تتغابى فيني المعرفه......؟؟؟

في اوروبا والدول المتقدمة
(مع الاعتذار للفنان محمد السني دفع الله)
جميعنا اغراب كادحون من شتى بقاع الارض توجد دائما قواسم مشتركة وصلات لا تنفصم عراها سواءا كانت الدم الواحداو الوطن او اللغة اوالدين او....(الوحده والشوق والعذاب) فكلها صلات لا يمكن نسيانها او تجاوزها لمن يحيا كانسان تربطه الحياة باخرين في اي مكان وزمان،لكن هنالك البعض واعني السودانيين الذين يعيشون كما ذكرت في اوروبا والدول المتقدمة منهم من نسى ومنهم من تناسى ومنهم من لم يتذكر اصلا في حياته ان له اهل بلد وعشيرة واخوان يتواجدون في اي مكان من الارض لابد ان يكون لهم ولو جزء بسيط في حنايا القلب والروح تمتد منه اواصر العشرة والحنين لتنسم نفحات الوطن في هجير غربة الاحساس فالغربة كما ارى غربة احساس لا غربة ناس لانهم متواجدون كما قلت لكن البعض لا يشعرون،ارسم على وجهي مبادئ ابتسامة حينما المحهم تشرق السمرة من وجوههم ويتالق النيل في العيون ويافرحتي وبهجتي حينما اسمع اللغة فاتاكد من كونهم سودانيين لكن يالخيبتي عندما اتقدم للسلام عليهم وارى الامتعاض او اللامبالاة على الوجوه فاتسمر مكاني واشعر بالاحباط كونهم سودانيين !!!!!!
مشهد يتكرر بنفس التفاصيل تقريبا وربما حدث مع الغالبية منِ مَن اعرف من سودانيين ...... فاين يكمن العيب ؟؟ فينا ؟؟؟ ربما ، فيهم ؟؟؟ ربما ، في السودان ؟؟؟.........

الخواض
لك كل التحايا
يؤسفني ان اقول لك ان الصورة الجميلة التي كنت احملها دوما للسودانيين قد تشوهت كثيرا بعد تجاربي معهم في الغربة سواء كانت تجربة عابرة كاللتي ذكرتها انت هنا او عميقة كالصداقات او التعامل اليومي من خلال العمل
حقيقة نحن السودانيون شعب غريب الاطوار- نحب بعضنا و لكننا لا نبغي الخير لبعضنا ... عكس كثير من الشعوب الاخرى فعاطفة الحب الاخوي عندهم تكاد تكون معدومة لكنهم يساعدون بعضهم كثيرا لشق طريق النجاح- اما نحن فدوما لدينا احساس ان من تساعده سيعض يدك يوما او سيتنكر لك او يتفوق عليك و بالذات اذا كان قادم جديد للغربة فافضل وسيلة (عشان ما يتلصق فيك و ما تقدر تتحل منو انك تتغابى فيه العرفة )؟؟ هذا المنطق رغم بشاعته الواضحة لكنه للاسف منطق الكثير من السودانيين في الدول المتقدمة تلك

الاخ الفاضل انا اختلف معاك و اقول لك ان الناس معادن ما كل السودانيين بتصفون بهذه الصفه ومها كان السودانى فى الغربه احسن من اى جنسيه اخرى والوحيدين تلقاهم على تكاتف مهما كان انت ما شفت الاجناس الاخرى وكيف يلصق فيك وانت بتقول انو يحاول الابتعاد منك وفى الحقيقه انا بشوف السودانيين هم اكثر الشعوب تماسكا والدليل على ذلك قيام الجمعيات فى اى دوله والجمعيات من قبيله لاخرى يعنى فى كل مدينه تجد اكثر من جمعيه لقبيله سودانيه معينه وهذا دليل على التماسك والتسامح والترحاب مع كل هذا لايخلو طبعا من الفئه التى تحدثت عنها انت ولكنها قليله

تحياتي د/الساره
من بين حروفك توصلت الي نقطه هامه
بالرغم من ما نحمله او ندعيه !! من حب لبضنا
ولا كن بدخلنا كميه من الحسد
فلماذ؟؟؟


اخي بكاش
كلامك جميل اخي ... لكن
دعنا ننظر للواقع بعين مجرده
فتلك الفئه التي قلت عنا قليله تكاثرت مع مرور الذمن
وتذداد اتسعا كلما طالت الغربه
اي ان القدامي لا يريدون التعرف علي القادمون الجدد
والجدد عندمو يقدمون لا ينسون ما فّعل بهم ... وتدور الدئره
الا من رحم ربي .... وهم قله كما اراهم
............
من خلاك حديثك ذكرت جمعيات لقبائل معينه
اليست هذه ايضا دعوه للانفصال والتفرق
اي ان لم تكن من قبيلتي لا اساعدك
؟؟؟؟؟؟؟؟؟؟؟؟؟

العزيز الخواض

ما غريب أبدا اسمع من كتير من السودانيين انهم بيفضلوا التعامل مع الجنسيات الأخرى والابتعاد عن التعامل مع السودانيين. واللي عاش كثير في الغربة بيعرف كتير عن موضوع الابتعاد ولا أسميه النفور
الحقيقة انه السودانيين زي ما بياخدوا معاهم صفاتهم الكويسة الى دول الاغتراب بيحملوا برضو خصالهم السيئة. ومن ضمنها التواكل والاعتماد على الغير ورفع الكلفة أحيانا بصورة مزعجة...الخ. وبعض السودانيين ما عندهم في قاموسهم حاجة اسمها (الجميل) عشان يقيموه ويردوه أو يتذكروا انه بعض التصرفات تعتبر نكران للجميل..وفي طبعنا نحن السودانيين قدر وفير من اللامبالاة بما فيها عدم الاهتمام بمشاعر الغير... وبتهيأ لي للأسباب دي وتفاديا للكتير من المشاكل البعض بقول الاحسن نقفل باب الريح

والله الصفات السيئة اللي بتظهر بصورة سافرة في الغربة كتيرة. الحياة في الغربة مختلفة كتير عن في السودان والناس بيكفيها الفيها ما بتكون عايزة مشاكل جديدة
كلنا بنهلل لما نعرف انه في سوداني في الجوار لكن بصراحة الواحد من تجاربه وتجارب غيره واللي بسمع بيه بقى دائما يتوقع الاسوأ، حتى الفرحة الأولى بشوفة السودانيين ما عاد يتهنى بيها
تكون الغربة والاكتئاب اللي فيها خلونا ما نطيق بعض؟

أنا مع بكاش

وكمان شوية مع الخواض..أنا بقيت ما ببادر بالسلام على أي
ود زرقة إلا إذا كان وشو مباشر..ومن زمان أشتري من اليهودي
ولا أشتري من البياع السوداني..بس في حاجة ياسارا
ورمانة..المصريون بفتوها فت في بعضهم وبقولوا نفس الكلام
إنهم بحسدوا بعضهم وبحفروا لبعضهم..الفليينين برضو وناس
جانوار وسبنا برضو..بس والله بدا كلهم الناس ديل بحبوا
أوطانهم..ونحنا في السودان

يا خواض يا اخوى الكلام دة صاح واى حاجة لكن بينى وبينك كدى برانامش فى سودانيين الواحد بيخاف يتعرف عليهم وديل اقلية انا عارفة لكن نعرفهم كييييييييييف وكظاهرة عامة والله الحاجة دى ابدا ما مشرفة

لك كل التحايا

استبشر خيرا باهلك


أولا جذبني هذا الموضوع حقيقه بالنسبه للسودانيين ليس بدول اوربا فقط لا ياخوي يا خواض حتى فى الدول العربيهوفى دول الخليج ايضا ولكن كما قال الأخ بكاش الناس معادن ويظل المعدن الاصيل يتلألا حتى ينير فى الظلام فلك عذرك بما رأيت أو احسست من مشاهد ولكن يظل الالماظ الماظا والدهب دهبا والحديد حديدا والفضه فضه ولا شنو يا جماعة البورد

لكن ماتخاف على السودانيين لانو السوداني الاصيل ود البلد سيظل هو بمعدنه
وباصالته وبللألته المشعه وبكرمه وبحل مشاكل من تعتريه ولكن للأسف أقليه هي

الشوهت الصوره


ومهما تكن لأمرىء من خليقة

وان خالها تخفى على الناس تعلم


ام هاني

والله يا اخوانا انا مريت بنفس المواقف البتكلم عنها الخواض
لكن انا بقول فى ناس هاجرت واتخلعت يعنى جاتهم صدمه حضاريه
فبقوا ما يميزو فا نا الفئة ده برجعها لى نشأت الواحد وتربايته فليها دور كبير فى هذه التصرفات وانا بعتبرها نقص فى الواحد

رمانه
بناديها
ام قمر
احلام
كولا
شكرا ليكم وبجيكم راجع
تحياتي

عزيزتي رمانه
لك التحيه
انا برضو بسال معاك


عزيزي بناديها
وكيف نبحث عن مجتمع متكامل كيف نريد ان نغير وضعنا العام في السودان
عزيزي دعني احكي عن النازيه في المانيه
لقد توصل الالمان ان نازيتهم تنتقل بي كلمات تصدر من افواه الاباء والامهات اكثر من ما تنتقل بي الخطب المباشره
فالاطفال يحتفظون في زاكرتهم بكلمات صدرت من والديهم اكثر من ما يلتقطونه من الخارج ... لذلك تصور كيف يكون حال الجيل القادم لما سيمع من ابوه ولا امو ولا اخوه الكبير انو ما بتعامل مع السودانين ولا انو بتاحاشه السودانين
........ معاي في انو الغربه حتبقي غربتين


اختي أم قمر
تحياتي .... وان لم نجد هذه الاقليه كما سميتيها
هل نتخلي عن الكل ......
؟؟ مجرد سؤال


اختي أحلام
الاقليه التي تحدثتي عنها واتي ريتها انا
اغلبيتها من الشباب
مما يعني ان المشكله عظيمه


عزيز كولا
لو قنا
المابتشوفو في بيت ابوك بخلعك
نحنا شفنا شنو
ماهي الحاجات كلنا جديده علينا