كلامك في محلو

اقول ليك حاجه يا كوف كلامك في الصميم بس عايزة اقول ليك النت ده وسيلة للتعارف سهلة ومجالها واسع بس مجرد التعارف يعني العلاقة بعد داك بتصل لي وين وشكلها شنو بيحددها الطرفين و حكاية تصون نفسها دي ما محكومة بالنت زي الواقع بالظبط ويمكن في علاقات النت الوصول لي مرحلة الخطر اسرع لانو الانسان بطبعو ممكن يتكلم بانفتاح اكتر مع شخص ما شايفو ولا في حاجة تربطو بيهو كوسط معين او مجتمع او مكان
في النهاية زي ما قال احد طرفي الحوار النت زي الدنيا بالضبط فيها و فيها ابسط مثال اقولوا ليك انو لو بنحلل الامور رياضيا كده كانت علاقات الجامعة تكون انضف العلاقات و الاقرب للنهاية السليمة وسط اكاديمي طلبة جايين من اسر كويسةطالما قدرت وصلتم المرحلة دي من التعليم لكن الحقيقة شي و الواقع كلنا عارفنو