البرى والثرثرة

هنالك اشياء تدعو الى والوقف والتامل ومن هذه الاشياء الثرثرة او البرى

مثلا يقال لك الزول ده براى شديد بمعنى انه اذا لقاك احلك الحله بله يعنى اله تجر

يتكلم ويتكلم حتى تشعر بالممل والزهج منه ولا يترك لك فرصة لكى تشاركه الحديث

واذا عقبت على كلامه اذا انتا فتحت له فرصة لتوسع فى كلامه بمعنى من هذا التعقيب يمكن ان تفتح له باب لتعمق فى الحديث

ولكن البرى مربوط بعوامل سكيولوجية واخرى نفسية لهذه الشخص

دعوة الى النقاش

بــــــــــــــوب

انا غايتو ما بتكلم كتير لوووووووول
ما باين مش؟
والحمد لله بعرف كيف ازوغ من الناس البرايين
لكن يخيل لى انك ما حتقدر تصل لنتيجة
انا غايتو حاولت احلل قبل كدا
لكن لقيت كل حالة بتختلف عن الاخرى
وفى الاخر رجعتها للوراثة

الاخت / سماح

انتى عارفه والله الزول البراى ده بعمل فينى جنس عمايل

والله مابفضل لى اله اضربه باى حاجه قدامى وشى بحمر طوالى

لكن والله حقيقة انو الزول البراى ده الواحد جد ماهما حاول افتش تفسير منطقى ليهو كدا مالقه

ولكن فى الحقيقة كما زكرتى البرى مربوط بعوامل سكيولوجية تركيبية فى الشخص

بس ياسماح انشاء ماتكونى برايه لانى والله جنى وجن البرى وانا مابحب الكلام الكتير

بـــــــــــــوب

حبيبنا بوب
لك التحيه
عزيزي
لا ادري لماذا نصر علي استخدام هذا المصطلح كثيرا ولماذا ننعت شخص به
نعم يوجد بعض الناس محبي الثرثره ولكن لا اعتقد ان هناك شخي يمكن ان يرغمك علي ان تسمعه وانت لا تريد
فمن غرائب الامور تجد ان الفتاه تنصت الي الشخص باهتمام بالغ وكانه يروي لها فتح الاندلس وتجدها مندمجه في الحديث بكل شعورها وبعد ان ينفض السامر تقول ليك( ولله الزول دا براني جنس بري) فهل ارغمها هذا الشخص علي الاستماع اليه؟
فلماذا نصر علي استخدام ذلك المصطلح برغم من عدم وجوده فعليا فذا لم يعجبك الحديث فلماذا لا تنصرف في حال سبيلك؟

الاخ حبيب الكل

الثرثرة او البرى هذا الاسم الذى لايعجبك كمازكرتا ولكن هذا الاسم الشعبى هو الاسم المشهور به صاحب الثرثرة كان رضينا ام ابينا

الثرثار كما قلت اذا لم يعجبك حديثه فالماذا لاتذهب فى حال سبيلك ولكن هل انتا اذا كنتا تتحدث معا ابيك ونفرض انه من الثرثارين هل تستطيع ان تتجاهله وتذهب فى حال سبيلك ؟

ولكن هناك اشخاص لايستطعون الذهاب فى حال سبيلهم لاسباب منها عدم جرح مشاعر هذا الشخص او اعطاءه بانك غير مهتم ولكن يمكنك ان تنسحب من الحوار معه باى علة تراها مناسبة ولكن لكل شخص الحرية فى التصرف

ولك الود

بـــــوب

اعزائي في البدايه لكم الود
عزيزي حبييب الكل مالك شايفك زي الاتحسستا كدا ههههههههههه
بعدين جد والله في نوع كداما بتقدر تفر منو يعني ما بتقدر تحرجو وكداو بعدين في النوع البشرك ليك داك اها دا تسوي ليهو شنواو لو مثلا كان ضيف عندك او صاحب ابوك مثلا ببقى مافي طريقه غير تنبري ليهووفعلا بتبقى كارثه لما الزوول البراي دا يكون لايوق في نفس الوقت في النهايه المساله بتعتمد على طبيعتك انتا و طبيعه العلاقه البتربطك بالزوول الثرثار داوفعلا قد تكون المساله دي وراثه و قد تتحكم فيها ظروف الزوول النفسيه وكدا
اها ما ابرييكم اكتر من كدا هههههههههه
لكم كل الود والتحيه

الاخ / ايهاب لك التحية

بالضبط كما قلت

بــــــــــوب