Post: #1
Title: السفر علي الخطوط الأفريقية!
Author: Khalid Osman Jaafar
Date: 04-07-2007, 11:50 AM
Parent: #0
سلام،
يا جماعة فيكم زول جرب السفر بالخطوط الجوية الأفريقية دي؟
الأنا عارفو إنها خطوط ليبية جديدة، وأسعارها مبالغة بالمقارنة مع باقي الخطوط
بالله لو زول عندو فكرة عنها يقولها لي عشان يا أتوكل وأحجز عليها، يا كمان شفت لي خطوط تانية ...
مع الشكر
|
Post: #2
Title: Re: السفر علي الخطوط الأفريقية!
Author: mohamed kabbar
Date: 04-08-2007, 11:37 AM
Parent: #1
الاخ خالد سلام
اتوكل و احجز طوالي
اسافر سنويا من بروكسل الي الخرطوم بالخطوط الافريقية جيده و مواعيدها مظبوطه و كمان من ناحية الوزن شيل ذي ما داير لحد 45 كيلو و الخدمات ممتازة
سفر سعيد
كبار
|
Post: #3
Title: Re: السفر علي الخطوط الأفريقية!
Author: حليمة محمد عبد الرحمن
Date: 04-08-2007, 11:47 AM
الاخ خالد
سلامات
جربت السفر على الخطوط الافريقية قبل احد عشر عاما.. اخذتها من جنوب افريقيا الى ملاوي.. الحق لله
فان مواعيدها منضبطة وخدماتها ممتازة..
ولا اعرف شيئا عن الوزن.. لانني كنت احمل حقيبة صغيرة صعدت بها الى الطائرة..
حليمة
|
Post: #4
Title: Re: السفر علي الخطوط الأفريقية!
Author: Khalid Osman Jaafar
Date: 04-08-2007, 02:11 PM
Parent: #1
سلام يا كبار وحليمة،
مشكورين كتير علي الردود ..
في الحقيقة لما مافي زول رد، عملت بحث علي الإنترنت عن شهادات ناس سافروا بيها. الغريبة معظم الناس كانوا بيشتكوا من إنو الطيارات قديمة والمواعيد أحياناً ما مظبوطة وإنو ضياع العفش حاجة عادية، وكده ...
لما خلوني أصرف نظر عنها. حتي مصنفينها نجمة واحدة (بينما الخطوط السودانية مصنفة نجمتين!) ..
الغريبة واحد من المسؤولين بالشركة رد وقال إنو بيتابع التعليقات المكتوبة عن خدمات الشركة (ودي في حد ذاتها محمدة)، وقال إنهم بيعملوا في تحديث لاسطول الشركة؛ لكن ما نفي أي حاجة من الكلام الإتقال. ودي الخلاني أقول أحسن ما أفكر فيها ..
الكلام كله موجود علي الموقع ده
شكلو يا كبار حظك - ما شاء الله - حلو معاهم لغاية الآن. لكن أعمل حسابك! 
علي فكرة يا حليمة، ما متأكد إذا كنتي بتقصدي نفس الشركة، لأنو دي إنطلقت في ٢٠٠١. لكن يمكن كانت شغالة قبل كده ووقفت في فترة الحصار ولا حاجة ..
مرة تانية مشكورين جزيل الشكر والله يديكم العافية ...
|
|