Post: #1
Title: منوت وين راح؟؟؟؟
Author: اسوتريبا
Date: 06-15-2002, 05:35 AM
Parent: #0
يا جماعة منوت خايف يدوه عين لانو الجنوبي الوحيد والا شنو ....ليهو مدة مختفي لعل المانع خيرا ....وده بيقود لي ملحوظة ليه اولاد بلدنا الجنوبيين ما بيشاركو في بورداتنا ...هل لانهم ما بيجيدو الكتابة بالعربي....و الموضوع نوقش اكتر من مرة ولكن بالمقابل نسأل نفسنا سوال هل نحن بنشارك في فعالياتهم .....
ووينك يا منوت ؟
|
Post: #2
Title: منوت موجود
Author: منوت
Date: 06-15-2002, 06:26 PM
تشكرات يا حبيب بتاعنا .. و منوت موجود .. و العصفور فوق العود .. و مسعود ضبح الخروف.. و الخروف ضبح منوت ..
ومنقو قل لا عاش من يفصلنا
|
Post: #3
Title: Re: منوت موجود
Author: اسوتريبا
Date: 06-16-2002, 05:18 AM
Parent: #2
نور بيتنا و شارع بيتنا ...دبايو ...لباب ....ميرشاد....و ينك يا حبيب بتاع الكل ...دشمان بقي كنير في بورد دي ..والا شنو ..و مانغوا عزيز بتاع بورد انت ...عاوزين مواضيع بتاع جنوب وثقافة بتاع جنوب و طرب اهل بتاعنا في جنوب ...و جماعة ديل كلهم منتظرين منوت حبيبناكلنا ...وتحيات بلون الورد لولاد وبنات اهلي بلون الابنوس ......و نورت بورد يا منوت
|
Post: #5
Title: Re: منوت موجود
Author: degna
Date: 06-18-2002, 02:47 AM
Parent: #3
سلام الي الاخوين منوت واسوتريبا وفعلا محتاجين ان نسمع مثل هذا الكلام الجميل واقترح لكم فتح نافزه لابداعات الاقاليم المهمشه من تراث وادب وفن وبزلك نساهم في نشر ابداعات الاقاليم المهمشة والعمل علي نشرها اعلاميا وهزا يساعد في تعريف ثقافتنا لاخوتنا في الوطن فما رايكم اخوتي اسوتريبا ومنوت وكل الاخوه في البورد سلام لبابي رهنوكنا
|
Post: #4
Title: سلامات يا حبيب
Author: منوت
Date: 06-17-2002, 04:55 PM
اكب تشكرات لي إنتكم .. و أخوك منوت موجود و بيتابع كل أحداث بتاع بورد دي .. لكن إيد قصيره و عين بصيره ..
إنتكم بيسأل عن إبداع (جنوب) .. فهل إنتكم بيقصد (جنوب) سودان ، أم (جنوب) عالم ..
منوت مشعول بي فنون جنوب عالم .. و سنغال همن مثال لي فنون جنوب عالمي .. و أما جنوب سودان فنتمنى أن يعود (عقل) لكل ناسات سودان .. عشان (أغنيه) حلوه بيمرق للعالم ..
____
ومنقو قل لا عاش من يفصلنا
|
Post: #6
Title: Re: سلامات يا حبيب
Author: OmDur
Date: 06-18-2002, 09:06 AM
Parent: #4
عايزين ( أغانى ) حلوة تطلع للعالم
بس انت ما تغيب
وليه من بعيد لبعيد ؟؟
|
|