Post: #1
Title: عـادل جـبارة ... والفرحة فـرحتيــن .
Author: عماد محمود علي
Date: 04-11-2007, 11:56 AM
Parent: #0
أخونا وصديقنا النبيل عادل جبارة ، الفرحة لا تسعه هذه الايام ، فبعد أن أكملت حبيبته( أمنية ) امتحانات الشهادة بامتياز وتحدت الظروف وقهرت المستحيل وأجابة على كل الاسئلة بتفوق ورباطة جاش ، ها هي أبنتنا الجميلة ( أمنية) تحط الراحل في مدينة الرياض بالمملكة العربية السعودية هي وإخوتها ووالدتهم بدياره العامر دوماً . حللتم أهلاً ونزلتم سهلاً ، وحمد لله على السلامة .
|
Post: #2
Title: Re: عـادل جـبارة ... والفرحة فـرحتيــن .
Author: ghariba
Date: 04-11-2007, 12:13 PM
Parent: #1
مبروك والف مبروك
وعقبال لينا نحن كمان
جية الولاد وام الاولاد
صلاح غريبة
|
Post: #4
Title: Re: عـادل جـبارة ... والفرحة فـرحتيــن .
Author: عماد محمود علي
Date: 04-11-2007, 02:36 PM
Parent: #2
الوجيه صلاح غريبة
| Quote: وعقبال لينا نحن كمان |
| Quote: جية الولاد وام الاولاد |
آآآآميييين يارب العالمين ،
تعرف يا صلاح أخونا ده هسه قاعد ليهو جنس قعدة ، قعده ليها ضل وبيشرب في شاي منعنع مش ذي شايك بتاع العذابة البتشرب فيهو ده   غايتو الله كريم يا صلاح ويجيبن ليك .
|
Post: #3
Title: Re: عـادل جـبارة ... والفرحة فـرحتيــن .
Author: مجدي عبدالرحيم فضل
Date: 04-11-2007, 12:22 PM
Parent: #1
خبر ســـاااااااااااااااار آخر أبو حسااااااااام
ألف حمد علي سلامة أمنية وأم أمنية وأخواتها والفرحة فرحة عادل
تستاهل الفرح يامن به نفرح ومن يوُرد السعاده له السعاده تكوس
مبروووووك.
أبوقصى،،
|
Post: #5
Title: Re: عـادل جـبارة ... والفرحة فـرحتيــن .
Author: عماد محمود علي
Date: 04-11-2007, 02:44 PM
Parent: #3
صديقي الصدوق أبو قصي
ما قلت بدورنا وتزورنا و .................
كيفنك أخوي ، تعرف هسه الراجل ده محسود جنس حسادة خاصة من نفرين كده ، والغريبة الجماعة ديل أولادهم معاهم بس حاسدنوا ساكت كده غايتو بس الله يسترها معاه ساكت ، هسه عليك الله جنس البسوي فيهو هاشم احمد ده يقولوا عليهو شنو !!!! أول يوم ما الجماعة ديل جوا وقبل ما يغيروا ملابسهم ويستريحوا شال ملأ ليك العربية بتاعته وقام مشى للراجل في البيت لامن خلعو ليك ، غايتو جنس حسادة الحسادة إن شاء الله يا هاشم التولد بنات .
أها الزول التاني ده هسه خليهو ناس الشغل براهم بينقموا لعادل منو ......
|
Post: #6
Title: Re: عـادل جـبارة ... والفرحة فـرحتيــن .
Author: هاشم أحمد خلف الله
Date: 04-11-2007, 03:39 PM
Parent: #5
الأخ عماد تسلم يا ظريف لكن بيني وبينك كده صاحبك عادل ده كاتب علي باب شقته ممنوع الإقتراب
أو التصوير أها واحد زي ده يعملوا معاهو شنو ؟؟؟ أول مرة قال فقد الباسورد بتاعو تاني مرة
قال تلفون البيت إنقطع ثالث مرة قال الجوال بطاريته نزلت والله لو تديهو جوكر عديل كده ما ينزل
خلي كده يمكن يكون قافل فوق .
|
Post: #10
Title: Re: عـادل جـبارة ... والفرحة فـرحتيــن .
Author: عماد محمود علي
Date: 04-11-2007, 06:31 PM
Parent: #6
صديقي الجميل هاشم أحمد
مساءك سعيد سيدي ، ،،،
Quote: لكن بيني وبينك كده صاحبك عادل ده كاتب علي باب شقته ممنوع الإقتراب
أو التصوير |
يا أخوي الزول ده عارفكم ، قال النهاجمهم قبل ما يكتحوني ، بس الظاهر صاحبي ده فشل وما عرف ليكم زين، هسه أكن ما شلاقة منكم مشاين ليهو جنس الوقت ده ليه ؟!! غايتو جنس حسادة عليكم!!! بس شايف صاحبي داك صاري بوزه قالوا حماته جااااااته . بت الكلب يا القضارف . . بس بيني وبينك ح يلقى يده وح يعذبنا ليك جنس عذاب كل يوم جاي ناطي لينا وسهر للصباح ، أنا غايتو معتكف الايام دي لحدي ما حماته دي ترجع بالسلامة للسودان .  
|
Post: #7
Title: Re: عـادل جـبارة ... والفرحة فـرحتيــن .
Author: معتصم دفع الله
Date: 04-11-2007, 03:41 PM
Parent: #1
ألف حمد لله على السلامة ..
البركة الشفتهم طيبين يا عادل ..
سلام يا عمدة ..
|
Post: #11
Title: Re: عـادل جـبارة ... والفرحة فـرحتيــن .
Author: عماد محمود علي
Date: 04-11-2007, 06:37 PM
Parent: #7
شقيقي وصديقي النبيل موو
مساءك الورد يا أجمل من الورد ، ، ،،،
|
Post: #8
Title: Re: عـادل جـبارة ... والفرحة فـرحتيــن .
Author: غباشي
Date: 04-11-2007, 05:10 PM
Parent: #1
حمد على سلامة العودة ....... ايامك يا حبيبنا
|
Post: #12
Title: Re: عـادل جـبارة ... والفرحة فـرحتيــن .
Author: عماد محمود علي
Date: 04-11-2007, 06:41 PM
Parent: #8
الأخ الكريم غباشي
مساء الخير عزيزي ، ، ،،
شكراً على مرورك الكريم والاخ عادل يبلغك التحايا ويشكر وبقول ليك عقبالك وراجع ليك بأخبار السودان بس إنت إنتظر .
|
Post: #9
Title: Re: عـادل جـبارة ... والفرحة فـرحتيــن .
Author: محمود الدقم
Date: 04-11-2007, 05:28 PM
Parent: #1
مبروك ال عادل جبارة هذه النجاحات ونتمنى ان يورثوها لابناء ابنائهم ليوم الدين يارب العالمين، الاخ عماد تشكر على الاخبار التي تسر القلب ووفقك الله انتا ذاتك في روووحك دي للفرح والنجاح.
|
Post: #13
Title: Re: عـادل جـبارة ... والفرحة فـرحتيــن .
Author: عماد محمود علي
Date: 04-11-2007, 06:47 PM
Parent: #9
الأخ المقداد محمود
تحية طيبة عزيزي ،، ،
وعقبال نجاحات أولادك كده إن شاء الله ( ده إذا معرس ) وكان كمان بقيت ذي معتصم صاحبي داك الله يرزقك بزوجة صالحة كده تنجب ليك الذرية الصالحة بس ما تكون صعبة كده ذي زوجة صاحبي هاشم ده وتديك الهرشة وتطلعك السلم ذي زوجة صاحب عادل جبارة داك . تعرف يا الدقم الايامات دي إن كان ما معرس أوعك تعرس أديها صنه في جيل جاي حاجة تهبل ومساكين بمشوا بجوار الحيطه ما ذي بتاعين اليومين ديل ماسكننا وهارشننا ليك جنس هرشة أسال منها هاشم ده . .
شكراً عزيزي للاطراء الجميل . وكن قريب . تسلم عزيزي .
|
Post: #14
Title: Re: عـادل جـبارة ... والفرحة فـرحتيــن .
Author: ismeil abbas
Date: 04-11-2007, 06:56 PM
Parent: #1
ألأخ/عماد
ألف حمدآ لله على سلامتهم............وإن شاء الله يقضوا إجازة سعيدة بيننا............
ونسمع أخبار حلوة كمان عن بنتنا أمنية بالنجاح.....ونفرح الفرح الكبير.......
ويهنئى أم أحمد..........................
..........لكن كيف نعكس كلامنا البنكتبوا دع والله إلا نصوروا ونرسلوا ليه بالفاكس ما قال الباس ورد ضايع....................وكان قلنا نكلموا فى الجوال كمان قال بايظ..........إحترنا مهاهو عشان كده أحسن شى تعملوا تمشوا ليهوا......
.............إسماعيل محمد أحمد عباس...............
|
Post: #15
Title: Re: عـادل جـبارة ... والفرحة فـرحتيــن .
Author: غادة عبدالعزيز خالد
Date: 04-11-2007, 07:41 PM
Parent: #14
الف حمد الله على سلامة أمنية و الأسرة
عقبال الأخبار الحلوة
و تبشيرات النجاح
كل الود
غادة
|
Post: #16
Title: Re: عـادل جـبارة ... والفرحة فـرحتيــن .
Author: Khalid Saeed
Date: 04-11-2007, 09:11 PM
Parent: #15
العزيز / عماد
تحياتي لك .. وحمد لله على سلامة أمنية .. ومن معها ..
نمشي نجهز الطماطم .. لأني عازم الجماعة ديل طماطم بي زيت سمسم .. حسب الوصفه السحرية لحواريي الشيخ الجعلي .. يلحقنا وينجدنا ...
وعليك الله ياعماد كان لقيت طريقة مع عادل قول ليهو أعمل حساب الكبابي .. شايفه دخلت هاشم في بوست ضيق ماعارف يطلع منـــــــــــــــو ....
خالد الأرباب
|
Post: #21
Title: Re: عـادل جـبارة ... والفرحة فـرحتيــن .
Author: عماد محمود علي
Date: 04-12-2007, 07:14 AM
Parent: #16
الرجل الانيق ود الارباب
صباحك بنكهة القهوة ، ، ،،،
| Quote: نمشي نجهز الطماطم .. لأني عازم الجماعة ديل طماطم بي زيت سمسم |
يا أخوي يا خالد الجماعة ديل شبعانيييييييين منها جاين هسه يضربوا المكرفس ده ، طماطم شنو البياكلوها هنا كمان كده شوف ليك ليهم كم دجاجة كده من دجاج الوطنية السمين داك ووديهم ليهم . بعدين زيت السمسم ده هم جايبنوا معاهم من السودان الزيت الما خمج ريحته ساكت تشبع الزول وممكن يسوا بيهو الدجاج بتاعك ده كمان .
| Quote: وعليك الله ياعماد كان لقيت طريقة مع عادل قول ليهو أعمل حساب الكبابي |
يا خلودي الراجل نجيض تب جايب ليهم كبابي بلاستيك ام احمد قالت ليهو ليه !! قال ليها علشان العيال ما يكسروها وينجروا بالزجاج وكمان علشان إنت ما تتعبي وتغسلي . ( يا ود يا حنين إنت ) .
شكراً خلودي ونشوف على خير ، ســلام .
|
Post: #20
Title: Re: عـادل جـبارة ... والفرحة فـرحتيــن .
Author: عماد محمود علي
Date: 04-12-2007, 06:59 AM
Parent: #15
ياااااااااه غادة عبد العزيز ماشاء الله وتبارك الخالق
زارتنا البركة يا ستي ،
ألف مبروك الماجستير وعقبال الدكتوراه إن شاء الله ومزيد من النجاحات يا غادة وحمد لله على السلامة ونورتي البورد والبوست معاً بس أوعك تعمليها تاااااني .
|
Post: #19
Title: Re: عـادل جـبارة ... والفرحة فـرحتيــن .
Author: عماد محمود علي
Date: 04-12-2007, 06:38 AM
Parent: #14
الرجل الأصيل سمعه
صباحاتك بنكهة الفراولة
| Quote: عشان كده أحسن شى تعملوا تمشوا ليهوا...... |
أها يا سمعه كان تقول لي المشورة دي في التلفون أها هسه كده أقرأ الكلام التحت ده . الراجل قطعها لينا في رأسنا .
Quote: هاشم واسماعيل
تصدقوا كمان مفتاح الشقة الشافع المسلط ده ضيعوا وما لا قيهو ؟؟ أكان ما فتحنا ليكم الباب عاد العفو والعافية !! |
هييييييييييييييييع عافي عنك يا أم أحمد .
|
Post: #17
Title: Re: عـادل جـبارة ... والفرحة فـرحتيــن .
Author: صالح عبده
Date: 04-11-2007, 10:15 PM
Parent: #1
تهانينا مبروووووووووووووووووووووووووووووووووووووووووك
|
Post: #18
Title: Re: عـادل جـبارة ... والفرحة فـرحتيــن .
Author: عادل جبارة
Date: 04-11-2007, 11:15 PM
Parent: #17
صديقي العزيز عماد محمود
دائماتأتي بالمفاجآت ،، أشكرك على البوست والترحيب بالأسرة والتمنيات بنجاح الأبنة أمنية ،،
| Quote: الأخ عماد تسلم يا ظريف لكن بيني وبينك كده صاحبك عادل ده كاتب علي باب شقته ممنوع الإقتراب أو التصوير أها واحد زي ده يعملوا معاهو شنو ؟؟؟ أول مرة قال فقد الباسورد بتاعو تاني مرة قال تلفون البيت إنقطع ثالث مرة قال الجوال بطاريته نزلت والله لو تديهو جوكر عديل كده ما ينزل خلي كده يمكن يكون قافل فوق . |
هاشم واسماعيل
تصدقوا كمان مفتاح الشقة الشافع المسلط ده ضيعوا وما لا قيهو ؟؟ أكان ما فتحنا ليكم الباب عاد العفو والعافية !!
|
Post: #23
Title: Re: عـادل جـبارة ... والفرحة فـرحتيــن .
Author: عماد محمود علي
Date: 04-12-2007, 08:00 AM
Parent: #18
الاخ الصديق النقي الريس عادل جبارة
تحيات كتااااار ســيدي ، ،،،،
| Quote: تصدقوا كمان مفتاح الشقة الشافع المسلط ده ضيعوا وما لا قيهو ؟؟ أكان ما فتحنا ليكم الباب عاد العفو والعافية !! |
غايتو يا ريس أنا جاي جاي ... حتى لو تفتح لي الشباك البي ورى داك . هي معليش يا عادل ، مافي شباك يا هاشم ولا حاجة أنا بهظر ساكت ما تقوم كمان تمشي تتشولق .
|
Post: #22
Title: Re: عـادل جـبارة ... والفرحة فـرحتيــن .
Author: عماد محمود علي
Date: 04-12-2007, 07:19 AM
Parent: #17
الاخ الكريم صالح عبده
صباح الخير والنور ، ، ،،
شكراً على مرورك الكريم والاخ عادل يبلغك عاطر التحايا ويتمنى لك التوفيق والنجاح ويشكرك على التهنئة .
|
Post: #24
Title: Re: عـادل جـبارة ... والفرحة فـرحتيــن .
Author: انعام عبد الحفيظ
Date: 04-12-2007, 08:29 AM
Parent: #1
| Quote: حللتم أهلاً ونزلتم سهلاً ، وحمد لله على السلامة . |
شكراً يا عماد
|
Post: #28
Title: Re: عـادل جـبارة ... والفرحة فـرحتيــن .
Author: عماد محمود علي
Date: 04-14-2007, 07:35 AM
Parent: #24
الكريمة انعام عبدالحفيظ
صباحك زين وجميل ، ،،،،
حمد لله على السلامة ، ونورتي البوست ، أها إن شاء الله العين ماتصيبك تاني .
شكراً على مرورك الطيب ، ونلتقي .
|
Post: #25
Title: Re: عـادل جـبارة ... والفرحة فـرحتيــن .
Author: حمزاوي
Date: 04-12-2007, 08:42 AM
Parent: #1
عادل جبارة اخوي
مسكاقمي
اها نقول ليك الف حمد الله على سلامة الاولاد
ونقول جيدن جيتو
اخوي العمدة
شكراً على التنبيه بوصول اولاد اخونا عادل
ونحن بنفتش لينا علي سبب نعمل بيها حفلة
اها حرك لينا اللجنة والمناسبة
استقبال عائلة العضو عادل
|
Post: #26
Title: Re: عـادل جـبارة ... والفرحة فـرحتيــن .
Author: Muna Khugali
Date: 04-12-2007, 08:53 AM
Parent: #25
مبروك وحمدالله علي السلامه ياعادل..
  [/img][/url]
تحياتي عماد
|
Post: #27
Title: Re: عـادل جـبارة ... والفرحة فـرحتيــن .
Author: عادل جبارة
Date: 04-12-2007, 03:51 PM
Parent: #26
الأعزاء الأوفياء
صلاح غريبة
مجدي عبد الرحيم ( أبو قصي )
هاشم خلف الله
معتصم دفع الله
غباشي
محمود الدقم
إسماعيل عباس
غادة عبد العزيز خالد
خالد سعيد
صالح عبده
إنعام عبد الحفيظ
الخال حمزاوي
منى خوجلي
آيات من الشكر والأمتنان والتقدير لأفراد أسرتي الكبيرة أعضاء سودانيز أون لاين لترحيبكم بمقدم أسرتي الصغيرة ،،، وشكر لا تحده حدود لأخي وصديقي عماد محمود، ولكم تحية خاصة من أم محمد والأبناء خاصة أمنية التي تقدر وتثمن لكم وقفتكم معها بدعواتكم الصادقة لها بالنجاح ،، سأعود لكم مجددا من خلال هذا البوست ،، ودمتم أصدقاء خلصاء REEN]
|
Post: #32
Title: Re: عـادل جـبارة ... والفرحة فـرحتيــن .
Author: عماد محمود علي
Date: 04-14-2007, 07:59 AM
Parent: #27
أخي وصديقي الجميل الأصيل أبو محمد
يسعد صباحك ســيدي ، ، ،،
| Quote: وشكر لا تحده حدود لأخي وصديقي عماد محمود |
أخجلتم تواضعنا يا ريس ، ده أقل من الواجب ، وحقيقي أنا الذي أشكرك أخي على جمايلك التي أتحفتني بها طوال الايام الماضية ، ولي الفخر والاعتزاز بصداقة شخص نبيل مثلك . ونلتقي .
|
Post: #29
Title: Re: عـادل جـبارة ... والفرحة فـرحتيــن .
Author: عماد محمود علي
Date: 04-14-2007, 07:38 AM
Parent: #25
الخال العزيز حمزاوي
مسكاقمي ، اشـريا ، ويوبينا ، ، ،
غايتو يا خال نحن جاهزييييييين موية ونور بس حرك لينا تمبس ومعتصم ديل . شايفهم عاملين نايمييين ساكت .
|
Post: #30
Title: Re: عـادل جـبارة ... والفرحة فـرحتيــن .
Author: ابو جهينة
Date: 04-14-2007, 07:44 AM
Parent: #29
عزيزي عادل
تحياتي
و ألف حمد لله على السلامة.
( إن شاء الله عندكم تركين ؟ )
نتمنى للإبنة أمنية النجاح و السؤدد
|
Post: #33
Title: Re: عـادل جـبارة ... والفرحة فـرحتيــن .
Author: salma subhi
Date: 04-14-2007, 08:06 AM
Parent: #30
مبروووووووووووووووووووووووووك أستاذنا عادل جبارة، الله يجعل دارك عامرة دايماً بالأفراح
أخ عماد.........عشقى للون الأحمر قادني لهذه الورده الحمراء التي اهديها لك وللأستاذ جبارة ...قربت صورتها ليصلكم طيب رائحتها
مودتي
|
Post: #41
Title: Re: عـادل جـبارة ... والفرحة فـرحتيــن .
Author: عماد محمود علي
Date: 04-14-2007, 03:18 PM
Parent: #33
كاتبتنا الكبيرة الأصيلة ســلمى
مساءك فل وورد ملون ، ، ، ،
| Quote: عشقى للون الأحمر قادني لهذه الورده الحمراء التي اهديها لك وللأستاذ جبارة |
شكراً يا سلمى فأنا أعشق اللون الأحمر حتى الثمالة ، فهو لوني المفضل خاصة وأنني مريخابي . وهديتك مقبولة ومن إيد ما نعدمهاش .
| Quote: قربت صورتها ليصلكم طيب رائحتها |
ولطالما إنها من إنسانه نقيه مثلك فيجب أن يكون لها عطر خاص وأخاذ حتى وهي صغيرة أو بعيده ، شكراً مرة أخرى يا عبق الورد .
|
Post: #34
Title: Re: عـادل جـبارة ... والفرحة فـرحتيــن .
Author: عماد محمود علي
Date: 04-14-2007, 08:08 AM
Parent: #30
الريس الوجيه أبو جهينة
صباح الفل والياسمين وكل شيء جميل مثلك ، ،،
| Quote: ألف حمد لله على السلامة |
.
تسلم يا ريس من كل بلى إن شاء الله ، وتكون دوماً لنا ذخراً .
| Quote: ( إن شاء الله عندكم تركين ؟) |
موجود يا ريس بس لم تسبقه الهوية هنا.
|
Post: #35
Title: Re: عـادل جـبارة ... والفرحة فـرحتيــن .
Author: عادل جبارة
Date: 04-14-2007, 01:12 PM
Parent: #34
الريس أبو جهينة
تشكر على الترحيب .. والتركين موجود (Made in Argo) بس أنا ما باكلوا !!
|
Post: #36
Title: Re: عـادل جـبارة ... والفرحة فـرحتيــن .
Author: Sahar Abdelrahman
Date: 04-14-2007, 01:19 PM
Parent: #35
تمنياتي للأخ الكريم عادل بقضاء أوقات ممتعة ومبهجة مع أسرته ولأمنية بالنجاح والتوفيق إن شاء الله....
شكرا عماد....
مع معزتي
سحر
|
Post: #38
Title: Re: عـادل جـبارة ... والفرحة فـرحتيــن .
Author: عادل جبارة
Date: 04-14-2007, 02:00 PM
Parent: #34
الأستاذة سلمى صبحي
يباركوا ليك السمح .. بالرغم من أنني هلالابي إلا أن ( حمرة الزهر تستطيبها المقل ) كما يقولون .. وردة مقبولة وشكر خاص على تواصلك الدائم ولك قبسات من أحرفٍ منْ نور :
لا كانت الحياة
إنْ لمْ تكنْ مِمراحَة كبسمة الثغور
إن لم تكن طليقة كلثغة العصفور
إن لم تكن ندية كمخمل الزهور
إن لم نعش أيامها بكل عنفوان
بكل ما يجيش في الأعماق من حنان
وما ينمي في الفؤاد الحب للإنسان
وما يثير في النفوس جذوة الفنان
لا كانت الحياة يا إنسانتي
لا كانت الحياة
إن شاخت القلوب في دجنة القبور
إن لم نتوِّج ركبها بأحرف من نور ..
|
Post: #37
Title: Re: عـادل جـبارة ... والفرحة فـرحتيــن .
Author: أبو الحسين
Date: 04-14-2007, 01:53 PM
Parent: #1
ألف حمداً لله على سلامة الوليدات يا عادل...
وإنشاء الله عقبال نبارك التهنئةالكبيرة نجاح بتنا أُمنية...
كميات مودتي... وتشكراتي صديقي عماد...
أبو الحســـــــــين...
|
Post: #39
Title: Re: عـادل جـبارة ... والفرحة فـرحتيــن .
Author: عادل جبارة
Date: 04-14-2007, 02:17 PM
Parent: #37
| Quote: تمنياتي للأخ الكريم عادل بقضاء أوقات ممتعة ومبهجة مع أسرته ولأمنية بالنجاح والتوفيق إن شاء الله.... |
الأخت سحر عبد الرحمن
لك ألف شكر وتقدير لكلماتك الطيبة وأمنياتك الصادقة وأسأل الله تبارك وتعالى أن يجمع الشمل جميعه في وطن يستظل بالحرية والرخاء
|
Post: #40
Title: Re: عـادل جـبارة ... والفرحة فـرحتيــن .
Author: عادل جبارة
Date: 04-14-2007, 02:24 PM
Parent: #39
Quote: ألف حمداً لله على سلامة الوليدات يا عادل...
وإنشاء الله عقبال نبارك التهنئةالكبيرة نجاح بتنا أُمنية... |
صديقي العزيز أبو الحسين
ورد الحقول كله في باقة ينتظر مقدمك عريساً وزعيما لعرسان المنبر وستنهمر ( كميات مودة ) البورداب كما السيل .. ننتظر ذلك اليوم بفارغ الصبر
شكراً مرات ومرات على التواصل والمودة
|
Post: #42
Title: Re: عـادل جـبارة ... والفرحة فـرحتيــن .
Author: عماد محمود علي
Date: 04-15-2007, 09:56 AM
Parent: #37
صديقي الوديع أبو الحسين
الناطق الرسمي باسم حكومة الصحافة
كميات وكميات من شوقنا يا غالي .
عقبال ما نبارك ليك قريباً إن شاء الله يا جميل , ونزفك برياحين الفرح وورد المحبة . كون بخير صديقي . وتسلم .
|
Post: #43
Title: Re: عـادل جـبارة ... والفرحة فـرحتيــن .
Author: salma subhi
Date: 04-15-2007, 10:39 AM
Parent: #42
وفي غدٍ ستحملين شمعة الميلاد
وتغرسين من رواء نورها البهيج
اشراقة الحياة في عرائس الشموع
فيبعث القنديل باقة من الضياء
وترقص الحياة من جديد
ويلبس الوجود ثوب عيد
هي أبيات من قصيدة أغرودة / ديوان طائر الليل لوالدي رحمه الله والتي تحمل معاني حب الوالد
لابنته....أهديها لك سيدي الفاضل أستاذ عادل جبارة
شكراً لتجديد ذكراه ....
مودتي موصولة للأخ عماد
|
Post: #46
Title: Re: عـادل جـبارة ... والفرحة فـرحتيــن .
Author: عماد محمود علي
Date: 04-15-2007, 02:40 PM
Parent: #43
الكاتبة الكبيرة الأميرة ســلمى صبحي
تحية تقدير ومودة واحترام
Quote: وترقص الحياة من جديد
ويلبس الوجود ثوب عيد |
ونرقص نحن طرباً عندما نستمتع ونحن نقرأ روائع الوالد ( رحمه الله ) ونلبس ثوب الفرحً دوما ًوشاح بمرورك الكريم ســيدتي ، ، ،.
مـودتـــي .
|
Post: #44
Title: Re: عـادل جـبارة ... والفرحة فـرحتيــن .
Author: omer abdelsalam
Date: 04-15-2007, 02:15 PM
Parent: #1
الف مبرووووووووووك
اخونا / عادل جبارة
انشاءالله عقبال الدكتوراه
شكرا صديقنا عماد محمود
على الخبر السار
وعقبال وليداتك ..ان شاءالله
|
Post: #45
Title: Re: عـادل جـبارة ... والفرحة فـرحتيــن .
Author: عادل جبارة
Date: 04-15-2007, 02:30 PM
Parent: #44
Quote: الف مبرووووووووووك
اخونا / عادل جبارة
انشاءالله عقبال الدكتوراه |
صديقي الجنرال عمر عبد السلام
لك من الشكر أجزله ودمت أخاً عزيزاً ،، الأسرة وصلت للرياض بعد فترة غياب عنهم امتدت لتسعة أشهر خاضت خلالها إبنتي البكر أمنية إمتحانات الشهادة السودانية بالخرطوم تلافياًللنظام العقيم الذي يشكو منه أغلب المغتربين والذي تسبب في تشتت الأسر مابين السودان وبلاد الغربة أو التضحية بتعليم الأبناء فصعوبات الشهادة العربية وتعقيداتها وتكاليفها المستقبلية جعلت أغلب الأسر السودانية ترسل أبنائها للسودان بينما يبقى الأب يكابد آلام الفراق والتشتت .. نتائج الأمتحانات ستكون في شهر يونيو 2007 بإذن الله ونتمنى التوفيق لجميع أبنائنا ..
شكري وتقديري لدعواتك الطيبة ،،
|
Post: #47
Title: Re: عـادل جـبارة ... والفرحة فـرحتيــن .
Author: عادل جبارة
Date: 04-15-2007, 02:45 PM
Parent: #45
Quote: وفي غدٍ ستحملين شمعة الميلاد
وتغرسين من رواء نورها البهيج
اشراقة الحياة في عرائس الشموع
فيبعث القنديل باقة من الضياء
وترقص الحياة من جديد
ويلبس الوجود ثوب عيد |
الأخت سلمى
إذن أنتَ ملهمة القصيدة.. وأنتِ من وهبنا روعة الصباح لينشدنا الدكتور حسن عباس صبحي بذاك الرونق .. أغرودة:
ما أروع الصباح يابنيتي
ما أروع الصباح
في بسمة من وجهك البرئ
تنضد الأفراح
وتنسج الآمال
في عشنا المورد الوضئ
فترقص الحياة من جديد
ويلبس الوجود ثوب عيد
وتنطفي الجراح
في آهة مشدودة الأوتار
تمور في مسارب الضلوع
تشق باب الصدر في إصرار
بنيتي يا برعم الربيع
يا نبضة الحنان والرجاء
إني أقبل الأطفال في فمك
أزف موكب الميلاد في إبتهال
وأحمل الأزهار والشموع
ترف كل زهرة ببسمة الصغار
تضئ كل شمعة بمولد النهار
وإذن يحق لنا أن نقدم إليك شكرنا لإهدائنا كل هذا الألق .. شكراً سلمى
|
Post: #48
Title: Re: عـادل جـبارة ... والفرحة فـرحتيــن .
Author: HAYDER GASIM
Date: 04-16-2007, 04:38 AM
Parent: #47
يا عادل ... يا ود جبارة
حمدا لله على سلامة وصول الأسرة وإجتماع الشمل ,
لكني أعجب ... ولما تركتك شابا { يافعا }
آخر مرة ... فإذا بك الآن أب لإبنة تفترع
قسماتها ووعيها وتأهيلها فيما يداعب خيالها
{ الجامعة } ... إذن ففي غير مستطاعي توقيع
الأمر , إلا أن أستلف { خيالا } من كريم .
لك العافية ... ولأمنية سعد ناشب فى الطالع .
مع مودتي
|
|
