Post: #1
Title: مزامير الزمن و الرحلة..................للمبدع الاستاذ هاشم صديق
Author: rahmy
Date: 06-11-2002, 08:57 PM
Parent: #0
مزامير الزمن و الرحلة
مزامير الزمن ناحت على الحب الفتر ولى
وبقيت مصلوب على الجرح الصعب و الليل
وحيد فى مسرح الهجرة
مطارات السفر يا ليل بكت من ظلمة الرحلة
و شبابيك الغرف جنت من الاحزان و الذكرى
اشيل قلم الصبر و اكتب:-
عن الجبل الشهق حسرة عن الحب النزح فى التية...
ومات بى سكتة العرفة
عن الارض...الزمن......الشوك
عن الجمرة الابت تصحا
عن الصاحب وكت يسقط
عن الصدق الصبح نكتة
اشيل قلم الحلم و ارسم
ملامح لى فرح مجنون.......واعود امحا
وحيد فى الارصفة المغسولة بالمطر النزف فجاْة
صقيع الغربة فى عضمى وشقا التلج الصِبِح لعنة
قطارات المدن تهدر
تقيف لحظة
تشيل جسمى وتجر لمحة
وحيد فى مقعد التذكار
افكّر فى سَما الحلة
اسامر فى مراكب النيل
وارتّل فى غُنا الشُلّة
قطارات المدن تهدر
تقيف لحظة
تفوت جسمى
وتغيب لمحة
وحيد تانى
وحيد فى الارصفة المغسولة
بالتلج الصِبح لعنة
انا المستنى زى مجنون
شمس مرسال من الخرطوم
وزول واصينو شان يحقن
عروق الغربة بالفرحة
انا المستنى ريد مجهول
انا..............
ويموت حِلمى
واعود اصحا
واعود اصحا............؟
من ابداعات الشاعر و الكاتب المسرحى الاستاذ
هاشم صديق..........لة التحيةو التقدير
ود السجانة
متين تتحقق اللقيا و متين يتقابلو الاحباب
شربنا دموعنا ما روينا حملنا الشوق ملانا عذاب
|
Post: #2
Title: Re: مزامير الزمن و الرحلة..................للمبدع الاستاذ هاشم صديق
Author: waleed500
Date: 06-11-2002, 09:19 PM
Parent: #1
اشيل قلم الحلم و ارسم
ملامح لى فرح مجنون.......واعود امحا
وحيد فى الارصفة المغسولة بالمطر
الغالى ود السجانه
ونحن هنا بنشيل القلم وبنرسم ملامحك انت وبنبحث فى دواخلك عن الفرح
والفرح من دواخل كلماتكم فرح من توع خاص
اهلا بيك اخى والف تحيه للرائع هاشم صديق
|
Post: #3
Title: Re: مزامير الزمن و الرحلة..................للمبدع الاستاذ هاشم صديق
Author: rahmy
Date: 06-11-2002, 10:16 PM
Parent: #2
اخوى الرائع دوما وليد
دواخلى مسكونة بنبض كلماتك الرقيقة
وصدقنى يا وليد ستظل اوتاد الحب مغروسة
فى دواخلى طالماهناك دم يسرى فى شرايينى
وطالما هناك توهج حضورك
ود السجانة
|
Post: #4
Title: Re: مزامير الزمن و الرحلة..................للمبدع الاستاذ هاشم صديق
Author: 3asoola
Date: 06-12-2002, 00:37 AM
Parent: #3
saalmzzzz ya rahmy, thanx alot for the nice poem wo inshalla yajeek almorsal wo ya7gin 3roog '3orbtak bail fara7
|
Post: #5
Title: Re: مزامير الزمن و الرحلة..................للمبدع الاستاذ هاشم صديق
Author: rahmy
Date: 06-12-2002, 04:06 AM
Parent: #4
الاخت الغالية عسوووووووولة...
الشكر العميق لك لامنياتك لنا بالفرح
وان شاء اللة الفرح يغمر بيادر كل المغتربين
فلقد طال انتظارنالمجىء المرسال
من الخرطوم يا عسولة وحاضنين الامل و لسان حالنا
يقول الصبر جميل
مع خالص تقديرى لك
ود السجانة
متين تتحقق اللقيا ومتين يتقابلو الاحباب
شربنا دموعنا ما روتنا حملنا الشوق ملانا عذاب
|
Post: #6
Title: يا لروعتك
Author: شرووم
Date: 06-12-2002, 12:18 PM
Parent: #1
الاخ الرائع رحمي
لك التحية وانت تحملنا على اجنحة الابداع والروعة وترسم في خطاوينا الموسومة بالتعب نكهة الابداع والالق كل ذلك صورته بريشة زعيم من زعماء الكلمة في بلادي الاستاذ هاشم صديق متعه الله بالعافية وحفظه لنا
ودمت اخي ودامت لنا لفتاتك البارعة
ــــــــــــــــــــــــــــــــــــــــــــــــــــــــــــــــــــــــ
في الدرب البجيبني عليك مالي محن يا وطن ديمة ليك بحن
|
Post: #7
Title: Re: يا لروعتك
Author: rahmy
Date: 06-12-2002, 03:08 PM
اخى الغالى شرووم
تحية ود ومحبة مرسولة لك
شكرا اخى على كلماتك الرقيقة
وما احوجنا اخى شرووم لحقن عروق غربتنا بالفرح
وما زلنا حاضنين الامل و نحن فى انتظار المرسال
وذى ماتغنى مبدعنا وردى
رسلنا ليهو زول مرسال
و المرسال مشى و ما جاء
مع خالص حبى الاخوى لك
ود السجانة
متين تتحقق اللقيا و متين يتقابلو الاحباب
شربنا دموعنا ما روينا حملنا الشوق ملانا عذاب
|
|