا إله إلا الله ! كيف كان هذا القط يتكفل بإطعام قط كفيف !! أنها قدرة الله عز وجل!! فأسمع قول الله تعالى )وما من دابة في الأرض ولافي السماء إلا على الله رزقها... الآية) سبحان الله وبحمده .. عدد خلقه.. ورضا نفسه .. وزنة عرشه .. ومداد كلماته.... وهذا موقف حدث بالعراق يحكيه شاب عراقي قائلا : عندنا نؤمن بشي اسمه حية البيت (الحية = افعى وحية البيت التي تعيش في البيت لاتؤذي في أحد البيوت الريفية كان لأفعى صغار تحت كوم من التبن .. وعندما أرادت المرأة العجوز صاحبة البيت رفع التبن.. وجدت صغار الأفعى .. فما كان منها إلا أن حملت الصغار إلى مكان قريب آمن.. وعندما عادت الأفعى ولم تجد صغارها جن جنونها .. واتجهت صوب إناء كبير فيه الحليب وقامت بفرز سمها من أنيابها في الإناء .. وبعد أن بحثت ووجدت صغارها في مكان قريب .. عادت ورمت نفسها في الحليب ثم خرجت منه .. واتجهت إلى رماد التنور وأخذت تتقلب به ليلتصق الرماد بجسمها .. ثم عادت ودخلت في إناء الحليب لكي تعيبه ولا يستخدمه أهل البيت.. وقد كانت المرأة العجوز تراقب هذا المنظر العجيب من بعيد ولله في خلقه شؤون

صديقى العزيز عمر عبد السلام

Quote: يعنى واحد لو سألنى : عمرك كم ؟ اقول ليهو : اربعة عقود وشوية او: يوبيل ذهبى الا شوية ..يوبيل فضى ونيف ... يعنى حاجة كدة ..تطمأن بقلتها

حلوة ياعمر الله يحضرك الماسى ..

اما النصائح فهى على قدر كبير من الاهمية وتستحق الالتفات اليها والعمل
على هديها والاستئناس بها
شكرا ياعمر

أخي عامر
الأشياء الجميلة دائماً ما تأتي من جميل مثلكم .. هذه ليست مجاملة
ولكنها الحقيقة المجردة..
فالعمر يختلف حسب الأمنيات فالبعض يعتقد أن عمره يبدأ وينتهي مع
بداية حياته الغرامية كما في أغنية الفنان محمد وردي :...
يا صغير أنا عمري غرامك إنت ** وغرامك عمرو صغير
وآخر بحصوله على المال ...وهكذا النفس البشرية تعطي لنفسها عمر طويل
بالأمنيات ولكنها هل تستطيع أن تعطي حياة لهذا العمر ؟ إن فلسفة الحياة
هي نَفَسٌ مضى ونَفَسٌ أنت فيه ونَفَسٌ آتٍ لا تدري أنك تدركه أم لا .. لذلك فإن من
الحكمة أن تعمل لدنياك كأنك تعيش أبد الدهر وأعمل لأخرتك كأنك تموت غداً ...

ولك مني كل الود
عادل عوض بلال

اخى عادل عوض بلال
سعيد بمرورك ياعادل وقد اوفيت عندما قلت :

Quote: إن فلسفة الحياة هي نَفَسٌ مضى ونَفَسٌ أنت فيه ونَفَسٌ آتٍ لا تدري أنك تدركه أم لا .. لذلك فإن من الحكمة أن تعمل لدنياك كأنك تعيش أبد الدهر وأعمل لأخرتك كأنك تموت غداً ...

العزيز تيتا
العمر كان فضل فيهو باقي عايزين نقضيه معاكم في الامتداد

طارق جبريل
مراحب ياسيد الحوش سوا سوا

Quote: ولكن .. خبرونى العمر من وين بشتروا

من نيجيريا .. ولاية لافيا
بقالة الناسووووور

ياعلى
اوتوفستر ماعندو !!

تيتوف ياحبيبنا
الحاصل شنو
دى جرسه ولا واحد جاب ليك ضغط ورينى .............
ويا صديقى ما مضى جميل وماتبقى من العمر انشاء الله اجمل
والله يديك والاسرة الكريمة الصحة العافيه
ويبعد منك الام الجيوب ( البناطلين)

احمــد خضــر

احمد خضر
كيف حالك مع ام ضريوة
حمدا لله على السلامة

Quote: ويبعد منك الام الجيوب ( البناطلين)

امييين يااحمودى سوا سوا تعرف دا
زاتو البجهجه المسائل
تسلم ياابو رزان