Post: #1
Title: الرياض رابطة الصالحية : أبناء سوري يقولون لأبناء الخرطوم سوري
Author: حمزاوي
Date: 04-07-2007, 10:39 AM
Parent: #0
رابطة الصالحية : فوز فريق سوري على الخرطوم في الدوري العام
الرياض : حمزاوي
بإداء رائع ومستوى ممتاز أبناء سوري ينتفضون ويقتنصون الثلاث نقاط ويدخلون حسابات التأهل للمرحلة الثانية في الدوري العام للصالحية وسط حضور جماهير كبير امتلأ بهم مدرجات ملعب الصالحية بحي العود بالرياض يتقدمهم رئيس جمعية سوري بالرياض الأستاذ خليفه والأستاذ الصحفي المخضرم حسين حسن حسين مؤسس فريق الخرطوم قدم فريقا سوري ( دنقلا ) والخرطوم مباراة رائعة ممتعة يعد من المباريات الكبيرة تشجيع الجمهور وأداء المباراة وسيرها داخل الملعب ذكرنا مباريات السنترليق بالسجانة ودار الرياضة بأم درمان تعليقات ظريفة على اللعبات الحلوة ، ظهر من بداية المباراة رغبة أبناء سوري في الحصول على الثلاث النقاط فكانوا منظمين داخل الملعب يعرف كل لاعب مهامه فأجاد في تنفيذها ولو وفق مهاجم الفريق أسامة لكانت النتيجة ثقيلة على أبناء الخرطوم فقد أطاح بكرتين بعيداً عن المرمى وهو في حالة انفراد ومواجهة المرمى وبدون مضايقة من أحد وسط استغراب الحضور وعند الدقيقة الخامسة عشر ومن كرة ساقطة أمام مرمى الخرطوم لم يحسن الحارس الجعلي التوقيت لها يلعبها معتصم في سقف المرمى هدف أول لسوري هذا الهدف أشعلت المباراة فتحرك وسط الخرطوم بقيادة النجم أسامة تنقا فيضيع سامي كرة مضمونة ويرد عليه عفيفي بقذيفة يمسكها الجعلي على دفعتين ويواصل وسط فريق الخرطوم تقديم الدعم لمهاجميه فيبدع حارس سوري معاوية في التقاط كل الكرات من كل الاتجاهات فكان نجم الشوط لإنقاذه لفريقه من أهداف مؤكدة حتى علق أحد الجمهور معاوية الليلة دش سااااي يلتقط كل شئ أنتهي الشوط الأول بتقدم سوري بهدف معتصم .
الشوط الثاني زاد متعة المباراة وأرتفع الأداء أكثر فكانت المباراة مفتوحة من الجانبين قدم نجوم سوري تابلوهات جميلة أدهشت الجميع بادلهم لاعبي الخرطوم الأداء فكانت هجمة هنا وهجمة هناك وواصل نجم سوري الكابتن محمد علي إبداعه وأزعج مدافع الخرطوم هيثم ويتخطاه ويضع الكرة في الشباك كهدف ثاني لسوري عند الدقيقة 20 فنشط لاعبي الخرطوم لإحراز هدف ليعيدوا ثقتهم وتقليص الفارق فكاد سامي أن يضع كرة مقصية في المرمى ولكن كالعادة يبدع معاوية ويخرجها ركنية فزاد صيحات أبناء سوري من حماس لاعبيهم فنظفوا المنطقة في كل الاتجاهات فكثرت الرميات الجانبية والركنية لم يحسن لاعبي الخرطوم استغلالها فأعلن الحكم نهاية الشوط والمباراة بفوز فريق سوري على الخرطوم بهدفين دون مقابل وينال الثلاث نقاط ويصبح رصيده ثلاث نقاط من مباراتين والخرطوم بثلاث نقاط من ثلاث مباريات والفريقين يدخلون في الحسابات الصعبة لنيل البطاقة الثانية لأن فريق بشائر الشمال يتصدر هذه المجموعة بتسع نقاط .
أدار المباراة حكم ساحة أسعد عبده ومساعد أول صلاح هاشم ومساعد ثاني الأمين عباس وحكم رابع شاكر حامد ومراقب فني عصام ود السكة .
برز من فريق سوري الحارس معاوية والمهاجم محمد علي وعفيفي وكمال ومحمد عبدالله ومهند وسعيد ومن فريق الخرطوم سامي وعامر وبكري .
|
Post: #2
Title: Re: الرياض رابطة الصالحية : أبناء سوري يقولون لأبناء الخرطوم سوري
Author: Mohamed Abdelgaleel
Date: 04-07-2007, 10:43 AM
Parent: #1
الخال حمزاوي .. تحياتي
لقد كان عرساً كروياً .. يحفز للمداومة على
الحضور .. رغم أن الفريقين حديثي عهد بالرابطة
ولكنهما كانا قمة الروعة والأداء الحماسي ..
مبروك سوري .. بداية قوية الخرطوم
|
Post: #4
Title: Re: الرياض رابطة الصالحية : أبناء سوري يقولون لأبناء الخرطوم سوري
Author: عماد محمود علي
Date: 04-07-2007, 11:04 AM
Parent: #2
الخال الراقي حمزاوي
مسكاقمي
بما أنني من أبناء ( سوري ) وفي نفس الوقت من أولاد ( الخرطوم ) إلا أن الطبيعة تغلب التطبع ، أهنيء أبناء سوري بهذا الفوز المستحق ومزيد من التفوق والنجاح من أجل مدينة سوري الطيبة .
**** شكراً يا خال على وصفك الدقيق ، كن بخير . ********
عماد
|
Post: #3
Title: Re: الرياض رابطة الصالحية : أبناء سوري يقولون لأبناء الخرطوم سوري
Author: ناجى أحمد البشير
Date: 04-07-2007, 11:01 AM
Parent: #1
دى بصراحة عايزة ترجمه حاولت اقراها من كل الجهات فشلت ( ده عربى جوبا ولا شنو )
|
Post: #5
Title: Re: الرياض رابطة الصالحية : أبناء سوري يقولون لأبناء الخرطوم سوري
Author: welyab
Date: 04-07-2007, 11:56 AM
Parent: #3
| Quote: دى بصراحة عايزة ترجمه حاولت اقراها من كل الجهات فشلت ( ده عربى جوبا ولا شنو ) |
انا من خارج السرب.... ولكن الخال حمزاوي (نوبي) من اندنــــا .... وعشان كده لازم نسأل ؟؟؟
سؤال وبالعربي اياه ( زعال )... المامفهوم شنو... مش احسن من ( تزع و تزعين ) .. وغال .. وعيد الاستغلال.. واشكاليات النطق المغلوط .... لاخوتنا المستعربين المتشديقين مدعيي العروبة.. والحاجات دي ... يوميــــات زهجـــــــان
تخريمه
جديد لنج بمناسبة التعداد السكاني
موظف التعداد يسأل مواطن حنوبي ..
الموظف : اسمك مين ؟
المواطن : خمسه وتلاتين .........
الموظق : قلت ايه ... اقصد كام ... واحتار في طريقة الكتابة ... تفنيط ولا ارقام .. وتمتم ببعض العبارات وواصل
الموظف : 35 طيب اسم ابوك ايه "
المواطن ... وبحده ... طيب ( 30 ) دا ابوك انتا.. !!!!
|
Post: #7
Title: Re: الرياض رابطة الصالحية : أبناء سوري يقولون لأبناء الخرطوم سوري
Author: ناجى أحمد البشير
Date: 04-07-2007, 02:18 PM
Parent: #5
عزيزى ولياب
ما تدقش
بينى وبين اخوى حمزاوى فى شوية مزح تقيل لانه مريخابى والجماعه ديل طوالى زعلانين
عارف ليه ؟؟
لانهم طوالى مغلوبين ؟؟؟
وليهم خمسة سنين ما شافوا الممتاز وكاس السودان يكتبو سطر ويفطو سطر
كنت اتمنى مداخلتك السمحه دى لم اتهجم حمزاوى على اخطائى الاملائيه قبل كده فى بوست
تجمع الفنانين قبل شهر تقريبا .. لكن يظهر ( انا واخويا على ابنى عمى )
.. وعشمى فى ان تبقى معي ابني عمى على الغريب ان دعا الداعى
|
Post: #6
Title: Re: الرياض رابطة الصالحية : أبناء سوري يقولون لأبناء الخرطوم سوري
Author: حمزاوي
Date: 04-07-2007, 12:09 PM
Parent: #3
| Quote: دى بصراحة عايزة ترجمه حاولت اقراها من كل الجهات فشلت ( ده عربى جوبا ولا شنو ) |
الاخ ناجي
سلام
انت جيت
وصلت كيف
دي العرجا لي مراحا
|
Post: #8
Title: Re: الرياض رابطة الصالحية : أبناء سوري يقولون لأبناء الخرطوم سوري
Author: ناجى أحمد البشير
Date: 04-07-2007, 02:21 PM
Parent: #6
عليكم السلام حمزاوى
المشوار بيناتنا طويل و شكلك أفلست من اوله وعايز تجيب من الاخر
طول بالك وخلى روحك رياضيه وانا زعلى بعيد شديد وكان غيرك اشطر
|
Post: #10
Title: Re: الرياض رابطة الصالحية : أبناء سوري يقولون لأبناء الخرطوم سوري
Author: حمزاوي
Date: 04-08-2007, 06:20 AM
Parent: #8
Quote: عليكم السلام حمزاوى
المشوار بيناتنا طويل و شكلك أفلست من اوله وعايز تجيب من الاخر
طول بالك وخلى روحك رياضيه وانا زعلى بعيد شديد وكان غيرك اشطر |
ناجي اخوي
مسكاقمي
لا يا اخوي التقيل في الاخر ولسع نحن في البداية
معليش الهزيمة كانت مرة
وهاردلك
لو كنت عارف الهزيمة حيزعلك كدا كنت وصيت الدناقلة يكتفوا بالتعادل
ولا انتو دايرين تفوزوا طوالي
عجبي يا اولاد الخرطوم
فعلاً المشوار بيناتنا طويل ومافي داعي للجكة دي من البداية
أها يا اخوي ناجي الليلة كيف
جوبا مالك علي . . تذكر جوبا وسامي (الله يرحمه)
مع امنياتي
|
Post: #9
Title: Re: الرياض رابطة الصالحية : أبناء سوري يقولون لأبناء الخرطوم سوري
Author: عبد المنعم عمر عثمان
Date: 04-07-2007, 04:07 PM
Parent: #1
شكرا الوجيه حمزاوى على نقل الاحداث وهى شبه حية من وصفه الجميل .
نبارك لفريق ســــــــورى الفوز و نقول للخرطوم هاردك لك و الجايات أحلى .
وشكر خاص للإستاذ ناجى أحمد البشير على التعليق و المداخلة فى بوست خاص بالصالحية وللأمام .
تقليعة :- فى غياب الحبيب مهدى الصادق نظرا لمشغولياته هذه الأيام الخرطوم لعب المباراة بالزى الأزرق !!!!!!
ولكم ودى ،،،،،،،،،،،،،،،،،،
|
Post: #11
Title: Re: الرياض رابطة الصالحية : أبناء سوري يقولون لأبناء الخرطوم سوري
Author: حمزاوي
Date: 04-08-2007, 08:31 AM
Parent: #1
فووووووق
عشان خاطر فريق اخونا ناجي البشير المهزوم بهدفين
|
Post: #12
Title: Re: الرياض رابطة الصالحية : أبناء سوري يقولون لأبناء الخرطوم سوري
Author: عبد المنعم عمر عثمان
Date: 04-08-2007, 11:03 AM
Parent: #1
قلت يا حمزاوى فريق الجزيرة كيف يوم الجمعة ؟؟؟
إنشاء الله تنستروا وما .............
طبعا إنت عارف نحن حا نشجع منو !!!!!
ســـــــــــــــــــــــلام ،،،،،،،،،،،،
|
Post: #13
Title: Re: الرياض رابطة الصالحية : أبناء سوري يقولون لأبناء الخرطوم سوري
Author: حمزاوي
Date: 04-08-2007, 11:25 AM
Parent: #1
Quote: قلت يا حمزاوى فريق الجزيرة كيف يوم الجمعة ؟؟؟
إنشاء الله تنستروا وما .............
طبعا إنت عارف نحن حا نشجع منو !!!!!
ســـــــــــــــــــــــلام ،،،،،،،،،،،، |
يا باشمهندس عبدالمنعم
مسكاقمي
شجع اللعبة الحلوة
وانت عارف مين البيلعب حلو
طبعاً صديق الموج ما معانا في الحاجات الحلوة
|
Post: #14
Title: Re: الرياض رابطة الصالحية : أبناء سوري يقولون لأبناء الخرطوم سوري
Author: عبد المنعم عمر عثمان
Date: 04-08-2007, 01:45 PM
Parent: #1
Quote: يا باشمهندس عبدالمنعم
مسكاقمي
شجع اللعبة الحلوة
وانت عارف مين البيلعب حلو
طبعاً صديق الموج ما معانا في الحاجات الحلوة |
شوف يا حمزاوى صديق الموج لو هزمكم يوم الجمعة شتيمته جاتكم و لو فزتم عليه برضو الشتيمة جاتكم يا ط ......
وتحياتى ،،،،،،،،،،،،،،،،،،
|
Post: #15
Title: Re: الرياض رابطة الصالحية : أبناء سوري يقولون لأبناء الخرطوم سوري
Author: حمزاوي
Date: 04-09-2007, 07:23 AM
Parent: #1
الاخ عبدالمنعم
مسكاقمي
| Quote: شوف يا حمزاوى صديق الموج لو هزمكم يوم الجمعة شتيمته جاتكم و لو فزتم عليه برضو الشتيمة جاتكم يا ط ...... |
صديق الموج دا لسانو متبري منو
أها حيعمل ايه هو يوم الجمعة
طبعا لقاء يوم هو الفاصل إذا انهزم (وحيحصل أن شاء الله) يكون خلي ولي صديق
|
|