Post: #1
Title: توعدنا وتبخل بالصورة..مامشكلة ..حأرسمها انا
Author: wadazza
Date: 06-15-2002, 05:24 PM
|
Post: #2
Title: Re: توعدنا وتبخل بالصورة..مامشكلة ..حأرسمها انا
Author: moram
Date: 06-15-2002, 05:54 PM
Parent: #1
سلامات ود عزة
تحياتي واحترامي
وما اظن اكون في اجمل من كدا
لي قدام
مرام
|
Post: #3
Title: Re: توعدنا وتبخل بالصورة..مامشكلة ..حأرسمها انا
Author: 7abib_alkul
Date: 06-15-2002, 05:56 PM
Parent: #1
|
Post: #4
Title: Re: توعدنا وتبخل بالصورة..مامشكلة ..حأرسمها انا
Author: wadazza
Date: 06-15-2002, 06:21 PM
Parent: #3
مرام..أولا مرحبا بحضورك عد غياب طويل ونتمنى تواجدك الدائم ومساهماتك المستمرة فى البورد مع تحياتى
حبيب الكل..الصورة المرسومة أحسن من المصورة..مش كده يا صاحبى..تحياتى
ودعزة |
|
Post: #5
Title: Re: توعدنا وتبخل بالصورة..مامشكلة ..حأرسمها انا
Author: rahmy
Date: 06-15-2002, 10:28 PM
Parent: #4
الاخ الغالى ود عزة
تحية اخوية خالصة مرسولة لك
يا لروعتك يا اخى ...صورتك الشعرية تتعدى مدى الخيال و تسرح
بنا فى عوالم حالمة .ساحرة
الاغنية فى السلك.. يسلم ذوقك
صدقنى يا ود عزة ابداعك احيا فى دواخلنا الحزينة
حب دفين
و فجر فينا شلالات فرح
لك التقدير..
ود السجانة
|
Post: #6
Title: re:
Author: غدى
Date: 06-16-2002, 01:10 PM
Parent: #1
ود عزه يا مرهف الاحساس اسمح لى ان ارد وبلسان حبيبتك
الوتر الرنه نغم اشواقى وحبى معاك ياهو السبب الخلى عيونى تستناك الكلمه
الحلوه الطاليه ضميرى من جواك الخلت قلبى يصارع الغربه عشان انجمى
وتلاقاك انا مرسوم فى راحه يدك حس النغمه الجابه غناك انا مقتول فى كلمه
احبك كلمه ارديك وانا بهواك وعندى الدنيا صوتك صوتها حتى سماها ياها سماك
وطعم الغربه الكانت مره تصبح حلوه لانى معاك
اتمنى لك التوفيق
تحياتى غدى
|
Post: #7
Title: Re: re:
Author: Al-Masafaa
Date: 06-16-2002, 01:21 PM
Parent: #6
Ya Mafkharaa, 7ayak allah
itfadal hadia mn akhook!!
رجعلك قليبى المهضلم
يراجع صنوف الغناوى .. العصيـّة
يراجع معاك الكلام القبيل إستباكْ
الكلام المبهرج وفاضى
الكلام المزيف
وما فيهو غير إحتلام وإنفصام
تموت الحروف .. يوم تقوم القصائد
مقام الطبول والبخور
**********
بشوفك جرايد شواكر حوامِد
ولا هامِّى فيها
عليها المصايب .. تمام التمام
مغايص بتفرم حشاها
وغباين بتنفُخ بطون البسفـّوا التراب
وحايح لهيب البتنفح .. تلهْـلِبْ .. وتشوى الجلود
أتف القصايد
إذا ما القصايد دايرة ليكى البكا
البصاحب رِضا السرِّدار
وأتف القصايد
إذا ما القصايد بتنزل مريدة
وتسبِّح بحمد الذى إبتلاكى
.. وهدانى الودار
********
طريتك وأنا الكنت قايل
خيالك معشعش جوايا
سكنتك .. وما لاقى فِجـّة
أخيرلِكْ أقول البحرِّق حشايا
أخيرلِكْ أفضفِضْ جراب الخبايا
أقول الكلام البفكك سوارك
يوقـِّف جدارك .. ويرفع عضايا
تضيع الرموز التغطى الكلام
أقول السكاكر .. أبتنى ورمتنى .. وكفانا
أقول العساكر .. تبارِى الكبارى
تفتش قلوب الجُهال الشلوخهُمْ .. هويّة
وأغنى الزيود .. والكنانة
كِضِبْ
أقول البنات البفتْحَـنْ صِدورْهِن
يقالدن رشاشك .. ويخلّنْ حبيبهِنْ
كِضِبْ
************
مُراحك .. يعشِّى .. ويفشِّى
خدارك .. يرطـِّب .. يندِّى الضَهَارِى
تُرابَك يبوسِبْ .. يقوِّم دُخُن .. لو زرعتوا الحجارة
وِلادكْ .. بِلادك .. كروها السَّحالى
تسفِّر سعيتك
تقنِّب تبارى الجداد العُقالى
تجوع يا البشدِّر خريفك سفافى البطانة
ويمطِّر رزازك .. عزازاً حصاية
وقموحك سنابل مُشاط كردفانى
***************
وِلادك قُصادك .. شُعاع التحايا
يضووا الشقوق التَّلِم الدوابى
ويورّوا الدروب لى القلوبهم عمايا
عرقهم حُبالك .. وصوتهم مشانق
تلم الدقون الكبيرة
وتحدِّر فِقَرْ .. سمنتها اليالى الضليمة
بتهدر حرايق .. وتحمى البياكلوا المطايب
وتسجن بطون الجياع .. العرايا
وشوشهُم سُمُر .. حَر أباطك
صفوفهُم مقامك .. وحِلمك حِلِمهُم
رغيفة وكرامة .. وسلامة
مصانع بتحرق قبُل تبدا فيها
مزارع بتيبس
ونيلك ممدَّد جنازة
وعقيدك .. وسِيدك .. بيكتب ويمحى
وتبقّ المحاية
|
Post: #8
Title: Re: توعدنا وتبخل بالصورة..مامشكلة ..حأرسمها انا
Author: tally
Date: 06-16-2002, 02:05 PM
Parent: #1
ود عزه الديمة على القلب عندك معزه...عندي ليك حاجتن........الاولى...
اى حبيبتي ابعث تحياتي، الى زهرتي الحمراء، حبي الازلي الاول و الاخير، الى مهجة القلب الباسم الشافي توام الروح ، الى حياتي الغالية ، عصفورتي المغردة و قبلتي الحانية، الى الصدر الحنون و القلب الدافئ ، الى الغالية الرائعة الفاتنة، الىعروس الغد و امل الحاضر، الى لمسة الانوثة في دنياي و الرقة المجسمة،،،، رقيقة المبسم دافئة العينين،،،، الى ذات الشعر المتهدل ،،،،، يدان كالمرمر و جيد كانه السحر و شعور دافئ كانه الصبح في يوم الربيع
الحاجة التانية..... ياخي انا اتعميت عديل كده.... المره الجاية ابقا صغر الفونت شوية كده 
|
|