Post: #1
Title: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: على محمد على بشير
Date: 04-10-2007, 04:40 PM
Parent: #0
وصف ريكاردو بالمدرب المبتدئ وسخر من نجومه
أموكاشي: الهلال محظوظ والنتيجة المنطقية 7 أهداف
سنهزم الهلال بملعبه حتى نحطم اسطورة هذا الفريق
الصدى - على كورينا
قال دانيال اموكاشي المدرب العام لناسروا النيجيري ان فريقه لعب مباراة كبيرة اهلته للفوز على الهلال بثلاثية بيضاء.. وتابع: سبق ان قلت ان بامكان ناسروا تحقيق نتيجة مريحة في جولة الذهاب بلافيا وعندما اطلقت هذه التصريحات كنت أعلم ما اقوله باعتبار انني لاعب كرة على مستوى عالمي وظهرت اكثر من مرة في كأس العالم ولعبت في الدوريات الاوروبية وكنت من النجوم المبرزين على النطاق الافريقي والعالمي لذلك اعرف كيف اقيم الامور.. وقال: وضعنا خطة وطريقة لعب ناجحة للمباراة وركزنا على اعداد ناسروا بشكل جيد دون ان نهتم بالهلال ولم نسع لكشف اوراقه على نحو ما يفعله الاخرون.. كنا نهتم وبعد ذلك كل شئ وارد في كرة القدم.. احترمنا الهلال وتعاملنا معه على اساس انه فريق كبير وكان نتاج ذلك سيطرة ميدانية كاملة لفريقنا.. لحظتها اكتشفنا ان الهلال فريق محظوظ للحد البعيد وان لم يكن كذلك لاستقبلت شباكه سبعة اهداف على الاقل.. وواصل اموكاشي في تصريحاته: اكتبوها على لساني: سنهزم الهلال بملعبه بام درمان حتى نحطم اسطورة هذا الفريق الذي قيل انه لا يخسر بملعبه.. وهاجم اموكاشي مدرب الهلال هيرون ريكاردو وسخر من تصريحاته برداءة ملعب ناسروا وقال انها تصريحات مثيرة للضحك باعتبار ان ريكاردو فقد صوابه في اعقاب الهزيمة وطفق يبحث عن مبررات فطيرة للحد البعيد.. وحمله مسئولية الخسارة التي تعرض لها الهلال باعتبار ان ريكاردو وقع في خطأ قاتل لا يقع فيه مدرب مبتدئ عندما رفض اداء التدريب الرئيسي لفريقه بملعب المباراة متعللاً بسوء ارضية الملعب.. وحمل اموكاشي ثلاثية فريقه لدفاع الهلال الذي لعب بدون تركيز واكد دانيال انه لا يعرف الهلال من قبل لكن ما شهدته عشية الاحد ماهو الا فريق عادي لا يقوى على الاستمرار في هذه البطولة.. وابدى اموكاشي غضبه الشديد لمقدمة فريقه الهجومية الذين اهدروا فرصاً بالجملة امام دفاع متواضع...
سخرت الصحافة النيجيرية من تواضع مستوى الهلال وخسارته بثلاثية نظيفة وقالت ان ناسروا دق مسماراً في نعش الهلال بحسب صحيفة (سوكر ستار).. هذا وشن عضو بارز بنادي ناسروا هجوماً عنيفاً على الصحافة النيجيرية واتهمها بتسريب معلومة الحارس التي استفاد منها الهلال وتقدم بشكوى رسمية طاعناً في مشاركته.. وتحدث عدد من لاعبي الهلال للصحافة النيجيرية واجمعوا على سوء ارضية الملعب والغاء المران الرئيسي واستفادة مدرب الخصم من هذه الهفوة بينما أرجع الكابتن فوزي المرضي الخسارة للاستهتار وعدم احترام الخصم مما انعكس سلباً على اداء الفريق.
قال اللواء عثمان محمد الحسن الأمين العام لمجلس ادارة نادي الهلال ان برازيلي الهلال ريكاردو لم يكن موفقاً عندما لم يوافق على خيار اداء المران الختامي في الملعب الذي ستقام عليه المباراة وحرم بالتالي اللاعبين من التأقلم على الملعب السيئ الذي لعبت عليه المباراة.. واعترف الامين العام لنادي الهلال بان الهزيمة الكبيرة التي تعرض لها فريقه بثلاثة اهداف نظيفة كانت قاسية ومؤلمة وغير متوقعة وتوقع ان تكون هناك اسباب حقيقية ادت لهذه الهزيمة ووعد بالتحقيق في ما حدث في لافيا لمعرفة الاسباب الحقيقية التي ادت للهزيمة.. واشار اللواء عثمان محمد الحسن الى ان غياب قائد الفريق هيثم مصطفى عن المباراة كان مؤثراً للغاية وتسبب بدرجة كبيرة في الهزيمة لانه كان يساهم في تطبيق اللاعبين للخطة المرسومة من المدرب بصورة مثالية وناشد اللواء عثمان محمد الحسن جمهور الهلال بتقبل الهزيمة بصدر رحب وعدم القسوة مع اللاعبين ورفع معنوياتهم حتى يتمكن الفريق من التعويض في مباراة الاياب ويخطف بطاقة الترقي للمرحلة المقبلة.
|
Post: #2
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: اساسي
Date: 04-10-2007, 04:45 PM
Parent: #1
بصراحة الواضح ما فاضح الزول قال البعرفو ودا زول بيعرف البيقوله وكلنا يشهد له انه من فرقة نيجيريا التي قدمت الكرة الافريقية للعالم في طبق ذهبي
اظهار حجم الهلال الطبيعي هو ما ظللنا نحاول ايصاله للاهلة الموهمين بفوزهم علي الزمالك مهدود الحيل
لكن كلام الطويل بيمشي بعيد
|
Post: #3
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: على محمد على بشير
Date: 04-10-2007, 05:25 PM
Parent: #2
Quote: اظهار حجم الهلال الطبيعي هو ما ظللنا نحاول ايصاله للاهلة الموهمين بفوزهم علي الزمالك مهدود الحيل
لكن كلام الطويل بيمشي بعيد |
اساسى
ماهو دا زاتو المجنن بوبى
الجماعه مهتمين بالتصنيف المزعوم لمن لحقوا امات طه
وعلى يد فريق مغمور
قال ليك
لاعبى الهلال الذين اطلعوا طيلة الايام التى سبقت المباراه على كتابات اعلام
الفول والبنشر والذين صوروهم على انهم احسن من نجوم الانديه العالميه
قال ليك نزلوا الميدان يتبختروا كملوك زمانهم ولم يصحوا الا على وقع اقدام
فريق الناسور وهى تدك حصونهم الخلفيه وتودع فى شباكهم ثلاثه اهداف ثقيله
ولم تحدث مثلها للهلال منز سنين ان لم تخنى الزاكره .
|
Post: #4
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: Deng
Date: 04-10-2007, 05:35 PM
Parent: #1
"شوف لاعبيتنا, دي الشينة كورتنا, الخمسة ماركتنا. كلام في كلام يا عوض دكام"
دينق.
|
Post: #5
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: Rakoba
Date: 04-10-2007, 05:44 PM
Parent: #4
| Quote: وحمله مسئولية الخسارة التي تعرض لها الهلال باعتبار ان ريكاردو وقع في خطأ قاتل لا يقع فيه مدرب مبتدئ عندما رفض اداء التدريب الرئيسي لفريقه بملعب المباراة متعللاً بسوء ارضية الملعب. |
غايتو دي بالغ فيها عديل كده
|
Post: #6
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: yasir Abdelgadir
Date: 04-10-2007, 10:10 PM
Parent: #5
عندما يفوز الهلال يفرح قطاع كبير من السودانيين...وعندما ينهزم يفرح ايضا قطاع مقدر من السودانيين
كبير انت ياهلال في فوزك وفي هزيمتك
|
Post: #7
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: عامر تيتاوى
Date: 04-11-2007, 00:39 AM
Parent: #6
عزيزى على رايك شنو فى الكلام ده :
| Quote: ذكر علماء الفلك ان كوكب المريخ قد تباطأت سرعته في الاتجاه الشرقي في الأسابيع القليلة الماضية حتى وصل إلى مرحلة التذبذب ما بين الشرق والغرب ...... وفي يوم الأربعاء 30 يوليو توقفت حركة المريخ عن السير في الاتجاه الشرقي !! وبعد ذلك في شهري أغسطس وسبتمبر تحول المريخ بالانطلاق بشكل عكسي نحو الغرب .... وذلك إلى نهاية شهر سبتمبر ...... وذلك يعني إن الشمس تشرق ألان من مغربها على المريخ !! وهذه الظاهرة العجيبة تسمى : retrograde motion أو الحركة العكسية |
يادوب عرفنا اسباب الملص والاقوان الملح
بعدين ياعلى ماعودتنا على نوعية الفول والبنشر
مالك الحصل شنو
بعدين اموكاشى ده معقول حاقد كده على الهلال
هو ماقال مابعرفوا وكان مفروض يغلبوا سبعة
ياربى ده منو الزعللان من الهلال كده
|
Post: #8
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: Rakoba
Date: 04-11-2007, 07:39 AM
Parent: #7
أبوالتيت
الشرق شرقت من مشرقها على أبوالهل لأكثر من نصف قرن، والنتيجة شنو؟ لا شيء على الإطلاق، بل وصلت لمهاجم بعين واحدة يجهجهكم!! باين عليكم منتظرينها تشرق من الغرب حتى تحققوا الانجاز الأول  ، وسامعين قالوا ايضا ان "الحركة العكسية" علاج جديد للناسور .. جربوا يمكن ينفع في الرد
|
Post: #9
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: abuguta
Date: 04-11-2007, 08:52 AM
Parent: #8
شكرا ليكم كتير على هذا التقرير المهم..
والله طمنونا شديد,انا كنت قايل الهلال دا اتقلب لعب..
لكن من التقرير دا,اتضح ان المدرب واللعيبة من فصيلة الصهاينة
ناس مشحونين اكتر من اللازم..وبس..
شفتو المدرب على الرقم من شهرته كلاعب ومغامرته كمدرب..يتكلم عن نفسه
كانه موريونتى وعن فريقه كانه جلسى...
شكرا ليكم كتير...
بس مافى زول فيكم اجابنى اجابة صريحة لسع....
بعد الصوف الجزائرى , المريخ بقابل منو..هل هنالك حرير ولا خيط عنكوبت..
خلونا نبقى على بصيرة , نجيب الصيوان ونجمع الشباب , عشان نسدكم عزائكم الطالبننا ليه دا
عليكم الله المريخ حيالقى منو بعد الصوف الجزائرى , يا راكوبة مهم جدا اجابة السوال دا
عشان احضر القوافى من الان..
شكرا ليكم كتير...
شفتو تصريحات توطى الايطالى ومدرب روما..قالو سوف يهزمون المانشتر فى عقر دارو
فطلعو بهزيمة تاريخية 7/1 مع الرافة...
سوف ترون..ان الزعيم لا يخزل اهله ابدا
الا نامت اعين الشامتين
|
Post: #10
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: keiga2000
Date: 04-11-2007, 09:04 AM
Parent: #9
اضافة
وهنالك شكوى مقدمة من الارباب بسبب سوء الملعب والحارس الذي لعب ولديه اربعة رجيلين وثمانية ايادي حرمت الهلال من هذا الشباك
شماعة التحكيم دي في الدوري الممتاز فقط
اما افريقيا فسوء معاملة وفندق سوء ومعاملة سيئة في المطار وحرب اعصاب
لاحظت الاعذار دي كويس
داخليا تحكيم وسوء معلب
وخارجيا تحكيم وسوء معاملة وحرب اعصاب وكمان حراس مزورين (ها ها ها ها ها ها ها )
الحرامي الفي راسو ريشة
ابومصطفى
|
Post: #11
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: abuguta
Date: 04-11-2007, 09:19 AM
Parent: #10
ابو مصطفى
سؤال واحد بس
المريخ سوف يلاقنى مين بعد الجمعية الجزائرية...
سؤال مهم ..والله مهم؟؟؟؟
اجيبنى اجابك الله...
|
Post: #18
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: على محمد على بشير
Date: 04-11-2007, 10:12 AM
Parent: #10
Quote: وهنالك شكوى مقدمة من الارباب بسبب سوء الملعب والحارس الذي لعب ولديه اربعة رجيلين وثمانية ايادي حرمت الهلال من هذا الشباك
|
الله يجازى محنك ياكيجا
|
Post: #16
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: على محمد على بشير
Date: 04-11-2007, 10:10 AM
Parent: #9
ابو قوته انتا سبق وقلت فى بوست عمر الفاروق
Quote: مسعول من الخير ياود الفاروق
انت المريخ العاتى الذى قتل البعاتى..
بعد ما يغلب الصوف الجزائرى بخماسية نظيفة للعجب الحريفة
بجرة القرقريبة ..دى حركة الهدف الثانى للفريق القومى..
احد المعجبين بهذا اللاعب الفلتة سماها بذلك الاسم....
لكن بعد الصوف دا ...المريخ بلاقى منو....برضو
هنالك فريق من النوع الخفيف...حرير , خيط عنكبوت
قطن طويل تيلة...ادى المعلومة دى..عشان اعرفهم فرحهم بقيف وين..
|
ورديت انا بالاتى : -
Quote: ابو قوته الرشاشه
احنا فرحنا بيقيف عند الكاسات
وهوايتنا هى ان نحملها جوا
وروحنا الطالعه ونازله هى انو نتصور بيها فى القصر الجمهورى
هؤلاء هم نحن .. وهذا هو ديدننا
اها انتوا كيف يا الدايما واقفين فى القيف
يا الحدكم معروف
الناس دايما فرحانه بالكاسات وانتوا تزرفوا فى الدموع
ومعتمدين ليكم على تصنيفات لحقتكم امات طه
|
اها تانى جاى تسأل برضو
يعنى لازم تورينا انو الغلب قايم بيك لسع
|
Post: #15
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: على محمد على بشير
Date: 04-11-2007, 10:03 AM
Parent: #8
Quote: أبوالتيت
الشرق شرقت من مشرقها على أبوالهل لأكثر من نصف قرن، والنتيجة شنو؟ لا شيء على الإطلاق، بل وصلت لمهاجم بعين واحدة يجهجهكم!! باين عليكم منتظرينها تشرق من الغرب حتى تحققوا الانجاز الأول ، وسامعين قالوا ايضا ان "الحركة العكسية" علاج جديد للناسور .. جربوا يمكن ينفع في الرد |
العريس النفض الكيس راكوبه
عفيت منك
فقد كفيت واوفيت وبلعت تيتاوى لسانه
|
Post: #14
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: على محمد على بشير
Date: 04-11-2007, 09:55 AM
Parent: #7
Quote: يادوب عرفنا اسباب الملص والاقوان الملح
بعدين ياعلى ماعودتنا على نوعية الفول والبنشر
مالك الحصل شنو
بعدين اموكاشى ده معقول حاقد كده على الهلال
هو ماقال مابعرفوا وكان مفروض يغلبوا سبعة
ياربى ده منو الزعللان من الهلال كده |
العزيز عامر ود تيتاوى
ما ح ازيد على الكلام القاله ليك العزيز راكوبه
Quote: أبوالتيت
الشرق شرقت من مشرقها على أبوالهل لأكثر من نصف قرن، والنتيجة شنو؟ لا شيء على الإطلاق، بل وصلت لمهاجم بعين واحدة يجهجهكم!! باين عليكم منتظرينها تشرق من الغرب حتى تحققوا الانجاز الأول ، وسامعين قالوا ايضا ان "الحركة العكسية" علاج جديد للناسور .. جربوا يمكن ينفع في الرد |
|
Post: #13
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: على محمد على بشير
Date: 04-11-2007, 09:52 AM
Parent: #6
Quote: عندما يفوز الهلال يفرح قطاع كبير من السودانيين...وعندما ينهزم يفرح ايضا قطاع مقدر من السودانيين
كبير انت ياهلال في فوزك وفي هزيمتك |
الدكتور ياسر عبد الفتاح
دا شنو البتقول فوقو دا
ياراجل انتا الغلب لسع قايم بيك
الله يعينك غايتو
|
Post: #12
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: على محمد على بشير
Date: 04-11-2007, 09:49 AM
Parent: #4
Quote: "شوف لاعبيتنا, دي الشينة كورتنا, الخمسة ماركتنا. كلام في كلام يا عوض دكام"
|
الظلامى دينق
والله لكن لقيتك خطير
يا ود الاغنيه دى جبتها من وين واكيد المقصود بيها الهىل ... موش
|
Post: #21
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: keiga2000
Date: 04-11-2007, 10:51 AM
Parent: #12
ابوقوته
يعطيك العافية
يازول انشاء الله نقابل هلال ابوحراز
مافي مشكلة بس ندخل دروي الـ8 والفينا مشهوده
منو غيرنا البيجيب الكاسات الخارجية
منو غيرنا البحقق الإنجازات
منو غيرنا البفرح البلد
منو غيرنا................
أبومصطفى
|
Post: #17
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: حمزاوي
Date: 04-11-2007, 10:11 AM
Parent: #1
| Quote: واكد دانيال انه لا يعرف الهلال من قبل لكن ما شهدته عشية الاحد ماهو الا فريق عادي لا يقوى على الاستمرار في هذه البطولة.. |
إذا قال دانيال اموكاشي فصدقوه
والله اموكاشي ما حب يجامل الجماعة
ويقول ليهم كلمات المجاملة والطبطبة
ختاها ليهم على بلاطة
رشاشة :
المريخ شال كأس الزعيم مانديلا من أمام فريق نيجيري
|
Post: #19
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: على محمد على بشير
Date: 04-11-2007, 10:15 AM
Parent: #17
Quote: المريخ شال كأس الزعيم مانديلا من أمام فريق نيجيري
|
حمزاوى
الله يديك العافيه
المعلومه دى غايبه عن زهن كتير من الهلالاب
وموش فريق نيجيرى وبس
دا بندل يونايتد البيهز ويرز
|
Post: #20
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: عامر تيتاوى
Date: 04-11-2007, 10:24 AM
عزيزى على
| Quote: دا بندل يونايتد البيهز ويرز |
قصدك مانشيتر يونايتد !!
|
Post: #22
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: abuguta
Date: 04-11-2007, 10:52 AM
Parent: #20
على محمد على
على محمد على
على محمد على
على محمد على
على محمد على
على محمد على...
بالله عليك المريخ حيقابل منو بعد الصوف الجزائرى
عشان تانى ما تجو تكتبو لينا عن كرة خالص خلى مريخ
يازول..رد على خلينى اجهز قصيدة العزاء..
ياناس انتو طالبننا فراش افوووووووووو
كدى قول لى ..وبعدين نتحاسب
ود لك
|
Post: #28
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: على محمد على بشير
Date: 04-11-2007, 03:33 PM
Parent: #22
Quote: بالله عليك المريخ حيقابل منو بعد الصوف الجزائرى
عشان تانى ما تجو تكتبو لينا عن كرة خالص خلى مريخ
يازول..رد على خلينى اجهز قصيدة العزاء..
ياناس انتو طالبننا فراش افوووووووووو
|
يازول انتا شاغل نفسك بينا مالك
احنا اذا تأهلنا خير وبركه والا ففى سنامنا كاس قدر الضربه
انتا فى رصيدكم شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
* قل هل يستوي الذين يفوزون بالبطولات القارية والذين يتأبطون الأصفار الدولية الكبيرة؟
|
Post: #29
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: على محمد على بشير
Date: 04-11-2007, 03:35 PM
Parent: #28
الارباب مخاطبا مجدى ود شمس الدين : -
يامجدى عليك الله شوف لينا حل فى المصيبه اللى نحنا فيها دى
شكوى وطلعت فشنك والنيجيريين الشفناهم ديل صعب نغلبم تلاته خليك من اربعه
اها عليك الله نسوى شنو ؟؟؟؟؟؟؟
|
Post: #32
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: على محمد على بشير
Date: 04-11-2007, 03:46 PM
Parent: #29
ود شمس الدين مخاطبا الارباب
انتوا الشلاقه العليكم شنو من الاول
تصنيف وما تصنيف وعملتوا لينا فيها ضبان ضكر لمن جبتوا لى نفسكم الهواء
وشكوى وما شكوى وانتوا ما عارفين فى الاداره الواو الضكر
على العموم خلينا ننتظر البروف عشان يشوف ليكم حل فى الحكايه دى
زى ما ظبطنا ليكم قبل كدا حكاية 2 - 12
والله يسهل
|
Post: #26
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: على محمد على بشير
Date: 04-11-2007, 02:58 PM
Parent: #20
| Quote: قصدك مانشيتر يونايتد !! |
تيتاوى
انتوا خليتوا فيها مانشستر والا برشلونه
ما كلهم قلتوا انكم اخير منهم على حسب التصنيف المزعوم
|
Post: #23
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: wadismail
Date: 04-11-2007, 11:23 AM
Parent: #1
سؤال بريئ يا أخواننا :
النادي النيجيري دا في الميتين و للا برا الميتين ؟
ما تزعلوا يا أخواننا بس من تصنيفو عايزين نعرف مستواها الحقيقي !!!!!!!!!!!!!!!!؟
|
Post: #24
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: على محمد على بشير
Date: 04-11-2007, 02:50 PM
Parent: #23
الصدى تكشف أسرار سحب الهلال لشكواه واعتماد الكاف للحارس لورانس
رئيس ناسروا: ما حدث ضجة مفتعلة وفرقعة إعلامية لامتصاص الهزيمة الثلاثية
طلب الاستاذ مجدي شمس الدين من ادارة نادي الهلال تجميد الشكوى ضد نادي ناسروا بعد ان اتضح للجميع اكمال النيجيري للاجراءات القانونية للحارس لورانس خلال فترة الملاحق الخاصة بمرحلة دور الـ16 والتى انتهت يوم 31/3 الماضي..
وكان سكرتير الاتحاد التقى السادة صلاح ادريس رئيس النادي وشاكر علي الطاهر المدير العام ومولانا الطيب العباس المستشار القانوني والذي قال لـ(الصدى) ان الهلال قام بالاجراءات الاولية بواسطة ادارة البعثة وكانت خطوة مهمة لحين اكتمال البيانات والمعلومات.. رئيس النادي اعتبر زيارتهم للاتحاد امراً عادياً مؤكداً عدم اعتمادهم على الشكوى والتركيز على اعداد الفريق بالشكل الذي يمكنه من تحقيق الفوز والتأهل على حسابات ناسروا.. ونادى ادريس بتضافر الجهود وتكامل الادوار من كل القطاعات في الادارة والجماهير والاعلام مؤكداً استعداد المجلس لعمل كل ماهو مطلوب.. واشاد رئيس الهلال بالنتيجة التي حققها المريخ وتمنى للفريقين التأهل لاحراز النصر للسودان.
هذا وتسلم سكرتير الاتحاد تقريراً شاملاً من الاستاذ يوسف موسى رئيس بعثة الهلال بعد متابعة الموقف لحظة بلحظة وقال ان مباراة الرد تتطلب تركيزاً اكثر حتى لا تشغل الشكوى اذهان الجميع عن لقاء الحسم لذلك ـ والحديث لشمس الدين ـ قررنا ان تنتهي الشكوى عند هذا الحد.
على صعيد ذي صلة هاتفت (الصدى) رئيس النادي كريس ايموقا الذي قال ان ناسروا نادٍ كبير ولا يمكن ان يقع في خطأ ابتدائي يكلفه الابعاد من المنافسة.. كنا واثقون من كسب المباراة وبالتالي لا يوجد ما يدفعنا لخسارتها ادارياً باشراك حارس غير مؤهل قانوناً للمشاركة وشرح ايموقا لـ(الصدى) الخطوات التي اتبعها ناديه وملاحقته للكاف وكيفية حصولهم على استثناء الكاف قبل 48 ساعة من المباراة.. وأكد السبق الصحفي لـ(الصدى) عندما حاصرته قبل حوالي اسبوع بأزمة الحراس التي يعاني منها ناديه وأقر بانه ما كان يملك اجابة على السؤال الصعب.
وعاد كريس ايموقا للسخرية من خطوة نادي الهلال وقال لا يوجد بالاصل ما يستدعي تقديم الشكوى واتهم ادارة الهلال بالبحث عن فرقعة اعلامية لصرف الانظار عن الهزيمة الثلاثية وما حدث ليس الا ضجة مفتعلة واستشهد بسحب الهلال لشكواه بعد ان أدت غرضها..
لا حول ولا قوة الا بالله
حتى الشكوى طلعت فشنك !!!!!!!!!!
|
Post: #25
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: على محمد على بشير
Date: 04-11-2007, 02:53 PM
Parent: #24
ريكاردو: سنلقن النيجيري درساً وجولة الإياب مسؤوليتي الشخصية
توعد هيرون ريكاردو مدرب فريق كرة القدم بنادي الهلال ناسروا النيجيري بهزيمة ساحقة في جولة الإياب.. وقال ريكاردو الذي كان يتحدث لـ(الصدى) فجر الأمس بعد عودة الفريق من نيجيريا ان فريقه سيلقن ناسروا النيجيري درساً لن ينساه في فنون كرة القدم بام درمان.. مؤكداً ان جولة الاياب تعتبر هي مسؤوليته الشخصية مؤكداً ان ما تعرض له من هزيمة بلافيا كان نتاج طبيعي لرداءة الملعب الذي اقيمت عليه المباراة.
تاااااانى ياريكاردو !!!!!!!!!!!!
|
Post: #27
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: على محمد على بشير
Date: 04-11-2007, 03:19 PM
Parent: #23
Quote: النادي النيجيري دا في الميتين و للا برا الميتين ؟
|
ود اسماعيل
يجازى محنك
|
Post: #30
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: امير مصطفى احمد
Date: 04-11-2007, 03:36 PM
Parent: #1
عفوا يا شباب انتو النادي النيجيري دا اسمو (ناسرو ) ولا (ناسور)
مع تحياتي لاحد فرق المائتين
|
Post: #31
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: عبد اللطيف بكري أحمد
Date: 04-11-2007, 03:41 PM
Parent: #1
لما تفاقمت أزمة البيت الأبيض أيام المنجوه
بيل كلنتون ومونيكا لوينسكي قام المنجوه
والناس في عز التحقيقات بضرب أفغانستان
ومصنع الشفا في الخرطوم بحري ،،
لا لسبب إلا أن يداري لفضيحته ويلهي المحققين
الكرهوه عيشتو،،
الآن : يخوانا الناس ديل مغلوبين في الجزائر،،!!!
والله فعلا إن ما أختشيت اعمل الدايرو،،
الهلال حيفوز على الفريق النيجري في الخرطوم
خمسة صفر والمريخ حيتعادل واحد واحد ويغادر في
الخرطوم،،
هذا توقع محترفين وليس تنجيم،،
جاتكم ستين تيلة ،،
التحيات ،،
|
Post: #33
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: عامر تيتاوى
Date: 04-11-2007, 05:00 PM
Parent: #31
الحبيب راكوبة
| Quote: الحركة العكسية" علاج جديد للناسور |
ماتنسى الحركة الدورية علاج لدوار البحر وفوبياالقراقير
|
Post: #34
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: Rakoba
Date: 04-11-2007, 05:08 PM
Parent: #33
ابوالتيت
دوار البحر هين، الكلام في الناسور!
|
Post: #35
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: عامر تيتاوى
Date: 04-11-2007, 05:14 PM
Parent: #34
عزيزى ابوعلوة المريخابى الشديد
التصنيف ليس مزعوما بل حقيقة تسببت فى اندلاع
جبهة الرفض وثورة الشك
مابصدقكم
|
Post: #36
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: Rakoba
Date: 04-11-2007, 05:18 PM
Parent: #35
في الناسور
|
Post: #37
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: عامر تيتاوى
Date: 04-11-2007, 05:33 PM
Parent: #36
راكوبة ياحبيب
تعديل وتاجيل
|
Post: #38
Title: Re: النيجيرى اموكاشى يصف ريكاردو بالمبتدئ ويسخر من لاعبى الهلال !!!!!
Author: Rakoba
Date: 04-11-2007, 05:40 PM
Parent: #37
بالتلاتة ياعامر
|
|