Post: #1
Title: إفرض مثلا يعني
Author: أسير الغرام
Date: 06-16-2002, 08:44 AM
السلام عليكم شباب ، معذرة للانقطاع لظروف خارجة عن الإرادة لكن كنت معكم بروحي وبعض الأحيان أمر مرور سريع على البوستات الموجودة .
عندي ليكم اليوم موضوع هام وهو : لو أصبحت رئيس جمهورية السودان الديمقراطية ح تعمل شنو ؟ أتمنى أن يجد لديكم القبول والمشاركة الفعالة .
أنا غايتو ما عارف كان بقيت رئيس السودان بعمل حاجات كثيرة خلاص أول حاجة أنظم عمل الأحزاب والتنظيمات السياسية من جميع النواحي بعدين لازم يكون في تجديد في القيادات التاريخية يعني عايزين دماء جديدة وفكر جديد ، بعد كده أدعو لعقد مؤتمر السودان الدستوري لوضع الدستور الدائم ومناقشة مختلف القضايا المصيرية .
بالنسبة لفترة الرئاسة ح تكون لمدة 7 سنوات وهي فترة انتقالية وسوف تكون الحكومة حكومية قومية وطنية فيها جميع ألوان الطيف السياسي ولازم يكون فيها من الجيش وكذلك القوي الحديثة ، الجيش يا ناس عشان اضمن ما يكون في انقلاب على حكومتي والعساكر يشربونا الزيت .
وبعد أن يتم الاستقرار السياسي أعدكم بأن يكون هناك استقرار اقتصادي بالتالي اجتماعي كبير وسوف تتدفق الأموال العربية والاستثمارات العربية للسودان وأكيد ح تكون هناك تنمية كبيرة تشمل جميع نواحي الحياة في البلد ، واهتمام بالتعليم والصحة والبنية التحتية من طرق مواصلات وكهرباء ومياه .
بالله لقيتوني كيف يا جماعة ما أنفع منظر كبير لحزب من الأحزاب الموجودة أو مستشار للرئيس نفسه .
آمل أن يجد الموضوع مناقشة جدية وفعالة من جميع الناس
ولكم جزيل الشكر على سعة صدركم
ـــ
أسير الغرام يا قلبي ظلموك الحبايب سقوك الآلام يا قلبي
|
Post: #2
Title: Re: إفرض مثلا يعني
Author: Al-Masafaa
Date: 06-16-2002, 12:56 PM
Parent: #1
I will die from wounder!! Looolll
|
Post: #3
Title: Re: إفرض مثلا يعني
Author: bamseka
Date: 06-16-2002, 04:13 PM
Parent: #2
حبيبنا
اسير الغرام
وينك يا معلم
نورت
انا قايتو يا حبيبنا ماعايز رئيس لكن ممكن اكون الحرس بتاعك رايك شنو
|
Post: #4
Title: حرس بس
Author: أسير الغرام
Date: 06-17-2002, 10:45 AM
Parent: #1
الحبيب بامسيكا
والله ياخوي انت تستاهل وزارة الداخلية كلها
وكل ما يتعلق بشئون الأمن والنظام العام
عشان تجنن لي ناس حجر ونورالعين وحبيب الكل ديل يامان
اما نور العين وحبيب الكل بديهم وزارة الشئون الاجتماعية
لتحسين العلاقات الاجتماعية بين جميع البورداب وبالذات الجكس
واحد ح يكون وزير والتاني وزير دولة
رايك شنووو
ـــ
أسير الغرام ياقلبي ظلموك الحبايب سقوك الآلام يا قلبي
|
|