في صحيفة السوداني : ناذر الخليفة ينتقد شريط سحر النغم لننانسي عجاج !!!!!

في مقال له بصحيفة السوداني اليوم إنتقد الزميل ناذر شريط سحر النغم للفنانة نانسي عجاج بأسلوب نقدي جميل .




جدعة :

كنت داير أكتب مقاله الراتب لكن ما عارف بتكتب تاني كل جمعة ولا كيف .

والله أنت وملاسي تاني ما بتنقدروا ....

لو في طريقة نزل المقال يا حبيب .

Quote: ناذر الخليفة ينتقد شريط سحر النغم لننانسي عجاج !!!!!

موضوع مهم وحيوي والله وبهم قطاع كبير من الشعب



_____

وليه ما يكتب مش صحبو ملاسي كتب

بث للامانة نقد ناذر كان هادف

فيصل رشوان ,,,

شكرا ليك علي البوست ..

ما قايلك من الناس البيقرو مقالاتي في الصحف ..

عبد المنعم ..

Quote: وليه ما يكتب مش صحبو ملاسي كتب

ملاسي دا مش هو البيكتب معاي مقالات في الصحف السودانية ولا قصدك واحداً تاني ؟!!

Quote: ملاسي دا مش هو البيكتب معاي مقالات في الصحف السودانية ولا قصدك واحداً تاني ؟!!

بتاع شظايا ياااخ


____

عجبتني طريقة معالجتك للموضوع من الناحية الديالكتيكية


دي اسال منها ملاسي يوريك


ملاسي خلييييك صاحي ناذر جاااك

يا فيصل .

Quote: كنت داير أكتب مقاله الراتب لكن ما عارف بتكتب تاني كل جمعة ولا كيف .

كل جمعة وكل إجازة رسمية لأني باقي الأيامات بكون مشغول بالكتابة لي صحف إقليمية وعالمية تانية ..

لماذا لا تتعلم من تجارب الصحفي الختيير ملاسي

حسين بدا بمهاجمة وراق ومحجوب شريف لكي يعرف


وانت بديت بمهاجمه نانسي


والصح مفروض تهاجم عمك عجاج ووردي حتي تثير العجاج والغبار والاتربة


كما يفعل الختيير ملاسي

المفروض البوست ده كان يرفعوا ملاسي .. كرد جميل .
لكن للاسف بعدما اشتهر بفضل ناذر بقى يتجاهل الناشئين وفي رواية اخرى يضطهدهم ..............

اتفضل يا الطاهر اتعرف علي زميلك الجديد

عبد المنعم ...

Quote: اتفضل يا الطاهر اتعرف علي زميلك الجديد

الطاهر دا منو قصدك .؟!

البيكتب معاي في جريدة الصحافة ولا زول تاني ؟!!

العزيز ناذر والله مقال جميل والنقد كان بناء نرجو من الفنانة نانسي عجاج الانتباه لمثل هذه الهنات والتي تعتبر خصماً عليها وقراءة هذا المقال النقدي الجميل بعين فاحصة وتدارك كل مثالب هذه التجربة ....

يا نا ذر الزول ما يدقس ولا شنو .....


تاني الواحد مايرفع ليك مقال ولا شنو يعني

بعدين أنت كاتب في الموضوع في الجريدة (على راي المختصين في البوست ) والله انا ذاتي أتحيرت قلت يارربي دي الجريدة ولا المنبر العام ... أتاريك عامل كوبي بيست للبوست من هنا زي ما هو ....













جدعة :
عبد المنعم ده حاسد ولا بقران .....

سنة يا ناذر

غايتو يا حيدر (السنينات) بقت تتوزع بالكميات في المنبر دا

فيصل ...

Quote: العزيز ناذر والله مقال جميل والنقد كان بناء نرجو من الفنانة نانسي عجاج الانتباه لمثل هذه الهنات والتي تعتبر خصماً عليها وقراءة هذا المقال النقدي الجميل بعين فاحصة وتدارك كل مثالب هذه التجربة .... وما لا يقتلك يقويك !!!!

تسلم كتير ...

Quote: وما لا يقتلك يقويك !!!!

بس شترتها مرة واحدة بالجملة دي
دي ما بيستخدموها هنا ياخ

ناذر
شكرا ليك كتير وأنت تحارب من أجل ساحة فنية مخضرة ومزهرة
وإيراد الجميل لاذآن المستمعين

دكتورة نهال ..

Quote: شكرا ليك كتير وأنت تحارب من أجل ساحة فنية مخضرة ومزهرة وإيراد الجميل لاذآن المستمعين

الله يسلمك يا نهال ..

مسئولية نشر الوعي الفني مسئولية تضامنية ..
على الجميع المشاركة فيها ..

ولد ده

ملهم ...


وين أراضيك ؟!

فيصل ..

Quote: بعدين أنت كاتب في الموضوع في الجريدة (على راي المختصين في البوست ) والله انا ذاتي أتحيرت قلت يارربي دي الجريدة ولا المنبر العام ...

والله المنبر دا جننا وخلانا نلخبط ونجيب سيرتو في أي حتة .. المرة الفاتت كتبت مقال إسمو (ما بين الجلابة والغرابة .. إسلوب المعالجة الهش) .. كتبتو بي نفس وداير أنشرو في الجريدة لمن إنتهيت منو وبديت أراجعو لقيتو كلو تراجي وبشاشا وبقال وبريمة وكلو عبارات ما بفهما إلا الزول المتابع المنبر ..

حاولت ألتقو وأعدلو لقيت المادة حا تطلع مشوهة ... بي جاي لي جاي ألصق وأمسح وأضيف ..لمن خلصت لقيت مقالي الكان تلاتة صفحات بقى خمسة سطور بس .. طوالي شرطتو ورميت الورق وفتحت المنبر ..


ربنا يحلنا من المنبر دا بالسلامة ..

تابعت الموضوع في البوست ... وكان غني وبنّاء ..... يديك العافية

Quote: حسين بدا بمهاجمة وراق ومحجوب شريف لكي يعرف

نسيت كمال الجزولي ((((البيكتب مع حسين في الجريدة))))

العزيز ناذر
لك تحياتي واشواقي
طبعا تاني اخر قشرة بقول للفرد ناذر دا والله صحبي شديد بعدين المقال دا فكرته ناقشناها مع بعض لما كنا قاعدين في الحته الفلانية.... كده النضرب ليكم ليهو سلموا عليهوا....بس عليك ما تحرجنا افتح لينا الخط وانا بكون مشغل الاوت اسبيكر سلم علي شديد وقول لي طولنا والله ما اتلاقينا وكده يعني
التحية ليك يا عزيزي وكعادتك تاتي بالجميل

صباح سعيد خالى من الأتربة والكتاحات......
( معنو الكتاحات قائمة قايمة ربنا يغطى علينا)



ناذر المقال جميل
وموضوعى جدا وفكرتك وضحت تماما... لكن كان من الأفضل لو تعمقت أكثر من الجانب العلمى التحليلى بالقدر الذى لا يبعد عنك القارئ العادى غير المتخصص .

ونحن جميعا نقر أنك من المتخصصين موسيقيا، إضافة إلى أن ذلك يعلم أولئك المتموسقين وأشباه الصحفيين بالكف عن إجهادنا عقليا وبصريا لمعرفة إتجاهاتهم العلمية والفكرية والتى أظن كل الظن ( أن معظمهم لا يعرفون عن الفنون وصنوفها وعلومها إلا بالقدر الذى أعرفه أنا شخصيا ولربما تفوقت عليهم)..

اننا نملك صحفا ونفتقر للمنهجية والعلمية ويكفى كى يصبح لك عمود أو صفحة أن ترتدى بنطالا وقميصا وتلف حول عنقك ربطة لا يشترط فيها الأناقة فهى ترسم لصاحبها ما يكفى لجذب النظر إليه وتبعدهم عن ما يلوثون به عقول القراء من هتاف وهراء.

وانا معجب بصوت نانسى واجد فيه إتجاه جديد نحو تطويع الصوت بمايجعل المقردة واضحة وكل حرف منها يأخذ مكانه من الجملة اللحنية والموسيقية.
وأضيف بأن الكتاب والصحفيين ضخموا تجربتها التى لم تكتمل بعد وهى فى طور التكوين والكثيرون لم يسمعوا بها بعد. واخشى أن يعود ذلك سلبا عليها.

تحياتى

هييييييييييييييييييع

والله حقو تقسموا مع بكري انت وملاسي

ناذر الخليفة قلم خطير وجدير بان يكتب فى عموم الصحف السودانية
والعالمية وفوق ده كلو صاحب حنجرة مدهشة

ناذر صديقى سلامات,

من قراءة ما كتبت تتضح مقدرتك على النقد المنهجى

و المبنى على أسس سليمة مع و جود خلفيات جيدة عن

الموضوع نفسه , لم أستمع لسحر النغم و أن كنت أتمنى

فهذه الشابة تبدو ذات إمكانيات فنية و تطريبية عالية

وحسب علمى تملك نواصى موسيقية أخرى مما زاد تجربتها

تفردا , مشاكل التسجيل والصوت وتقنياته المختلفة هى

إحدى مشاكلنا المزمنة وكثيرا ما يضيع المجهود والمحتوى

بسبب عدم الإهتمام بهذا الجانب و هو ركن أساسى فى عالم

الموسيقى و فى وجود الأمكانات الحديثة و برمجيات الصوت

المتطورة قد يعز أحيانا و جود من يملك المقدرة الحقيقية

لإخراج أداء صوتى متميز و توزيع صوتى جميل يساعد على

إنجاح العمل بكامله مع وجود بعض الإستثناءآت من الدارسين

و المجيدين فى هذا المجال و لكنهم قلة و قد يتخيل بعض

المنتجين عدم أهمية و جود مهندس و فنى صوت مؤهل و صاحب

حس عالى و مثقف موسيقيا و يكتفون بوجود أحد (الجربندية)

و يكون سببا فى تدنى جودة المنتج و بالتالى هبوط العمل

ككل!!!!!!!!!

تحياتى.

الأخوة الاعزاء ..

مقال صحيفة السوداني جمعت مواده من هذا البوست الذي أخذ حظه التام من النقاش ..






سحر النغم ... نانسي عجاج .... من المسئول ؟؟!!


المرجو مراجعته لإحتوائه على مادة بحثية غنية جدا في مجال النقاش الجاد في القضايا الفنية ..



ولكم جميعا خالص الشكر ..

ناذر سلامات
لقيتك خطير في النقد دا كان وين من زمان
قايلك زول عود ومنبر بس
هع عفارم عليك

النقد خيط رفيع بين الصراحه و الوقاحه.
ارى ناذر اجاد التلاعب به شكرا لا شراكنا في المطالعة