Post: #1
Title: الي بكري .. نسخة برنامج المنتدي اقدم من التركية السابقة
Author: اساسي
Date: 04-07-2007, 11:00 AM
النسخة المستخدمة في منتديات سودانيز اون لاين اكل عليها الدهر وشرب هذه النسخة مستخدمة منذ العام
2002م كما اذكر لم يتم تغيرها منذ ذلك التاريخ ... يوم تكنلوجيا الانترنيت يوازي عام من ايام التكنلوجيا الاخري البرامج يوميا يتم تحديثها واصدار نسخ جديدة منها ... النسخة التي نستخدمها الان في المنتدي اظن ان الشركة التي انتجتها تركت هذا المجال واتجهت لانتاج صواريخ فضائية ونحن ما زلنا(نعافر) بهذه النسخة التي بدأت اثار الشيخوخة واضحة عليها في الانهيارات المتتالية التي يشهدها المنتدي ..
لذا اخ بكري المطلوب هو استخدام نسخة حديثة من برامج المنتديات المنتشرة .. النسخ الجيدة كلنا يعلم انها ليست مجانية ولكن لا اظن ان تكلفتها عالية ... اقترحنا لك سابقا مساهمتنا جميعا في دعم المنتدي من ناحية توفير السيرفر والباندويدث والان في شراء نسخة حديثة للمنتدي والذي اصبح متاخرا جدا بالنسبة للمنتديات الاخري المستخدمة ولكنك (عملت لينا فيها الفتي الهاشمي ودقيت صدرك لمن اسع المنتدي مسكته كتكوتة).
من الروح الطيبة التي ابداها الجميع ونظرا لتجربة سابقة في تجميع مبالغ من البورداب لكتاب الخاتم الان اقترح ان تتبع نفس الالية لتجميع مبالغ لشراء سيرفر جديد وتوفير باندويدث ونسخة حديثة من اصدارات المنتديات وهذا اقتراح للبورداب فبكري خجول في هذه الناحية.
لانه بالطريقةحيجي يوم وليس بعيد حتطر تارشف فيه المنتدي كل ثلاثة دقايق.
عامل راسك الكبير دا
|
Post: #2
Title: Re: الي بكري .. نسخة برنامج المنتدي اقدم من التركية السابقة
Author: Mohamed E. Seliaman
Date: 04-07-2007, 11:10 AM
Parent: #1
Quote: الان اقترح ان تتبع نفس الالية لتجميع مبالغ لشراء
سيرفر جديد وتوفير باندويدث ونسخة حديثة من اصدارات المنتديات
وهذا اقتراح للبورداب فبكري خجول في هذه الناحية. |
أكاد أجزم أن هذا الكلام لم يمر عبر
بروكسي مدينة الملك عبد العزيز للتقنية!!
إنت شغال في أرامكو يا أساسي وللا شنو ؟
هذا هو الاحتمال الوحيد لإمكانية الدخول إلى الشبكة
من المملكة دون المرور عبر بروكسي مدينة الملك عبد العزيز للتقنية!!
|
Post: #3
Title: Re: الي بكري .. نسخة برنامج المنتدي اقدم من التركية السابقة
Author: عاصم ابوبكر حامد
Date: 04-07-2007, 12:26 PM
Parent: #1
الاخ اساسئ
لك التحية
اتفق معك تماما وارجو ان نجد حلا اسرع ...
وارجو من الاخ بكرى ان يكون واقعيا ويعلم هذه النسخة ذهبت مع الريح
هناك نسخ جميلة وبها تقنية عالية جدا ...
كم هو المعمول به فى منبر ودالشيخ
سودانيز اوف لاين
ارجو ان تقدم اقتراحاتك ونحن معك
الاخ اساسئ انا اول الداعمين ...
جدعة:::
وانت راسك قايلوا اصغر من راس بكرى كلكم فى الهواء سواء
|
Post: #4
Title: Re: الي بكري .. نسخة برنامج المنتدي اقدم من التركية السابقة
Author: ناذر محمد الخليفة
Date: 04-07-2007, 03:09 PM
Parent: #1
!!!
Quote: كم هو المعمول به فى منبر ودالشيخ
|
|
Post: #5
Title: Re: الي بكري .. نسخة برنامج المنتدي اقدم من التركية السابقة
Author: عاصم ابوبكر حامد
Date: 04-07-2007, 03:19 PM
Parent: #4
ناذر
كيفك
اراك تضحك على منبر ود الشيخ
لاتنسئ ان تقنيته عالية جدا
ونشوف تانى فى بوست الجعليين ديلك تضحك احسن
تسلم
|
Post: #6
Title: Re: الي بكري .. نسخة برنامج المنتدي اقدم من التركية السابقة
Author: Ahmed Abdallah
Date: 04-07-2007, 03:21 PM
Parent: #1
Quote: من الروح الطيبة التي ابداها الجميع ونظرا لتجربة سابقة في تجميع مبالغ من البورداب لكتاب الخاتم الان اقترح ان تتبع نفس الالية لتجميع مبالغ لشراء سيرفر جديد وتوفير باندويدث ونسخة حديثة من اصدارات المنتديات وهذا اقتراح للبورداب فبكري خجول في هذه الناحية.
لانه بالطريقةحيجي يوم وليس بعيد حتطر تارشف فيه المنتدي كل ثلاثة دقايق.
|
فعلا خير الكلام ما قل و دل
و بدون مشاورة يكري ... لان الدار ملك لنا جميعا
فليكن هذا البوست هو بداية المبادرة لدعم سودانيزاونلاين
ماديا .....
|
Post: #7
Title: Re: الي بكري .. نسخة برنامج المنتدي اقدم من التركية السابقة
Author: ناذر محمد الخليفة
Date: 04-07-2007, 04:25 PM
Parent: #1
كيفك يا عاصم ...
بوست أولاد الجعليين داك قالو هوالخرب المنبر وبوظ الداتا بيس ..
Quote: اراك تضحك على منبر ود الشيخ
|
أبدا والله ما بضحك عليو ..
بضحك على تعديلاتك الكتيرة الفي مداخلتك
|
Post: #8
Title: Re: الي بكري .. نسخة برنامج المنتدي اقدم من التركية السابقة
Author: عاصم ابوبكر حامد
Date: 04-07-2007, 04:31 PM
Parent: #7
ابو النذر
نهارك سعيد
ومع التفجيرات العاملة لينا صداع دى
| Quote: بوست أولاد الجعليين داك قالو هوالخرب المنبر وبوظ الداتا بيس .. |
انا ذاتى قلت كدة
لان البوست به كمية كبيرة جدا من الاذكياء الجعليين ...
وواضح ان ذكائكم هو من يحل مشكلة البورد ..
| Quote: بضحك على تعديلاتك الكتيرة الفي مداخلتك |
معليش السرعة بث
تسلم
|
Post: #9
Title: Re: الي بكري .. نسخة برنامج المنتدي اقدم من التركية السابقة
Author: سيف الدين حسن العوض
Date: 04-07-2007, 04:38 PM
Parent: #8
نؤيد المقترح ونبصم بالعشرة
اقتراح رائع
ياناذر من قروش الشيلة المكندكة ديك تبرع لاخونا بكري
العرس ملحوق يااخونا علشان نشوفك كل يوم
وياعاصم ياريت تؤيد هذا المقترح علشان نعالج مشكلة
دارفور اسفيريا وله رأبك شنو!!!
|
Post: #10
Title: Re: الي بكري .. نسخة برنامج المنتدي اقدم من التركية السابقة
Author: عاصم ابوبكر حامد
Date: 04-07-2007, 04:43 PM
Parent: #1
الاخ سيف
لك التحية
Quote: وياعاصم ياريت تؤيد هذا المقترح علشان نعالج مشكلة
دارفور اسفيريا وله رأبك شنو!!! |
والله انا مؤيد الفكرة تماما
ومشكلة دارفور لا تعالج اسفيرى اطلاقا الا بعد الجلوس فى البرش والمصلاية...
وراى واضح فى المشكلة ...
بث ناذر يطلع القروش المكدكدة ديك
وانا بطلع العلى ...
تسلم
|
Post: #11
Title: Re: الي بكري .. نسخة برنامج المنتدي اقدم من التركية السابقة
Author: اساسي
Date: 04-07-2007, 06:37 PM
Parent: #10
ربنا يديكم العافية لالتقاط هذه البادرة الطيبة مني
بس ما تطلع جعجعة
شايف احمد عبد الله مسلك في الخيط كويس بالله نشوف كنجالاتكم بدل حلوقكم
|
Post: #12
Title: Re: الي بكري .. نسخة برنامج المنتدي اقدم من التركية السابقة
Author: ناذر محمد الخليفة
Date: 04-07-2007, 06:53 PM
Parent: #1
يا عاصم وسيف ..
قروش شنو العندي ؟!!
كلها رااحت في التجهيزات ..
بعد ما تنتهو من دعم بكري .. أعملو بوست لي دعمي الشخصي وحا أرسل ليكم رقم الحساب ..
|
Post: #13
Title: Re: الي بكري .. نسخة برنامج المنتدي اقدم من التركية السابقة
Author: شهاب الفاتح عثمان
Date: 04-07-2007, 07:29 PM
Parent: #12
| Quote: [ن الدار ملك لنا جميعا] |
لي قدام
|
Post: #14
Title: Re: الي بكري .. نسخة برنامج المنتدي اقدم من التركية السابقة
Author: A.Razek Althalib
Date: 04-08-2007, 07:26 AM
Parent: #13
اساسي..
يا حلاة دِقدِق..
عشان تيجو تقولوا ليهو وين نصيبنا من دخل الموقع..
شوف يا اساسي..
بيني بينكـ جيت بالمفيد ليهو ولينا..
لكن حكاية:
| Quote: فبكري خجول في هذه الناحية. |
البخجل من بت عمو ما بيجيب ولد..
وكان بوستيكـ ده إتقص قصة سناء خالد..
وبقى قرباناً لثورة الإتصالات بين واقعنا المذري..
وطموح ملاحقة جموح التقنية المتجدد..
قال خجول قال..
|
Post: #15
Title: Re: الي بكري .. نسخة برنامج المنتدي اقدم من التركية السابقة
Author: ناذر محمد الخليفة
Date: 04-08-2007, 10:10 AM
Parent: #1
Quote: البخجل من بت عمو ما بيجيب ولد..
|
|
Post: #16
Title: Re: الي بكري .. نسخة برنامج المنتدي اقدم من التركية السابقة
Author: A.Razek Althalib
Date: 04-08-2007, 10:47 AM
Parent: #15
| Quote: : D |
ناذر..
بدون مقوقلة لكبسولة المثل الفوق ده..
أحممم الله يجازيكـ...
أصلوا أخوكـ علامو مصري..
واساسى عامل مؤتمر تقني للألفية الثانية بصيغة مبالغة التركية السابقة..
وبيل قيتس ذاتو جاء متأخر شوية في عصر الحكومة الإلكترونية..
وخدمة الجيل الثالث 3.5G المطور..
غالي جداً..
وفي نفس الوقت تم كشف ميل الجنس الناعم بحسب تحليلات الإستبيانات ميولهم لمشاهدة الفضائيات عبر خدمة الجيل الثالث..
ومن هنا..
مكاسبو بقت بالمليارات وما قاعد يخجل من حكاية كشف الأفكار أو دفعو للضريبة..
اللهم لا حسادة..
بس إلا الخجلة ماها سمحة والغنج شين ومنكور..
|
Post: #17
Title: Re: الي بكري .. نسخة برنامج المنتدي اقدم من التركية السابقة
Author: nadus2000
Date: 04-09-2007, 10:51 AM
Parent: #16
حلاوتك يا أساسي لما تكتب في المفيد وبعيد عن "الدبابين والدبابات"..وإغازة خلق الله.
وغيب تعال تلقانا نحن يانا نحنا.
أتفق تماما مع ما ورد بمداخلة الصديق الدود أساسي من مقترحات وأثنيها...وأضيف بأن هناك كثير من الاخوة المختصين
والعرفين بشعاب هذه التقنية، والذين أثق في أنهم لن يبخلوا بأي عطاء للمحافظة على هذا المنبر....فيمكن الاستعانة بهم في تطوير وتحديث المنبر.
|
Post: #18
Title: Re: الي بكري .. نسخة برنامج المنتدي اقدم من التركية السابقة
Author: abuguta
Date: 04-17-2007, 06:54 AM
Parent: #17
احتفالا بالبنوته الجديدة
اساسية
|
Post: #19
Title: Re: الي بكري .. نسخة برنامج المنتدي اقدم من التركية السابقة
Author: عبده عبدا لحميد جاد الله
Date: 04-17-2007, 09:32 AM
Parent: #18
Quote: هذا هو الاحتمال الوحيد لإمكانية الدخول إلى الشبكة
من المملكة دون المرور عبر بروكسي مدينة الملك عبد العزيز للتقنية!!
|
يامحمد سليمان الستالايت كيف ،وكاسر البروكسي كيف
يعني ممكن تمر وبروكسي مدينة الملك عبد العزيز في آخر نومة
|
|