وزير الإعلام السوداني: اعتداء 1992 على الترابي أثر على ذاكرته وأنساه القرآن

سلام للجميع
وجدت هذا الموضوع المضحك في الشرق الأوسط اليوم فقلت أضحكم معاي، ففي سبيل رمي كبيرهم الذي علمهم السحر والإنقلابات لا يتورعون برميه بجميع الموبقات حتي يخلي لهم الجو وياكلوا كيكة الشعب الغلبان براهم. فالزجل كان واقف ليهم في حلقهم شوكة حوت لا بتتبلع لابتفوت وكيكة ياكوها خمسة أحسن من ياكلوها عشرة

وزير الإعلام السوداني: اعتداء 1992 على الترابي أثر على ذاكرته وأنساه القرآن


الرباط: عمر عبد السلام
قال مسؤول في الحكومة السودانية وقيادي في المؤتمر الوطني (التنظيم الحاكم) ان الدكتور حسن الترابي الامين العام للمؤتمر الوطني الشعبي المعارض، «منذ ثلاث سنوات اصبح اسيرا لمضاعفات حادة للاعتداء الذي تعرض له في مدينة أوتاوا بكندا عام 1992 من قبل شاب سوداني». وقال مهدي ابراهيم وزير الاعلام السوداني في لقاء صحافي في الرباط «ان الترابي بات ـ حسب ما توقع له الاطباء اثر الحادث ـ حاد الطباع ويتحدث عن نفسه كثيرا ولا يعتد بالرأي الآخر، ووصل به الامر الى ان يستفز رئيس الدولة امام الملأ».
واضاف مهدي ابراهيم في اجابته على سؤال حول الخلاف بين التنظيم الحاكم والمؤتمر الشعبي ان الترابي عقب الحادث «الذي اثر على ذاكرته، نسي القرآن الكريم الذي كان يحفظ جميع آياته، ولم يعد يتذكر منه سوى سورة الفاتحة مما اضطره للعودة لحفظه مرة اخرى

يانوبا

قديما قالوا وحديثا أيضا التور لما يقع كترة البتابت
عيب..والبتابت دي أظنها بتعني الحفيت والرفسي..وقديما قالوا
وحديثا أيضا التور لما يقع بتكتر سكاكينه

والله وزير الأعلام دا جلط جنس جلطة..يعني الزول دا لما هو أصلو
مفوت وما واعي بالحبة كيفن عاد كان ممشي رئيس البلد لحدي
ما حسني مبارك قال البشير سكرتير..إنت عارف يانوبا كان كدي
البلد كان ممشينها ناس محمد الحسن الأمين أو الأمين محمد الحسن
أو الأمين الحسن محمد أو الحسن محمد الأمين..علتي في تذكر أسماء
ناس الجبهة

المهم يانوبا دام ما فيها قرآن..تذكر قصة الجن الكانوا شغالين خوف
عديل كدي من سيدنا سليمان وهو براقبهم..مساكين الجن كانوا ما عارفين
سيدنا سليمان ميت وشبع موت لحدي ما جات الآرض وشرمت ليك عصايته..الجن منو؟
والارضة منو؟

سلام بناديها
شنو المصحيك لحد هسه، ماقالوا الناس العجايز الزينا بنوموا بدري
الساعة عندنا بقت 1 بعد نص الليل
قبل مانشوف الأرضه منو وسيدنا سليمان منو ، نشوف التور منو، التور لسه ماوقع، ده وقعته ليها صوت لأنه فارغ مظهرآ ومخبرا
يبقي الأرضه هم غلمان الجبهة والآكلين علي كل الموائد من أمثال سبدرات ومهدي أبراهيم ديل تجدهم متي مدت للئام مائدة
والإسمو محمد الحسن الأمين ده براهو كوم، الراجل ده ماكان يحلي ليه إلا عربية المنظمة التي كنت أعمل فيها عشان يودي أولاده للخرطوم، قال لأنها العربيه الوحيدة المكيفه في الإقليم، يسلط واحد من ناس الأمن ينزل السواق او المسئول ويقول ليه عاوزين العربية لعمل مهم، وشوف عيني مرته و أولاده راكبين فيها، وما مهم حكاية عندنا خطة عمل عاوزين ننفذها، دي حاجات ما مهمه عندهم، المهم المدام تصل مكيفه للخرطوم، شوف الورم الكنت فيه ديل جابوا لينا المرض الله يمرضهم ياشيخ ، قول آميييييييييييييييييييييين

القليب البدق دا ياهو الكاتلني..دفعتك بحب والنوم جافاني
عاد كان فيكم واحد شاف أم فيونكة إلا يقول ليها أنا مكتول هواك
بام فيونكة


دا لسان حالي

:ودا لسان حال الشعب السوداني يانوبا
لا يوافق وردي على ما يقوله المسؤولون من أن رياح الحرية
تهب على البلاد منذ إزاحة الشيخ حسن الترابي من السلطة قبل
عامين. وختم وردي قائلا: يؤكدون وجود هامش للحرية، لكنني لا
أرى شيئا فالموسيقى السودانية لم تتطور قيد أنملة حتى أنها
لم تبق في مكانها وانما تراجعت

أنتهي كلام وردي

وآمين

نوبا
ياخوى انتو بتقروا الشرق الاوسط دى قبل ما تصدر ولا شنو ؟؟؟

اقتباس:نسي القرآن الكريم الذي كان يحفظ جميع آياته، ولم يعد يتذكر منه سوى سورة الفاتحة مما اضطره للعودة لحفظه مرة اخرى
*****
ما هذا؟
اما ان يكون هذا الرجل اصلا ما حافظ القران وبدا الان
وهذا بعد خسران الدنيا طبعا
واما ان يكون قد اصبح في عداد المجانين
وليس على المجنون حرج لكن العيب ان تدس المرض وكمان تحكم
ويقيني كلاهما صاح
وشتان ما بين موسى وخوسة

benadieha
ya jameela
I love your responses to such hot issues .
we should know that nobody can manage FITNA more that Muslim Fandamantalists .
all through the islamic history , you can find how they managed their derent opinions ( with exception of the time when Sayeedona Mohmed was the religous and political leader)

الترابى يحصد مازرعه طوال عمره وحتما سوف يقيمه التاريخ جيدا يوما ما عندما يتتبع الناس ماقاله وصرح به وهو خارج السلطه وعندما يكون فيها عندا قاله وهو فى اللجنه المركزيه للاتحاد الاشتراكى وما قاله وهو خارجها وما قاله عن الاشتراكيه فى الاسلام وما قاله عن الراسماليه وهو فى الانقاذ وماقاله وهو داخل الانقاذ وما قاله وهو خارجها وما وصف به عمر البشير وهو معه لحد ان شبهه بالصحابه وماقاله بعد الخلاف والوصف الذى كاله له لم يقله مالك فى الخمر وماقاله عن نميرى ووصفه له بمجدد الدين على رأس القرن وماقاله عنه بعد الانتفاضه ووصفه له بالطاغوت . بالتأكيد هناك من السودانيين أحسن منى ىلاف المرات يرصدون كل هذه الاشياء للتاريخ .
أما مهدى ابراهيم فهو تلميذ الترابى واحد حوارييه وهو كان رئيس تحرير الرايه وقد حوكم بالكذب الضار آنذاك فى عام 1986 وكلكم أو اغلبكم تتذكرون وصف الرايه للضباط الذين تم فصلهم فى ذلك التاريخ ووصفتهم بالشيوعيين وانهم كانوا يدبرون لانقلاب ولما اقاموا دعوى على الرايه ورئيس تحريرها مهدى ابراهيم حكمت المحكمه على الرايه بالكذب والزمته بتعويض الضباط ثم لما قام انقلاب يونيو 89 قامت الجبهه باعدام اغلب هؤلاء الضباط . ومهدى ابراهيم هو مرشح الجبهه فى دوائر الخريجين
واذا قال فى شيخه هذا الكلام فهو تربيته وخريج مدرسة الجبهه