|
العضو المريخابي الجديد
|
التحايا والود لكل الاعضاء و المريخاب خاصه والزرق ديل( يعني) برضو ليهم التحايا وشكر خاص للأخ بكري أبوبكر لإتاحته هذه الفرصة غايتو اول مشاركه لى وفي يوم بمثل فيهو قطبيي الكره السودانيه السودان اتمني من جوااي النصر للمريخ ومن طرف خشمي كدا(نتيجه ايجابيه للهلال)عشان ما يزعلو بالله يا اخوانا داير ترحيب شديد من المريخاب والهلالاب (يعنى)
|
|
|
|
|
|
|
|
Re: العضو المريخابي الجديد (Re: علي مزمل)
|
مراحب مليار قدم خير ان شاء الله
بكتب المداخلة قبل ضربة بداية مباراة المريخ ومضيفه الجزائري بثواني يعني لو اتغلبنا شيل شيلتك انت و (ود عمك) ....
تحياتي الغوالي
| |
|
|
|
|
|
|
Re: العضو المريخابي الجديد (Re: علي مزمل)
|
علي مزمل !!
دا شنو العملتو دا يا زول !!
ضربو لي تلفون وقالو لي حصل قريبك دخل المنبر بي كراعو الحارة قام المريخ إتغلب من أول بوست كنبو!!
كا كنت كويس إنت ؟!! الحصل ليك شنو ؟!!
هسي أبارك ليك دخول المنبر ولا اكفر للمريخاب ديل النتيجة .!!
شنكل :
يا بكري أبو بكر ..!!
أفصل علي دا وأجدع ليهو بوستو الأول والأخير دا في الخور !!
| |
|
|
|
|
|
|
Re: العضو المريخابي الجديد (Re: ناذر محمد الخليفة)
|
ناذر اخوي كراع منو الحاره كدي اسال مريخاب البورد انت قايل المريخ طار ولا شنو واحد صفر في القلعه الحمرا بنعوضا وساااهله الكلام الجماعه ________________________________________ عايز ترميني في الخور من اولا اها بدينا
| |
|
|
|
|
|
|
Re: العضو المريخابي الجديد (Re: محمد المرتضى حامد)
|
رحب بيك في واحت العشاق المريخاب.. والله جيتك قدم خير اهو من شفتك الهلال ماخد تلاته بالرغم من انني كنت اود واحلم ان يصعد الهلال للمرحلة المقبله عشان نستمتع بتلاته او اربعه شهور من الضرب التواصل!! علي العموم مرحب بيك..
| |
|
|
|
|
|
|
Re: العضو المريخابي الجديد (Re: ahmed babikir)
|
علي مزمل
نورت الدار ..... يا عمار كراعك نص باردة .... .....واحد صفر ما بطالة ......كعب طلاق التلاتة الرجعة فيهو عايزة ليها محلل ............. ما عندك محلل في جيب جلابيتك البيضة دي؟؟؟ انت صحي السودان ما فيهو جلاليب حمر ليه ؟؟؟؟؟؟
شكرا ناذر علي الهدية القيمة للمنبر ..........
غرزة وطبزة : طلاق تلاته في عشش فلاته ............. ورقصني با جدع .
محمد عبد المطلب
| |
|
|
|
|
|
|
Re: العضو المريخابي الجديد (Re: ahmed babikir)
|
احمد بابكر البورد منور بالصفوه صدقني حتستمتع بالضرب انت شفتا حاجه الليله الجماعه ديل كان غلبو كان نشوف بلد تانيه تلاته وحالتو مهاج ناسورا اعور وعينو واحده دا كان بشوف كويس كان عمل شنو
| |
|
|
|
|
|
|
Re: العضو المريخابي الجديد (Re: علي مزمل)
|
مرحبا علي مزمل في المنبر.. ومبروك علينا "المريخاب" زادو واحد في عين العدو..
ورغم اي نتيجة: مريخنا فوووق
تخريمة: نهال طبعا ما تتخيلي ريدتي ليك إتضاعفت ملايين المرات.. وأنا اقووول
ودي
| |
|
|
|
|
|
|
Re: العضو المريخابي الجديد (Re: Raja)
|
رجا شكرا علي المروروالترحيب شفنا الهلالاب مالين المنتدي وسالين لسانهم طوااااالي قلنا النخش لقدام ونشوف فصاحتم الليله ما شايفم كتار المانع خير هم مالم الليله
| |
|
|
|
|
|
|
Re: العضو المريخابي الجديد (Re: علي مزمل)
|
رجـاء العبـاسـي .. ونهـال الطيـب مـرة واحـدة !!!
والله فعـلا سـودان المـريـخ صفـوة .. كم فرحنـا بعواتك المريخ .. والما عندو عواتك يشوف ليهو عواتك ..
مرحب بكن حفيدات سـيدة فـرح .. وأهديكن هـذا المقطـع ..
يا بت فرح
الليلة لو شفتي الإسم
كيف أضحى مصدر للفرح
كيف أضحى للعشاق حبيب
يحلو الغزل فيه ويصح
أصبح شعار في كل دار
وفوق للسحاب مختال سرح
آه من صفارو العسجدي
ماخد البريق من قوس قزح
آه من كؤوسو المنزلة
مين غيرو يقدر ينزلا
ويهدي البلاد أجمل فرح ......
يا سيدة لو شفتي الإسم
كيف أضحى للإبداع شرف
الماوجد في الدار مكان
ندمان وللدمعات زرف يا سيده لو شفتيهو كيف
فارق بلادنا وانتشر في كينيا معروف والخليج
في آسيا والصين والمجر
تاريخ مطرز بالفخار
من عهد قرعم لي صخر
تاريخ مطرز بالذهب
من شرفي لي برعي وطلب
وكمال وجقدول والعجب
أيامنا من بعدك بقت
يا سيده في بهجة وطرب
..........
يا سيده لو شفتي الإسم
كيف أضحي معشوق الألوف
زغرودة في ثغر الحسان
ورسوم تزين أحلى
الكفوف
صفقة وأغاني ونقرشه
الحان وإيقاعات دفوف
تشجي المسامع والبدن
يا سيده مريخك دوام
بالصفوة محروس محتضن
بالكلمة والحرف
الأنيق
أرقى الوصف بيهو
اقترن
يا سيده يكفيكي افتخار
ما شفنا أحلى من
النجوم
في الكون شعار
منظر يريح كل العيون
بهجة ومسرة وانبهار
والحكمة عند
الإنتصار
الدنيا ترقص وتنتشي
والظلمة تتبدل نهار
ما أحلى ساعة
الإنتصار
لما البلد تهدأ وتروق
ويهتف الجمع الخلوق
مريخنا فوق مريخنا فوق
* * * *
علمنـى لون الجـرح النازف إن الأحمـر أسـمى من كل الألـوان
| |
|
|
|
|
|
|
العضو المريخابي الجديد (Re: علي مزمل)
|
الأخ / علي سلام واحترام ،،، مرحب بيك يا ود عم ناذر يا مريخابي رجلك حاره علينا وعليكم مره ثانية ألف مرحب مع تمنياتي لك بالتوفيق أبو كريم ( الهلالابي )
| |
|
|
|
|
|
|
Re: العضو المريخابي الجديد (Re: حمزاوي)
|
ألـــــــــــف مرااااااااحب بعلي مزمل
نحنا الون الأحمر والأصفر ده بيجيبنا طواااااااااالي
نور النادي الأحمر وزدنا حماااااااااار علي صفااااار
والنتيجه معوضه وحات قدمك الدخلته بيها هنا ده وتااااااااااااني
نورة ليالينا وأقدل وأمشي بي مهله وأتفسح المساحات كلها صفراوية
وحمرة عينه قووووووووووووووية،،
أخوك أبوقـ مجدي عبدالرحيم ــصى
| |
|
|
|
|
|
|
Re: العضو المريخابي الجديد (Re: علي مزمل)
|
ايوب عبد الرحيم يديك العافيه ومشكور علي الترحيب يا اخوي كتابتي البالاحمر دي مريخاب ساي وبنحب اللون الاحمر ما حاجه تاني وحنقدم المزيد __________________________________ الفاتح خليل شكرا علي الترحيب كراعي مكوه معاكم حاره شديد وحاره شديد دي اقولا ليك تلاته مرات نحن هينين السخانه بتاعت كراعي مبرده شوووويه _______________________________________________________ حمزاوي بعد دا اتوهط تب ومشكور يا مريخي
| |
|
|
|
|
|
|
Re: العضو المريخابي الجديد (Re: علي مزمل)
|
مجدي عبد الرحيم اللون الاحمر والاصفر دا بموت فيهو موووووت ونتيجتنا ما صعبه والشلف حنشلفو في القلعه الحمراء ما شايلين هم نوم قفا والبورد منور بالمريخاب انت الناس دي كانت لابدا وين واتمنا اكون مع الصفوه في البورد وكلنا نشيل الشيله ___________________________________________ الاخت تماضر الخنسا الفين مراحب ومنور بوجودكم المنبر
| |
|
|
|
|
|
|
Re: العضو المريخابي الجديد (Re: علي مزمل)
|
عمر عبد الخالق يديك العافيه ومشكور على المرور دي عملتها ....................ما مريخابي صعبه دي ___________________________________________ منى هلال مشكوره ومنوره البورد
| |
|
|
|
|
|
|
Re: العضو المريخابي الجديد (Re: علي مزمل)
|
على مزمل الخطيــــــــــــــــــــر وصل وسع يا جدع!
يا ود الفاروق اعمل (هيطة)
ابو علوه ما أوصيك على الاقلية المهمشة من الخرخيرين الأوائل (اي صاح جعجاعين) لكن كيسهم فاضي !
اصحاب اقدم صفر (ودا كلام العلماء) يا عمر قالوا من التكلسات الكربونية اكتشفوا انو صفركم قديم ولئيم!
مرحب بصديقي علي في سودانيزاونلاين!!
بكري ابو بكر خلاص اسحب عضوية ناذر وخلي لينا علي مزمل واهدي أغنية(مادام نسى العشرة) لناذر....يا يورينا هو شايت وين!!
يعني يا مريخاب عملتوها ظاهرة اربعة الف عضو مريخابي مقابل 700 هلالابي منهم 500 غير فاعلين....
هي هي هي
(أحب القدوقدو وإرق المهبا زاتو..)
| |
|
|
|
|
|
|
Re: العضو المريخابي الجديد (Re: علي مزمل)
|
!!
Quote: بكري ابو بكر خلاص اسحب عضوية ناذر وخلي لينا علي مزمل واهدي أغنية(مادام نسى العشرة) لناذر....يا يورينا هو شايت وين!!
|
كم مرة قلنا ليكم يا فيها يا مفسيها
| |
|
|
|
|
|
|
Re: العضو المريخابي الجديد (Re: علي مزمل)
|
محمد فرح منور بيك وشكرا علي الطله ____________________________ حاج حمد كنت لابدين وييين الزمن دا كلو لقيت المنتدي كلو مريخااااب مشكور علي الترحيب والتحيه والبيت بقي بيتي تب
| |
|
|
|
|
|
|
Re: العضو المريخابي الجديد (Re: علي مزمل)
|
سامي عبد الوهاب يا رائع مليون مراحب هسا الجعجاعين ديل عندهم شنو خليك من الفات بعد التلاته كبعات دي شايفم مضايرين وما مافي حوامه مشو وين بعدين بالنسبه للصفر الكبير دا العلماء زاااااتم بقو يختو ثابت يعني هلال زرقان = صفر (الصفر ثابت ومرتبط بالهلال) ______________________________________________________________ سامي عبد الوهاب ناذر دا شايت ضفااري ساااااااي اديهو الوتر لكن الكفر دا حدث ولا حرج
| |
|
|
|
|
|
|
|